Тошкент шаҳар ФВБ бошлиғи ўринбосари қамоққа олинди

Коррупцияга қарши курашиш доирасида Давлат хавфсизлик хизмати органлари томонидан олиб борилган тезкор-қидирув тадбирлари давомида Тошкент шаҳар Фавқулодда вазиятлар бошқармаси бошлиғи ўринбосарининг ноқонуний ҳаракатлари фош этилди.

Жумладан, мазкур мансабдор шахс ўз хизмат мавқеини суиистеъмол қилиб, Тошкент шаҳрида қурилиши режалаштирилган биноларнинг эскиз лойиҳасини тасдиқлаш, ёнғиндан автоматик тарзда хабар берувчи қурилмалар бўйича тузилган далолатномаларни имзолаш ҳамда янги қурилган ёки реконструкция қилинган биноларни Давлат қабул комиссиясига фойдаланишга топширилишида ижобий хулоса бериш эвазига доимий равишда тамагирлик йўли билан пора олиб келган.

Ушлаш объектлар ичида умумий ўрта таълим мактаби ва тиббиёт муассасаси бинолари ҳам бор.

Ҳозирда мазкур шахсга нисбатан Жиноят Кодексининг тегишли моддалари билан жиноят иши қўзғатилиб, қамоққа олиш тарзидаги эҳтиёт чораси қўлланилган.

Дастлабки тергов ҳаракатлари олиб борилмоқда.

Telegram I Facebook I YouTube I Live

Ўзбекистонлик олимлар халқаро конференцияда биринчи ўринга лойиқ топилди

АҚШнинг Невада штати, Лас-Вегас шаҳрида "ТМS Annual meeting-2025" жаҳон конференцияси ташкил этилди. Унда аэрокосмик, машинасозлик ва илғор материаллар бўйича дунёнинг кўзга кўринган ташкилотлари, корхоналар ва таълим даргоҳларидан 4000 нафардан ортиқ олимлар иштирок этди.

Анжуманда Ўзбекистон жамоаси ҳам "Юқори энтропияли қотишмаларнинг микроструктураси ва механик хоссаларига турли иссиқликдаги тоблаш (аннеалинг) давомийликларининг таъсири чуқур таҳлили" мавзусида илмий иш билан иштирок этди.

Тадқиқот замонавий материалшунослик йўналишидаги долзарб муаммоларга ечим таклиф қилгани учун халқаро ҳакамлар ҳайъати томонидан юқори баҳоланди ва биринчи ўринга лойиқ кўрилди.

Маълумот учун, ушбу тадбирда ўз илмий кашфиёти билан иштирок этган техника фанлари доктори, профессор Элёржон Жумаев, дунёнинг кўзга кўринган ташкилотлари жумладан, "Hyundai Моtors", "Samsung", "NASA" ва "Оаk Ridge" миллий лабораториялари лойиҳаларида фаолият юритган ёш ўзбек олимидир. У 350 дан ортиқ янги турдаги материалларни кашф қилган, 7 тадан ортиқ халқаро патент ва 16 дан зиёд дунёнинг етакчи журналларида илмий мақолалари чоп этилган.

Telegram I Facebook I YouTube I Live

Жанубий Кореядаги ўрмон ёнғинлари қурбонлари сони 18 кишига етди

Расмий маълумотларга кўра, Чонсонда яна бир киши бедарак йўқолган.

10 киши, улардан икки нафари оғир тан жароҳати олган. 23 минг киши эвакуация қилинди.

Мамлакат раҳбарияти ёнғинларнинг янада кенгайишига йўл қўймаслик учун барча саъй-ҳаракатларни амалга оширишга чақирди.

«Биз ўрмон ёнғинларининг зарари илгари ҳеч қачон кўрилмаган даражага етишидан қўрққанимиз учун, шу ҳафтанинг қолган қисмида барча ресурсларимизни ўрмон ёнғинларига қарши курашишга қаратишимиз керак», – деди мамлакат президенти вазифасини бажараётган Хан Док Су.

Маълумот учун, ўрмон ёнғинлари ҳозирга қадар 17 минг гектар ўрмон ва 209 та уй-жой ва фабрикаларни вайрон қилган.

Telegram I Facebook I YouTube I Live

Рамазон ҳайити муносабати билан ўзбекистонликлар неча кун дам олади?

Ҳозирча Ўзбекистон мусулмонлари идораси расман Рамазон ҳайитининг аниқ кунини эълон қилмади. Бу ой чиқишига қараб, уламолар томонидан белгиланади. Дастлабки тақвимга кўра, Рамазон ҳайити 31 март, душанба кунига тўғри келиши кутилаётган эди.

Бироқ қўшниларимиз Қозоғистон, Қирғизистон ва Тожикистонда бу йилги Рамазон ойи 29 кун давом этиши ва Рамазон ҳайити 30 март куни нишонланиши эълон қилинди.

Агар Рамазон ҳайити бизда ҳам 30 март, якшанба кунига тўғри келиши эълон қилинса, унда Меҳнат кодексининг 208-моддасига биноан, дам олиш куни байрамдан кейинги иш кунига, яъни 31 март, душанбага кўчирилади.

У ҳолда байрам муносабати билан дам олиш кунлари қуйидагича бўлади:

29 март (шанба) — 5 кунликларга дам, 6 кунликларга иш;
30 март (якшанба) — Рамазон ҳайити;
31 март (душанба) — Рамазон ҳайити муносабати билан 30 март кунидан кўчирилган барча учун дам олиш куни.

Рамазон Ҳайити муносабати билан яна қўшимча дам олиш куни бериладими ёки йўқми (масалан, олти кунликлар учун шанбани дам олиш куни дея эълон қилиш), бу ҳозирча номаълум.

Telegram I Facebook I YouTube I Live

Эндиликда мурожаат қилиш янада осонлашди – Фермер минбари телеграм гуруҳи

Ўзбекистон фермерлари кенгаши ва ЎзЛиДеП ҳамкорликда фермерларнинг ҳуқуқий саводхонлигини ошириш, уларни ишончли ҳимоя қилиш, муаммо ва таклифларини тезкор ҳал этиш мақсадида “Фермерга ҳуқуқий ёрдам” акциясини ўтказмоқда.

Telegram I Facebook I YouTube I Live

Контрактни тўлиқ тўламаган талаба якуний ёки оралиқ имтиҳонларига киритилмаслиги керакми?

Контрактни тўламаган талабани якуний ёки оралиқ имтиҳонларга киритмаслик қонуний асосга эга эмас. Агар талаба умуман контракт тўламаса, уни талабалар сафидан четлатиш мумкин, холос.

Контракт тўлаш муддатлари:

➖ Абитуриентлар учун контрактнинг 25 фоизини – 15 сентябргача (ёки Давлат қабул комиссияси белгилаган муддатгача)
➖ иккинчи ва ундан кейинги босқич талабалар учун – 1 октябргача (ёки ОТМ раҳбарияти узайтирган муддатгача);
➖ Тўлов миқдорининг камида 50 фоизи – 1 январгача;
➖ Контрактнинг 75 фоизи – 1 мартгача;
➖ Контрактнинг 100 фоизи – 1 майгача (ёки ОТМ раҳбарияти узайтирган муддатларгача);
➖ ёки олий таълим муассасаси ректори (директори) томонидан узайтириладиган муддатгача.
Хорижий фуқаролар: ОТМ белгилаган муддатлар бўйича.

Telegram I Facebook I YouTube I Live

"Жиноятчи бошқа давлат фуқаросими?" - Навоий ҳокими масъулларни кескин танқид қилди

Навоий вилояти Нормат Турсунов жиноят қилиб жазо олган фуқаролар ишсизликдан қийналаётганига эътибор берган.

Telegram I Facebook I YouTube I Live

Ўзбекистонда Рамазон ҳайити 30 март куни нишонланади

Ўзбекистонда Рамазон ҳайитининг биринчи куни 30 март, якшанба кунига тўғри келади. Бу ҳақдаги Ўзбекистон мусулмонлари идорасининг ахборотини қабул қилиш ва байрамни кенг нишонлаш ҳақида президент қарори қабул қилинди.

Меҳнат кодексининг 208-моддасига мувофиқ:

ишланмайдиган байрам куни ҳисобланувчи Рамазон ҳайитининг биринчи куни 2025 йилда якшанба — дам олиш кунига тўғри келиши муносабати билан ушбу дам олиш куни 31 март — душанба кунига кўчирилиши;

бунда ишлаб чиқариш-техник ва ташкилий шароитлар (мавжуд узлуксиз ишлаб чиқариш, аҳолига ҳар куни хизмат кўрсатиш, навбатчилик асосида ишлаш ва бошқалар) туфайли ишланмайдиган байрам кунлари тўхтатиб қўйиш мумкин бўлмаган ишларни бажаришда дам олиш кунлари кўчирилмаслиги маълумот учун қабул қилинган.

Telegram I Facebook I YouTube I Live

Миллион ҳазиллари жамият ҳаётини яхши тарафга ўзгартирдими?

Кеча, 25 март куни “Миллион” жамоасининг 1 апрелдан 10 апрелгача “Халқлар дўстлиги” санъат саройида бўлиб ўтадиган концерт дастури олдидан матбуот анжумани ташкил қилинди.

Ушбу матбуот анжуманида жамоа раҳбари Даврон Кабулов аввалги концертдан қониқмаганлигини ва яқинда бўлиб ўтадиган концерт ҳақидаги янгиликларни ОАВ вакилларига очиқлади.

Шунингдек, мазкур анжуманда Effect.uz мухбирлари “Миллион” жамоасининг аъзоларига ўзларини қизиқтирган саволларини йўллашди.

Telegram I Facebook I YouTube I Live

Сайхунободда стадионда одамлар устига ҳайдалган Captiva аукционда 100 млн сўмга сотилиб, пули давлат ҳисобига ўтказилди

Сирдарёда стадионда одамлар устига ҳайдалган Captiva давлат даромадига ўтказилди. Маълум қилинишича, суд ҳукми билан машина давлат фойдасига мусодара қилинган. Бунинг ижроси эса МИБга юклатилган эди. Бюронинг Сайхунобод туман бўлими томонидан олиб борилган ижро ҳаракатлари давомида мазкур автомашина баҳоланган ва аукцион савдосига чиқарилган.

2025 йилнинг 3 март куни ўтказилган аукцион савдосида ушбу машина 100 млн 567 минг сўмга сотилган. Сотувдан тушган маблағ давлат даромадига ўтказилиши таъминланган.

2024 йилнинг 29 май куни Сайхунобод туманида маст эркак Captiva’ни стадионга бошқариб тушиб, атрофдагиларнинг ҳаётини хавф остига қўйган ҳолда машинани одамлар устига ҳайдаб борган эди. Ҳолат юзасидан Жиноят кодексининг 277-моддаси (безорилик) билан жиноят иши қўзғатилиб, ҳайдовчи тегишли тартибда қамоққа олинган ҳамда машина жарима майдончасига жойлаштирилганди.

Кейинчалик суд ҳукми билан ҳайдовчига 4 йил 6 ой озодликдан маҳрум қилиш жазоси тайинланган эди. Captiva машинаси эса жиноят қуроли деб топилган ва давлат фойдасига мусодара қилинганди.

Судда даъвогарлар ундан шикояти йўқлигини билдирган. Бироқ эркакнинг машинаси олд қисми билан икки нафар шахсни туртиб юбориб, воқеа жойидан қочиб кетгани оғирлаштирувчи ҳолат сифатида баҳоланган.

Telegram I Facebook I YouTube I Live

2024 йил маданий мерос объектларига етказилган зарар миқдори 300 млрддан зиёд!

Жорий йилнинг 25 март куни Ўзбекистон Миллий матбуот марказида Маданий мерос агентлиги томонидан «Халқаро маданий ёдгорликлар ва тарихий масканларни асраш борасида амалга оширилган ишлар» мавзусидаги матбуот анжумани бўлиб ўтди.

Мазкур анжуманда 2024 йилда амалга оширилган ишлар ҳамда маданий мерос объектларини ҳимоя қилиш борасида олиб борилаётган саъйи ҳаракатлар юзасидан маълумот берилди.

👉 ТЎЛИҚ ВИДЕО

👉 Батафсил

Telegram I Facebook I YouTube I Live

Одам ўлимига сабаб бўлган тарзда шаҳарсозлик тўғрисидаги қонунчиликни бузганлик учун жиноий жавобгарлик белгиланмоқда

Жорий йил 25 март куни имзоланган қонунга кўра одам ўлимига сабаб бўлган тарзда шаҳарсозлик тўғрисидаги қонунчиликни бузганлик учун жиноий жавобгарлик белгиланди. Бу ҳақда Адлия вазирлигининг "Ҳуқуқий ахборот" каналида хабар берилди.

Қонун билан Жиноят кодексига бинолар ва иншоотлардан фойдаланишга доир рухсатнома бериш ҳамда уларни фойдаланишга қабул қилиб олиш қоидаларини бузганлик, шаҳарсозлик соҳасидаги ваколатли давлат органларининг рухсатисиз объектларни қурганлик, қонунчиликни бузган ҳолда кўп квартирали уйлардаги таянч конструкцияларни ўзгартирганлик ва (ёки) реконструкция қилганлик, шунингдек, бинолар ва иншоотларни аҳоли пунктларининг тасдиқланган бош режалари, уларни режалаштириш ва қуриш лойиҳаларини бузган ҳолда лойиҳалаштирганлик, реконструкция қилганлик ва қурганлик учун жавобгарлик юзага келишини назарда тутувчи ўзгартиришлар киритилмоқда.

Бунда жиноий жавобгарлик айбдор шахслар ушбу ҳуқуқбузарликлар учун маъмурий жавобгарликка тортиб бўлинганидан кейин юзага келади. Одам ўлишига ёки бошқа оғир оқибатларга сабаб бўлган тарзда шаҳарсозлик тўғрисидаги қонунчиликни бузганлик учун алоҳида жиноят жавобгарлик киритилмоқда.

Шунингдек, қонунчиликни бузган ҳолда кўп квартирали уйлардаги таянч конструкцияларни ўзгартириш ва (ёки) реконструкция қилиш билан боғлиқ жиноятни биринчи марта содир этган ҳамда амалга оширилган ўзгартириш ёки бузилишларни, шунингдек, уларнинг оқибатларини ихтиёрий равишда бартараф этган шахс жавобгарликдан озод этилиши мумкинлиги назарда тутилмоқда.

Маъмурий жавобгарлик тўғрисидаги кодекс эса лойиҳа ташкилотларининг муаллифлик назоратини амалга ошириш доирасида бериладиган кўрсатмаларини буюртмачилар томонидан бажармаганлик, шунингдек, объектларни эксперт ташкилотларнинг шаҳарсозлик ҳужжатларига доир ижобий хулосасисиз қурганлик учун жавобгарликни белгиловчи нормалар билан тўлдирилмоқда.

Шунингдек, шаҳарсозлик соҳасидаги қоидабузарликлар учун солинадиган жарималар миқдорларини кўпайтириш назарда тутилмоқда.

Қонун матни ва Жиноят кодексига киритилган аниқ моддалар ҳозирча эълон қилинмаган. Адлия вазирлигига кўра, қонун расмий эълон қилинган кундан эътиборан 3 ой ўтгач кучга киради.

Telegram I Facebook I YouTube I Live

Пискентдаги қамоқхонада маҳбус қийноққа солинди

Тошкент вилояти Пискент туманида жойлашган 50-сон манзил-колонияда жазо муддатини ўтаётган маҳкум Т.И. колония ходимлари томонидан қийноққа солиниб, сўнг асоссиз равишда интизомий бўлинмага жойлаштирилган. Бу ҳақда у Олий Мажлиснинг Инсон ҳуқуқлари бўйича вакили (омбудсман)га мурожаат қилган.

Омбудсман ахборот хизматининг маълум қилишича, мазкур ҳолат жойига чиқиб ўрганилганда, маҳкум Т.И. Пискент тумани марказий шифохонасига жойлаштирилгани ҳамда шифокорлар хулосасига кўра, унинг бош ва кўкрак қисмида лат ейиш аломатлари аниқланган.

“Ишга оид ҳужжатлар ўрганилганда, маҳкум Т.И. интизомий бўлинмага 2025 йил 27 февраль куни жойлаштирилган ва унга 10 суткага интизомий бўлинмага киритиб қўйиш ҳақида қарор қабул қилинган. Ушбу қарор Тошкент махсус прокурори томонидан ўрганилиб, бекор қилинган ҳамда колония маъмуриятининг ҳаракатлари Жиноят-ижроия кодексининг 105-моддаси (маҳкумларни интизомий жазолаш шартлари) ва 111-моддаси (қўпол тартиббузарлик тушунчаси) талабларига зид деб топилган”,

дейилади хабарда.

Билдирилишича, маҳкум олти кун давомида асоссиз равишда интизомий бўлинмада сақланиб, унинг ҳуқуқлари ва эркинликлари бузилган. Шу сабабли, Омбудсман томонидан қонун талаблари бузилишига йўл қўйган ходимларга чора кўрилишини сўраб Ўзбекистон Республикаси Бош прокуратурасига назорат хати киритилган.

Telegram I Facebook I YouTube I Live

⚡️Прокурор ғўддайиб, суддан чиқиб кетди: Суд залида янгилик!

Кеча, 26 март куни жиноят ишлари бўйича Тошкент вилоят судида фуқаро Даврон Зияев иши доирасида суд жараёни бўлиши керак эди. Аммо, суд мажлиси прокурорнинг суд залини судьяларнинг рухсатисиз тарк этгани сабаб бошқа кунга қолдирилди. Ушбу ҳолат жамоатчиликда кескин эътирозларни келтириб чиқармоқда.

Прокурорнинг нега бундай ноодатий қарори ҳатто судьяларга ҳам маълум эмас. Хўш, бундай воқеалар қачонгача давом этиши мумкин?

Эслатиб ўтамиз, яқинда Наманган вилоят судида ҳам худди шунга ўхшаш ҳолат кузатилиб, судда иштирок этаётган прокурор махсус кийимда бўлмагани сабабли суд ОАВ хусусан EFFECT.UZ интернет-нашри ходимларининг суд жараёнини тасвирга олиш бўйича киритган илтимосномасини рад этган эди.

Ваҳоланки, судда даъвогар тараф ҳам бўлмаган. Прокурорларнинг фаолиятидаги камчиликлар тез-тез кузатилаётган бўлсада аммо на Бош прокуратура на бошқа тегишли идоралар бу ҳолатга панжа ортидан қарашмоқда. Ақалли, жамоатчиликка икки қатор расмий муносабат ҳам билдиришмаган.

Ахир Ўзбекистонда қонун-қоида прокурорга ҳам фуқарога ҳам бир хил ишлаши керак эмас-ми?

Telegram I Facebook I YouTube I Live

Жанубий Кореяда ўрмон ёнғинлари қурбонлари сони тобора ошмоқда

Жанубий Кореяда 21 мартда бошланган ўрмон ёнғинлари қурбонлари сони 24 нафарга етди. Ҳукумат бу ёнғинларни мамлакат тарихидаги энг йирик ҳалокатлардан бири сифатида баҳолади, деб ёзди Associated Press.

Корея фавқулодда вазиятларга чора кўриш маркази маълумот беришича, ёнғинлар оқибатида 1300 йиллик Gounsa будда ибодатхонаси ва 200 дан зиёд бинолар куйиб кулга айланган, 17,5 минг гектар ерга зиён етган. Хавфли ҳудудлардан 27 минг киши олиб чиқилган, 19 киши жароҳатланган.

Жанубий Корея президенти вазифасини бажарувчи Хан Док Су баёнотига кўра, жума кунидан буён тинмаётган ёнғин шу пайтгача кузатилган барча офатлардан кўра кўпроқ талафот етказди. У бор кучларни жамлаб, ҳафта якунига қадар ёнғинни жиловлаш шартлигини таъкидлади.

Кучли шамол учқунни тарқатиб, ўт ўчирувчиларга қийинчиликлар туғдирмоқда. Ёнғинларга одамлар сабабчи бўлгани тахмин қилиняпти: улар ерларни тозалаш учун хас-хашакларга ўт қўйган.

Telegram I Facebook I YouTube I Live