Мол-мулк солиғи амалдаги тўловдан қимматлашиши мумкин

Турар ва нотурар жойлар учун мол-мулк солиғи амалдаги тўловга нисбатан қимматлашиши мумкин. Бунда, солиқ ставкаси эмас, солиқ солинадиган мулк нархи ўзгартирилиши мумкин.

Мисол учун, Сизнинг турар жойингиз қиймати паст нархда бахоланиб, сиз шунга мос равишда мол-мулк солиғини тўлаб келмоқдасиз. Фармонга асосан турар жойингиз қиймати қайта баҳоланади агар нархи ошган бўлса ўз ўзидан солиғингиз ҳам ошади.

Жумладан, президент фармони билан 8 млндан ортиқ турар ва нотурар жойлар ҳамда 7 млнга яқин ер учтаскаларининг иқтисодий актив сифатидаги қийматини аниқлаш;

Кўчмас мулк объектининг солиқ солиш, олди сотди қилиш, гаровга қўйиш, жамоат эхтиёжлари учун олиб қўйиш ва бошқа ҳолатлар учун аниқланадиган қиймати ўзаро мутаносиб бўлишини таъминлаш белгилаб берилди.

Telegram I Facebook I YouTube I Live

Бугун ҳамма ходимлар 1 соат вақтли кетиши керак!

Меҳнат кодексининг 187-моддасига кўра, байрам кунлари арафасида ҳар кунлик ишнинг (сменанинг) давомийлиги барча ходимлар учун камида 1 соатга қисқартирилади.
Ертага 8-март — халқаро хотин-қизлар куни, яни ишланмайдиган байрам.
Демак, бугун ишга чиққан ходимлар 1 соат вақтлироқ уйига кетишга ҳақли.
Байрамдан олдинги куни ишнинг (сменанинг) давомийлигини қисқартириш имкони бўлмаган узлуксиз ишлайдиган ташкилотларда ва айрим турдаги ишларда ортиқча ишлаганлик ходимга қўшимча дам олиш вақти бериш ёки ходимнинг розилиги билан иш вақтидан ташқари иш учун белгиланган нормалар бўйича ҳақ тўлаш орқали компенсатсия қилинади.

Telegram I Facebook I YouTube I Live

Ўзбекистоннинг тўрт вилоятида
ер майдонларини ноқонуний сотиш билан боғлиқ ҳолатлар аниқланди

ДХХ хабарида 352 минг долларгача бўлган миқдорда ер учун нарх белгиланганини кўриш мумкин.

Навоий вилояти Кармана туманида яшовчи хусусий тадбиркор ўзганинг ишончига кириб, туман ҳокимлиги захирасида бўлган 1 гектар бўш ер майдонини гўёки ўзига тегишли эканлигини айтиб, унга сотиш ва мансабдор танишлари орқали кадастр ҳужжатларини расмийлаштириб бериш эвазига 2 млрд. сўм талаб қилади. У сўралган пул маблағидан 1 млрд. сўмни олаётган вақтда ушланган.

Андижон вилоятида эса Хўжаобод туманида яшовчи, 1992 ва 1994 йилларда туғилган ака-ука давлат захирасида бўлган 2 гектар ер майдонини юқори лавозимда ишловчи танишлари орқали харидор номига расмийлаштириб бериш эвазига 300 минг АҚШ доллари талаб қилишади. Тезкор тадбирда, улардан бири сўралган пул маблағидан 50 минг АҚШ долларини олган вақтида ушланди.

Фарғона вилояти Учкўприк туманидаги пахтачилик ва ғаллачиликка ихтисослашган фермер хўжалик раҳбари мазкур хўжаликнинг 50 сотих суғориладиган ер майдонини харидорга 55 минг АҚШ долларига сотишга келишиб, шундан 45 минг АҚШ долларини олган вақтида унинг ноқонуний ҳаракатларига чек қўйилди.

Қува туманидаги қандолат маҳсулотлари ишлаб чиқарувчи масъулияти чекланган жамият раҳбари мазкур МЧЖнинг 10 сотих ер майдонини кадастр тизимидаги танишлари орқали харидор номига турар-жой сифатида расмийлаштириб бериш эвазига 35 минг АҚШ доллари олган вақтида ашёвий далиллар билан ушланди.

Пойтахтда яшовчи, 1964 й.т. фуқаро Тошкент туманида жойлашган ва давлат захирасида бўлган 16 сотих ер майдонининг ҳар бир сотихини 22 минг АҚШ долларидан жами 352 минг АҚШ долларига харидорга сотишга келишиб ҳамда юқори лавозимда ишловчи танишлари орқали унинг номига расмийлаштириб беришни ваъда қилиб, олдиндан 30 минг АҚШ доллари олган вақтида ушланди.

Шунингдек, тезкор тадбир давом эттирилиб, унинг шериги бўлган – Тошкент туманида яшовчи, 1952 й.т., муқаддам фирибгарлик билан боғлиқ жинояти учун судланган шахс ҳам ушбу 30 минг АҚШ долларини олган вақтида ушланди.

Ҳозирда барча ҳолатлар юзасидан жиноят ишлари қўзғатилиб, тергов ҳаракатлари олиб борилмоқда.

Telegram I Facebook I YouTube I Live

Равшан Ҳайдаров Ўзбекистон U-23 жамоаси бош мураббийи бўлди

ЎФА мураббийлар кенгаши йиғилишида U-23 терма жамоаси бошқарувига номзод мураббийлар муҳокама қилинди.

Унга кўра, ёшлар билан ишлаш бўйича юртимизнинг энг тажрибали мутахассисларидан бири, «Ўзбекистон Республикасида хизмат кўрсатган спорт устози» фахрий унвони эгаси Равшан Ҳайдаров номзоди илгари сурилди ва раҳбарият томонидан тасдиқланди.

Ҳайдаров бошқарувидаги турли ёшдаги терма жамоалар икки карра Осиё чемпиони бўлган, икки бор Жаҳон чемпионати иштирокчисига айланган.

Telegram I Facebook I YouTube I Live

Тошкентда 7 мартдан йўлларни таъмирлаш мавсуми бошланади

Тошкентда 2025 йилда жорий ва капитал таъмирлаш талаб қилинадиган кўчалар рўйхатини ўз ичига олган манзилли таъмирлаш дастури ишлаб чиқилди.

Пойтахт ҳокимлиги ахборот хизмати хабарига кўра, дастур доирасида умумий майдони 65 минг квадрат метрдан ортиқ бўлган йўлларни таъмирлаш режалаштирилган. Жумладан, таъмирлаш ишлари ишлар қопламанинг узоқ муддат чидамли бўлишини таъминлайдиган технологиялар ва материалларни қўллаган ҳолда ихтисослаштирилган бўлинмалар томонидан 7 мартдан бошлаб амалга оширилади.

«Тирбандликларнинг олдини олиш ва ноқулайликларни камайтириш мақсадида йўл ишлари асосан транспорт ҳаракати энг кам бўлган соатларда ташкил этилади», – дейилади ҳокимлик маълумотида.

Telegram I Facebook I YouTube I Live

Тошкент метрополитенида фавқулодда чақирув тугмалари ўрнатилмоқда

Тошкент метрополитенида фавқулодда чақириқ тугмаларини ўрнатиш бошланди. Бу ҳақда «Тошкент» телеканали «Пойтахт» информацион дастурида хабар берилди.

Кўрсатувда қайд этилишича, фуқароларнинг хавфсизлигини таъминлаш, ҳуқуқбузарликларнинг олдини олиш мақсадида метрополитен ҳудудида чақирув тугмалари ўрнатилмоқда.

«Фуқаролар ушбу тугмани босиш орқали метрополитен ходимлари билан боғланиб, ҳуқуқбузарлик тўғрисида хабар бериши ёки ёрдам сўраши мумкин», — дея таъкидлади ИИВ транспорт ва туризм объектларида хавфсизликни таъминлаш департаменти матбуот котиби Азамат Ахматов.

Мутасаддининг қўшимча қилишича, метродаги видекамера ва динамиклар ёрдамида ходимлар мурожаатчи билан аудио-видеоалоқа ўрнатади. Барча маълумотлар автоматик равишда тизимда қайд этилади. Бу йўловчиларнинг мурожаатларига тезкор жавоб қайтариш имконини беради.

Telegram I Facebook I YouTube I Live

“Қамчиқ” довони вақтинча ёпилди

ИИВ Йўл ҳаракати хавфсизлиги хизмати ахборот хизмати қалин қор ёққанлиги сабабли “Қамчиқ” довони автомобиллар ҳаракати учун вақтинча ёпилганини маълум қилди.

Расмий хабарга кўра, довондаги ҳаракат бугун, 7 март куни соат 15:00 дан автомобиллар ҳаракати учун вақтинча чекланган.

“Махсус техникалар ёрдамида довон йўлини қордан тозалаш ишлари амалга оширилади. Транспорт воситаларининг ҳаракатига рухсат берилиши юзасидан қўшимча маълумот берилади”, – дейилади хабарда.

Telegram I Facebook I YouTube I Live

Банклар аёлларни банд қилишга ёрдам беради

Президент Шавкат Мирзиёев аёллар байрамига бағишланган маросимда нутқ сўзлади. Унда банклар ва тадбиркорлик соҳасида аёллар учун янги ташаббусларни маълум қилди.

⏺“Миллий банк” хизматлар соҳасида камида 200 минг;
⏺“Туронбанк” АТБ лимончиликда 150 минг;
⏺“Микрокредитбанк” паррандачиликда 160 минг;
⏺“Саноат қурилиш банк” сабзавот ва кўчатлар етиштиришда 160 минг;
⏺“Халқ банки” узум, брокколи ва маҳаллий карам етиштиришда 150 минг;
⏺“Агробанк” боғдорчилик йўналишида 144 минг;
⏺“Бизнесни ривожлантириш банки” кўкат, булғор қалампири, бақлажон ва помидор етиштиришда 94 минг;
⏺“Асакабанк” фармацевтика ва узумчиликда 82 минг;
⏺“Алоқабанк” ИТ, асаларичилик ва мевали экинлар етиштиришда 58 минг нафар аёлларни банд этишга кўмаклашади.

Шу мақсадда бу йил маҳаллаларда аёллар тадбиркорлиги лойиҳалари учун қўшимча 3,3 трлн сўм ажратилади.

Банклар маҳаллаларда ўзини ўзи банд қилган хотин-қизларга 50 млн сўмгача гаровсиз кредитлар ажратади.

Ўтган йили ташкил этилган “Ҳамроҳ” компанияси янги тизим асосида Тадбиркор аёлларни қўллаб-қувватлаш дастурини бошлаган эди. Бу лойиҳага ҳам 100 млн доллар ажратилади.

Кредитини вақтида тўлаган аёл тадбиркорларга ушбу дастур доирасида 100 млн сўмгача гаровсиз кредит беришни бошланади.

Шунингдек, маҳаллада 5 нафар аёлни бизнесга олиб кирган 1 минг нафар “устоз” тадбиркорларга 50 млн сўмгача грант ажратилади.

Марказий банк банклар билан бирга икки ой муддатда банкларда хотин-қизлар учун янгича ёндашув асосида молиявий хизматларни йўлга қўйиш учун масъул бўлади.

Масалан, туғуруқ таътилига чиққан аёллар учун банк кредитлари бўйича тўловлар муддати 10 ойгача узайтирилади.

Президент 2025 йил аёллар бандлигини таъминлашда ҳал қилувчи йил бўлишини таъкидлади.

Telegram I Facebook I YouTube I Live

Коррупция ислоҳотлар йўлидаги энг катта тўсиқ ва ғовдир!

👉 https://effect.uz/uz/6242

Telegram I Facebook I YouTube I Live

"Оққўрғонда оққан қонлар..." Зўравонликнинг чеки борми?

Сўнгги пайтларда Тошкент вилояти ҳудудлари ҳамда Оққўрғон туманидаги мурожаатларга биноан мазкур ҳудудлардаги оилавий маиший зўравонлик қурбонлари ва жабрдийдалар хусусида бир қатор видеоматериалларни омма эътиборига ҳавола этилган эди.

Оққўрғон тумани ҳокимининг матбуот котиби Ботир Бойбўтаев мазкур ҳокимликнинг қишлоқ ҳўжалиги масалалари бўйича собиқ ўринбосари Асрор Ниёзовнинг аёли мурожаатига кўра, унинг зўравонлиги юзасидан жабрдийда ҳолатини ўрганганилганлиги учун ўз расмий сайтида мазкур суриштирувни қонунан нотўғри талқин этиб, Ўзбекистон Республикаси Қонунининг Ахборот олиш кафолатлари ва эркинлиги тўғрисидаги 3-5-7-моддаларига зид маълумотлар тарқатиб, сайт ходимларига туҳмат уюштирган.

👉 Тўлиқ видео

Telegram I Facebook I YouTube I Live

Президент Шавкат Мирзиёев иштирокида Халқаро хотин-қизлар кунига бағишланган тантанали тадбирда иштирок этди

Конимехлик фаррош аёл "Дўстлик"  ордени билан тақдирланди

Кўксарой қароргоҳида президент Шавкат Мирзиёев иштирокида 8 март - Халқаро хотин-қизлар куни муносабати билан тантанали маросим бўлиб ўтди.

Унда байрам муносабати билан мукофотланган бир гуруҳ аёлларга шахсан давлат раҳбари томонидан орден ва медаллар тақдим этилди. Уларнинг ичида навоийлик аёллар алоҳида эътироф этилди.

Тантанали маросим давомида Навоий вилояти Конимех туманида 20 йилдан зиёд фаррошлик билан шуғулланиб келаётган Абилова Айгул Турсуновнага "Дўстлик" ордени топширилди ва ушбу аёл ЭНГ БИРИНЧИ БЎЛИБ МУКОФОТНИ ПРEЗИДEНТДАН ҚАБУЛ ҚИЛИБ ОЛДИ.

Telegram I Facebook I YouTube I Live

Талабалар учун душанба дам олиш куними?

Ҳуқуқшунос Хушнудбекка кўра, Меҳнат кодексининг 208-моддасидаги қоидалар талабаларга тааллуқли эмас. Талабалар ходим ҳисобланмайди.

Шунинг учун талабалар учун 5 кунлик ўқишми ёки 6 кунлик, бунинг мутлақо фарқи йўқ.

Душанба куни талабаларнинг ўқиш, ўқимаслиги олийгоҳдаги ўқитувчиларнинг иш тартибига боғлиқ. Агар ўқитувчилар 5 кунлик иш ҳафтасида ишласа, унда душанба куни уларга дам олиш куни бўлади. Демак, талабалар ҳам ўқишга бормайди.

Умуман олганда, душанба куни талабаларнинг қандай йўл тутиши кераклигини ўқийдиган олийгоҳидан аниқлаштириши лозим бўлади.

Агар ўқитувчилар 6 кунлик иш ҳафтасида ишласа, унда душанба куни ишга чиқади ва ўз-ўзидан талабалар учун ҳам ўқишлар бўлади.

Telegram I Facebook I YouTube I Live

Чусовитина олтин медал соҳибаси!

Оксана Чусовитина Бокуда бўлиб ўтаётган жаҳон кубогида таяниб салто отиш баҳсларида олтин медални қўлга киритди.

Оксана шу йил 50 ёшга тўлади. ОФАРИН!

Telegram I Facebook I YouTube I Live

Телеграмда янги функциялар пайдо бўлди

Tелеграмда энди контактдан ташқаридаги кимдир биринчи марта хабар юборганида, батафсил маълумот саҳифаси тақдим этилади.

Бунда умумий маълумот кўринишида нотаниш одамнинг телефон рақами қайси давлатга тегишли экани, Tелеграмга қачондан бери кириши, исми ёки расмини қачон ўзгартиргани кабилар кўрсатилади.

Бу фирибгарликларни аниқлаш, ўзини бошқа биров деб кўрсатадиганлардан қочиш ва ким билан гаплашилаётганини тасдиқлаш имконини беради.

Шунингдек, мессенжерда контактдан ташқари одамлар хабар ёзишини пулли қилиш имкони мавжуд бўлди. Бу Телеграм юлдузчалар орқали амалга оширилади.

Telegram I Facebook I YouTube I Live

Миллат қалбидаги нур

Халқимизда “қиз фарзанд отасига меҳрибон бўлади”, деган нақл бор. Отасига меҳрибон қиз – бу оиланинг баракаси, меҳр-муҳаббат ифодасидир.

👉 https://effect.uz/6243

Telegram I Facebook I YouTube I Live

Энди чиқинди қарздорлиги 5 кун ичида бартараф қилинмаганда қарздор электр энергиясидан вақтинча узилади

Янги ўзгартирилган қонуннинг 4-моддасига кўра, маиший чиқиндиларни олиб кетиш хизматидан қарздор бўлганлар электрга тўлов қилишда чеклов қўйилиши бўйича SMS орқали огоҳлантирилади.

Бунда уларга беш кун вақт берилади.

Қарздор ўз мажбуриятини бажаргач, чеклов автоматик тарзда бекор қилинади.

Ушбу қонун 3 ойдан сўнг кучга киради.

Telegram I Facebook I YouTube I Live

Доғистон ҳукумати республикада Telegram блоклангани ҳақида маълум қилди

Доғистон рақамли ривожланиш вазири Юрий Гамзатовнинг хабар беришича, республикада федерал ҳукумат қарорига мувофиқ Telegram мессенжери блокланган. Унинг сўзларига кўра, мессенжер Чеченистонда ҳам блокланмоқда.

"Блоклаш ҳақидаги қарор ҳуқуқни муҳофаза қилувчи органларнинг тақдимномасига биноан федерал даражада қабул қилинган. Бу платформадан кўпинча душман кучлар фойдаланади, Махачқалъа аэропортидаги тартибсизликлар бунга яққол мисол бўлади", — дея Гамзатовнинг сўзларини келтирди “РИА Дагестан”.

2024 йил октябр ойидан бери Доғистон, Ингушетия ва Чеченистон аҳолиси Telegram’дан киришда муаммолар борлигидан шикоят қилиб келади. Декабр ойида эса бу республикаларда , Telegram ва WhatsApp каби хорижий хизматлар ва мессенжерлар ишламай қолган.

Доғистондаги йирик провайдерлардан бири – “Эллко” компанияси ушбу узилишларни Роскомнадзорнинг хорижий интернет сегментига киришни блоклаш бўйича ўтказаётган машғулотлари билан изоҳлаган.

Telegram I Facebook I YouTube I Live