Трамп Вашингтондаги самолёт ва вертолёт тўқнашувига муносабат билдирди

АҚШ президенти учувчилар ва авиация диспетчерларини танқид қилди ва ушбу ҳалокатни олдини олиш мумкин бўлганини таъкидлади.

"Тунда осмон очиқ эди, самолётнинг ёритиш чироқлари ёқилган эди. Нега вертолёт баландликни ўзгартирмади ёки бурилишни амалга оширмади? Нега диспетчерлар вертолёт экипажига самолётни кўряпсизларми, деб сўраш ўрнига аниқ нима қилиш кераклигини айтмади? Бу ҳалокатни олдини олиш мумкин эди",

— деди Трамп.

Telegram I Facebook I YouTube I Live

Бундестаг миграцияни чеклаш ташаббусини маъқуллади

Германия парламентида бўлиб ўтган қизғин баҳслардан сўнг, атиги уч овоз фарқи билан ноқонуний муҳожирларга нисбатан кескин чоралар кўришни назарда тутувчи резолюция маъқулланди.

Ушбу чоралар доимий чегара назорати жорий этилиши, бошпана сўровларини чегарадаёқ рад этиш имконияти ва мамлакатни тарк этиш мажбуриятини олган хорижликларни ҳибсга олишни ўз ичига олади.

Ҳужжат консерватив ХДИ/ХСИ блоки томонидан таклиф қилинган бўлиб, уни “Германия учун муқобил” ўнг популист ва “Эркин демократик” партиялари депутатлари қўллаб-қувватлади. Бироқ, “Социал-демократлар” ва “Яшиллар” ташаббусга қарши чиқди. Овоз бериш жараёнидан олдин Германия канцлери Олаф Шолц резолюцияни қабул қилмасликка чақирган эди.

Қабул қилинган резолюция федерал ҳукумат ва маҳаллий ҳокимиятлар учун мажбурий эмас. Шу билан бирга, ХДИ/ХSИ блокининг ҳуқуқ-тартибот органларига қўшимча ваколатлар беришни кўзда тутувчи бошқа ташаббуси етарли қўллаб-қувватлашга эга бўлмади.

Telegram I Facebook I YouTube I Live

Швецияда Қуръонни ёққан шахс ўлик ҳолда топилди

Швецияда Қуръонни ёқиш акциясини ташкиллаштиган асли ироқлик Салван Момика Стокголм чеккасидаги уйида отиб ўлдирилган.

Кеча, 29 январ, чоршанба куни соат 23:00 дан сўнг отишма ҳақидаги хабарлардан сўнг ҳудудга полиция ва тез ёрдам машиналари чақирилган. Швеция матбуотига кўра, Салван Момика қотиллик содир бўлган пайтда ТикТок’да жонли эфирда чиқиш қилаётган бўлган.

38 ёшли Салван Момика 2023 йилда норозилик сифатида Қуръонни оммавий равишда ёқиб юборгач, танилган эди. Унинг Швеция расмийлари ҳомийлигида амалга оширилган ҳаракатлари бутун дунёда акс-садо берди ва баъзи мамлакатларда норозилик намойишлари шиддатли тус олди.

Ироқда Салван Момика туғилган шаҳар маъмурлари уни ўлдирган кишига икки миллион доллар мукофот эълон қилди. Бағдод ҳукумати уни экстрадиция қилишни талаб қилди.

Буларнинг барчаси Швецияда дипломатик инқирозга олиб келди.

Салван Момика Швецияга 2018 йилнинг баҳорида келган. 2023 йилнинг кузида унинг вақтинчалик яшаш учун рухсатномаси бекор қилинди ва у Норвегиядан бошпана сўраб мурожаат қилди. Бироқ тез орада яна Швецияга қайтарилди ва бир йил яшаш учун рухсатнома олди. Швеция миграция агентлиги, агар у ватани Ироққа қайтса, қийноқларга дучор бўлишини билдирди.

2024 йилнинг августида у Швецияда этник гуруҳларни гижгижлашда айбланганди. Иш бўйича қарор бугун соат 11.00 да эълон қилиниши керак эди, бироқ ҳукм келаси ҳафтага, 3 февралга қолдирилди.

«Салван Момиканинг ўлими тасдиқланди, энди ҳукм чиқариш учун кўпроқ вақт керак», — дейилади Стокголм округ суди ҳужжатларида.

Швеция радиосининг хабар беришича, қотилликка алоқадорликда айбланиб бир неча киши ҳибсга олинган.

Telegram I Facebook I YouTube I Live

Ўзбекистонда қайси касб эгалари энг кўп иш ҳақи олмоқда?

Статистика агентлиги ўртача ойликлар миқдорини маълум қилди.

•Қайта суғурталаш ва нафақа жамғармалари — 17,8 миллион сўм;

•Ахборот хизмати кўрсатиш — 16,9 миллион сўм;

•Молиявий хизматлар кўрсатиш ва суғурталаш бўйича ёрдамчи — 16,8 миллион сўм;

•Алоқа соҳаси —10,9 миллион сўм;

•Омбор хўжалиги ва ёрдамчи транспорт фаолияти — 9,6 миллион сўм;

•Тоғ-кон саноати ва очиқ конларни ишлаш — 9,1 миллион сўм;

•Олий таълим — 8,5 миллион сўм;

•Автомобиль ва мототциклларнинг улгуржи ва чакана савдоси ҳамда уларни таъмирлаш—7,8 миллион сўм.

Telegram I Facebook I YouTube I Live

Ўзбекистонга келиши керак бўлган 43 вагон картошка Қозоғистонда чириб кетди

Павлодардан Тошкентга йўл олган 1 000 тонна картошка Қозоғистоннинг Сариоғоч станциясида 10 кундан ортиқ қолиб кетди.

Ҳарорат ўзгариши туфайли маҳсулот музлаб, кейин эса эриб, яроқсиз ҳолга келган.

Ҳар бир вагонда 68 тонна картошка бўлган. Тадбиркорлар кўрган зарар миллионлаб тенгени ташкил этмоқда.

Telegram I Facebook I YouTube I Live

Трамп мигрантларни Гуантанамога юбормоқчи

АҚШ ҳарбий-денгиз кучларининг Гуантанамодаги базасида махсус марказ ташкил этилади, у ерда 30 000 мигрант сақланиши мумкин бўлади.

"Америкаликлар учун таҳдид солаётган энг хавфли ноқонуний жиноятчилар айнан шу марказда ушлаб турилади. Баъзи мигрантлар шу қадар хавфли эканки, уларни ўз ватани ҳам қабул қилишни истамайди", — дея фикр билдирди АҚШ президенти.

Трампнинг чегара хавфсизлиги бўйича вакили Том Ҳоман эса бу марказ "энг ёмон жиноятчилар" учун фойдаланилишини ва АҚШнинг ҳозирги ҳукумати уни кенгайтиришини таъкидлаган.

Гуантанамода ҳозирда ҳам мигрантлар учун қамоқхона мавжуд бўлиб, у террорчиликда гумон қилинган хорижлик шахслар сақланадиган қаттиқ тартибли колониядан алоҳида жойлашган. Бу махсус марказ 2002 йилда АҚШнинг собиқ президенти Жорж Буш томонидан 2001 йил 11 сентябр терактларида иштирок этганликда гумон қилинган жангариларни сақлаш учун ташкил этилган. Ҳозирда у ерда 15 нафар маҳбус қолган.

АҚШнинг собиқ президентлари Барак Обама ва Жо Байден ушбу қамоқхонани ёпиш ниятида эканликларини бир неча бор билдирган, аммо фақат маҳбуслар сонини қисқартиришга эришган. Гуантанамо қамоқхонаси маҳбусларга нисбатан қийноқлар қўлланилиши ва инсон ҳуқуқлари бузилиши ҳақидаги кўплаб айбловлар билан танилган.

Telegram I Facebook I YouTube I Live

Ўзбекистонда дорихоналарнинг гиёҳвандлик воситаларини бериш тартиби белгиланди

Жорий йил 27 январь куни «Гиёҳвандлик воситалари, психотроп моддалар ва прекурсорларни сақлаш, реализация қилиш, бериш, тақсимлаш ва ҳисобга олиш тартиби тўғрисидаги»ги низом давлат рўйхатидан ўтказилди. Бу ҳақда Адлия вазирлиги хабар бермоқда.

Низом лицензия асосида гиёҳвандлик воситалари, психотроп моддалар ва прекурсорлар муомаласи билан боғлиқ фаолият билан шуғулланувчи юридик шахсларга нисбатан татбиқ этилади.

Дорихоналарда гиёҳвандлик воситаларини жисмоний шахсларга дорихона мудири, фармацевт (провизор) ёки унинг ассистенти шифокор рецепти асосида беради. Улар махсус пушти рецепт бланка асосида тақдим этилади.

Даволаш-профилактика муассасаларига гиёҳвандлик воситалари учун зарур бўлган рецепт бланкалари Соғлиқни сақлаш вазирлигининг ҳудудий бошқармалари томонидан берилади.

Бир дона рецепт бланкасида шифокор томонидан фақат битта номдаги гиёҳвандлик воситаси миқдори етти кунлик эҳтиёждан оширилмаган ҳолда ёзилиши керак.

Дорихонанинг гиёҳвандлик воситалари сақланадиган хонада гиёҳвандлик воситалари бўйича берилган рецептлар беш йил давомида муҳрланган ҳолда сақланади.

Даволаш-профилактика муассасасининг дорихонасида гиёҳвандлик воситалари захираси бир ойлик эҳтиёждан ошмаслиги, бўлимларида эса уч кунлик эҳтиёждан ошмаслиги керак.

Telegram I Facebook I YouTube I Live

Вашингтонда вертолёт билан тўқнашган самолётнинг барча йўловчилари ҳалок бўлгани тахмин қилинмоқда

Маълумотларга кўра, самолёт бортида 60 нафар йўловчи ва 4 нафар экипаж аъзоси бўлган. Самолёт билан тўқнашган вертолётда эса 3 киши бўлган.

АҚШ фигурали учиш федерацияси Вашингтонда ҳалокатга учраган самолёт бортида спортчилар ҳам бўлганини маълум қилди. Бироқ уларнинг исмлари ва бошқа тафсилотлар ошкор этилмади.

American Airlines самолётининг қулаши АҚШдаги энг йирик авиаҳалокатлардан бири бўлиши мумкин. 2009 йилда Colgan Air авиакомпаниясининг самолёти Нью-Йоркда қулаб тушган эди. Ўшанда бортдаги 49 киши ва ерда яна бир одам ҳалок бўлган.

Telegram I Facebook I YouTube I Live

Effect.uz axborot agentligi quyidagi ish o’rinlarini taklif etadi!

Jamoaning kengayishi munosabati bilan biz quyidagi lavozimlarga yangi mutaxassislarni qidirmoqdamiz:

• Jurnalist (Muxbir) (batafsil) 👈

• Video Operator-Montajer (batafsil) 👈

• Reklama menejeri (batafsil) 👈

❗️ E'lon haqida biroz ta'rif

• Kompaniya: Effect.uz axborot agentligi
• Talablar: Ma’suliyatli bo’lish, ishga o’z vaqtida kelish, tozalikka rioya qilish,vazifalarni o’z vaqtida bajarish.
• Maosh: Suhbat asosida
• Manzil: Toshkent sh, Yakkasaroy tumani, Abdulla avloniy 7

Murojaat qilganingizda aynan qaysi yo'nalish qiziqtirganini va Rezyume (SV/Anketa) ni yozib yuboring 👇

💬 Murojaat uchun: @effect_admin 👈

ID 034 • eslatma •
ISH BAZASI - O'zbekistondagi ishlar bazasi

“Қозоғистон футболига нима етишмаяпти?”

Қозоғистонликлар ўзбек футболининг қандай ривожланаётганини подкастлардан бирида гаплашиб, “Ўзбек футболчилари Европада ўйнаяпти, бизники эса чиқолмаяпти, нега шундай?” деган саволни кўтаришибди.

“Европани олсак, у ерларнинг футбол мактаби анча аввал шаклланган, уларнинг фалсафаси бошқача дейдиган бўлсак, биздан олис бўлмаган қўшни Ўзбекистончи? Сувимиз бир, қуёшимиз бир ва соатимиз ҳам фарқ қилмайди. Нега унда бизнинг футболчилар чиқолмаяпти?” деб, савол ташланди.

Telegram I Facebook I YouTube I Live

Европа расмийлари Россиядан қувур орқали газ сотиб олишни қайта тиклаш масаласини муҳокама қилмоқда — Financial Times

Нашрнинг музокаралар билан таниш манбаларига таяниб ёзишича, бу масала Украина бўйича эҳтимолий келишув доирасида кўриб чиқилмоқда.

Tашаббус тарафдорлари Россия газини сотиб олишни тиклаш Европада энергия нархларининг пасайишига, Москванинг музокараларга қайтишига ва Россия ҳамда Украина ўртасида ўт очишни тўхтатиш режимини жорий этишга туртки бўлишини таъкидламоқда.

Бироқ ҳатто дастлабки муҳокамалар босқичидаёқ бу ғоя Украинанинг Европа Иттифоқидаги яқин иттифоқчилари орасида салбий муносабатга сабаб бўлди. Ушбу ташаббусни Германия, Венгрия ва Европа Иттифоқининг яна бир неча давлати вакиллари қўллаб-қувватлаган. Аммо Шарқий Европа мамлакатлари дипломатлари ва расмийлари бунга кескин қаршилик кўрсатган.

"Бу телбалик. Ҳатто бу масалани имконият сифатида кўриб чиқаётганимизнинг ўзи нақадар аҳмоқлигимизни кўрсатади!" — дея муносабат билдирган расмийлардан бири.

Telegram I Facebook I YouTube I Live

Истанбулда қўлбола алкоголдан вафот этган ўзбекистонликлар сони 23 нафарга етди

Истанбулда қўлбола алкоголдан заҳарланиб вафот этган ўзбекистонликлар сони 30 январь ҳолатига кўра 23 нафарга етди. Уларнинг икки нафари аёл киши.

вафот этган барча фуқароларнинг жасадларини Ўзбекистонга олиб кетиш бўйича Ташқи ишлар вазирлиги ва Миграция агентлиги томонидан тегишли консуллик, ҳуқуқий ва ташкилий ёрдам кўрсатилди.

Шунингдек, баъзи ватандошлар даволаниш курсини якунлаб, шифохонадан чиққан, айримлари эса тиббий муолажаларни давом эттирмоқда.

17 январь куни Истанбулда қўлбола алкоголдан вафот этган ўзбекистонликлар сони 17 нафарга етгани маълум қилинганди.

Telegram|Facebook I YouTube I Live

Намангандаги метан заправкаларда ҳам турнақатор «навбат»лар…

Сўнгги кунларда метан газ заправкалари фаолиятининг қисқариши оқибатида даҳшатли навбатлар кузатилмоқда.

Об-ҳаво иссиқ бўлишига қарамасдан, айрим кунлари ҳам заправкаларнинг ишламаслиги кескин танқид қилиняпти.

Метанга эҳтиёжи бор ўзбекистонликлар «Ғайрат Дўстов» воқеасидан кейин яна навбатларда туришга ўрганишганини айтишмоқда.

Telegram I Facebook I YouTube I Live