Хотин-қизлар учун автобус бошқариш бўйича текин курслар очилади

Хотин-қизлар учун махсус «Д» тоифага ҳайдовчилик курслари ташкил этилади. Бу ҳақда Транспорт вазирлиги хабар қилди.

Маълум қилинишича, ушбу курслар БМТ Тараққиёт дастури билан ҳамкорликда амалга оширилаётган «Тошкент – кам углеродли автотранспортга инвестициялар жалб этишни жадаллаштириш» лойиҳаси доирасида ташкил этилиб, ўқиш тўлови тўлиқ қоплаб берилади.

Курсни муваффақиятли тамомлаган иштирокчилар «Д» тоифали ҳайдовчилик гувоҳномасига эга бўлиб, «Тошшаҳартрансхизмат» АЖ автобус саройларига ишга жойлашишлари ҳам мумкин.

Қўшимча маълумотлар билан +998 99 444 60 80 рақами орқали танишиш мумкин.

Telegram I Facebook I YouTube I Live

Ўзбекистонга қўшни уч давлатда Рамазон ойи 29 кунда якунланиши кутилмоқда

Тожикистонда катта эҳтимол билан Рамазон ойи 29 кун давом этади ҳамда 30 март куни Рамазон ҳайити нишонланади. Бу ҳақда Тожикистоннинг Дин, анъаналар, байрамлар ва маросимларни тартибга солиш қўмитаси хабар берган.

«Тожикистон уламолари кенгаши 27 март куни якуний қарор чиқариш учун мажлис чақиради. Жорий йилда Ражаб ва Шаъбон ойлари 30 кунга чўзилгани сабабли юқори эҳтимол билан Рамазон ойи 29 кун давом этади. Минтақадаги барча давлатлар, шунингдек, Саудия Арабистони ва бошқа мусулмонлар давлатлар ҳам ҳозирча шу позицияда»,

— дея ҳукумат расмийсининг сўзларини келтирмоқда AsiaPlus нашри.

Шунингдек, қўшни Қирғизистон мусулмонлари диний идораси ҳам Рамазон ойи 29 мартга қадар давом этишини, 30 мартда Ҳайит айёми нишонланишини эълон қилган.

Қозоғистонда 27 феврал куни Рамазон ойининг бошланишига бағишлаб ўтказилган тадбирда ушбу мамлакат диний идораси вакиллари 30 март куни Ҳайит намози ўқилишини эълон қилган.

"Қозоғистон мусулмонлари диний бошқармасининг Шариат ва фатво қўмитаси Туркий давлатлар ташкилоти муфтийлар кенгаши билан биргаликда муқаддас ойнинг бошланиш санасини белгилади. Иншааллоҳ, 2025 йилда Рамазон ойи 1 мартда бошланиб, 29 мартда тугайди. Қадр кечаси 26 мартдан 27 мартга ўтар кечасида киради, Рамазон ҳайити эса 30 март куни нишонланади"

— деган Қозоғистон мусулмонлари идораси вакили.

Ўзбекистон мусулмонлар идораси бу масалада кузатиш ва ўрганиш ишлари давом этаётганини маълум қилди.

"Мазкур масалада кузатиш, ўрганиш ва тадқиқ ишлари давом этмоқда. Яқин кунларда хулосалар тақдим этилади, хабар қиламиз",

дейилади Мусулмонлар идораси тақдим қилган маълумотда.

Telegram I Facebook I YouTube I Live

Президент иштирокида ўтказилган ифторлик пайтида Ўзбекистон терма жамоси ҳақига дуо қилинди

Бугун, 25 март куни барча ҳудудларда эҳсон дастурхонлари ёзилиб, ифторлик маросими ўтказилди. Президент Шавкат Мирзиёев Тошкент шаҳрида ўтган ифторликда иштирок этди.

Тадбир аввалида давлатимиз раҳбари халқимизни ва жамики мусулмон умматини муборак Рамазон ойи билан яна бир бор табриклади.

– Ушбу шарофатли ойда гўзал диёримизда мана шундай файзли ифторлик маросимини эл-юртимиз билан биргаликда ўтказиш насиб этгани учун меҳрибон ва қудратли Аллоҳ таолога беҳисоб шукроналар айтамиз,

– деди президент.

Шунингдек, ифторлик пайтида Ўзбекистон терма жамоаси ҳақига дуо қилинди.

Эслатиб ўтамиз, айни дамда Ўзбекистон сафарда Эронга қарши ўйнамоқда. Ҳозирча ҳисоб 2:1. Ўзбекистон пешқадамлик қилмоқда.

Telegram I Facebook I YouTube I Live

⚡️Зоир Мирзаев бошқараётган – Тошкент вилоятига отилган «тош»: Қоралаш «кампанияси» кимнинг режаси эди? Саволларга жавоб…

Сўнгги кунларда Тошкент вилояти раҳбариятига нисбатан ижтимоий тармоқларда турли фикрлар тарқалмоқда.

Effect.uz вазиятга аниқлик киритиш мақсадида Тошкент вилояти ҳокимлиги ахборот хизмати раҳбари Беҳзод Қобулов билан боғланди.

Ҳокимлиик ходимининг билдиришича, турли блогерлар томонидан тарқатилаётган иддао ва танқидий чиқишлар мутлақо асоссиз бўлиб, бу борада Олим Сулаймонов томонидан айтилган бошқа барча гап-сўзлар туҳмат ва ҳақоратдан иборат.

Тошкент вилояти ҳокимлиги жамоаси хусусан, собиқ депутат Олим Сулаймоновни бундай туҳмат ва ҳақоратдан иборат гапларини тўхтатишга, очиқлик сиёсатини суистеъмол қилмасликка чақирган.

«Яна бир марта таъкидлаймиз, ҳар қандай қонун бузарликка доир аниқ факт ёки мисол бўлса, ҳуқуқ-тартибот идораларига мурожаат қилиши лозим. Шахсий фараз ва ғаразли мақсадларни кўзлаб гаплар айтиш ва тарқатиш маъмурий ва жиноий жавобгарликка асос бўлиши ҳақида огоҳлантирамиз», дейилади ҳокимлик баёнотида.

👉 ТЎЛИҚ ВИДЕО

Telegram I Facebook I YouTube I Live

"Эзгу ниятлар ижобат бўладиган муборак Рамазон ойида юртимизда, бутун дунёда тинчлик ва фаровонлик, меҳр-оқибат барқарор бўлишини сўраб дуолар қиламиз" — Шавкат Мирзиёев

Telegram I Facebook I YouTube I Live

Педагог ходимларга 1 октябрь муносабати билан бериладиган мукофот пули оширилди

Илгари ўқитувчилар меҳнатга ҳақ тўлашнинг энг кам миқдорининг 50% (577 500 сўм) миқдорида мукофот олишган.

Янги тартибга кўра, ПФ-51-сонли фармон асосида бу миқдор 75% га оширилди.

2024 йил 1 октябрдан бошлаб, мукофот миқдори 866 250 сўм этиб белгиланди.

Telegram I Facebook I YouTube I Live

Инспекция ходимлари томонидан янги мактабгача таълим муассасаси қурилиши тўхтатилди. Сифатсиз ишлар эса жойида буздирилди.

Қурилиш ва уй-жой коммунал хўжалиги соҳасида назорат қилиш инспекцияси ходимлари томонидан пойтахтнинг Бектемир туманида ўтказилган рейд тадбирлари тафсилотлари.

Telegram I Facebook I YouTube I Live

Навоийда ёзилган ифторлик дастурхони атрофида 4000 дан зиёд навоийликлар иштирок этди

Кеча, 25 март куни президент Шавкат Мирзиёев иштирокидаги анъанавий ифторлик тадбири доирасида Навоий вилоятида ҳам ифторлик дастурхонлари ёзилди.

Навоий шаҳридаги "Тинчлик" тантаналар масканида бўлиб ўтган ифторликда вилоят раҳбари Нормат Турсунов, нуронийлар, меҳнат фахрийлари, уламолар ва зиёлилар, турли дин ва конфессиялар вакиллари, ногиронлиги бор ва эҳтиёжманд навоийликлар иштирок этди.

Telegram I Facebook I YouTube I Live

Чиқинди полигонлари ҳудудида экосаноат зоналари ташкил этилади

“Чиқиндиларни қайта ишлаш соҳасини янада такомиллаштириш ҳамда комплекс тизимлаштириш чора-тадбирлари тўғрисида” ги президент фармони қабул қилинди.

Фармонга асосан, чиқиндиларни қайта ишлаш соҳасидаги асосий йўналишлар белгиланди, хусусан:

🔹мавжуд қаттиқ маиший чиқинди полигонларини 2030 йилгача 50 фоизга қисқартириш;

🔹янгидан ҳосил бўлаётган чиқиндиларни полигонларга йўналтирмасдан, максимал даражада қайта ишлаш ёки куйдириш, соҳага циркуляр иқтисодиёт амалиётини жорий қилиш.

2026 йилдан бошлаб чиқинди полигонлари Экология, атроф-муҳитни муҳофаза қилиш ва иқлим ўзгариши вазирлиги таклифига мувофиқ Вазирлар Маҳкамаси қарорига асосан ташкил этилади.

Шунингдек, Чиқиндиларни бошқариш
ва циркуляр иқтисодиётни ривожлантириш агентлиги
тизимида чиқинди полигонлари ҳудудида чиқиндиларни утилизация қилиш ва қайта ишлашга ихтисослашган саноат зоналари 30 йил муддатга ташкил этилади.

Бундан ташқари, Наманган ва Тошкент вилоятларида қаттиқ маиший чиқиндиларни термик усулда утилизaция қилиш (ёқиш) бўйича инвестиция лойиҳаларини амалга ошириш мақсадида қишлоқ хўжалигига мўлжалланган суғориладиган 19,87 гектар ер участкалари қишлоқ хўжалигига мўлжалланган ерлар тоифасидан саноат, транспорт, алоқа, мудофаа ва бошқа мақсадларга мўлжалланган ерлар тоифасига ўтказилади.

Telegram I Facebook I YouTube I Live

Ноҳақ ўлимга ҳукм қилиниб, 47 йил умрини жазони кутиб қамоқда ўтказган япониялик Ивао Ҳакамадага 217 млн иена (1,44 млн доллар) товон тўланади

Бу ҳақда Kyodo агентлиги хабар берди.

Ҳакамада 1966 йилда Сидзуока префектурасида тўрт кишидан иборат оилани ўлдирганликда айбланган. У ўлим жазосига ҳукм қилинган, аммо 2024 йил октябрда ўтказилган қайта суд жараёнида округ суди Ҳакамадани оқлаган. Судга кўра, тергов органлари иш бўйича далилларни сохталаштирган.

Ҳакамада ҳимояси у 47 йил етти ой давомида ноҳақ қамоқда сақланганини таъкидлаб, 2025 йил январ ойида судга даъво киритган ва товон пули талаб қилган. Аризада келтирилишича, Ҳакамада ҳозирга қадар ҳибсда ўтказган йилларининг асоратларидан азият чекмоқда.

Суд товон тўлаш талабини қаноатлантириб, Ҳакамада 47 йиллик қамоқ муддатининг 33 йилини ўлим жазоси ижро этилишини кутиш билан ўтказгани, бу эса унга жисмоний ва руҳий азоб берганини қайд этган.

Ҳакамада учун суд томонидан белгиланган товон пули Япония тарихида бу каби ҳолат учун тўланадиган рекорд маблағ ҳисобланади.

Ҳакамадани ҳимоя қилган юристлар гуруҳининг маълум қилишича, улар, шунингдек, Сидзуока префектураси ва миллий ҳукуматга қарши ҳам даъво киритмоқчи. Адвокатларга кўра, расмийлар 200 миллион иена билан ҳам оқлаб бўлмайдиган жиноятни содир этган.

"Ўз хўжайини, унинг хотини ва икки боласининг қотили сифатида айбланиб, 1968 йилда ўлимга ҳукм қилинган Ивао Ҳакамада ўтган йили суд томонидан оқланганди. Ивао Ҳакамада ҳозир 89 ёшда, қотиллик юз берган 1964 йилда у 28 ёшда бўлган",

дейилади хабарда.

Telegram I Facebook I YouTube I Live