Давлат ОТМларида контракт тўловини бўлиб тўлаш муддатлари

Талабаликка тавсия этилган абитуриентлар:
— Тўлов миқдорининг камида 25% 15 сентябргача (ёки Давлат қабул комиссияси белгилаган муддатгача).

Иккинчи ва ундан юқори курс талабалари:
— 1 октябргача (ёки ОТМ раҳбарияти узайтирган муддатгача).

Барча курс талабалари учун умумий тартиб:
— 1 январгача — белгиланган тўловнинг камида 50%;
— 1 апрелгача — 75%;
— 1 июлгача — 100% (ёки ОТМ раҳбарияти узайтирган муддатгача).

Хорижий фуқаролар учун — ОТМ раҳбарияти белгилаган муддатларгача.

Нодавлат ОТМлар — контракт тўлаш муддатлари талаба ва олийгоҳ ўртасидаги шартномага асосан белгиланади.

Telegram I Facebook I YouTube I Live

Андижон вилоятида Damas уриб кетган 10 ёшли қизалоқ вафот этди

Андижон вилоятининг Олтинкўл туманида Damas 2015 йилда туғилган қизалоқни уриб юборган. Қизалоқ олган тан жароҳатлари ортидан ҳалок бўлгани айтилмоқда.

Telegram I Facebook I YouTube I Live

"Хуш келдинг, баҳор!" – Яккасаройда миллий парад ўтказилди

Пойтахтнинг Яккасарой туманида "Хуш келдинг, баҳор!" миллий паради катта кўтаринкилик билан ўтказилди. Ушбу байрамона тадбирда турли ёшдаги одамлар иштирок этиб, баҳорнинг кириб келишини ўзгача шодиёналар билан нишонлади.

Баҳорий параднинг асосий жиҳатлари:

3 километр масофа давомида иштирокчилар пиёда юриб ўтишди.

2 мингга яқин инсон ўзининг миллий либосларида қатнашиб, ўзбекона анъаналарни намойиш этди.

Парад 5 та маҳалла ҳудудидан ўтиб, кўчаларда байрам шукуҳи ва кўтаринки кайфиятни таратди.

Маҳаллалар бўйлаб ўтган ушбу тантанали юриш миллий қадриятларимизни тарғиб этиш, бирдамлик ва байрамона руҳни мустаҳкамлашга хизмат қилди. Иштирокчилар қўлларида баҳорни мадҳ этувчи шиорлар ва гуллар билан юриб, байрам кайфиятини янада жонлантиришди.

Ушбу тантанали парад нафақат қишнинг совуқ кунларидан кейин илиқлик олиб келган баҳорни қарши олиш, балки халқимизнинг маданий меросини кенг намойиш этиш имконини ҳам берди. Яккасарой туманининг кўчалари байрамона оҳанглар, кулгу ва миллий куй-қўшиқлар билан тўлиб, барчага унутилмас таассурот қолдирди.

Telegram I Facebook I YouTube I Live

Сув қандай равон оқади?

Канал ва ариқларни бетонлашдан мақсад сув исрофгарчилигининг олдини олиш. Тўғри тортилган канал ва ариқдан сув равон оқади.

Илон изи, нишаблиги тузук олинмаган тармоқдан эса сув яхши юрмайди.

Шу кунларда бир нечта вилоятларда бўлиб, ички суғориш тармоқларини бетонлаш ишларини кузатдик. “Сув етказиб бериш хизмати” давлат муассасалари ва фермерлар томонидан ариқларнинг эски ўзани “бетон сувоқ” қилинаётганини кўрдик. Яъни, ўзан қандай бўлса, шундоқлигича бетон қилинаяпти. Битта вилоятда эмас, бир нечта вилоятда шундай ҳолатларга дуч келдик.

Катта маблағ сарфланиб, бетонланаётган суғориш тармоқлари ип тортилиб, ўзани тўғрилаб олинса ҳам чиройли чиқади, ҳам сув равон оқади.

Нега айримлар шуни билиб туриб, озгина меҳнатдан қочиб, қийшиқ-қўнғир бўлса ҳам бетонлаб бормоқда.

Ҳар бир ишга мутахассис кўзи билан қараб, сифатли бажарсак, аввало, ўзимизга яхши эмасми?

Сув хўжалиги вазирлиги Ахборот хизмати

Telegram I Facebook I YouTube I Live

Россия, Ўзбекистон, Қорақалпоғистон ва Қозоғистон жамоалари ўртасида Голбол бўйича халқаро миқёсдаги мусобақа бўлиб ўтди

Бугун Яккасарой туманидаги 1-сон Болалар ва ўсмирлар спорт мактабида халқаро миқёсдаги мусобақа – “Ҳоким кубоги” ўтказилди. Ушбу мусобақа голбол спорти бўйича ташкил этилиб, унда турли давлатлардан келган жамоалар иштирок этдилар.

Мусобақанинг тантанали очилиш маросимида

сенаторлар М.Кадирханова, О.Козихонова, Яккасарой туман ҳокими Н.Аллабергенова, сектор раҳбарлари, Адаптив спорт турлари ассоциацияси ижрочи директори А.Мурсакулов, масъул ташкилот вакиллари, маҳалла ёшлари ҳамда спорт ишқибозлари иштирок этдилар.

Мусобақа қизғин курашларга бой бўлди. Россия Федерацияси, Ўзбекистон, Қорақалпоғистон ва Қозоғистондан ташриф буюрган тўққизта жамоа финал йўлланмаси учун ўзаро баҳс олиб борди.

Ҳар бир жамоа майдонда ўзининг маҳорати, жамоавий бирдамлиги ва ғалабага бўлган интилишини намойиш этди.

Финал босқичи эса ҳақиқий шиддатли беллашувга айланди. Мусобақанинг ҳал қилувчи босқичига уч жамоа етиб келди ва кучли жамоалар ўртасидаги сўнгги баҳс барча иштирокчиларни ҳайратга солди.

Натижалар қуйидагича якунланди:

1-ўрин: Россия Федерациясининг “Москва” жамоаси.

2-ўрин: Ўзбекистон Республикасининг “Тошкент” жамоаси.

3-ўрин: Қозоғистон Республикасининг “Атирау” жамоасига насиб қилди.

Ғолибларга Тошкент шаҳар ҳокимининг ўринбосари Д.Рахимова, Яккасарой туман ҳокими Н.Аллабергенова томонидан медал ва қимматбаҳо совғалар топширилди.

Бундан ташқари, мусобақада фаол иштирок этган жамоалар ташаккурнома ва эсдалик совғалари билан тақдирландилар.

Мазкур мусобақа нафақат спортчилар учун муҳим тажриба майдони, балки халқаро дўстлик ва спорт ҳамкорлигини мустаҳкамлашга хизмат қилувчи нуфузли тадбир бўлди. Голбол спортининг оммалашиши ва спортчиларимизнинг халқаро майдонда муваффақият қозониши келгусида бу йўналиш янада ривожланишига туртки беради.

Telegram I Facebook I YouTube I Live

Тошкент вилоятида вазни 7 килодан зиёд қиз туғилди

Тошкент вилоятининг Янгийўл шаҳри туманлараро перинатал марказида вазни 7 килограмм 3 грамм бўлган қиз дунёга келди. Бу ҳақда ССВ хабар берди.

Чақалоқнинг аҳволи қониқарли деб баҳоланмоқда. Она кесарча кесиш орқали туғдирилган, бу унинг тўртинчи фарзанди.

Вилоят соғлиқни сақлаш бошқармаси маълумотларига кўра, ҳозир она ва бола шифокорлар назоратида.

Telegram I Facebook I YouTube I Live

Жомбой туманидан Ургут туманига янги темирйўл линияси қурилиши бошланди.

Узунлиги 50 километрдан ортиқ бўлган ушбу тармоқ “Тоштемирйўллойиҳа” МЧЖ томонидан ишлаб чиқилган бош режа асосида замонавий муҳандислик ечимлари ҳисобга олинган ҳолда барпо этилмоқда.

Янги темирйўл тармоғи Жомбой туманидаги “MAN” заводи яқинидан бошланиб, 4Р-238 автомобил йўлини кесиб ўтиб, Зарафшон дарёси бўйлаб давом этади. Дарёда махсус темирйўл кўприги қурилади. Шундан сўнг, тармоқ Тойлоқ ва Самарқанд туманлари орқали Ургут туманига етиб боради. Темирйўл ўтадиган Жомбой, Самарқанд, Тойлоқ ва Ургут туманларининг аҳоли гавжум ҳудудларида бекатлар ташкил этилади.

Масалан, Тожикистон билан чегарадош Ургут туманида жойлашган «Жартепа» чегара божхона пости яқинида бекат қурилади. Бу эса тожикистонликларга Ўзбекистон бўйлаб темирйўл орқали саёҳат қилиш имконини беради.

Telegram I Facebook I YouTube I Live

Ўзгалар парваришига муҳтож шахслар бир йилда бир маротаба бепул чуқурлаштирилган тиббий кўрикдан ўтказилади

🎬 Видеоролик орқали қисқача танишинг!

☺️ Батафсил маълумот учун маҳаллангиздаги ижтимоий ходимларга ёки ҳудудингиздаги «Инсон» ижтимоий хизматлар марказларига мурожаат қилишингиз мумкин.

Telegram I Facebook I YouTube I Live

Энди томорқани қаровсиз қолдириб бўлмайди. Акс ҳолда…

Президент Шавкат Мирзиёевнинг «Томорқа ер эгалари ва деҳқон хўжаликлари фаолиятида замонавий ташкилий тизимни жорий қилиш ва молиявий қўллаб-қувватлашнинг қўшимча чора-тадбирлари тўғрисида»ги янги имзолаган фармонида аҳолининг ердан унумдор фойдаланишига қаратилган бир қатор янгиликлар мавжуд.

Хусусан, эндиликда аҳоли томорқаси ва ижарага берилган ер майдонларидан самарали фойдаланиш бўйича ҳоким ёрдамчиси ҳар чоракда ўрганиш олиб боради.

Ўрганиш давомида хонадондаги томорқа ва ижара ерларида экин экилмаган ва қаровсиз қолдирилган бўлса қуйидаги чоралар қўлланилади.

1. Имтиёзли кредитлар ажратилмайди.

2. Ижтимоий ҳимоя ягона реестрига киритилган фуқаролар учун ёрдамлар (моддий ёрдам ёки бола пули каби) тўхтатилади.

3. Ер солиғи уч карра юқори миқдорда ҳисобланади.

Айнан фармоннинг моҳиятларини аҳолига кенгроқ тушунтириш мақсадида EFFECT.UZ мухбири Асомиддин Нурманов Фермерлар кенгаши юридик бўлими бошлиғи Соҳибжон Хотамов ва Кенгаш бош ҳуқуқшуноси Чорихон Қодиров билан суҳбатлашди.

Telegram I Facebook I YouTube I Live

⚡️EFFECT.UZ ЭФФЕКТИ. Хоразмда катта жанжал: Сабаблар, тафсилотлар, натижа…

Аввалроқ, Effect.uz Урганч шаҳри марказидаги кўп қаватли уйлардан бирида аёллар ўртасида жанжал содир бўлгани акс этган видеолавҳани эълон қилган эди.

Уй фойдаланишга 2021 йил 18 июнь куни давлат қабул комиссияси томонидан қабул қилинган, яшашга рухсат берилган. Маълум қилинишича, тадбиркор Йўлдош Маҳмудов раҳбарлигидаги "YANGIYOP FAYZ INVEST" МЧЖ томонидан қурилган уйларда ҳозиргача кадастр ҳужжатлари расмийлаштирилмаган. Аксарият уйлар, икки-уч кишига сотилган бўлиши мумкин.

Effect.uz томонидан эълон қилинган видеолавҳадан сўнг МЧЖ мансабдорларига нисбатан жиноят иши қўзғатилган.

Хоразм вилоят ИИБ ахборот хизмати бошлиғи Зокир Исмоиловнинг Effect.uz’га берган маълумотига кўра, МЧЖ мансабдорларига нисбатан ЖКнинг 168-моддаси билан жиноят иши очилган, ҳозирги кунда вилоят ички ишлар бошқармаси ҳузуридаги тергов бошқармаси томонидан тергов ҳаракатлари ўтказилмоқда. Тергов натижаси бўйича қўшимча маълумот берилади.

👉 1-ВИДЕО

👉 2-ВИДЕО

Telegram I Facebook I YouTube I Live

Effect.uz дан Ёшлар ишлари агентлигига таклиф...

АОКАда Ёшлар экологик таълим ва маданиятни ривожлантириш ҳамда “Яшил макон” умуммиллий лойиҳаси доирасида амалга оширилаётган ишлар бўйича Ёшлар ишлари агентлиги томонидан матбуот анжумани ташкил қилинди.

Матбуот анжуманида Effect.uz мухбири Диёрбек Базарбоев экологик таълимни ривожлантириш масаласида ЁИА масъул ходимига ўз таклифини билдирди. 

“Президент ташаббуси билан Ёшлар ишлари агентлиги қошида "Яшил ташаббусларни " қўллаб қувватлаш жамғармаси ташкил этилади. Ушбу жамғарма нимага хизмат қилади, деган саволга ҳозирги кунда Вазирлар маҳкамаси қарори лойиҳасини ёзяпмиз айнан вақтда агар мумкин бўлса, ушбу лойиҳани ёзиш жараёнига сизни ҳам таклиф қиламиз“, деди Ёшлар ишлари агентлиги масъул ходими Элёр Норпўлатов.

Telegram I Facebook I YouTube I Live

Самарқандда аёл ҳожатхонага туғиб қўйди. Чақалоқнинг ҳаёти сақлаб қолинган

Самарқанд вилоятининг Нуробод тумани тоғли ҳудуд бўлиб, шифохонага мурожаат қилган аёл, бехосдан ҳожатхонада кўзи ёриган.

Маълум қилинишича, ФВБ ходимлари ёрдамга етиб келгунга қадар, ИИБ ходимлари туйнук ковлаб ҳожатхонадан чақалоқни тортиб олишган.

Инсон жонини сақлаб қолиш учун ўтказилган урунишлар якунда натижа бериб, чақалоқнинг ҳаёти сақлаб қолинган.

Telegram I Facebook I YouTube I Live

Бетакрор гўзаллик: Сентобда қор...

Навоий вилоятининг Сентоб туризм қишлоғида айни дамда қор ёғмоқда.

Telegram I Facebook I YouTube I Live

Субсидияга ариза бериш бошланди

Бугун, 3 мартдан бошлаб Ўзбекистонда ипотека кредитлари бўйича субсидиялар учун ариза қабул қилиш бошланди.

Аризаларни соат 9:00 дан бошлаб юбориш мумкин.

Бу учун Давлат хизматлари марказларига бевосита борган ҳолда ёки “my.gov.uz” орқали мустақил равишда ариза топшириш керак.

Субсидия ажратишда ижтимоий мезон ишлаб чиқилган. Бунда аризачилар бир нечта мезонлар бўйича балл тўплаши мумкин.

Ойлик маошга қараб ҳудудларда (Қорақалпоғистон ва вилоятлар) қуйидагича балл берилади:

МҲТEКМнинг 2,7 баробаридан 7 баробаригача ёки 3 118 500 сўмдан 8 085 000 сўмгача — 10 балл;

МҲТEКМнинг 7 баробаридан кўп ва 8 баробаригача ёки 8 085 000 сўмдан 9 240 000 сўмгача — 5 балл.

Тошкент шаҳрида эса қуйидагича:

МҲТEКМнинг 2,7 баробаридан 8 баробаригача ёки 3 118 500 сўмдан 9 240 000 сўмгача — 10 балл;

МҲТEКМнинг 8 баробаридан кўп ва 9,2 баробаригача ёки 9 240 000 сўмдан 10 626 000 сўмгача — 5 балл.

Бутун мамлакатда ариза берувчи ёки унинг оиласига тегишли мулк ёки турар-жой бўлмаслиги — 20 балл.

"Лабор-мигратион" дастурида рўйхатдан ўтган меҳнат мигранти — 10 балл.

Олис ёки чекка ҳудудларда меҳнат фаолиятини амалга оширувчи мутахассислар, тиббиёт ходимлари — 5 балл.

30 ёшгача бўлган ёшлар — 5 балл.

Оғир ижтимоий аҳволга тушиб қолган аёллар (ажрашган, бева ёки ёлғиз оналар) — 5 балл.

“Тиббий ижтимоий экспертиза” тизимидан рўйхатдан ўтганлар — 5 балл.

Умумий йиғиш мумкин бўлган максимал балл — 35 балл.

Субсидия қанча миқдорда берилади?

2024 йилдан бошлаб янги уйлар учун ипотека кредитларига субсидиялар қатъий белгиланган 30 млн сўм миқдорида тўлаб берилмоқда.

Талабгор хоҳиши билан субсидия қуйидаги тартибда ҳам тўланиши мумкин:

дастлабки тўловнинг бир қисмини қоплаш учун — ажратиладиган кредитнинг 15 фоизи миқдорида;

фоиз тўловларининг бир қисмини қоплаш учун — кредит муддатининг биринчи 5 йили давомида 12 фоиздан ошган қисмига.

Ўзбекистонликларга субсидия асосида ипотека кредити Қорақалпоғистон Республикаси ва вилоятларда 330 млн, Тошкент шаҳрида эса 420 млн сўмгача берилади.

Агарда дастлабки тўловнинг бир қисмини қоплаш танланадиган бўлса, 50 млн сўмгача субсидия олиш мумкин бўлади.

Субсидия бериш яна қай ҳолатда рад этилади?

тақдим этилган аризада кўрсатилган маълумотлар ижтимоий мезонларга мос келмаганда;

тақдим этилган маълумотлар нотўғри ёки сохта бўлганда;

илгари имтиёзли ипотека кредитларидан фойдаланган ҳолда субсидия олганлар (аввал олинган уй-жой бошқа шахсга бегоналаштириб юборилган тақдирда ҳам) такрорий мурожаат этганда;

жорий йилда ҳудуд учун ажратиладиган субсидия сони тугаганда.

Шундай қилиб, my.gov.uz порталига кириб, “Ипотека кредитига Давлат субсидиясини олишга ариза бериш” хизмати орқали дарҳол ариза топширинг!

Telegram I Facebook I YouTube I Live

Ёзувчи Шодмон Отабек вафот этди
 
Ўзбекистонда хизмат кўрсатган маданият ходими, таниқли ёзувчи Шодмон Отабек 79 ёшида оламдан ўтди.

Шодмон Отабек 1946 йили Андижон вилоятининг Ширмонбулоқ қишлоғида туғилган. 1969 йили Тошкент давлат университети (Миллий университет)ни тамомлаган.

Республика радиоси, Ўзбекистон Миллий кинокомпанияси, Тошкент давлат маданият институти ва «Ўзбекистон адабиёти ва санъати» газетасида ишлаган. 1992 йилдан 2003 йилгача «Хабар» газетасида бош муҳаррир лавозимида фолият олиб борган.

Тўрт марта нашр қилинган «Дўрмон ҳангомалари» китоби Шодмон Отабекка машҳурлик келтирган.

Шунингдек, турли йилларда унинг «Мирзакалон Исмоилий» (1978), «Япроқдаги нур» (1979), «Одамийлик синовлари» (1986), «Энг бахтли кун», «Қорбўрон», (1988, 2009), «Шахмат абадийдир» (1990), «Ширмонбулоқ оқшомлари» (1995) каби китоблари, шунингдек, «Яхши кунларда кўришайлик», «Биркам дунё» қиссалари чоп этилган. 2010 йили «Мирзакалон Исмоилий сабоқлари» китоби нашрдан чиққан.

Шодмон Отабек бадиий таржима билан ҳам жиддий шуғулланган. У Л.Толстой, М.Зошченко, В.Шукшин, Б.Сарнов, Е.Гик, А.Несин асарларини маҳорат билан ўзбек тилига ўгирган. Л.Толстойнинг болаларга атаб ёзган ҳикоялари ва Азиз Несиннинг ҳажвий ҳикояларини алоҳида китоб ҳолида нашр эттирган. Шодмон Отабекнинг асарлари рус, украин, қозоқ, турк тилларига таржима қилинган. «Шуҳрат» медали билан тақдирланган.

Effect.uz жамоаси марҳумнинг оила аъзолари ва яқинларига ҳамдардлик билдиради.

Telegram I Facebook I YouTube I Live

Педагогларни аттестациядан ўтказиш, касбий сертификатлаш ва рағбатлантириш тизими такомиллаштирилади

Вазирлар Маҳкамасининг қарорига кўра, 2025 йил 1 сентябргача:

Навбатдаги мажбурий аттестацияга жалб этилмаган, шунингдек, аттестациядан ўтганлик муддати тугаган ва амалдаги малака тоифаси сақланиб қолган қуйидаги педагоглар мажбурий аттестацияга жалб этилмайди ҳамда уларга амалдаги малака тоифаси (лавозими) бўйича ҳақ тўланади:

олий малака тоифасига (бош ўқитувчи лавозимига) эга бўлганидан сўнг ушбу тоифани (лавозимни) 15 йил давомида сақлаб келган ва узлуксиз иш стажига эга бўлган;
педагогик фаолият бўйича 25 йил ва ундан кўп иш стажига эга бўлган;
ёшга доир пенсияга чиқиши учун 5 йилдан кўп бўлмаган вақт қолган;
педагогик фаолият билан шуғулланаётган пенсия ёшига тўлган педагоглар;

Қуйидаги талаблардан бирига жавоб берадиган педагогларга тўғридан-тўғри малака тоифаси (лавозими) берилади:

педагогик фаолият бўйича 25 йил ва ундан кўп иш стажига эга бўлган педагогларга – уларнинг амалдаги малака тоифаси (лавозими);
ёшга доир пенсияга чиқиши учун 5 йилдан кўп бўлмаган вақт қолган педагогларга – уларнинг амалдаги малака тоифаси (лавозими);
олий малака тоифасига (бош ўқитувчи лавозимига) эга бўлганидан сўнг ушбу тоифани (лавозимни) 15 йил давомида сақлаб келган ва узлуксиз иш стажига эга бўлган педагогларга – олий малака тоифаси (бош ўқитувчи лавозими).

Шунингдек, қуйидагилар назарда тутилмоқда:

таълим ташкилотларида фаолият юритаётган мусиқа маданияти ва жисмоний тарбия фани педагоглари, пенсия ёшидаги педагоглар ҳамда олий маълумотга эга бўлмаган педагогларни аттестациядан ўтказиш;
Мактабгача ва мактаб таълими вазирлиги тизимида фаолият юритаётган малакали педагог кадрлар ва илғор ходимларни рағбатлантириш;
Мактабгача ва мактаб таълими вазири жамғармаси фаолиятини такомиллаштириш.

Telegram I Facebook I YouTube I Live

"Хотин-қизларга ҳуқуқий кўмак" акцияси ўтказилади

Акция доирасида қуйидагилар режалаштирилган:

▪️Бирламчи бепул юридик ёрдам кўрсатиш;

▪️ Ҳуқуқий муаммоларни бартараф қилиш;

▪️ "Адлия куни", "Ҳуқуқий тарғибот куни" лойиҳалари;

▪️ Хотин-қизлар ҳуқуқлари бўйича маълумотларни ОАВ ва ижтимоий тармоқлар орқали кенг ёритиш;

▪️ kurslar.huquqiyportal.uz электрон тизимида аёллар ҳуқуқига оид бепул онлайн ўқув курсларини ташкил этиш;

▪️ “Ҳуқуқий ахборот минбари” рукни остида аудио подкастлар ташкил қилиш;

▪️ Сайёр қабуллар ва бошқа тадбирлар ташкил этиш.

Telegram I Facebook I YouTube I Live

Донорларга бериладиган пул мукофоти миқдори оширилди

Қонун билан айрим қонун ҳужжатларига қўшимча ва ўзгартиришлар киритилди.

Қонун билан “Шаҳар йўловчилар транспортидан бепул фойдаланишни тартибга солиш тўғрисида”ги ҳамда “Қон ва унинг таркибий қисмлари донорлиги тўғрисида”ги Ўзбекистон Республикаси қонунларига тегишинча “Ўзбекистон Республикаси фахрий донори” кўкрак нишони билан тақдирланган шахслар учун бир йўла бериладиган пул мукофоти миқдори оширилишини назарда тутувчи қўшимча ва ўзгартиришлар киритилмоқда.

Бунда мазкур кўкрак нишони билан тақдирланадиганлар БҲМнинг 15 баравари (5 млн 625 мин сўм) миқдорида бир йўла бериладиган пул мукофотини олиши белгиланди.

Илгари БҲМнинг 5 баравари эди.

Шунингдек, уларга шаҳар йўловчилар транспортидан (бундан йўналишли ва йўналишсиз таксилар мустасно) бепул фойдаланиш, ўзлари учун қулай бўлган вақтда ҳар йилги меҳнат таътилига чиқиш ҳамда санаторий-курортларда даволаниш учун йўлланмаларни навбатсиз олиш ҳуқуқи берилмоқда.

Қонун расмий эълон қилинган кундан эътиборан кучга киради.

Telegram I Facebook I YouTube I Live