Вояга етмаганлар ўртасида ҳуқуқбузарликлар профилактикаси тизими такомиллаштирилади

Сенатнинг учинчи ялпи мажлисида “Вояга етмаганлар ўртасида ҳуқуқбузарликлар профилактикаси тизими такомиллаштирилиши муносабати билан Ўзбекистон Республикасининг Маъмурий жавобгарлик тўғрисидаги кодексига ўзгартиришлар киритиш ҳақида”ги Қонун кўриб чиқилди.

Бугун дунёда юзага келаётган хавф-хатар ва таҳдидлар, ёшлар орасида турли ёт ғоялар тобора кенг тарқалишига сабаб бўлмоқда. Бу эса мамлакатимизда бундай ҳолатларни ўз вақтида олдини олиш ва уларга барҳам бериш бўйича ҳуқуқни муҳофаза қилиш органлари олдига янги вазифаларни қўймоқда.

2024-йил 5-февралдаги Ўзбекистон Республикаси Президентининг тегишли қарори билан Ички ишлар органларининг вояга етмаганлар масалалари бўйича инспектор-психологлари (катта инспектор-психологлари) лавозимлари Миллий гвардия тузилмасига ўтказилганлиги ҳам ушбу йўналишда олиб борилаётган ишларнинг узвий давомидир.

Мазкур қарорга мувофиқ Ўзбекистон Республикаси Миллий гвардиясида Болалар билан ишлаш бошқармаси ва унинг ҳудудий бўлинмалари ташкил этилди, шунингдек вояга етмаганлар масалалари бўйича катта инспектор-психологлар ва инспектор-психологлар лавозимлари жорий этилди.

Ушбу бўлинмалар томонидан мактабларда (10 134 та) ахлоқий-психологик муҳитни яхшилаш, ўқувчилар ўртасида назорацизликни келтириб чиқарувчи омилларни аниқлаш ва бартараф этиш, ўқувчиларда ватанпарварлик, Ватанга садоқат ҳиссини шакллантириш, уларда қонунбузилишларга нисбатан муросасиз муносабатда бўлиш ҳиссини шакллантириш юзасидан тегишли чора-тадбирлар кўриб келинмоқда.

Шу билан бирга муаммоли ўқувчилар билан уларнинг яшаш жойларида ота-оналари иштирокида манзилли ишлаш, шунингдек ўқувчиларнинг дарсларга қатнашиш давоматини яхшилаш бўйича энг асосийси “Хавфсиз мактаб” консепсияси мисолида мактабларда хавфсизликни таъминлаш учун муҳим ишлар амалга оширилмоқда.

Янги ташкил этилган лавозимларда хизмат қилувчи шахсларга, шу жумладан вояга етмаганлар масалалари бўйича катта инспектор-психологлар ва инспектор-психологларга ички ишлар органларининг вояга етмаганлар масалалари бўйича инспектор-психологларининг қонун ҳужжатларида белгиланган ваколатларини бериш зарурати юзага келмоқда.

Миллий гвардиянинг инспектор-психологлари феврал ойидан ҳозирги кунга қадар 44450 та Маъмурий жавобгарлик тўғрисидаги кодексининг 47-моддаси биринчи қисмида назарда тутилган ҳуқуқбузарликларни аниқлаб, ички ишлар органларининг профилактика инспекторлари орқали маъмурий жазо чоралари қўлланилишини таъминлаган ҳамда ота-оналар томонидан фарзандларини мактабга юбормаслик ҳолатлари бўйича 175 мингга яқин огоҳлантириш хатлари ёзилган.

Бугунги кунда 1 нафар инспектор-психологга мактаблардаги бола сонидан келиб чиқиб 3 тадан 10 тагача мактаб тўғри келмоқда.

Бироқ инспектор-психологлар томонидан вояга етмаган ҳуқуқбузарнинг ота-оналарига нисбатан маъмурий жазо чораларини қўллаш учун таянч пункти профилактика инспекторининг олдига олиб бориб, маъмурий жазо чоралари қўлланилиши – инспектор-психологларнинг иш самарадорлигига салбий таъсир кўрсатиб, ортиқча вақт сарфлашига ҳам сабаб бўлмоқда.

Шу боис мазкур Қонун Ўзбекистон Республикаси Миллий гвардияси томонидан умумтаълим мактабларида хизмат қилувчи вояга етмаганлар масалалари бўйича инспектор-психологлар фаолиятида қонунийликни таъминлаш, шунингдек, мактабларда психологик муҳитни яхшилаш, вояга етмаганлар орасида қонунбузилишларга нисбатан муросасиз муносабатда бўлиш ҳиссини шакллантириш, муаммоли ўқувчилар билан уларнинг яшаш жойларида ота-оналари иштирокида манзилли ишлаш вазифаларни самарали амалга оширишга зарур шарт-шароит яратиш мақсадида ишлаб чиқилди.

Қонуннинг қабул қилиниши Ўзбекистон Республикаси Миллий гвардияси органларининг вояга етмаганлар ўртасида ҳуқуқбузарликлар профилактикасига, шунингдек болаларнинг ҳуқуқлари, эркинликлари ҳамда қонуний манфаатларини ҳимоя қилишга доир фаолияти самарадорлигини оширишга хизмат қилади.
Муҳокамадан сўнг Қонун сенаторлар томонидан маъқулланди.

Telegram|Facebook I YouTube I Live

Тошкентдаги боғчада бола калтакланиши сабаб оёғи синди

Аввалроқ, ижтимоий тармоқларда боғчада бола калтакланиши сабаб оёғи сингани акс этган видео тарқалиб, кенг муҳокамаларга сабаб бўлган эди. Болалар омбудсмани ҳолатни назоратга олди.

Ҳолат юзасидан Тошкент шаҳар Мактабгача ва мактаб таълими бошқармаси расмий муносабат билдирди. Маълум қилинишича, ҳолат жорий йилнинг 22 январь куни Сергели туманидаги "Солнышко" хусусий МТТда содир бўлган.

Унда тарбиячи ёрдамчиси Й.М. тарбияланувчи С.А.ни тинчлантириш мақсадида уни юзларига уриб, тортганича ётоқхонага олиб кирган. Жароҳат етказилиши оқибатида боланинг чап оёғи синган.

“Болага тез тиббий ёрдам кўрсатилган ва 16-сонли Республика шошилинч тез тиббий ёрдам шифохонасига етказилган”. Ҳозирда ушбу ҳолат юзасидан ҳуқуқ-тартибот идоралари томонидан суриштирув ишлари олиб борилаётганлигини билдирамиз,

- дейилади хабарда

Telegram|Facebook I YouTube I Live

"Ҳусановнинг бизда бўлмаган ўзига хос хусусиятлари бор" – Пеп Гвардиола

Пеп Гвардиоланинг таъкидлашича, Абдуқодир Ҳусанов «Манчестер Сити»га аввал етишмаган фазилатларни олиб келади. 20 ёшли ўзбекистонлик ҳимоячи шу ойда «Ланс»дан «шаҳарликлар» сафига қўшилган эди. Шунингдек, «Сити» жорий трансфер ойнасида ҳимоячи Витор Реис ва ҳужумчи Омар Мармоуш билан ҳам шартнома имзолади.

Бугун, 25 январь куни «Челси» билан бўладиган учрашув олдидан ўтказилган матбуот анжуманида сўзга чиққан Пеп Гвардиола Абдуқодир Ҳусанов узоқ вақтдан бери клубнинг эътиборида эканини таъкидлади. Унинг айтишича, Чики Бегиристаин ўзбекистонлик ҳимоячини ўтган ёзда потенциал трансфер сифатида биринчи бўлиб таклиф қилган.

Гвардиола, шунингдек, жорий мавсум ҳимоя чизиғидаги жароҳатланишлар муаммоси туфайли январь ойида Ҳусановни сотиб олишни устувор вазифа қилиб қўйганини айтиб ўтди.

Пепдан Ҳусанов билан шартнома имзолаш имконияти ҳақида биринчи марта қачон хабар топганини сўрашганда, у шундай жавоб берди:

«Мавсум бошиданоқ биз Чики ва унинг жамоаси билан барча позициялардаги истиқболли ўйинчиларни муҳокама қилиш учун учрашув ўтказдик. Улар Ҳусанов ҳақида гапиришди. Стонес, Аке, Рубен Диаш ва Аканжи билан боғлиқ вазиятни кўриб чиқиб, трансфер бозоридан фойдаланишимиз кераклигига қарор қилдик.

Одамлар уни кейинги йиллар учун истиқболли ўйинчи дейишмоқда, чунки биз футболчилар билан фақат бир йилни ўйлаб шартнома тузмаймиз. Уларнинг олдида анча йиллар бор. Шунинг учун биз уни жамоамизга қўшишга қарор қилдик. Унда бизда йўқ ноёб фазилатлар бор. Ишончим комилки, Абдуқодир бизга ёрдам бера олади.

Шунингдек, Ҳусанов биз учун келажакда муҳим ўйинчи бўлиши мумкин. У марказий ҳимоячи, марказий ўнг ва орқа чизиқда уч кишилик тизим каби турли хил позицияларда ўйнай олади. Абдуқодирнинг ажойиб хусусиятларидан яна бири — унинг тезлиги. У жангари, тўп олиб қўювчи ва тўп билан ишончли ҳаракат қила оладиган ўйинчи.

Бироқ фақатгина Ҳусановнинг тезлиги билан бизнинг муаммоларимиз ҳал бўлиб қолади демоқчи эмасман. Бу бизга ёрдам беради, албатта, футболда тезлик муҳим, аммо ПСЖга қарши биз улардан кўпроқ югурдик. Муаммо тўп муомаласи билан боғлиқ. Биз кучли мудофаа қуриб олиб, ундан ўйин олиб борадиган жамоа эмасмиз. Бизнинг ўзига хослигимиз тўп билан муомалада, «Манчестер Сити» ҳар доим тўп билан кучлироқ»

- дейди Гвардиола.

Telegram|Facebook I YouTube I Live

Трампнинг Ferrariʼси 1 млн долларга баҳоланиб, аукционга қўйилди

АҚШда илгари президент Доналд Трампга тегишли бўлган икки ўринли Ferrari F430 Coupe автомобили аукционда сотилади. Rockstar автомобил аукцион уйи веб-сайтида хабар берилишича, сиёсатчи бу машинани 2007 йилда, сотувга чиқарилган заҳоти сотиб олган.

Машина чиндан ҳам Трампга тегишли эканини исботлаш мақсадида, Rockstar DJT (Donald John Trump қисқартмаси) ҳарфлари туширилган ҳужжатлар ва давлат рақамини эълон қилди. Сиёсатчи автомобилга қанча вақт эгалик қилгани ҳозирча номаълум.

Аукцион уйи спорткарни 1 миллион долларга баҳолади. Auto Bild немис нашри маълумотларига кўра, бу автомобилнинг бозор нархидан беш баравар қиммат. Хусусан, Германияда бундай автомобиллар одатда 150-180 минг долларга сотилади.

Лотнинг тавсифида машина аъло даражада экани кўрсатилган. Ferrari бирор марта аварияга учрамаган, бўёғи эса махсус плёнка билан ҳимояланган. Автомобил ранги қизил, оч жигаррангдаги салони механик узатмалар қутиси билан жиҳозланган. Спорткар 3,9 сонияда 100 км/соатгача тезлашади, унинг энг юқори тезлиги эса 315 км/соатни ташкил этади.

Аукцион 16 февралдан 9 мартгача бўлиб ўтади. Rockstar сайтида аллақачон автомобил учун ставкалар қабул қилинмоқда.

2024 йилда Доналд Трампнинг ноёб Lamborghini Diablo VT Roadster автомобили 1,1 миллион АҚШ долларига сотилганди. “Чемпионат” нашрининг ёзишича, мазкур автомобил 1997 йилда шахсий буюртма асосида ишлаб чиқарилган.

Telegram|Facebook I YouTube I Live

Ҳомиладор ёки фарзандли ходимни ишдан бўшатиш тақиқланади

Олий Мажлис Сенатининг учинчи ялпи мажлисида “Ўзбекистон Республикасининг Меҳнат кодексига ўзгартириш ва қўшимчалар киритиш тўғрисида”ги қонун кўриб чиқилди.

Унга кўра, "Таълим тўғрисида"ги қонунга мувофиқ ходимлар кечки ёки сиртқи таълим шаклида ўқиши мумкин бўлган таълим ташкилотларининг турларини аниқлаштирувчи ўзгартиришлар киритилди. Шунингдек ҳомиладорлиги ёки фарзанди борлиги сабабли ходимни ишдан бўшатишга тақиқ жорий этилади.

Шу билан бирга, ишга қабул қилиш чоғида шахснинг паспорти ёки ID-картасини, меҳнат дафтарчасига оид маълумотларни талаб қилмасдан, давлат органлари ва ташкилотлари мустақил равишда, шу жумладан ахборот тизимларидаги идоралараро интеграциялашув платформалари орқали сўраб олинади.

Telegram|Facebook I YouTube I Live

МОЛ БОҚИШ АЙБ ИШ ЭМАС

Мақсадларинг йўлида ҳеч қачон чалғима! Ота-онанг билдирган ишончни оқла.
Ўқи!

Telegram|Facebook I YouTube I Live

Иссиқхона газларининг чиқарилишини тартибга солишга оид қонун Сенат томонидан тасдиқланмади

Сенат ялпи мажлисида “Иссиқхона газларининг чиқарилишини чеклаш тўғрисида”ги қонун кўриб чиқилди.
Мамлакатимизда иқлим ўзгаришининг олдини олиш, унинг салбий таъсирини камайтириш борасида муайян ишлар амалга оширилаётганини таъкидланди.

Бироқ, соҳани тартибга солувчи қонун ва норматив база яратилмагани иссиқхона газларининг чиқарилишини камайтиришда иқтисодий, технологик ва экологик йўналишлар бўйича халқаро ҳамкорликни йўлга қўйиш имкониятларини чекламоқда.

Соҳани халқаро ҳужжатлар талаблари даражасига етказиш, унинг ташкилий-ҳуқуқий асосларини такомиллаштириш тақозо этилмоқда.

Telegram|Facebook I YouTube I Live

«Dizayn» жамоаси ҳадя қилган уй учиб кетди...

Effect.uz’га Тошкент шаҳри Олмазор тумани Ғалаба боғи ёнгинасида жойлашган Smart House компанияси қурган уйлардан жабрланган фуқаролар мурожаат қилди.

Telegram I Facebook I YouTube I Live

Ўзбекистонда 70 дан ортиқ аттракционлар қўлбола экани аниқланди

Ўзбекистондаги 70 дан ортиқ парк аттракционлари қўлбола экани – ишлаб чиқарувчи корхона паспорти ва биркаси бўлмагани аниқланди. Бу ҳақда кеча, 25 январь куни АОКАда ўтказилган брифингда Саноат, радиация ва ядро хавфсизлиги қўмитаси маълум қилди.

Қайд этилишича, ўтказилган тадбирлар доирасида саноат, радиация ва ядро хавфсизлигига оид меъёрий ҳужжатлар талаблари бузилганлиги аниқланиб, қоидабузарликларни бартараф этиш бўйича 1 843 та тавсиявий маълумотномалар расмийлаштирилган.

Республика ҳудудида жойлашган 148 та маданият ва истироҳат боғларида ўрнатилган жами 2 120 та аттракционлар ўрганиб чиқилган бўлиб, шундан қўлбола (ишлаб чиқарувчи корхона паспорти ва биркаси бўлмаган) аттракционлар 74 тани, носоз, ишлашга яроқсиз ҳолатда бўлган ҳамда фаолияти тўхтатилган аттракционлар 228 тани, шу кунга қадар рўйхатга олинган аттракционлар 1 100 тани ташкил этиши аниқланган.

Telegram I Facebook I YouTube I Live

Мажбурий ижро бюроси кластерга адвокат»лик қиляпти: Ёхуд прокуратура ва МИБнинг ўхшамаган сценарийси…

Effect.uz аввалроқ Ўрта Чирчиқ тумани МИБ иш юритувида бўлган ижро харакатига доир журналистик суриштирув эълон қилган эди.

Суриштирув натижасида ижро ҳаракати жорий йилнинг 15 январь кунига тайинланган эди. Аммо ижро ҳаракати Ўрта Чирчиқ маъсулларининг ОАВдан яширган маълумоти сабаб яна тўхтатилган.

Хуллас, 2024 йил 1 март санасида «REAL AGRO COTTON» ҳамда «PAXTAKOR SIFAT YOG’» МЧЖ ўртасида 12.000 тонна техник чигит ва 1200 тонна пахта толаси етказиб бериш бўйича Товар хом ашё биржаси орқали шартнома тузилган. Шартнома бўйича 43 миллиард маблағ ўтказиб берилган.

Бироқ «REAL AGRO COTTON» ушбу шартнома бўйича мажбуриятини бажармаган. Низо суд тартибида хал этилиб, МЧЖ томонидан давогар «PAXTAKOR SIFAT YOG» фойдасига, шартномада кўрсатилган маҳсулот етказиб бериш мажбурияти юклатилган.

Бугунги кунда иш Ўрта Чирчиқ МИБ юритувида бўлиб, ижро иши тайинланиб тўхтатилгани бизга номаълум? Ижрони тўхтатишга келтирилган асослар қанчалик қонуний, ёки бу жараёнда «катталар»нинг аралашуви борми?

👉 Тўлиқ видео

Қашқадарёдаги метан заправкаларда турнақатор «навбат»лар бошланган…

Ушбу тасвирларда Қашқадарё вилоятидаги метан заправка учун бир неча километрлаб турнақатор навбатлар юзага келганини кўриш мумкин. "Бўзчи белбоғга ёлчимас" деганларидек, газ кони бўлмиш Қашқадарёда газ учун бу қадар навбатлар сабабини нима билан изоҳлаш мумкин?

Telegram I Facebook I YouTube I Live

Хоразмда жиноят содир этиб, тергов ва суд органларидан яшириниб юрганлар қидирувга берилди

Telegram I Facebook I YouTube I Live

“Халққа хизматкор бўлиб уларнинг хизматини қилайлик“ – Турдимов

Эркинжон Турдимов тиббиёт ходимлари билан учрашди.

"Барча тиббиёт ходимларимиздан илтимос қиламан ва талаб қиламан, ҳаммамиз бугундан бошлаб ўзгаришимиз керак",

дея таъкидлади Турдимов.

Telegram I Facebook I YouTube I Live

Жанубий Корея суди президент Юн Сок Ёлни ҳибсда сақлаш муддатини узайтиришни рад этди — Yonhap

"Давлат тўнтариши ва ваколатларни суиистеъмол қилишда айбланаётган Юн Сок Ёлга қарши прокуратура томонидан тергов ҳаракатлари олиб борилмоқда. Прокуратура суддан ҳокимиятдан четлатилган президентни ҳибсда сақлаш муддатини узайтиришни сўраган, аммо суд "бунинг учун йетарли асослар йўқ" деб топган", дея хабар беради агентлик.

Юн Сок Ёлнинг вақтинча ҳибсда сақланиш муддати 28 январда тугайди. Жанубий Корея қонунчилигига кўра, гумонланувчи 10 суткагача ҳибсда сақланиши ва суд қарорига кўра бу муддат яна 10 кунга узайтирилиши мумкин.

Telegram I Facebook I YouTube I Live

Абдуқодир Ҳусанов асосий таркибда!

Абдуқодир Ҳусанов биринчи учрашувдаёқ "Сити" таркибида асосий таркибда майдонга тушадиган бўлди.

"Манчестер Сити" таркиби қуйдагича:  

31.Эдерсон Мораес, 24.Йошко Гвардиол, 25.Мануэль Аканжи, 27.Матеус Нуньес, 45.Абдуқодир Ҳусанов, 7.Омар Мармуш, 8.Матео Ковачич, 19.Илкай Гюндоган, 20.Бернарду Силва, 47.Фил Фоден, 9.Эрлинг Холанд.

Ўйин Тошкент вақти билан 23:00 да бошланади.

Telegram I Facebook I YouTube I Live

Гулистондаги "эски бозор"нинг эски муаммолари

Бир халқнинг аҳволини билмоқчи бўлсанг, бозори ва мозорига боқ, дейишади донишмандлар.

Мозори вайрон элда тотувлик, бозори беҳаловат юртда тинчлик йўқ, деб ҳисоблашган.

Шу сабабли вилоятнинг янги раҳбари тезроқ "эски бозор"ни кўчириш чорасини кўриши керак.

Telegram I Facebook I YouTube I Live

"Вазирлик раҳбарияти ойлик маошлари деб тарқалаётган хабарлар нотўғри ва асосланмаган" — Мактабгача ва мактаб таълими вазирлиги

Ижтимоий тармоқларда Мактабгача ва мактаб таълими вазири ва унинг ўринбосарлари ойлик маошлари ҳақида асосланмаган маълумотлар тарқалаётгани юзасидан Мактабгача ва мактаб таълими вазирлиги расмий муносабат билдирди

Ижтимоий тармоқларда Мактабгача ва мактаб таълими вазири ва унинг ўринбосарлари ойлик маошлари ҳақида асосланмаган маълумотлар тарқалмоқда. Бу эса жамоатчиликда нотўғри фикрлар шаклланиши, вазирлик жамоасига нисбатан асоссиз эътирозларни юзага келтирмоқда.

Вазирлик раҳбариятининг ойлик маоши деб талқин этилаётган маълумотлар нотўғри эканлигини қайд этиб, ҳурматли журналист ва блогерлардан асосланмаган маълумотларни тарқатмасликни сўраймиз.

Эслатиб ўтамиз, қонунчиликда нотўғри ахборот тарқатганлик учун тегишли жавобгарлик белгиланган.

Мактабгача ва мактаб таълими вазирлиги журналист ва блогерлар билан конструктив мулоқот ва ҳамкорликка тайёр,

дейилади вазирлик расмий муносабатида.

Telegram I Facebook I YouTube I Live

Қобил Дўсовга тайинланган озодликни чеклаш жазоси қамоқ жазосига алмаштирилди

Суд ажрими билан Бўстонлиқ тумани собиқ депутати, блогер Қобил Дўсовга тайинланган озодликни чеклаш жазоси озодликдан маҳрум этиш жазосига алмаштирилди. Бу ҳақда Олий суд матбуот котиби  маълум қилди.

2024 йил ноябр ойи охирларида блогер Қобил Дўсов мактабгача ва мактаб таълими вазири ўринбосари Фарҳод Боқиевни ҳақорат қилганликда айбли деб топилиб, 1 йилга озодликни чеклаш жазосига ҳукм қилинган эди.

Унга 1 йил давомида соат 21:00–07:00 оралиғида яшаш жойидан чиқиш чекланиб, бунга қўшимча равишда интернетдан фойдаланмаслик, оммавий ва бошқа тадбирлар ўтказишда иштирок этмаслик, ҳар ойда бир марта яшаш жойи бўйича пробация бўлимидан рўйхатдан ўтиб туриш ва маҳкумларни назорат қилувчи органнинг розилигисиз яшаш жойини ўзгартирмаслик каби тақиқлар юкланганди.

Маълум қилинишича, 24 январ куни Тошкент шаҳар жиноят ишлари бўйича Яшнобод туман судида ИИО ФМБ бошлиғининг Қобил Дўсовга нисбатан тайинланган жазонинг ўталмай қолган қисмини озодликдан маҳрум қилиш жазо турига алмаштириш ҳақидаги тақдимномаси кўриб чиқилган.

Тақдимномада келтирилишича, маҳкум ахлоқан тузалиш йўлига ўтмаган, у чеклов тақиқларига риоя этмасдан, жазо ўташдан қасддан бўйин товлаб келган, бир неча маротаба у билан олиб борилган профилактик суҳбатлардан ўзига ижобий хулоса чиқармаган.

ИИВ ТКД Киберхавфсизлик маркази бош мутахассиси Дўсов фойдаланувида бўлган телефон рақамига очилган Telegram профилини кўздан кечирганида, ушбу расмийлаштирилган профил актив ҳолатда экани, унга 2025 йил 11 январ куни огоҳлантириш интизомий жазоси эълон қилинган вақтда ҳам, ундан кейинги кунларда ҳам ижтимоий тармоқлардан фаол фойдаланиб келингани аниқланган.

Қобил Дўсов суд мажлисида тақдимномада кўрсатилган ҳолатларга қўшилмаслигини, жазо ўташдан қасддан бўйин товламагани, у тадбиркорлик билан шуғулланиши, Telegramʼдан фойдаланмаслик имконсиз эканини билдирган.

Суд Яшнобод тумани ИИО ФМБ бошлиғи тақдимномасини қаноатлантирган ҳолда Жиноят ишлари бўйича Чилонзор туман судининг 2024 йил 22 ноябрдаги ҳукми билан маҳкум Қобил Дўсовга тайинланган ва ўталмай қолган 11 ой 2 кун озодликни чеклаш жазоси, шу муддатга озодликдан маҳрум этиш жазосига алмаштирилди. Жазони манзил-колонияларда ўташ белгиланганди.

Жазони ўташ муддати 2025 йил 24 январ кунидан бошлаб ҳисобланади. Маҳкум Дўсовни суд залида қамоққа олиш ва ИИВ ЖИЭД ҳузуридаги Марказий тергов ҳибсхонасига жойлаштириш белгиланган.

Telegram I Facebook I YouTube I Live