Чегара пунктларида автомобиллар учун электрон навбат тизими жорий этилади

2025 йилнинг 27 январида “Ўзбекистон Республикасининг транспорт-логистика тизимини янада ривожлантириш чора-тадбирлари тўғрисида“ги президент қарори қабул қилинди.

Ушбу қарорга билан Ўзбекистоннинг транспорт-логистика тизимини 2030 йилгача ривожлантириш концепцияси ва уни амалга ошириш бўйича “йўл харитаси“ тасдиқланган.

Қарорда автомобиль, темир йўл ва ҳаво транспортида халқаро юк ташиш ҳажмини камида 2 баравар, транспорт ва логистика хизматлари экспортини 2 баравар, контейнерларда юк ташиш улушини камида 1,5 бараварга ошириш, Жаҳон банкининг Логистика самарадорлиги индексида Ўзбекистонни 55-поғонадан юқорига кўтариш каби мақсадлар белгиланди.

Халқаро юк ташиш хизматларига қўшилган қиймат солиғи бўйича ноль ставка жорий қилинади. 2025 йил 1 июндан давлат чегарасидаги автомобиль ўтказиш пунктларида электрон навбат тизими ишга туширилади.

Шунингдек, Халқаро автомобиль транспорти иттифоқи билан ҳамкорликда кадрларни тайёрлаш ва малакасини ошириш учун минтақавий ўқув маркази ташкил қилинади ҳамда умумий фойдаланишдаги автомобиль йўллари бўйида йўл-бўйи сервис объектлари барпо этиш режа қилинган.

Telegram I Facebook I YouTube I Live

Сирдаёда Эркинжон Турдимов бошчилигида ҳокимлик соати бўлиб ўтди

Сирдарё вилояти ҳокимлигида вилоят ҳокими вазифасини бажарувчи Эркинжон Турдимов бошчилигида ўтказилган ҳокимлик соатида муҳим масалалар муҳокама қилинди.

Telegram I Facebook I YouTube I Live

"Қадриятларга қайтиш вақти етди" — Нормат Турсунов

Навоий вилояти ҳокими Нормат Турсунов вилоятнинг Конимех тумани Зафаробод шаҳарчасида сайёр қабулда бўлиб, қадриятларга қайтиш ҳақида гапирди.

Telegram I Facebook I YouTube I Live

Дин ишлари қўмитаси Умра зиёратини амалга оширувчи корхоналар рўйхатини эълон қилди

Умра тадбирларини ташкил этиш ва ўтказиш фаолиятини амалга ошириш учун якка тартибдаги лицензия бериш бўйича Танлов комиссиясининг қарорига мувофиқ қуйидаги талабгорлар танлов ғолиби деб топилган:

1. “Ihlos travel 1” МЧЖ;
(Андижон вилояти, Андижон шаҳар, Ўзбегим МФЙ, Бобур шох кўчаси 40в-уй)

2. “Yuksak travel Air” ХК;
(Фарғона вилояти, Марғилон шаҳар, Б.Марғилоний кўчаси 3б-уй)

3. “Muhtasham travel” МЧЖ;
(Наманган вилояти, Наманган ш, Шодлик МФЙ, А.Навоий кўчаси 2/1-уй, 3с-хонадон)

4. “Мусаффо туризм хизмати” МЧЖ;

(Наманган вилояти, Наманган шаҳар, Бобур мавзеси 10,4-уй)

5. “Risola travel lux” МЧЖ;
(Наманган вилояти, Наманган шаҳар, Уйчи кўчаси 1-уй)

6. “Хоразм умра жамияти” МЧЖ
(Хоразм вилояти, Урганч шаҳар, П.Маҳмуд кўчаси 350-уй)

7. “Hikmat Umra Travel” МЧЖ;
(Тошкент шаҳар, Миробод тумани, А.Темур шох кўчаси 43-уй, 41-хонадон)

8. “Real dreams” МЧЖ;
(Тошкент шаҳар, Олмазор тумани, Зарқайнар 14-берк кўчаси, 75-уй )

9. “Travel with family” МЧЖ;
(Тошкент шаҳар, Олмазор тумани, Кичик ҳалқа йўли 21-уй )

10. “Sofa Marva tour” МЧЖ;
(Тошкент шаҳар, Олмазор тумани, Зиё МФЙ, Кичик ҳалқа йўли 19-уй)

11. “B2 Manajment” МЧЖ;
(Тошкент шаҳар, Яккасарой тумани, Ўрикзор кўчаси 124-уй)

12. “Safar Time Exclusive” МЧЖ;
(Тошкент шаҳар, Чилонзор тумани, 2-Чарх Камолон МФЙ, Бунёдкор кўчаси 2-уй)

Қўмита хабарида эслатилишича, лицензияда кўрсатилмаган манзил бўйича “Умра” тадбирларини ташкил этиш ва ўтказиш фаолияти билан шуғулланиш таъқиқланади.

Маълумот учун, “Умра” тадбирларини ташкил этиш ва ўтказиш бўйича фаолият учун лицензия олиш соҳасидаги ҳуқуқбузарликлар учун юридик шахсларга солинадиган жарималар миқдорлари БҲМнинг 200 баравари (75 млн. сўм) этиб белгиланган.

Telegram I Facebook I YouTube I Live

BBC: Cоcа-Cola Белгия, Люксембург ва Нидерландияги ўз маҳсулотларини сотувдан қайтариб олди

Қайд этилишича, бу партиялардаги ичимликлар таркибида хлорат миқдори меъёрдагидан ошган.
Буюк Британияда ҳам шундай бир неча партиядаги маҳсулотлар аниқланган, аммо улар аллақачон сотиб юборилган. Буюк Британия ҳудудида Cоcа-Cоla ичимликлари билан боғлиқ шикоятлар қайд этилмаган.

Хлорат сувни ёки озиқ-овқат саноатини хлор асосидаги дезинфекция воситалари билан ишлов беришда ҳосил бўлиши мумкин. У кўнгил айниши, қусиш, диарея ва қонни кислород сингдириш қобилиятининг чекланишига олиб келиши мумкин. Бу модда, шунингдек, қалқонсимон без билан боғлиқ муаммоларни келтириб чиқариши, айниқса болалар ва гўдакларга салбий таъсир қилиши мумкин.

Компания "истеъмолчилар учун хавф даражаси жудаям кам" эканини ва "ўз маҳсулотларининг сифати ва хавфсизлигини энг устувор вазифа" деб билишини таъкидлади.

Telegram I Facebook I YouTube I Live

Uzbekistan Airways самолёти бортида бола туғилди

Uzbekistan Airways авиакомпаниясининг 28 январь куни Тошкентдан Ню-Йоркка учган самолётида парвоз давомида йўловчилардан бирида туғруқ бошланган. Экипажнинг чақириғига жавобан йўловчилар орасидаги шифокор-акушер ва жарроҳ аёлга ёрдам берган, у ўғил фарзандини дунёга келтирган.

Таъкидланишича, Boeing 787-8 самолёти Исландиянинг Рейкявик шаҳридаги Кефлавик аэропортига фавқулодда қўнган ва аёл билан фарзанди тиббиёт ходимларига топширилган. Улар маҳаллий шифохонага етказилган.

Telegram I Facebook I YouTube I Live

Шомуродовнинг Венецияга ўтишига бир қадам қолди

"Рома" Элдор Шомуродовнинг "Венеция"га ўтишини якунламоқда.

Марио Ҳермосони "Bayer Леверкузен"га ижарага беришни таъминлагач, "Рома" қўшимча трансферлар амалга оширишдан олдин Шомуродовни жамоадан чиқармоқчи.

Gianluca Di Mazrio хабар қилишича, бугун битимни якунлаш учун ҳал қилувчи кун бўлиши мумкин.

"Рома" ҳали бу ўтказма учун сўнгги розилигини бермаган.
Шу билан бирга, "Венеция" ҳужум чизиғини кучайтириш учун Шомуродовни кутиб олишга тайёр турибди.

Ўзбекистонлик футболчи бу мавсумда "Рома" сафида А Серия, Европа Лигаси ва Италия кубоги мусобақаларида жами 16 та ўйинда иштирок этиб, иккита гол урган.

Telegram I Facebook I YouTube I Live

Ҳиндистонда 16 киши номаълум касалликдан вафот этди

Ҳиндистоннинг Жамму ва Кашмир штатида камида 16 киши номаълум касалликдан вафот этди. Одамлар нимадан ўлгани ҳозирча аниқланган эмас.
Хабарга кўра, бактериялар ёки вируслар эҳтимоли ҳозирча инкор этилмоқда, бироқ токсикологик таҳлил бир нечта биологик токсинлар мавжудлигини кўрсатди.

Вафот этган 16 киши — ўзаро қариндош уч оиланинг аъзолари.
Сирли ўлим аломатлари — безгак тутиши, оғриқ, кўнгил айниши ва ўлим олдидан ҳушдан кетиш.
Маҳаллий ҳукумат карантин эълон қилди, деб ёзди Hindustan Times. Ўлганларнинг уйлари тамғалаб қўйилган.

Ҳодиса сабаблари ўрганилмоқда.

Telegram I Facebook I YouTube I Live

“Ҳудудгазтаъминот” раисига янги ўринбосар тайинланди

Даврон Мақсудов “Ҳудудгазтаъминот” АЖ бошқарув раисининг трансформация масалалари бўйича биринчи ўринбосари этиб тайинланди.

Д.Мақсудов бунга қадар Истиқболли лойиҳалар миллий агентлиги директори ўринбосари лавозимида фаолият юритиб келаётганди.

Бундан олдин Маҳмуд Ёқубов “Ҳудудгазтаъминот” бошқаруви раисининг газ сотиш ва инновацияларни жорий этиш бўйича биринчи ўринбосари этиб тайинланганди.

2024 йилнинг июлида “Ҳудудгазтаъминот” бошқарув раиси этиб Маъруф Хўжаев тайинланди.

Telegram I Facebook I YouTube I Live

Жанубий Кореяда бортида 167 йўловчи бўлган самолёт ёниб кетди

Жанубий Кореяда бортида 170 дан ортиқ одам бўлган самолёт бутунлай ёниб кетди. Бу ҳақда 24kz ёзган.

Яхшиямки, йўловчилар ва экипаж аъзолари ўз вақтида эвакуация қилинган ва уларнинг барчаси тирик қолган. Воқеа Пусан ​​аэропортида юз берган. Гонконгга учаётган самолёт ҳавога кўтарилиш арафасида ёниб кетган. Ёнғин нимадан бошлангани номаълум.

Эслатиб ўтамиз, бир ой аввал Жанубий Кореянинг Муан шаҳридаги аэропортга ғилдиракларини пастга туширган ҳолда қўнган самолёт бетон тўсиққа бориб урилгандан сўнг дарҳол портлаб, ёниб кетган эди. 181 кишидан фақат иккитаси тирик қолганди.

Telegram I Facebook I YouTube I Live

Франция Трампнинг Гренландия ҳақидаги таҳдидларига жавобан орол қўшин юбориш масаласини кўриб чиқмоқда

Франция Трампнинг Гренландия ҳақидаги таҳдидларига жавобан орол қўшин юбориш масаласини кўриб чиқмоқда. Бу ҳақда Франция Ташқи ишлар вазири Жан-Ноэл Барро маълум қилди.

Politico нашрига кўра, Барро бу масалани Дания бош вазири Метте Фредериксен билан муҳокама қилган.

Барро Франциянинг Sud radio радиосига берган интервюсида "Дания билан Гренландияга қўшин жойлаштириш масаласини муҳокама қилиш бошланганини айтди. Унга кўра, Европа Иттифоқининг бошқа давлатлари ҳам зарурат туғилса, қўшин юбориш масаласини кўриб чиқишга тайёр.

"Агар Дания ёрдам сўраса, Франция ёрдам беради. Европа чегаралари суверенитетга эга. Шимол, жануб, шарқ ёки ғарб бўлишидан қатъи назар, ҳеч кимни бизнинг чегараларимизга таҳдид қилишга ҳаққи йўқ", — дета таъкидлади Франция ТИВ раҳбари.

Шу билан бирга, у АҚШнинг Гренландияга бостириб киришига ишонмаслигини таъкидлади.

Бу орада Дания Ташқи ишлар ва Мудофаа вазирликлари раҳбарлари "Трамп Гренландияни босиб олмайди", дея баёнот берди.

Дания бош вазири Метте Фредериксен Берлинда ва Парижда АҚШ президенти Доналд Трампнинг таҳдидларини муҳокама қилди. Бундан ташқари, Брюсселда НАТО бош котиби билан учрашув ўтказиши кутилмоқда.

Telegram I Facebook I YouTube I Live

Андижон туманида китобхон оналарнинг коммунал тўловлари тўлаб берилади

Андижон туманида 20 ёшдан 45 ёшгача бўлган оналар ўртасида «Маърифатли она» китобхонлик танлови ўтказилади.

Бу борада Андижон туман ҳокими Бобуржон Юлдашев ташаббус билан чиққан.

Ҳоким танловга маҳаллалардан оилаларни жалб қилиш ва бу орқали ёш авлоднинг дунёқарашини ўзгартириш, китобга меҳрини уйғотиш мумкинлигини таъкидлайди.

Қайд этилишича, танлов якунлари бўйича уч нафар 1-ўрин эгаларига 6 ойлик электр, газ, ичимлик суви ва бошқа турдаги коммунал тўловларга ваучер берилади. Учта 2-ўринга 4 ойлик ҳамда учта 3-ўринга 2 ойлик коммунал тўловларга ваучер берилади.

Telegram I Facebook I YouTube I Live

Бухорода ҳайдовчи ЙПХ ходимини уриб кетди

Ҳолат Бухоро вилояти Жондор туманида бўлган.

Бош прокуратура матбуот котиби Ҳаёт Шамсутдинов ҳолат юзасидан прокуратура томонидан терговга қадар текшириш ҳаракатлари олиб борилаётганини маълум қилди.

Натижаси бўйича қонуний қарор қабул қилиниши таъминланади,

дейилади хабарда.

Аввалроқ Навоийда 16 ёшли ўқувчи ЙПХ ходимини уриб кетиши оқибатида ходим вафот этган эди

Telegram I Facebook I YouTube I Live

Мактабгача ва мактаб таълими вазири жамғармаси ҳисобидан боғчалар раҳбар ва педагогларини рағбатлантиришга рухсат этилади

Бу ҳақда президент фармони имзоланди.

Унга кўра 2025 йил 1 январдан:

➖ мактабгача таълим ташкилотининг директори ўринбосари лавозими жорий этилади;

➖ республиканинг барча туман (шаҳар)ларида камида биттадан таянч мактабгача таълим ташкилотлари фаолияти йўлга қўйилади;

➖ барча мактабгача таълим ташкилотларида малака оширишнинг “Методик маҳорат соати”, таянч мактабгача таълим ташкилотларида эса “Методик маҳорат куни” каби шакллари босқичма-босқич жорий этилади;

➖ тренер сифатида фаолият юритаётган директор ўринбосарларига лавозим маошининг 20 фоизи миқдорида қўшимча ҳар ойлик устама ҳақ тўланади.

2025 йил 1 мартдан тажриба-синов тариқасида республиканинг узоқ ва чекка ҳудудларида жойлашган мактабгача таълим ташкилотлари педагог кадрлари учун мобиль малака ошириш хизматлари жорий этилади.

Мактабгача ва мактаб таълими вазири жамғармаси ҳисобидан мактабгача таълим ташкилотлари раҳбар ва педагог кадрларини ҳам рағбатлантиришга рухсат этилади.

2025 йил 1 январдан тажриба-синов тариқасида ҳар бир туман (шаҳар)даги биттадан умумий турдаги давлат мактабгача таълим ташкилотларида инклюзив таълим гуруҳлари очилади.

Telegram I Facebook I YouTube I Live

2024 йилда ипотека кредити олувчилар сони кескин камайди

Ўзбекистонда ипотека кредитини анча камроқ одам олмоқда. 2024 йилда ипотека кредити олганлар сони 9,5 минг нафарга камайиб, 58,9 мингтага тушди.

Бутун йил давомида уй сотиб олиш учун 17,1 трлн сўм ажратилди. Бу 2023 йилга нисбатан 246,7 млрд сўмга кам.

Ажратилган ипотека кредитларининг 66 фоизи янги уйларга, 34 фоизи эски уйларга берилди. Аёллар ва эркаклар ўртасидаги нисбат 63 фоизга 37 фоиз бўлди.

Банкларнинг ўз маблағлари ҳисобидан берилган ипотека кредитларининг ўртача фоиз ставкаси йилдан-йилга ошмоқда. 2022 йилда бу кўрсаткич 23,3 фоиз бўлса, 2024 йилга келиб 24,8 фоизгача ўсди.

Кам фоизли ипотека кредитлари энг кўп Тошкент шаҳри, Фарғона ва Андижон вилоятлари аҳолиси томонидан олинган.

Ипотека кредитларини олган фуқароларнинг ёши бўйича таҳлил шуни кўрсатадики, 31—50 ёш оралиғидаги фуқаролар энг кўп улушга эга — жами мижозларнинг 68 фоизи айнан шу тоифага киради. 18—30 ёшдаги фуқаролар эса 22 фоизни ташкил қилади. 50 ёшдан юқори фуқаролар улуши эса 10 фоиз бўлиб, бу тоифага 5 626 фуқаро киради.

Telegram I Facebook I YouTube I Live

2024 йилда Узум Маркет истеъмолчиларнинг энг кўп шикоят қилган платформасига айланди

Электрон тижорат бозори истеъмолчилар учун қулайлик яратгани билан бирга, турли муаммоларни ҳам юзага келтирмоқда. 2024-йилда Истеъмолчилар ҳуқуқларини ҳимоя қилиш қўмитасига электрон тижорат билан боғлиқ 1328 та мурожаат келиб тушган бўлиб, улардан 1085 таси ҳал қилинган, 190 тасига тушунтириш берилган, 17 та мурожаат эса тегишли органларга йўналтирилган. Ҳозирда 33 та мурожаат кўриб чиқилмоқда.

Ўтган йилда истеъмолчиларнинг ҳуқуқларини тиклаш бўйича муҳим натижаларга эришилди. 423 истеъмолчининг ҳуқуқлари тикланиб, уларга 88,9 миллион сўм маблағ қайтарилди. Бундан ташқари, 31,6 миллион сўмлик маҳсулотлар алмаштирилди.

Электрон савдо майдонларида юзага келаётган муаммоларнинг катта қисми маиший техника сотуви билан боғлиқ бўлиб, барча мурожаатларнинг 77,9 %и айнан шу соҳа билан боғлиқ экани аниқланди. Асосий муаммолар сифатсиз ёки нуқсонли маҳсулотларнинг сотилишидир.

Электрон тижорат платформаларига истеъмолчиларнинг эътирозлари тобора ортиб бормоқда. Энг кўп шикоятлар Узум Маркет платформасига тегишли бўлиб, умумий мурожаатларнинг 39,6 %ини ташкил этди. Алиф Шоп платформаси 9,9 % шикоят билан иккинчи ўринда туриб, ундан кейин Узум Насия (6,5 %) ва ЗоодМалл (6 %) платформалари жойлашди.

Шунингдек, Асахий уз бўйича 3,8 %, ИДEА платформаси бўйича 2,5 %, Ҳопшоп ва 100К уз бўйича эса 2,1 % шикоятлар келиб тушган.

Электрон тижорат платформаларининг истеъмолчилар шикоятларига қандай муносабатда бўлаётгани ҳам таҳлил қилинди. Натижаларга кўра, Опеншоп уз энг яхши кўрсаткичга эга бўлиб, барча шикоятларни (100%) ҳал қилган. Ҳопшоп платформаси 92,9%, Селло уз 87,5%, Алижаҳон уз 81,5% ва ЗоодМалл 81% шикоятларни ҳал этган. 100К уз платформасида бу кўрсаткич 78,6% ни ташкил этди. Алиф Шоп 67,2%, Узум Насия 66,3%, Узум Маркет эса 60,2% шикоятларни ижобий ҳал қилган.

Айрим электрон савдо платформаларида истеъмолчилар шикоятларига эътибор етарли даражада қаратилмаяпти. Қайд этилишича, шикоятларнинг аксарияти ҳал қилинмай қолмоқда. Энг паст кўрсаткичга эга платформалар орасида Сандиқшоп атиги 21,4 % мурожаатни қаноатлантирган бўлса, Боокномй платформасида бу кўрсаткич 28,6 %ни ташкил этган.

Электрон тижоратда истеъмолчиларнинг ҳуқуқларини ҳимоя қилиш мақсадида, Қўмита оммавий оферталарни қонунчиликка мослаштириш, электрон савдо иштирокчиларининг малакасини ошириш бўйича чора-тадбирларни амалга оширмоқда. Ушбу саъй-ҳаракатлар истеъмолчилар учун қўшимча қулайлик яратиш билан бирга, электрон тижорат соҳасида рақобат муҳитини яхшилашга ҳам хизмат қилади.

Telegram I Facebook I YouTube I Live

Тошкентда 203 нафар фуқаронинг номига машина олган автосалончи фирибгарларга суд ҳукми ўқилди.

Маълум қилинишича, судланувчилар чет элдан машина олиб сотиш масаласида МЧЖ фаолиятини йўлга қўйган. Аниқланишича, умумий зарар 62 млрд сўм бўлган.

судланувчига ЖКнинг 59-моддаси тартибида тайинланган жазони қисман қўшиш йўли билан, 9 йил муддатга озодликдан маҳрум қилиш жазоси тайинланди.

Telegram I Facebook I YouTube I Live