"Ҳақиқат барибир юзага чиқди" – Алламжонов йил бошидан буён илк постини жойлади

Комил Алламжонов бугун бўлиб ўтган суддан сўнг илк бора пост қўйиб шундай фикрлар билдирди:

«Катта ойим раҳматлик ҳар доим дуо қилганларида, ўт балосидан, сув балосидан, қуруқ туҳматдан Аллоҳнинг ўзи асрасин дердилар. Ўтган 5 ой ичида ўзимдан ўтгани фақат ўзимга, оиламга, энг яқинларимга аён. Ҳақиқат эгилганда эгилиб, букилгандаям икки букилиб барибир синмади, у барибир юзага чиқди. Юзага чиқади ҳам.

Аллоҳга минг шукур. Бандасидан қочганлар Яратгандан қочолмайди. Ҳали олдинда қиладиган ишлар, яна кўп синовли кунлар бор. Илоҳим буларнинг ҳаммасидан ёруғ юз билан ўтиш насиб қилсин!

Аллоҳ ҳаммамизнинг омадимизни берсин»,

деб ёзган у.

Маълумот учун, бугун Ўзбекистон Республикаси Ҳарбий судида фуқаро К. Алламжоновга уюштирилган суиқасдга оид жиноят иши доирасида 10 нафар шахсга нисбатан суд жараёни якунланиб, суд ҳукми эълон қилинди.

Telegram I Facebook I YouTube I Live

Камбағал оилаларга ижтимоий кўмаклашишнинг янги тизими ишга тушади

Президент фармонига кўра:

– “Ижтимоий дафтарлар” жамғармалари орқали кўрсатиладиган ижтимоий ёрдамлар Камбағал оилалар реестрига киритилган оилаларга;
– уй-жой шароитларини яхшилаш ва соғлиқни сақлаш бўйича ижтимоий ёрдамлар эса – ойлик даромади оила аъзоларининг ҳар бирига минимал истеъмол харажатлари миқдорининг 2 бараваридан кўп бўлмаган оилаларга ҳам тақдим этилади.

Бунда маданий-маърифий, таълим, спорт ва туризм тадбирларини ташкил этиш ва ўтказишга “Аёллар дафтари” ва “Ёшлар дафтари” жамғармалари тушумларининг 25 фоизидан кўп бўлмаган қисмини йўналтиришга рухсат берилади.

Telegram I Facebook I YouTube I Live

Умра ва Ҳаж сафарларига борувчилар энди менингитга қарши эмлаш олиши шарт эмас деган хабарлар рад этилди

Сўнгги кунларда аҳоли ўртасида ҳамда ижтимоий тармоқларда Ҳаж ва Умра зиёратларига боришида менингитга қарши вакцина олиш керак, дейилган қарор бекор қилинди, энди вакцина олмасдан Умрага бориш мумкинлиги ҳақида хабарлар тарқалди.

Санепидқўмита ушбу хабарлар ҳақиқатга тўғри келмаслигини, Саудия Арабистони Умра ва Ҳаж зиёратларига борувчиларда менингит касаллигига қарши эмланганлик ҳақида ҳужжат бўлиши зарурлигини расман бекор қилмаганлигини маълум қилди.

«Мамлакатимизга юқумли касалликларни четдан кириб келишини олдини олиш ва эпидемиологик барқарорликни сақлаб қолиш мақсадида зиёратчиларни менингитга қарши эмлаш тавсия этилади», дейилади хабарда.

Telegram I Facebook I YouTube I Live

“Мен доим ватанимиз байроғи остида қатнашишни хоҳлаганман" – Гулруҳбегим Тохиржонова Ўзбекистонга қайтишини маълум қилди

5 йилдан буён АҚШ терма жамоаси сафида дона сурган гроссмейстер ва халқаро спорт устаси Гулруҳбегим Тохиржонова ваниҳоят Ўзбекистонга қайтади.

“Унинг тажрибаси, маҳорати билан Ўзбекистон шахмати янги чўққиларни забт этади. Гулруҳбегимга келажакдаги мусобақаларда омад тилаймиз, унинг ютуқлари билан фахрланамиз”,

– деб ёзади Шахмат федерацияси.

Федерацияда бўлиб ўтган тадбирда Гулруҳбегим ўз ватанига қайтиш сабаблари ҳақида ҳам тўхталган.

“Гап пулда ёки ваъдаларда эмас, мен доим Ватанимиз байроғи остида қатнашишни хоҳлаганман. Лекин орада шундай давр бўлдики, кетишга мажбур бўлдим. Агар мен Ўзбекистонда муҳит ўзгарганини, Шахмат федерациясида спортчиларга эътибор пайдо бўлганини ҳис қилмаганимда қайтмас эдим”, – дейди у.

Маълумот учун: Гулруҳбегим Тоҳиржонова шу пайтгача АҚШ терма жамоасининг 1-рақамли шахматчиси эди. 2023 йилда АҚШда «Йилнинг энг яхши аёл шахматчиси» деб топилган.

“NAVOIY ISSIQLIK ELEKTR STANSIYASI” АЖ томонидан асоссиз олинган 4,5 млрд сўмлик даромад истеъмолчи фойдасига ҳал қилинди

Навоий вилоятида фаолият олиб борувчи “Иссиқлик манбаи” ДУКга нисбатан “NAVOIY ISSIQLIK ELEKTR STANSIYASI” АЖ томонидан иссиқлик энергиясини белгиланган нархидан ошириб сотиши натижасида 4,5 млрд сўм ортиқча маблағ олинганлиги ҳолати аниқланди.

Рақобат қўмитасининг Навоий вилояти бошқармаси томонидан, “NAVOIY ISSIQLIK ELEKTR STANSIYASI” АЖга нисбатан қонунбузилиш даврида амалда бўлган тегишли норматив ҳуқуқий ҳужжатларга асосан иш қўзғатилиб, ортиқча олинган 4,5 млрд сўм маблағни қайтариш бўйича бажарилиши мажбурий бўлган кўрсатма берилди.

Telegram I Facebook I YouTube I Live

Тунги клубда "тунги капалаклар"...

ДХХ томонидан ўтказилган тезкор-профилактик тадбирлари давомида жамоат хавфсизлиги ва саломатлигини таъминлашга масъул бўлган ҳуқуқни муҳофаза қилувчи органлар ҳамда соғлиқни сақлаш муассасалари вакилларидан иборат ишчи гуруҳлар ҳудудларда фаолият олиб борди.

Ахлоқ ва соғлиққа қарши қаратилган жиноятларни аниқлаш, ОИВ (ОИТС), тери-таносил ҳамда бошқа турдаги юқумли касалликларни аҳоли орасида тарқалишининг олдини олиш мақсадида сауналар, СПА салонлар, массажхоналар, караоке барлар, меҳмонхоналар, хостеллар ва тунги клублар каби жами 362 та масканларда 506 та рейд тадбирлари ўтказилди.

Текширилган объектларда аҳоли саломатлигига хавф солиши мумкин бўлган жами 2.469 нафар шахслар билан тушунтириш ишлари олиб борилди ва уларнинг 968 нафари мобил тарзда шифокор кўригидан ўтказилиб, тегишли тиббий хулосалар олинди.

Telegram I Facebook I YouTube I Live

Хоразмда қиш ва қор – эксклюзив видео…

Хоразмда қишнинг гўзал таровати акс этган видеолавҳани кўриб баҳраманд бўлинг.

Telegram I Facebook I YouTube I Live

Аёллари олима миллатдан даҳолар чиқади – Саида Мирзиёева

Президент ёрдамчиси Саида Мирзиёева Тошкентда бўлиб ўтган Ўзбекистон олима аёллари форумида нутқ сўзлади.

Мирзиёева халқаро илм-фан соҳасидаги аёллар куни нишонланиши арафасида, Ўзбекистонда илм-фан соҳасида хотин-қизларни қўллаб-қувватлаш устувор аҳамиятга эга эканидан фахрланишини билдирди.

Рақамларнинг ўзи айтиб турибди: Ўзбекистонда олимларнинг 48 фоизи аёллар! Уларнинг изланишлари, кашфиётлари ва фидойилиги илҳом бахш этади ва илм-фан уларга, улар эса илм-фанга кераклигини кўрсатади.

Биз халқаро ҳамжамият билан илм-фан тинчлик ва фаровонликка хизмат қиладиган келажакни бунёд этиш йўлида биргаликда ҳаракат қиламиз!, дейди Саида Мирзиёева.

Telegram I Facebook I YouTube I Live

Қозоғистонда чет эл агентлари тўғрисидаги қонунни қабул қилиш таклиф этилди

Қозоғистон Мажлиси депутати Ирина Смирнова мамлакатда чет эл агентлари ҳақидаги қонунни қабул қилишни таклиф этди.

Унинг фикрича, ОАВ қўллаб-қувватлаш ва инсон ҳуқуқларини ҳимоя қилиш ниқоби остида яширинган хорижий ҳомийлар билан “ўйин қоидаларини қайта ёзиш” вақти келган.

Шунингдек, Смирнова АҚШда “Озод Европа” ва “Америка овози” радиоларини ёпиш таклиф қилинганига эътибор қаратган. У Қозоғистонда фаолият юритаётган “Озодлик” радиосини мисол сифатида келтирган:

“Бугун “Озодлик” сайтига кирган ҳар қандай одам бунга ўз кўзи билан ишонч ҳосил қилиши мумкин. Бу ерда янги мактаб қурилиши, йўл, амалга оширилган ислоҳотлар, қозоғистонликларнинг бирор ютуқлари ҳақида битта ҳам материал йўқ, фақат танқид ва салбий фикрларни кучайтириш бор,” - деган Смирнова.

Telegram I Facebook I YouTube I Live

Болаларни мактабгача таълим билан қамраб олиш даражаси оширилади

“2025-2026 йилларда болаларни мактабгача таълим билан қамраб олиш даражасини ошириш бўйича қўшимча чора-тадбирлар тўғрисида”ги ҳукумат қарори қабул қилинди.

https://effect.uz/6182

Telegram I Facebook I YouTube I Live

CNN: Бугун Трамп Путин билан телефон орқали мулоқот қилди

Суҳбат тафсилотлари ҳақида ҳозирча маълумот берилмади.

АҚШ президенти 8 феврал куни Путин билан суҳбатлашгани ҳақида маълум қилди. Кремл ҳам ушбу маълумотни тасдиқлади.

ОАВнинг Россия президенти матбуот котиби Дмитрий Песковга таяниб хабар беришича, суҳбат бир ярим соат давом этган.

Хабарларга кўра, Путин билан суҳбатдан сўнг Трамп Зеленскийга ҳам қўнғироқ қилишни режалаштирмоқда.

Трамп Путин билан мулоқотдан кейин яқин келажакда уларнинг ҳамкорликдаги саъй-ҳаракатлари ижобий натижа беришига умид билдирди.

Telegram I Facebook I YouTube I Live

⚡️Нима бўлса ҳам сизларга тўғри келаверади-ми?

Тергов департаменти терговчиси Марказий тергов ҳибсхонасида сақланаётган самарқандлик тадбиркор Ўткир Файзиевнинг адвокати Аъзамат Акрамхўжаевнинг адвокатлик фаолиятини чеклаган.

Адвокатга кўра, бу ҳаракат фуқаронинг Конституцион ҳуқуқларини чеклаш билан баробар.

👉🏻 ТЎЛИҚ ВИДЕО

Telegram|Facebook I YouTube I Live

Баҳодир Қурбонов номзоди ЎФА раҳбарлигига илгари сурилди

Ассоциация уставига мувофиқ 2025 йил 22 феврал куни ЎФА президентлигига сайлов бўлиб ўтади. ЎФА аъзолари томонидан Ўзбекистон футбол ассоциацияси президенти лавозимига Қурбонов Баҳодир Низомович номзоди илгари сурилди.

https://effect.uz/6182

Telegram|Facebook I YouTube I Live

Трамп АҚШнинг қонун устуворлигига хавф солмоқда — CNN

АҚШнинг 46-президенти ўз даврининг биринчи ойининг ўзида Конгресс томонидан аллақачон тасдиқланган миллиардлаб долларни сарфлашдан бош тортди, бир неча давлат идораларини бекор қилиш учун тадбиркор Илон Маскни маъмуриятга жалб қилди, суд қарорларини эътиборсиз қолдирди, туғма фуқаролик ҳуқуқини бекор қилишга уринди ва Ғазоликларни Миср ва Иорданияга кўчириш режасини маълум қилди, деб ёзмоқда нашр.

Бундан ташқари, Трамп Канадани АҚШга қўшиб олишни айтган биринчи президентга айланди.

"Ички сиёсатда Трамп қонун устуворлигига бир нечта йўналишда таҳдид солмоқда. Унинг президентлик муддатига атиги уч ҳафта бўлган бўлса-да, кўплаб ҳуқуқшунослар мамлакат мисли кўрилмаган конституциявий инқирозга юз тутаётганини таъкидлашмоқда." деб ёзган, CNN таҳлилчиси Стивен Коллинсон.

Telegram I Facebook I YouTube I Live

Бухородаги хонадонлардан бирида газ портлади

Жорий йил 12 феврал куни Бухоро вилояти Ғиждувон тумани «Гулистон» МФЙдаги аҳоли хонадонида газдан чақнаш содир бўлди.

Тахминларга кўра фуқаронинг яшаш уйида газ сизиб чиқиб тўпланиши ҳамда чироқни ёқиши оқибатида ҳаво газ аралашмаси чақнаши содир бўлган.

Вилоят ФВБнинг маълум қилишича, ҳодиса оқибатида ёнғин юзага келмаган, ҳалок бўлганлар йўқ.

Воқеа жойига вилоят ФВБ ва Ғиждувон туман ИИБ масъул раҳбарлари ҳамда 2 та ёнғин-қутқарув экипажи етиб борган.

Telegram I Facebook I YouTube I Live

Тошкентда божхона идоралари ходимларига нисбатан жиноий иш қўзғатилди

ДХХ ва ИИВ ходимлари томонидан Тошкент шаҳрида ўтказилган тезкор тадбирда ноқонуний диний жамоат фош этилди.

Пойтахтдаги кафелардан бирида божхона идораларининг 3 нафар ходими, ТДШУ талабаси, технопарк директори ўринбосари, автомактаб директори ўринбосари, “Сергели-авто” бозорида савдо билан шуғулланувчи шахслар ва бошқалардан иборат жами 17 нафар фуқаро овқатланиш баҳонасида тўпланиб, турли хил диний адабиётлардан фойдаланган ҳолда ноқонуний жамоат кўринишидаги йиғинларни ташкил этган.

Аниқланишича Божхона қўмитаси бошқарма бошлиғи ўринбосари динга мутаассибларча берилиб, 2021 йилдан бошлаб мазкур норасмий диний дарсларни мунтазам равишда ташкил этиб келган. У ҳар бир дарс учун жамоат аъзоларидан маълум миқдорда пул йиғиб, устозларга берган.

Гуруҳ аъзоларига Миср Араб Республикасида бўлган шахс онлайн, Тошкент давлат шарқшунослик университети талабаси оффлайн тарзда диний маърузалар ўтган.

Telegram I Facebook I YouTube I Live

Огоҳ бўлинг, фирибгарлар!

Сўнгги кунларда 'Facebook' ижтимоий тармоғида онлайн фирибгарлар "Har bir avtomobil egasi uchun chiroyli avtomobil raqamlari bepul" кўринишдаги реклама хабарини жойлаштириб, фойдаланувчиларни алдашга ҳаракат қилмоқда.

Хабарда кўрсатилган ҳаволага ўтиб, иловани юклаб олиш кераклиги айтилади. Агар ушбу дастур қурилмага ўрнатилса, у телефон қўнғироқлари ва SMS кодларга рухсат сўрайди ҳамда банк ва мобил иловалар кодлари фирибгарларга осонгина узатилади. Натижада қурилма назорати фирибгарлар қўлига ўтиши ва электрон ҳамёндаги маблағлар ўғирланиши мумкин.

‼️Фирибгарларга алдовига тушиб қолмаслик учун ҳушёрликни оширинг ва сохта иловаларни юклаб олманг!

Telegram I Facebook I YouTube I Live

Бугун президент раислигида видеоселектор йиғилиши бўлиб ўтади

Бироздан сўнг президент Шавкат Мирзиёев раислигида олимпия ва паралимпия ҳаракатини янада ривожлантириш, оммавий спортни янги босқичга олиб чиқиш ҳамда аҳоли жисмоний фаоллигини ошириш чора-тадбирлари юзасидан видеоселектор йиғилиши бошланади.

Telegram I Facebook I YouTube I Live