Қозоғистонлик ҳайдовчи судда ChatGPT ёрдамида ютиб чиқди

Ўтган йилнинг декабр ойида Кенжебек Исмоилов йўл ҳаракати қоидаларини бузгани учун 5,8 минг тенге (тахминан 149 минг сўм) жаримага тортилган — у чорраҳада олдида турган юк машинасини айланиб ўтиш учун жамоат транспорти йўлагига чиқиб кетган. Бироқ ҳайдовчи жарима ўзига ноқонуний равишда белгиланганига амин бўлиб, дастлаб ички ишлар бўлимига ариза билан мурожаат қилган, сўнг рад жавоби туфайли судгача чиққан.

ChatGPT даъвогарга аризани тузишда ёрдам берди. «Сапа» хабарига кўра, нейротармоқ эркакка судянинг саволларига реал вақт режимида жавоб бериш жараёнида ҳам ёрдам берган ва бор-йўғи 10 дақиқа давом этган суд мажлисидан сўнг жарима бекор қилинган.

«Пул учун судга бормадим. Бу принципиаллик масаласи эди. Ходимлар кейинги сафар ўз ишига жиддий ёндашишларини истардим. Судда ходимлар ўзини қўпол ва нопрофессионал тутди. Бу фуқаролик бурчи эди», — дея ишонч билдиради Кенжебек.

Энди у полиция департаментига мурожаат қилиб, маънавий зарар учун товон ундиришни режалаштирмоқда.
Telegram I Facebook I YouTube I Live

Қозоғистон ҳудудига дрон қулаб тушди

Ғарбий Қозоғистон вилоятининг Жонибек туманида дрон қолдиқлари топилди. Бу ҳудудда сўнгги вақтлар ичида топилган учинчи дрон бўлди. Бу ҳақда Orda.kz хабар берди.

Ҳудудда яна бир номаълум дрон қулагани ҳақидаги дастлабки маълумот 24 март куни кечқурун пайдо бўлган. 25 март куни эрталаб Ғарбий Қозоғистон полицияси дрон аниқлангани сабабли текширув ўтказаётганини тасдиқлаган.

Ғарбий Қозоғистон вилояти полиция департаменти ваколатли хизматлар билан биргаликда Жонибек туманида учувчисиз учиш аппарати бўлакларига ўхшаш буюмлар аниқлангани ҳолати бўйича текширув тадбирларини ўтказмоқда. Объект аҳоли пунктларидан узоқда, чекка ҳудудда топилган, дейди полиция.

Ҳалокатга учраган дрон кимга тегишли бўлиши мумкинлиги ҳозирча номаълум. Полиция воқеа тафсилотларини аниқлаштирмоқда.

Ғарбий Қозоғистоннинг Жонибек тумани Россиянинг Волгоград ва Саратов вилоятлари билан чегарадош. Яқинда Саратов вилоятига Украина дронлари ҳужум қилиб, Энгелс шаҳридаги аэродромга кучли зарба берган эди.

Telegram I Facebook I YouTube I Live

“Озодлик радиоси” Конгресс томонидан ажратилган давлат грантининг бир қисмини олади

АҚШ Глобал медиа агентлиги (USAGM) “Озодлик радиоси”га 7,46 миллион доллар тўлашга рози бўлди. Маблағлар 26 мартгача ўтказилиши керак. Бу сумма “Озодлик радиоси”нинг 1-14 март кунларидаги фаолиятини қоплайди.

Грантнинг бир қисмини ажратиш тўғрисидаги қарор медиакорпорациянинг USAGM агентлиги раҳбариятига қарши даъвоси бўйича суд мажлиси олдидан эълон қилинди. “Озодлик радиоси” АҚШ Конгресси томонидан ажратилган 2025 йилги бюджет йили учун тўлиқ грантни суд орқали олишга ҳаракат қилмоқда. Даъво 153 миллион доллар талаб қилмоқда.

Аввалроқ АҚШнинг Глобал Медиа Агентлиги (USAGM) ва унинг икки мансабдори — Кери Лейк ва Виктор Моралесга қарши даъво “Озодлик радиоси” (RSE/RS) учун федерал грантни тўхтатишга уринишлари сабабли судга берилгани маълум қилинган эди.

Telegram I Facebook I YouTube I Live

2024 йилда дунё бўйлаб камида 8938 киши ҳалок бўлган. Энг кўп ўлим ҳолатлари Осиёда

2024 йил мигрантлар учун ҳалокатли йил бўлди — БМТга кўра, дунё бўйлаб камида 8938 киши миграция уринишлари пайтида ҳалок бўлган. Бу бутун кузатувлар тарихидаги энг юқори кўрсаткич.

Халқаро миграция ташкилотига кўра, аслида қурбонлар сони бундан ҳам кўпроқ бўлиши мумкин. Сабаби бу рақамлар расман ҳужжатлаштирилган ҳалокатлар сонидир.

Энг кўп ўлим ҳолатлари Осиёда — 2778 киши. Кейинги ўринларда Африка — 2242 ва Ўрта Ер денгизи — 2452 қурбон. Фақат Америка қитъасидагина 1233 киши ҳалок бўлган. Жумладан, Панама ва Колумбия чегарасидаги Дариен ўрмонларида 174 нафар мигрант ҳаётдан кўз юмган.

Мигрантлар ўлими беш йилдан буён изчил ўсиб бормоқда. Аввалги антирекорд 2023 йилда кузатилган эди — 8747 нафар қурбон.

Telegram I Facebook I YouTube I Live

Александр Лукашенко расман еттинчи муддатга Беларус президенти лавозимига киришди

Лукашенко жорий йилнинг январ ойида бўлиб ўтган президентлик сайловида 86,82% овоз билан ғалаба қозонган эди.

"Дунёнинг ярми бизнинг “диктатурамиз”ни орзу қилади", — деди Лукашенко инаугурация маросимидаги нутқида.

Маълумот учун, Александр Лукашенко 1994 йилдан бери Беларус президенти лавозимини эгаллаб келмоқда.

Telegram I Facebook I YouTube I Live

Пахта увол, чириган – Бўкада кластер фермерлардан сотиб олган пахтани лозим даражада сақлай олмаган

Тошкент вилояти Бўка тумани «Оқтош Бекобод» кластери фермерлардан сотиб олган пахтани хароб аҳволда сақламоқда.

Ҳолатдан жаҳли чиққан фермерлардан бири жараённи видеога мухрлаб, Республика фермерлари гуруҳида эълон қилган.

«Пахталар чириб кетибди, давлат кластерга пахтани хўрлатиб қўймаслиги керак. Бу кластер фермерларни 20 фоиз пулини ҳам бермаган. Увол пахта, чириб кетибди», дейди ҳолатни суратга олган фермер.

Telegram I Facebook I YouTube I Live

Шаҳар бедарвоза эмас – Сурхондарёда судхўрлик ва фирибгарлик қилмишларига қўл урган аёлга нисбатан тергов ишлари бошланган

Сурхондарё вилояти Денов туманида фуқароларни судхўрлик ва фирибгарлик қилмишлари орқали чорасиз аҳволга келтириб, зўрлик, тухмат ва бўхтонлар билан уларнинг мол-мулкига эгалик қилиб келаётган аёл — Соҳиба Азимованинг қилмиши ортидан суриштирув ва тергов ҳаракатлари олиб борилмоқда. Жабрланганлар Сурхондарё вилоят ИИБга мурожаат қилиши мумкин.

Telegram I Facebook I YouTube I Live

Хотин-қизлар учун автобус бошқариш бўйича текин курслар очилади

Хотин-қизлар учун махсус «Д» тоифага ҳайдовчилик курслари ташкил этилади. Бу ҳақда Транспорт вазирлиги хабар қилди.

Маълум қилинишича, ушбу курслар БМТ Тараққиёт дастури билан ҳамкорликда амалга оширилаётган «Тошкент – кам углеродли автотранспортга инвестициялар жалб этишни жадаллаштириш» лойиҳаси доирасида ташкил этилиб, ўқиш тўлови тўлиқ қоплаб берилади.

Курсни муваффақиятли тамомлаган иштирокчилар «Д» тоифали ҳайдовчилик гувоҳномасига эга бўлиб, «Тошшаҳартрансхизмат» АЖ автобус саройларига ишга жойлашишлари ҳам мумкин.

Қўшимча маълумотлар билан +998 99 444 60 80 рақами орқали танишиш мумкин.

Telegram I Facebook I YouTube I Live

Ўзбекистонга қўшни уч давлатда Рамазон ойи 29 кунда якунланиши кутилмоқда

Тожикистонда катта эҳтимол билан Рамазон ойи 29 кун давом этади ҳамда 30 март куни Рамазон ҳайити нишонланади. Бу ҳақда Тожикистоннинг Дин, анъаналар, байрамлар ва маросимларни тартибга солиш қўмитаси хабар берган.

«Тожикистон уламолари кенгаши 27 март куни якуний қарор чиқариш учун мажлис чақиради. Жорий йилда Ражаб ва Шаъбон ойлари 30 кунга чўзилгани сабабли юқори эҳтимол билан Рамазон ойи 29 кун давом этади. Минтақадаги барча давлатлар, шунингдек, Саудия Арабистони ва бошқа мусулмонлар давлатлар ҳам ҳозирча шу позицияда»,

— дея ҳукумат расмийсининг сўзларини келтирмоқда AsiaPlus нашри.

Шунингдек, қўшни Қирғизистон мусулмонлари диний идораси ҳам Рамазон ойи 29 мартга қадар давом этишини, 30 мартда Ҳайит айёми нишонланишини эълон қилган.

Қозоғистонда 27 феврал куни Рамазон ойининг бошланишига бағишлаб ўтказилган тадбирда ушбу мамлакат диний идораси вакиллари 30 март куни Ҳайит намози ўқилишини эълон қилган.

"Қозоғистон мусулмонлари диний бошқармасининг Шариат ва фатво қўмитаси Туркий давлатлар ташкилоти муфтийлар кенгаши билан биргаликда муқаддас ойнинг бошланиш санасини белгилади. Иншааллоҳ, 2025 йилда Рамазон ойи 1 мартда бошланиб, 29 мартда тугайди. Қадр кечаси 26 мартдан 27 мартга ўтар кечасида киради, Рамазон ҳайити эса 30 март куни нишонланади"

— деган Қозоғистон мусулмонлари идораси вакили.

Ўзбекистон мусулмонлар идораси бу масалада кузатиш ва ўрганиш ишлари давом этаётганини маълум қилди.

"Мазкур масалада кузатиш, ўрганиш ва тадқиқ ишлари давом этмоқда. Яқин кунларда хулосалар тақдим этилади, хабар қиламиз",

дейилади Мусулмонлар идораси тақдим қилган маълумотда.

Telegram I Facebook I YouTube I Live

Президент иштирокида ўтказилган ифторлик пайтида Ўзбекистон терма жамоси ҳақига дуо қилинди

Бугун, 25 март куни барча ҳудудларда эҳсон дастурхонлари ёзилиб, ифторлик маросими ўтказилди. Президент Шавкат Мирзиёев Тошкент шаҳрида ўтган ифторликда иштирок этди.

Тадбир аввалида давлатимиз раҳбари халқимизни ва жамики мусулмон умматини муборак Рамазон ойи билан яна бир бор табриклади.

– Ушбу шарофатли ойда гўзал диёримизда мана шундай файзли ифторлик маросимини эл-юртимиз билан биргаликда ўтказиш насиб этгани учун меҳрибон ва қудратли Аллоҳ таолога беҳисоб шукроналар айтамиз,

– деди президент.

Шунингдек, ифторлик пайтида Ўзбекистон терма жамоаси ҳақига дуо қилинди.

Эслатиб ўтамиз, айни дамда Ўзбекистон сафарда Эронга қарши ўйнамоқда. Ҳозирча ҳисоб 2:1. Ўзбекистон пешқадамлик қилмоқда.

Telegram I Facebook I YouTube I Live