Пентагон ходимларини ёлғон детектори ёрдамида текширувдан ўтказишни бошлади – Bloomberg

Агентликнинг қайд этишича, бу чора АҚШ ҳарбийларининг Хитой билан уруш эҳтимолига оид режаларни Илон Маскга ошкор қилиши ҳақидаги маълумот тарқалганидан сўнг қабул қилинган.

Пентагон раҳбарияти текширув ўтказишга ва Илон Маскнинг Пентагонга ташрифи ҳақидаги маълумотларни тарқатганларни жиноий жавобгарликка тортишга қарор қилган.

Аввалроқ The New York Times газетаси ҳарбийлар Маск учун "ўта махфий брифинг" ўтказишни режалаштираётганини, унда Қўшма Штатлар ва Хитой ўртасида мумкин бўлган уруш режаларини муҳокама қилинишини ҳабар берган эди.

АҚШ президенти Доналд Трамп оммавий ахборот воситаларида тарқалган бу хабарларни "бемаънилик" деб атади. 21 март куни журналистлар билан суҳбатда Трамп Илон Маск Tesla компаниясига раҳбарлик қилаётгани сабабли, манфаатлар тўқнашуви юзага келиши мумкинлигини тан олди ва унга бундай маълумотларга кириш ҳуқуқини ҳеч қачон бермаслигини айтди.

Telegram I Facebook I YouTube I Live

Халқ банки ходимлари яна бир фуқарони хонавайрон қилди

Сирдарё вилоятида бир фуқаро банкни судга берди. Унинг таъкидлашича, 2019 йилда у кредит олиш учун банкка мурожаат қилган, лекин банк унга рад жавобини берган. Лекин орадан 3 йил ўтиб, фуқаро ўз нафақасидан кредит учун пуллар ечиб олинаётганини аниқлаган.

Текширишлар давомида фуқаро номига сохта имзолар билан бошқа банклардан ҳам кредитлар расмийлаштирилгани маълум бўлди. Ваҳоланки, у бу кредит шартномаларига имзо қўймаган ва бу ҳақда умуман хабардор бўлмаган.

Ҳозирда фуқаро кредит қарзларини тўлаш учун ўз уйини сотишга мажбур бўлмоқда. Суд орқали у кредит шартномаларини ҳақиқий эмас деб топишни сўраяпти.

Telegram I Facebook I YouTube I Live

Жанубий Кореяда ўрмон ёнғинлари тобора кўпроқ ҳудудларга тарқалмоқда — Yonhap

Сўнгги маълумотларга кўра, тўрт киши ҳалок бўлган, олти киши жароҳатланган. Тахминан 1,5 минг аҳоли хавфсиз ҳудудларга эвакуация қилинган.

Yonhap ахборот агентлиги маълумотларига кўра, ёнғин уч минг гектардан ортиқ ўрмон майдонини йўқ қилган ва 39 та уйга зарар етказган. Ёнғинга қарши курашда деярли 5 минг нафар ўт ўчирувчи ва 99 та вертолёт иштирок этмоқда.

Telegram I Facebook I YouTube I Live

Болаларни зўравонликдан ҳимоя қилиш қонунчилиги кучайтирилмоқда

Олий Мажлис Қонунчилик палатасида болаларни зўравонлик ва жинсий тазйиқдан ҳимоя қилиш бўйича қонун муҳокама қилинди.

Ушбу қонунда қуйидагилар назарда тутилмоқда:
16 ёшга тўлмаган болаларга нисбатан интернет орқали уятсиз ҳаракатлар қилганлар учун жазо кучайтирилади;
Вояга етмаганлар акс этган порнографик материалларни такроран сақлаган шахслар жиноий жавобгарликка тортилади;
Алимент тўламаган шахслар устидан жамоатчилик назорати ўрнатилиши ҳам назарда тутилмоқда.

Ушбу қонун лойиҳаси болаларни жинсий эркинлик ва бола савдосига қарши ҳимоя қилиш чораларини кучайтиради.

Telegram I Facebook I YouTube I Live

Қозоғистонда от Наврўз байрамида ваҳима келтириб чиқарди

Наврўз тантаналари пайтида ваҳимага тушган от тартибсизлик қилди. Натижада болалар ва кексалар жароҳат олишган. Тадбир тўхтатилди, тез тиббий ёрдам чақирилди. Шифокорлар жабрланганларни кўрикдан ўтказдилар, аммо ҳеч кимни касалхонага ётқизишга ҳожат қолмади.

Тадбир якунида барча меҳмонга бешбармоқ таоми тортилган.

Telegram I Facebook I YouTube I Live

Истанбул мэри Экрем Имамўғлу коррупция айблови билан суд томонидан ҳибсга олинди — А haber

Шунингдек, мэрнинг маслаҳатчиси Мурат Онгун ҳам ҳибсга олинган. Умумий ҳисобда, 18 киши ҳибсга олинган.

Имамўғлуга қарши иккита алоҳида тергов олиб борилмоқда. Улардан бирида товламачилик, фирибгарлик ва коррупция билан шуғулланган уюшган жиноий гуруҳга раҳбарлик қилганликда айбланган.

Бундан ташқари, прокуратура Истанбул мэри тасарруфидаги шўба компаниялари қонунни бузган ҳолда ташкил этилган тендерларда ғалаба қозонганини, ўз хизматлари учун нархларни сунъий равишда ошириб, иш юзасидан бошқа гумонланувчилар билан биргаликда бойиб кетганини таъкидламоқда.

Экрем Имамўғлунинг қўлга олиниши Туркияда кенг кўламли норозилик намойишларига сабаб бўлди. Имамўғлу президент Эрдўғаннинг асосий сиёсий рақиби ҳисобланади. Айни пайтда Туркия телеканаллари намойишларни жонли эфирда кўрсатишни тўхтатди, мамлакатда барча ижтимоий тармоқлар блокланди. Хавфсизлик кучлари намойишчиларга қарши сув пуркагичлар ва кўздан ёш оқизувчи газ ишлатмоқда

BBC: Ғазо секторига қилинган авиаҳужумда ҲАМАСнинг юқори мартабали амалдори ҳалок бўлди

ҲАМАС сиёсий бюроси аъзоси Салоҳ ал-Бардавил Ғазо секторидаги Хан-Юнус шаҳрига қилинган Исроил авиаҳужуми натижасида ҳалок бўлди. Бу ҳақда BBCʼга гуруҳ вакили хабар берди.

Маҳаллий манбаларга кўра, Бардавил билан бирга унинг рафиқаси ҳам ҳалок бўлган. Reuters агентлигининг хабар беришича, улар намоз ўқиётган чодирга Исроил ракетаси келиб тушган.

Исроил армияси сешанба куни Ғазо секторига кучли ҳужумларни қайта бошлаган эди. Расмий Тел-Авив ҲАМАСни 19 январ куни Қатар, Миср ва АҚШ воситачилигида тузилган ўт очишни тўхтатиш келишувини бузганликда айбламоқда. ҲАМАС эса бу айбловларни рад этмоқда.

ҲАМАС назоратидаги Ғазо соғлиқни сақлаш вазирлиги маълумотларига кўра, сўнгги бир суткада Исроил зарбалари оқибатида секторнинг турли ҳудудларида 32 нафар фаластинлик ҳалок бўлган.

Telegram I Facebook I YouTube I Live

⚡️Кўприкнинг баландлиги 45, узунлиги 300 метр – Андижондаги туризм салоҳияти, зиёратгоҳлар, Хўжаободдаги кўприк, Хонобод санаторияси…

EFFECT.UZ янги «EFFECT PLUS» лойиҳаси доирасида Андижон вилоятининг туризм салоҳиятини тарғиб этмоқда.

Тез кунда Андижон вилоятига оид ҳужжатли фильмнинг премьераси ўтказилиши кутилмоқда.

Telegram I Facebook I YouTube I Live

Ўзбекистоннинг Жиддадаги собиқ бош консули яна ўз лавозимига қайтди

Ўзбекистоннинг Жиддадаги янги тайинланган бош консули Сирожиддин Шамсутдинов Саудия Арабистони Ташқи ишлар вазирлиги Жидда бўлими бош директорининг биринчи ўринбосари Аҳмад Муҳаммад Қутб билан учрашди. Бу ҳақда «Дунё» ахборот агентлиги хабар бермоқда.

Мулоқот чоғида Ўзбекистон ва Саудия Арабистони ўртасидаги алоқаларнинг бугунги ҳолати ва истиқболлари хусусида фикр алмашилди.

Аҳмад Муҳаммад Қутб Ўзбекистон ва Саудия Арабистони раҳбарлари ўртасида ўрнатилган яқин дўстона ва ишончли муносабатлар туфайли мамлакатлар ўртасидаги муносабатлар сифат жиҳатдан янги босқичга кўтарилганини, барча соҳаларда яқин шериклик фаоллашиб бораётганини мамнуният билан қайд этди.

Шу йил 7 март куни Жидда шаҳрида бўлиб ўтган ИҲТга аъзо давлатлар ташқи ишлар вазирларининг навбатдан ташқари йиғилишида Ўзбекистон ташқи ишлар вазири Бахтиёр Саидовнинг иштироки юқори баҳоланди.

Telegram I Facebook I YouTube I Live

Ўзбекистон 2 ойда 189,4 минг тонна автомобил бензини ишлаб чиқарди

🏢 Миллий статистика қўмитасининг дастлабки маълумотларига кўра, Ўзбекистонда 2025 йилнинг январь-февраль ойларида 189,4 минг тонна автомобил бензини ишлаб чиқарилган.

✅ 2025 йилнинг январь-февраль ойларида айрим турдаги саноат маҳсулотларини ишлаб чиқариш ҳажми:

— Кўмир – 733,8 минг тонна
— Нефт – 105,8 минг тонна
— Табиий газ – 7,4 млрд куб.м
— Газ конденцати – 192,6 минг тонна
— Юк автомобиллари – 510 дона
— Автомобил двигателлари – 30 592 дона
— Енгил автомобиллар (махсус енгил автомобиллардан ташқари) – 53 522 дона

Telegram I Facebook I YouTube I Live