Ўзбекистон январ ойида энг йирик олтин сотиб олувчи бўлган

Жаҳон олтин кенгаши ҳисоботида айтилишича, 2025 йилнинг январь ойида дунё марказий банклари жами 18 тонна олтин харид қилган бўлса, Ўзбекистон, Хитой ҳамда Қозоғистон бу борада биринчи учликни бошлаб берган.

Бунда Ўзбекистон Марказий банки январь ойида 8 тонна соф харидни қайд этган ва ўз захираларини 391 тоннага етказган. Ёки қимматбаҳо металлнинг халқаро захиралардаги улуши 82 фоизни ташкил этган.

Шунингдек, Хитой (5 тонна, умумий захираси 2 285 тонна) ва Қозоғистон (4 тонна, умумий захираси 288 тонна) давлатлари олтин сотиб олиш бўйича кейинги ўринларни банд қилган.

Бундан ташқари:
Польша Миллий банки – 3 тонна;
Ҳиндистон захира банки – 3 тонна;
Чехия миллий банки – 2 тонна;
Қатар Марказий банки – 1 тонна.

Ҳисобот даврида энг кўп олтин сотган давлатлар эса Россия (3 тонна), Иордания (3 тонна) ва Қирғизистон (2 тонна) бўлган.

Telegram I Facebook I YouTube I Live

Солиқ, божхона, банк ходимлари ва ҳоким ўринбосари ҳамда тадбиркорлардан иборат уюшган жиноий гуруҳ фаолияти фош этилди

17 нафар солиқ идоралари ходимлари, 1 нафар божхона органи ходими, 1 нафар банк ходими, 1 нафар туман ҳокимининг биринчи ўринбосари ва 18 нафар тадбиркорлик субъектларининг мансабдор шахсларидан иборат уюшган жиноий гуруҳ фаолияти фош этилди.

Аниқланишича, ушбу гуруҳ томонидан 2020-2023 йиллар давомида 8 та сохта корхона ташкил қилиниб, хорижга сохта экспорт қилинган мебель маҳсулотлари учун қайтарилиши белгиланган 15 фоиз қўшилган қиймат солиғининг (ҚҚС) салбий фарқ суммасини асоссиз қайтариб олиш орқали, улар жами 24 млрд. 580 млн. сўм бюджет маблағларини талон-торож қилишган.

Cуд томонидан 38 нафар судланувчиларнинг 14 нафарига 5 йил 6 ойдан 7 йил 6 ой муддатгача озодликдан маҳрум қилиш жазоси тайинланди.

Telegram I Facebook I YouTube I Live

“Ислоҳотлар йўлидаги энг катта тўсиқ ва ғов бу коррупциядир" — президент

Президент Шавкат Мирзиёев раислигида коррупциянинг олдини олиш бўйича ишлар натижадорлиги ва келгусидаги устувор вазифаларга бағишланган кенгайтирилган йиғилиш бошланди.

Давлатимиз раҳбари сўзининг аввалида ислоҳотлар ҳал қилувчи босқичга кираётган ҳозирги вақтда юртимизда коррупциядан холи муҳит яратиш бўйича ишларга баҳо бериб, келгуси вазифаларни аниқ белгилаб олиш зарурлигини таъкидлади.

“Ислоҳотлар йўлидаги энг катта тўсиқ ва ғов – бу коррупциядир. Буни дунё тажрибаси ҳам тўлиқ тасдиқлайди.

Коррупция оқибатида жаҳон иқтисодиёти йилига 3 триллион доллар зарар кўраётгани бу глобал хавф эканидан далолат.

Коррупция шундай ёвуз иллатки, у халқнинг давлатга, Конституция ва қонунларга ишончига путур етказади, барқарор ривожланиш ва хавфсизлик учун жиддий таҳдидга айланади”,

- деди президент.

Telegram I Facebook I YouTube I Live

Мирзиёев фавқулодда вазиятлар вазири ва унинг ўринбосарлари нега ишдан олинганини очиқлади

Президент коррупциянинг олдини олиш борасида қилинган ишларга баъзи мисолларни келтирди.

Коррупцияни таг-томири билан қуритиш учун аввало инсон омили ва қоғозбозликни камайтиришга алоҳида эътибор қаратилмоқда.

Масалан, аҳолига ер бериш жараёнида фуқаролари ҳоким ва ўнга яқин идоралар ўртасида сарсон бўлиб юрарди. Умуман, бу соҳа коррупция “ўчоғи”га айланган эди.

Ерни ҳоким қарори билан ажратишдан тўлиқ воз кечилиб, аукцион тизимига ўтилгани натижасида бу тизим халқчил бўлди.

Қурилиш соҳаси энг коррупциялашган соҳалардан бири эди. “Шаффоф қурилиш” дастури жорий этилганидан кейин бу йўналишда ҳам ижобий ўзгаришлар сезилмоқда.

Илгари инвестиция дастурига кирган объектларни қурадиган пудратчилар мингтага ҳам етмасди. Ўтган йили 13,5 мингта объект қурилишида 4 мингдан зиёд пудратчи иштирок этди. Соҳа рақамлашгани ҳисобига ўтган 4 йилда 3,6 триллион сўм бюджет маблағи тежалди.

Лекин қурилишга рухсат бериш, бинони топширишда ёнғин хавфсизлиги бўйича бюрократия ва қонун бузилиш кўпайиб кетгани учун ўтган ҳафта фавқулодда вазиятлар вазири ва унинг ўринбосарлари ишдан олинди.

Telegram I Facebook I YouTube I Live

"ОАВнинг бу борадаги ўрни ва таъсири ортиб бормоқда" — президент

Президент жамиятда коррупция муаммосини муҳокама қилиш учун очиқ тизим шаклланганини ва ОАВнинг бу борадаги ўрни ва таъсири ортиб бораётганини қайд этди.

"Илгари бу мавзу журналистлар учун мутлақо ёпиқ эди. Ҳозирги вақтда мавжуд ҳолат очиқлик ва шаффофлик томонга бутунлай ўзгарди.

Очиқлик бўйича халқаро рейтинглардаги мамлакатимизнинг ўрни 138 поғонага яхшиланиб, Марказий Осиёда биринчи, дунёда 30-ўринга кўтарилди.

Такрор ва такрор айтаман: биз очиқлик сиёсатини, сўз эркинлиги ғояларини ҳаётга татбиқ этишда ҳамиша қатъий бўламиз!" —

деди Шавкат Мирзиёев

Telegram I Facebook I YouTube I Live

"Нега бу ишлар президент топшириқ берганидан кейин бошланиши керак?” — президент Коррупцияга қарши курашиш агентлиги фаолиятидан мутлақо норози

Президентимиз Коррупцияга қарши курашиш агентлиги фаолиятидан мутлақо норози эканини маълум қилди.

Агентлик ходимлари вазирликларга, ҳудудларга бориб, аниқ бир соҳани таҳлил қилиб, муаммоларга ечим бериш ўрнига, қўзғатилган жиноят ишларини санайдиган қуруқ статист бўлиб қолган.

Агентлик раҳбарияти коррупция ҳолати энг кўп бўлган туман соғлиқни сақлаш, бандлик бўлими ёки банк филиалига бориб, ҳолатни ўрганмагани, янги замонавий тизим бўйича таклиф бермагани кўрсатиб ўтилди. Ушбу соҳаларнинг бевосита раҳбарларининг ўз тизимини “коррупциядан холи” қилиш ишлари суст.

Президент топшириғи билан инвестиция дастурлари устидан назорат кучайтирилганидан кейин ўтган йилни ўзида 3 триллион сўм иқтисод бўлди. Ёки соғлиқни сақлаш тизимида “Ситуацион марказ” ишга туширилгани ҳисобига 2024 йилда 1,2 триллион сўмлик мақсадсиз харажатларнинг олди олинди.

Лекин нега бу ишлар президент топшириқ берганидан кейин бошланиши керак?”

- дея савол қўйди давлатимиз раҳбари.

Telegram I Facebook I YouTube I Live

"Вазирликларнинг ҳудудий комплаенс ходимларини бевосита вазирнинг ўзи ишга қўяди, бутун тизимдаги коррупция учун шахсан жавоб беради" — президент

Бош вазирга 117 та вазирлик ва идорадаги “коррупцияга қарши ички назорат” тузилмалари раҳбарларини ишдан олиш ва уларнинг ўрнига ҳалол, фидойи ва профессионал кадрлардан қўйиш, уларни олдига аниқ вазифаларни белгилаб бериш топширилди.

Вазирликларнинг ҳудудий комплаенс ходимларини бевосита вазирни ўзи ишга қўйиши, ўзига сиёсий масъулият олиб, бутун тизимидаги коррупция учун шахсан жавоб бериши белгиланди.

Агентликнинг иш услуби мутлақо ўзгаради. Бунинг учун тажриба тариқасида 5 та идора: Соғлиқни сақлаш, Қурилиш, Сув хўжалиги вазирликлари, “Ўзбекнефтгаз” ва “Ўзсувтаъминот”нинг комплаенс назорати агентликка ўтказилади.

Йил якуни билан бу вазирликларда қанча коррупциявий омилларни бартараф қилгани, одамларга қандай енгилликлар бўлгани ҳақида Миллий кенгашда ҳисобот беради.

Шунингдек, агентлик вазир, ҳокимлар билан биргаликда ҳар чоракда коррупция юқори бўлган камида 3 та соҳада тумангача тушиб, маиший ва тизимли коррупция омилларини чуқур ўрганади, таҳлиллар асосида қайси жараённи рақамлаштириш, қайси бюрократик тартибни бекор қилиш бўйича аниқ чораларни ишлаб чиқади.

Икки ойда халқаро рейтинг ташкилотлари тавсияси асосида “йўл харита”си ишлаб чиқилиб, ҳар бир вазирлик ва идорага қилинадиган ишлар аниқ белгилаб берилади. Сусткашликка йўл қўйган раҳбарларни жазолаш бўйича таклиф киритилади.

Telegram I Facebook I YouTube I Live

Бундан буён секторлар фаолияти билан прокурор, ички ишлар ва солиқ шуғулланмайди

Уларнинг ўрнига эндиликда Бош вазир ўринбосарлари ўзига тегишли соҳалар билан ўз кучи ва тизими билан шуғулланиши белгиланди.

Давлат раҳбари кейинги пайтда прокурор, ички ишлар ва солиқ раҳбарлари секторни баҳона қилиб, соҳасидаги ишларни сусайтириб юборганини танқид қилди.

Маълумот учун: 8 йил аввал ҳудудларни комплекс ривожлантириш бўйича секторлар фаолияти йўлга қўйилган эди.

Telegram I Facebook I YouTube I Live

#Live
Айни дамда Бирлашган Миллатлар Ташкилотининг  Ўзбекистондаги ваколатхонасида
Тараққиёт Дастури доирасида (БМТТД) Ўзбекистон Республикаси Экология, атроф-муҳитни муҳофаза қилиш ва иқлим ўзгариши вазирлиги билан ҳамкорликда ушбу тадбирни ташкил этилган.Тадбир давомида NDC 2.0 таҳлилининг асосий хулосалари, унинг ҳозирги қайта кўриб чиқилиши асосида ишлаб чиқилган NDC 3.0 йўл харитаси ва UNFCCC кўрсатмаларига мувофиқ NDC 3.0 ни ишлаб чиқиш бўйича миллий ёндашув тақдим этилмоқда.

Telegram I Facebook I YouTube I Live

Давлат идоралари раҳбарлари фойдаланадиган хорижий автомобиллар сони камаяди - президент

Бюджетдан ташқари маблағлар ҳисобидан харид қилинадиган товарларни тартибга солиш вақти келгани таъкидланди. Бюджет ва бюджетдан ташқари жамғармалар ҳисобидан асосий воситаларни сотиб олиш бўйича талабларни кучайтириш тўғрисида қарор қабул қилинди.

Жамоат транспортидан фойдаланишни кескин қисқартириш, миллий автомобиллар ва миллий мебелларга ўтиш зарурлиги таъкидланди.

Telegram I Facebook I YouTube I Live

Судлар фаолиятига ҳар қандай аралашиш одил судловга соя солиш, деб баҳоланади. Бу бўйича сўров ҳам, жавобгарлик ҳам қаттиқ бўлади” — президент

Президент амалдорларни судлар фаолиятига аралашишдан тийилишга чақириб, жавобгарлик масаласи қаттиқ бўлишини эслатди.

Давлатимиз раҳбари суд тизимида коррупциявий хавф-хатарларни олдини олиш, одил судлов сифати ва самарадорлигини ошириш доимо диққат марказида бўлиши зарурлигини таъкидлади.

Сўнгги йилларда судлар мустақиллигини таъминлаш бўйича катта ислоҳотлар амалга оширилди. Лекин судьяларни мажлисга чақириш, уларга ваколатига кирмайдиган вазифаларни юклаш ҳолатлари ҳам учраб тургани қайд этилди.

Шунингдек, айрим идоралар томонидан судга таъсир ўтказишга уринишлар ҳали-ҳануз давом этаётгани кўрсатиб ўтилди.

“Барча раҳбарларни қатъий огоҳлантираман. Судлар фаолиятига ҳар қандай аралашиш одил судловга соя солиш, деб баҳоланади. Бу бўйича сўров ҳам, жавобгарлик ҳам қаттиқ бўлади”,

- деди президент.

Одил судловни амалга оширишда адвокатлар ўрни жуда муҳим. Бу борада адвокатларга ҳимоясидаги фуқарога ўз вақтида ҳуқуқий ёрдам кўрсата олишлари учун имконият яратиш кераклиги қайд этилди.

Мутасаддиларга уч ой ичида сифатли юридик ёрдам кўрсатилишида адвокатлар фаолиятига тўсқинлик қилаётган омилларни бартараф этиш бўйича қонун лойиҳасини киритиш топширилди.

Telegram I Facebook I YouTube I Live

"Коррупцияга қарши кураш – умуммиллий вазифа" — президент жамоатчилик вакиллари ва нодавлат ташкилотларига мурожаат қилди

“Коррупцияга қарши кураш – умуммиллий вазифа, ҳар бир ватанпарвар юртдошимизнинг виждон ишидир. Умуман, бу жараёндан ҳеч ким четда турмаслиги керак.

Шу боис, коррупцияга нисбатан муросасиз бўлиш учун янада кўпроқ шароит яратиб, бунга кенг жамоатчиликни жалб қилишимиз зарур. Аввало, нодавлат ташкилотлар фаоллигини ошириш лозим. Бу – энг тўғри йўл”,

- деди давлатимиз раҳбари.

Парламент нодавлат ташкилотлар билан яқин ҳамкорликни йўлга қўйиб, уларнинг имкониятларидан кенг фойдаланиши мақсадга мувофиқ экани таъкидланди.

Масалан, Коррупцияга қарши курашиш бўйича конвенция талабларини мониторинг қилишга нодавлат ташкилотлар жалб қилинса, катта самара беришига ишонч билдирилди.

Ушбу мақсадлар учун янги лойиҳаларни қўллаб-қувватлашга ҳар йили 10 миллиард сўмдан ажратиб борилади.

Telegram I Facebook I YouTube I Live

Дабдабабозликка таниқли шахслар бош бўлаётгани алоҳида таъкидланди

Коррупцияни енгиш учун биринчи навбатда унинг ортиқча ҳашамат ва дабдаба деган “ўқ илдизларини” қуритишимиз шарт.

Энг ачинарлиси, бунга таниқли шахслар бош-қош бўлаяпти, одамлар уларга тенглашаман деб, ўзини “ўтга-чўғга” ураяпти.

Бу борада айрим раҳбарлар ўзининг камтарона турмуш тарзи билан барчага намуна бўлиш ўрнига, бундай сохта қадриятлар асирига айланиб, ноқонуний даромад топишга интилаётгани ҳам бор гап”, -

деди президент.

Шу боис давлат раҳбари парламент палаталари, маҳаллий кенгашлар, жамоатчилик вакиллари, маҳалла раислари, нуронийларни бу масалага бош-қош бўлиб, аҳоли орасида тушунтириш ишларини кучайтиришга чақирди.

Telegram I Facebook I YouTube I Live

Ўзбекистоннинг олти ҳудудида қор кўчиш хавфи эълон қилинди

Ўзгидромет хизмати агентлиги 6–11 март кунлари Ўзбекистоннинг 6 та вилоятида қор кўчиши хавфини эълон қилди.

Хусусан, кутилаётган ёғингарчилик ҳамда ҳаво ҳароратининг ўзгаришлари сабабли республиканинг тоғли ва қуйидаги ҳудудларида қор кўчиш хавфи эълон қилинади:

Қашқадарё вилояти: Деҳқонобод, Китоб, Қамаши, Шаҳрисабз туманларида;

Сурхондарё вилояти: Бойсун, Қумқўрғон,Сариосиё, Узун туманларида;

Самарқанд вилояти: Нуробод, Қўшработ, Самарқанд, Ургут туманларида;
Жиззах вилояти: Бахмал, Зомин туманларида;

Тошкент вилояти: Бўстонлиқ, Оҳангарон ва Паркент туманлари (Чотқол тизмасининг тоғлари);

Наманган вилояти Поп туманида қор кўчиш хавфи эълон қилинади.

Тоғли ҳудудларда яшовчи фуқаролар, дам олувчилар ҳамда тоғли ҳудудларда ҳаракатланувчи ҳайдовчилардан эҳтиёткорлик чораларини кўришлари сўралди.

Telegram I Facebook I YouTube I Live

ИИВ вазир ўринбосари Шавкат Раҳмонов лавозимидан озод этилди

Ички ишлар вазири биринчи ўринбосари – Тезкор-қидирув департаменти бошлиғи Шавкат Раҳмонов лавозимидан озод этилди.

Ҳозирча унинг нима сабабдан ишдан бўшатилгани бўйича расмий хабар мавжуд эмас.

Telegram I Facebook I YouTube I Live

Ҳар 5 нафар судьянинг бири қонунбузар ёхуд Судьялар олий кенгашига ойна...

Судьялар олий кенгашининг 2024 йилги фаолиятига доир Ахбороти алоҳида тўплам шаклида нашр этилди.

Унга кўра, 2024 йилда судьяларга нисбатан 718 марта хизмат текшируви ўтказилган, бунинг натижасида 506 та интизомий иш қўзғатилиб, 274 нафар судья турли интизомий жазога тортилган.

Тизимда 1526 нафар судья ишлаётгани инобатга олинса, рақамлар кўп эмасми, жаноблар?

274 нафар судьянинг интизомий жазога тортилгани бу ҳар бешта судьядан биттаси қовун тушираётганини кўрсатади.

Таниш-билишчилик, юзидан ўтолмаслик ва бошқа сабаблар билан интизомий жазодан қутилиб қолганлар ёки хатоси катта бўлса-да, жазо олиш ўрнига “муҳокама билан чекланиш” натижасида сувдан қуруқ чиққанлар бу ҳисобга кирмайди.

Реал ҳолат Кенгаш эълон қилган статистикадан ҳам ёмон.

Шуми профессионал, ҳалол ва пок кадрлар жой-жойига қўйилаётгани?

Ўзбекистон фуқароларининг одил судловга бўлган ҳуқуқини беками кўст таъминлаши керак бўлган қозиларимиз аҳволи бу бўлгандан кейин, процесс иштирокчиларининг дод-войлари нега ОАВга чиқиб кетаётганидан ҳайратланмаса ҳам бўлади.

Агар одил судлов билан боғлиқ муаммо бўлмаганида деярли 99 фоиз ҳолатда барчаси СУД процессларида рози-ризочилик билан ишлар якунланган бўларди.

Шу сабабли, Администрация ва Парламентдан ҳолатни назоратга олишни ҳамда халқимизни одил судъялар корпуси билан таъминлашда кўмак сўраймиз.

Ўзбекистонда баҳорнинг 5 куни. Аммо метан заправкаларда навбат 5 кмдан ортиқ. Бу ҳолат қарийб 5 ой балки 5 йилдан бери давом этяпти. Беш баҳо

@effectuz

Қизалоқни онасига олиб бериш жараёни оиланинг қайта тикланиши билан якунланди

Ҳар бир бола учун энг улуғ макон – унинг оиласидир.

👉 https://effect.uz/uz/6241

Telegram I Facebook I YouTube I Live

"Тегиниш мумкин бўлмаган шахс"дан "кераксиз одам"га — арқон тортиляпти...

Ҳукумат ноинсоф амалдорларни ишдан олишни бошлаган.

3 март куни Ички ишлар вазирлигида янги вазир — Азиз Тошпўлатов вазирлик раҳбариятига расман таништирилган. Мажлисга бош вазир Абдулла Арипов шахсан ўзи раислик қилган.

Мажлис иштирокчиларидан бирининг айтишича, Абдулла Арипов нафақат янги вазирни таништирган, балки Ўзбекистон ички ишлар вазирининг биринчи ўринбосари Шавкат Раҳмоновни ишдан бўшатилганини эълон қилган.

Шавкат Раҳмонов атиги бир неча дақиқа ичида "тегиниш мумкин бўлмаган шахс"дан "кераксиз одам"га айланган.

Полковник карьерасига бутун зал олдида том маънода нуқта қўйилган.

“Абдулла Ниғматович ўта қаттиқ гапларни айтган: "Сени бугун президент ишдан бўшатди! Сен бу лавозимга нолойиқсан! Ҳамма жойни расво қилдинг!" деди," — дея ёзади мажлисда иштирок этган манба.

Унинг сўзларига кўра, бу кескин сўзлардан кейин Раҳмонов шок ҳолатига тушиб, оғзи қуриб, ҳатто гапиришга ҳам тили келмай қолган. Бош вазир уни мажлисдан ҳайдаб чиқаришни буюрган.

Бош вазирнинг бу қарори мажлисда ўтирган кўплаб генерал ва полковникларни қувонтирди, дейди манба.

Сабаби аниқ: Шавкат Раҳмонов икки йилдан буён вазирликнинг Тезкор-қидирув департаменти бошлиғи лавозимида ишлаб келган, бироқ унинг вазирликдаги обрўси анча шубҳали эди.

Унинг "ҳамтовоқлари" орасида Президент Администрациясида ҳуқуқ-тартибот органлари бўйича маслаҳатчи Дониёр Қодиров ва Тошкент шаҳар ИИББ собиқ бошлиғининг биринчи ўринбосари, ҳозирда қамоқда бўлган Дониёр Тошхўжаев бўлгани айтилади.

Уччовлонни вазирликда “погондаги ОПГчилар” деб аташган, дея изоҳ беради манба.

Инсайдерларига кўра, Шавкат Раҳмонов жиноятни беркитиш эвазига пора олиш, жиноятчилар ва уюшган жиноий гуруҳлар манфаатини ҳимоя қилиш, тергов делоларини сохталаштириш ҳамда давлат бюджетидан маблағларни ўзлаштиришда бевосита иштирок этган.

Шунингдек, жаноб полковник уюшган жиноий гуруҳлардан молиявий ёки бошқа манфаатлар эвазига уларни ҳимоя қилиш билан мунтазам шуғулланган.

Манбаларнинг маълум қилишича, янги вазир Азиз Тошпўлатовнинг ўзи ҳам айнан “погонли ОПГчилар” дан «кўп азият чеккан».

3 март куни 53 ёшли Шавкат Раҳмоновнинг ички ишлар тизимидаги 30 йиллик хизматига аянчли нуқта қўйилди.

Аввал бу журналистлар учун ёпиқ эди — Президент Шавкат Мирзиёев коррупцияга қарши курашишда очиқлик сиёсати, сўз эркинлиги ғоялари ҳаётга татбиқ этилишда ҳамиша қатъий бўлишни таъкидлади

@effectuz

Бу узоқ ўйланган қарор — энди секторлар фаолияти билан прокурор, ички ишлар ва солиқ идоралари раҳбарлари шуғулланмайди

@effectuz