Қорақалпоғистон Рeспубликаси, Хоразм вилоятларида ҳаво бироз булутли бўлади, ёғингарчилик кутилмайди. Шамол шарқдан 7-12 м/с тезликда эсади. Ҳарорат кечаси 11 мартда 3 даража совуқ-2 даража илиқ, 12-13 мартда 0-5 даража илиқ кундузи 10-15 даража илиқ бўлади.

Бухоро ва Навоий вилоятлари: ҳаво бироз булутли бўлади, ёғингарчилик кутилмайди. Шамол шарқдан 7-12 м/с тезликда эсади. Ҳарорат кечаси 2-7 даража илиқ, кундузи 11 мартда 13-18 даража илиқ, 12-13 мартда 15-20 даража илиқ бўлади.

Тошкeнт, Сирдарё, Самарқанд, Жиззах вилоятларида ҳаво бироз булутли бўлади, ёғингарчилик кутилмайди. Шамол шарқдан 7-12 м/с тезликда эсади. Ҳарорат кечаси 2-7 даража илиқ, кундузи 11-12 мартда 13-18 даража илиқ, 13 мартда 15-20 даража илиқ бўлади.

Қашқадарё ва Сурхондарё вилоятларида ҳаво бироз булутли бўлади, 11 мартда баъзи жойларда ёмғир ёғади, 12-13 мартда ёғингарчилик кутилмайди. Шамол шарқдан 7-12 м/с тезликда эсади. Ҳарорат кечаси 5-10 даража илиқ, кундузи 11 мартда 15-20 даража илиқ, 12-13 мартда 18-23 даража илиқ бўлади.

Андижон, Наманган, Фарғона вилоятларида ҳаво бироз булутли бўлади, ёғингарчилик кутилмайди. Шамол шарқдан 5-10 м/с тезликда эсади. Ҳарорат кечаси 2-7° илиқ, кундузи 11-12 мартда 13-18 даража илиқ, 13 мартда 15-20 даража илиқ бўлади.

Рeспубликанинг тоғли ҳудудларида ҳаво бироз булутли бўлади, 11-12 мартда баъзи жойларда ёғингарчилик (ёмғир, қор) бўлади, 13 мартда ёғингарчилик кутилмайди. 11 мартда қор кўчиши хавфи бор. Шамол шарқдан 7-12 м/с тезликда эсади. Ҳарорат 11-12 мартда кечаси 2 даража совуқ-3 даража илиқ, кундузи 8-13 даража илиқ, 13 мартда кечаси 0-5 даража илиқ, кундузи 10-15 даража илиқ бўлади

Консулхонанинг таъкидлашича, Туркия ва Ўзбекистон ўртасидаги авиақатновлар давомида айрим шахслар аэропортларда ўз юкларини Ўзбекистонга етказиб беришни илтимос қилиши мумкин. Улар турли баҳоналар билан (масалан, оғир касал қариндоши борлиги ёки юкни жўнатиш имконияти йўқлиги) сизни ишонтиришга ҳаракат қилади.

Ўтган йилларда бир неча Ўзбекистон фуқаролари айнан шундай вазиятларга тушиб қолган ва ноқонуний юкларни, жумладан наркотик моддалар ва сохта ҳужжатларни билмасдан олиб ўтганлари учун ҳибсга олинган.

➖ 2023-йилда Истанбул аэропортида 27 ёшли Ўзбекистон фуқароси номаълум шахснинг илтимосига биноан юкни олиб ўтишга рози бўлган. Бироқ, чегарада текширув вақтида юк ичидан катта миқдорда наркотик моддалар топилган. Натижада у 10 йилга озодликдан маҳрум қилинган.

➖ 2022-йилда Анталия шаҳридан Тошкентга қайтаётган яна бир фуқаро ўзига нотаниш кишининг юкини олиб ўтишга рози бўлган. Юк таркибида сохта паспорт ва ноқонуний ҳужжатлар борлиги аниқланиб, фуқаро бир неча йилга озодликдан маҳрум этилган.

Бош консулхона эҳтиётсизлик ёки бегоналарга бўлган ишонч оғир жиноий оқибатларга олиб келиши мумкинлигини билдириб, бегона одамларнинг юкини ҳеч қандай ҳолатда қабул қилмасликни сўради.

Шуни алоҳида таъкидлаш керакки, сўнгги йилларда мамлакатимизда коррупцияга қарши курашиш давлат сиёсатининг асосий устувор йўналишларидан бири сифатида белгиланиб, бу борада муайян ишлар амалга оширилмоқда.

Айниқса, кейинги йилларда қабул қилинган қонунлар, Президент фармон ва қарорларида белгилаб берилган устувор вазифалар ижроси натижасида коррупцияга қарши курашиш борасидаги давлат ҳокимияти шунингдек бошқаруви органлари фаолиятининг очиқлиги ва шаффофлиги янада кенгайиб, самарали механизмлар амалиётга татбиқ этилмоқда.

Шунингдек, миллий кенгаши йиғилишида юртбошимиз коррупция амалга оширилаётган ислоҳотлар йўлидаги энг катта тўсиқ ва ғов эканини алоҳида таъкидлаб, бу борада Парламент палаталарида масъул қўмиталар, Коррупцияга қарши курашиш миллий кенгаши ва Коррупцияга қарши курашиш агентлиги ташкил этилганлигини келтириб ўтди.

Ўтган 2022-йил 20-декабрида ҳам Президентимиз Шавкат Мирзиёев Олий Мажлис ва Ўзбекистон халқига мурожаатномаларида “Коррупцияга қарши курашишда аҳолининг барча қатламлари, энг яхши мутахассислар жалб қилинмас экан, жамиятимизнинг барча аъзолари, таъбир жоиз бўлса, “ҳалоллик вакцинаси” билан эмланмас экан, ўз олдимизга қўйган юксак марраларга эриша олмаймиз”, деб бежизга таъкидламаган эдилар.

Жорий йилнинг 5- март санасидаги йиғилишда ҳам Президентимиз коррупциянинг олдини олиш – давлат хизматига профессионал ва фидойи кадрларни танлаш ҳамда уларни “ҳалоллик вакцинаси” билан эмлашдан бошланишинини таъкидлаб, ишга олишдаги тартиб ва ёндашувларни такомиллаштириш бўйича мутасаддиларга топшириқлар берди.

Давлатимиз раҳбари йиғилишда 55 та аниқ мақсадга йўналтирилган ташаббусларни илгари surdilar.Ular доирасида 5 та қонун, 12 та фармон ва қарорлар ишлаб чиқилади. Коррупцияга қарши курашишда парламент, Миллий ва ҳудудий кенгашлар, фуқаролик жамияти институтларининг роли оширибгина қолмай ўз навбатида очиқлик ва ошкораликни ҳамда шу билан биргаликда ҳар бир соҳадаги шаффофликни ошириш йўлидаги янгича ёндашув бўлди десак янглишмаймиз.

Гуруч курмаксиз бўмаганидек, бугунги кунда айрим давлат хизматчилари ўз манфаатларини кўзлаб, жумладан, кредит олишда, қурилиш соҳасида, бюджет маблағларини тақсимлашда минг афсуски, ноқонуний ишларга аралашиб қолаётганликларини гувоҳи бўлаяпмиз. Содир этилган ҳар қандай коррупциявий жиноят сирлигича қолмайди, албатта, ошкор бўлади ва қонуний жазосини олади.

Давлат хизматчиси – бу оддий ходим эмас, у давлат топшириғи ва манфаатлари бўйича унинг номидан ҳаракат қилувчи инсондир. Шунинг учун давлат хизматчиси деган юксак ҳамда шарафли номга доғ туширмаслик учун энг аввало, ҳалол бўлишимиз, олдимизга қўйилган вазифаларни виждонан, ватанпарварлик туйғусини тўлиқ ҳис этган ҳолда меҳнат қилишимиз лозим бўлади.

Коррупция нафақат мамлакатга моддий йўқотиш олиб келади, балки тадбиркорлик ривожига, қонун устуворлигини таъминлашга тўсқинлик қилади, жамиятда ижтимоий кескинликни, ҳокимиятга ишончсизликни, ҳалокатли оғир оқибатларни келтириб чиқарадиган кишандир.

Айтиш ўринли, коррупциядан холи муҳитни ярариш борасида олиб борилаётган ишлар ва белгиланган устувор вазифалар барчага бирдек масъулият юклаши билан бир қаторда очиқлик ва шаффофликни таъминлашда ҳам муҳим ўрин тутади.

«Жароҳатланган фуқароларнинг аҳволи яхши, ҳалок бўлган йўқ. Ҳозирда ёнғиннинг келиб чиқиш сабаби ва етказилган зарар миқдорига аниқлик киритилмоқда»,

Тошкент вилоятида яшовчи, 1999 й.т. фуқаро ва унинг Тошкент шаҳрида истиқомат қилувчи, 1998 й.т. шериги ижтимоий тармоқлар орқали Жиззах шаҳрида яшовчи фуқаронинг ишончига кириб, унга сохта 100 АҚШ доллари купюрали жами 50 минг АҚШ долларини 65 млн. сўмга сотишга келишишган.

Шундан сўнг улар Жиззах шаҳрига бориб, харидор билан телефон орқали мулоқот қилиб, унга қалбаки пулларни шаҳар ҳудудидаги хуфия жойга қолдириб кетишларини айтиб, келишилган суммадан 39 млн. 200 минг сўмни олдиндан пластик карта орқали олишган.

Аммо, улар қалбаки валюталарни белгиланган жойга қолдирмасдан, харидорни алдаб, Тошкент шаҳрига қайтиб кетаётган вақтларида Давлат хавфсизлик хизмати ҳамда Бош прокуратура ҳузуридаги Департамент ходимлари томонидан Дўстлик туманида ушланди ва улар кетаётган автомашина салонидан қалбаки 51 минг АҚШ доллари ашёвий далил сифатида расмийлаштириб олинди.

ДХХ Тошкент вилояти бўйича бошқармаси ва Иқтисодий жиноятларга қарши курашиш департаменти ходимлари томонидан Тошкент шаҳрида ўтказилган тезкор тадбирда Бухоро вилоятида яшовчи, 1949 ва 1984 йилларда туғилган 2 нафар шахс ҳамда Тошкент шаҳрида истиқомат қилувчи, 1981 й.т. фуқаро ўзаро тил бириктириб, чет давлатда тайёрланган, ҳар бири 100 купюрали қалбаки 50 минг АҚШ долларини ҳақиқий 25 минг АҚШ долларига сотган вақтларида қўлга олинди. Таъкидлаш лозимки, уларнинг учаласи ҳам муқаддам судланган шахслар ҳисобланади.

Тошкент шаҳрида қайд этилган яна бир ҳолатда, Хоразм вилоятининг Хазорасп туманида яшовчи, 1997 й.т. шахс хориждан келтирилган 50 ва 100 АҚШ доллари купюрали қалбаки 45 минг АҚШ долларини харидорга ҳақиқий 25 минг АҚШ долларига сотган вақтида ушланди.

Бошқа ҳолатда эса Тошкент шаҳрида истиқомат қилувчи, 1983 й.т. шахс ва Тошкент вилоятининг Паркент туманида яшовчи, 1994 й.т., муқаддам судланган фуқаро қалбаки 10 минг АҚШ долларини харидорга ҳақиқий 8 минг АҚШ долларига сотган вақтларида ушланди.

Наманган вилоятининг Чортоқ туманида яшовчи, 1991 й.т., муқаддам судланган шахснинг кўрсатмаси бўйича – унинг 1995 ва 2001 йилларда туғилган 2 нафар шериги қалбаки 30 минг АҚШ долларини харидорга ҳақиқий 19.500 АҚШ долларига сотган вақтларида Давлат хавфсизлик хизмати ҳамда Ички ишлар органлари ходимлари томонидан қўлга олинди.

Наманган шаҳрида истиқомат қилувчи, 1991 й.т. фуқаронинг яшаш хонадони кўздан кечирилганда 88 дона 50 АҚШ доллари купюрали ва 44 дона 100 АҚШ долллари купюрали, жами қалбаки 8800 АҚШ доллари борлиги аниқланиб, ашёвий далил сифатида олинди.

Ҳозирда барча ҳолатлар юзасидан мазкур шахсларга нисбатан жиноят ишлари қўзғатилиб, тергов ҳаракатлари олиб борилмоқда.

Эндиликда фуқаролар ҳамкор банклар томонидан таклиф этилаётган янгиланган ипотека дастурлари орқали уй-жойларни янада қулай шартларда сотиб олишлари мумкин.

Маълумот учун: Ипотекани қайта молиялаштириш компанияси тижорат банкларидан ипотека кредитларини сотиб олиб, уларга янги кредитлар бериш учун ликвидлик беради. Бу банкларга маблағ етишмаслигидан қўрқмасдан ипотека кредитлари ҳажмини кенгайтириш имконини беради.