“BBC World News” Хива шаҳрининг туризм салоҳияти ҳақида

“BBC World News” халқаро телеканали билан ҳамкорликда Хива шаҳрининг туризм салоҳияти ҳақида видеоролик тайёрланиши Хива шаҳри ва унинг бой маданий меросини глобал миқёсда танитиш учун муҳим қадамдир. Хива Ўзбекистоннинг энг қадимий ва гўзал шаҳарларидан бири бўлиб, унинг тарихий обидалари ва архитектура ёдгорликлари туризмни ривожлантиришда муҳим ўрин эгаллайди.

Видеороликда шаҳарнинг тарихий диққатга сазовор жойлари, масалан, Хива ичидаги Ичан-Қалъа мажмуаси, Муҳаммад Аминхон мадрасаси, Калта Минор минора, ва бошқа тарихий обидалар намойиш этилди. Шунингдек, видеода шаҳар ҳудудидаги меҳмонхоналар, миллий анъаналар, ва туризм учун яратилган қулайликлар ҳақида ҳам маълумотлар берилган.

Бу каби лойиҳалар, Хива шаҳри ва Ўзбекистоннинг умумий туризм салоҳиятини жаҳон бозорида кенг танитиш, сайёҳларни жалб қилиш ва иқтисодий ўсишни қўллаб-қувватлашга хизмат қилади.

Маълумот учун: “BBC News” халқаро оммавий ахборот канали ҳисобланади. “BBC” таркибига киради. Корпорациянинг барча телеканаллари орасида энг машҳури ҳисобланади.

Telegram|Facebook I YouTube I Live

⚡️Деновликлар хавотири: Бозорни қуриш кимга ишониб, топширилди?

Сурхондарё вилоятининг Денов туманида жойлашган халқ тилида айтиладиган “Бободеҳқон” бозори ўрнида янгиси қад ростлаши кутилмоқда.

Устига-устак, хорижий инвестиция эвазига қурилиши айтилаётган бу янги замонавий комплекс албатта, деновликларни хурсанд қилади. Лекин ҳаммасини ҳам эмас, нега деганда бунинг ўзига яраша сабаблари бор.

Афғонистонлик инвестор мулкдорлар билан очиқчасига гаплашмаяпти, келишмаяпти, ўртага аралашган ёрдамчи ҳокимият мулкдор дўкончиларнинг уйига ИИБ ходимларини юбориб, уларни қўрқитмоқчи бўлади. Бир томон манфаатларига ишлайдиган тушунарсиз шартномаларга имзо босиш мажбурийлиги ҳақида гап очишади.

Вилоят ҳокими Улуғбек Қосимов 23 декабрь куни эски деҳқон бозори ўрнига қурилиши кутилаётган “Denov mall” савдо мажмуасига старт берган ва шундан сўнг ишлар қизғин равишда фаоллашган.

Келиб чиқиши афғонистонлик бўлган инвестор Аҳмед Жайхун бошчилигидаги Ҳиндистоннинг UN OOO DGI-GROUP компанияси ушбу лойиҳага 100-150 млн доллар атрофида инвестиция киритмоқчи, бунгача у Ўзбекистонда учта лойиҳада иштирок этган.

Хусусан, Самарқандда энг катта меҳмонхона қурилиши, Тошкент ва Шўрчидаги лойиҳалар шулар жумласидан. Аҳмед Жайхун Деновда одамлар билан учрашиб, бу ишда ҳеч ким ҳеч нарса йўқотмаслигига ваъда берган ва аҳолидан унга лойиҳани тезроқ якунлаши учун ёрдам сўраган.

Мулкдорлар инвесторга ёрдам беришга тайёр ва замонавий савдо комплекси қурилишига қарши эмас, фақат уларни рози қилиш шарти ўртага ташланмоқда.

👉 ТЎЛИҚ ВИДЕО

Telegram|Facebook I YouTube I Live

АҚШда 150 килограммли аёл 10 ёшли асранди ўғлининг хулқ-атворидан норози бўлиб, жазо сифатида унинг устига ётиб олган. Беш дақиқа давомида бола бўғилиб вафот этган.

Аёл олти йиллик қамоқ жазосига ҳукм қилинди.

Telegram|Facebook I YouTube I Live

"Миллий тикланиш"нинг Бухоро вилоят кенгашига янги раис тайинланди
Партия раиси Алишер Қодировнинг тегишли буйруғи билан Хасанов Ражаббой Тўхсанович "Миллий тикланиш" демократик партияси Бухоро вилояти кенгаши раиси лавозимига тайинланди.

Р.Хасанов 1963 йил Пешку туманида туғилган. Тайинловга қадар “Бетакрор-Барқарор Барака” корхонаси бош директори лавозимида ишлаган.

Маълумот ўрнида, бу лавозимда аввал ишлаган Махсуд Мухаммедов Олий Мажлис Қонунчилик палатаси депутати этиб сайланган эди.

Telegram|Facebook I YouTube I Live

⚡️Деновликлар хавотири: Бозорни қуриш кимга ишониб, топширилди?

Сурхондарё вилоятининг Денов туманида жойлашган халқ тилида айтиладиган “Бободеҳқон” бозори ўрнида янгиси қад ростлаши кутилмоқда.

Устига-устак, хорижий инвестиция эвазига қурилиши айтилаётган бу янги замонавий комплекс албатта, деновликларни хурсанд қилади. Лекин ҳаммасини ҳам эмас, нега деганда бунинг ўзига яраша сабаблари бор.

Афғонистонлик инвестор мулкдорлар билан очиқчасига гаплашмаяпти, келишмаяпти, ўртага аралашган ёрдамчи ҳокимият мулкдор дўкончиларнинг уйига ИИБ ходимларини юбориб, уларни қўрқитмоқчи бўлади. Бир томон манфаатларига ишлайдиган тушунарсиз шартномаларга имзо босиш мажбурийлиги ҳақида гап очишади.

Вилоят ҳокими Улуғбек Қосимов 23 декабрь куни эски деҳқон бозори ўрнига қурилиши кутилаётган “Denov mall” савдо мажмуасига старт берган ва шундан сўнг ишлар қизғин равишда фаоллашган.

Келиб чиқиши афғонистонлик бўлган инвестор Аҳмед Жайхун бошчилигидаги Ҳиндистоннинг UN OOO DGI-GROUP компанияси ушбу лойиҳага 100-150 млн доллар атрофида инвестиция киритмоқчи, бунгача у Ўзбекистонда учта лойиҳада иштирок этган.

Хусусан, Самарқандда энг катта меҳмонхона қурилиши, Тошкент ва Шўрчидаги лойиҳалар шулар жумласидан. Аҳмед Жайхун Деновда одамлар билан учрашиб, бу ишда ҳеч ким ҳеч нарса йўқотмаслигига ваъда берган ва аҳолидан унга лойиҳани тезроқ якунлаши учун ёрдам сўраган.

Мулкдорлар инвесторга ёрдам беришга тайёр ва замонавий савдо комплекси қурилишига қарши эмас, фақат уларни рози қилиш шарти ўртага ташланмоқда.

👉 ТЎЛИҚ ВИДЕО

Telegram|Facebook I YouTube I Live

Ўзбекистон 2024 йилда газ бозоридаги импортни 2,4 баробарга оширган

Статистика агентлиги маълумотларига кўра, 2024 йилда Ўзбекистон Россия ва Туркманистондан 1,68 миллиард долларлик газ импорт қилган. Бу кўрсаткич 2023 йилга нисбатан 2,4 баробар, 2022 йилга нисбатан эса 6 баробарга ошган.

2023 йилда мамлакат Туркманистон ва Россиядан жами 694,9 миллион долларлик газ сотиб олган бўлса, 2024 йилда бу миқдор 1,68 миллиард долларга етган. 2022 йилдаги 281,9 миллион долларлик импорт билан солиштирганда, 2024 йилдаги ўсиш 6 баробарни ташкил этади.

Шунингдек, газ экспортида ҳам ижобий динамика қайд этилган. 2023 йилда Ўзбекистон хорижга 529,9 миллион долларлик газ етказиб берган бўлса, 2024 йилда экспорт ҳажми 18,4 фоизга ошиб, 627,6 миллион долларга етган. Экспорт фаолиятининг жадал ўсиши айниқса 2023 йилнинг июнь ойидан бошлаб қайд этилган.

Telegram|Facebook I YouTube I Live

Сангардакдаги ёқимли атмосфера!

@effectuz

Янги «Cyber university» давлат университети ташкил этилади

Президент янги давлат университетини ташкил этиш тўғрисидаги қарорни имзолади.

«Cyber university» давлат университетини ташкил этиш тўғрисида» Ўзбекистон Республикаси президентининг 2025-йил 20-январдаги ПҚ-14-сон қарори қабул қилинди.
Қарорга кўра, университетнинг асосий вазифалари этиб қуйидагилар белгиланмоқда:

– ахборотни ҳимоялаш, ахборот ва киберхавфсизлик, рақамли технологиялар ва рақамли иқтисодиёт, сунъий интеллектга асосланган автоматлаштирилган ахборот-тахдилий тизимларни яратиш, робототехника ва бошқа турдош соҳалар бўйича кадрлар тайёрлаш;

– рақамли технологиялар соҳасида мутахассисларни қайта тайёрлаш ва малакасини ошириш;

– ўқув жараёнини илғор хорижий тажриба ва замонавий таълим технологиялари асосида ташкил этиш ҳамда очиқ ахборот-таълим муҳитининг ривожланишига кўмаклашиш;

– ёшларнинг билим олиши ва касб эгаллашига қўшимча шарт- шароитлар яратиш, давлат органлари, корхоналари ҳамда бошқа ташкилотларни кадрлар билан таъминлашда саралаш ва қамровни кенгайтириш;

– ўқув ва илмий лойиҳаларни амалга оширишда етакчи республика ва хорижий олий таълим ҳамда илмий-тадқиқот ташкилотлари, рақамли технологиялар ишлаб чиқувчилари ва истеъмолчилари, бошқа соҳавий корхоналар билан ҳамкорлик қилиш;

– тегишли таълим йўналишлари ва мутахассисликлари бўйича ўқув- методик адабиётларни яратиш, талабалар ва мутахассисларни жалб қилган ҳолда фундаментал, илмий ва амалий тадқиқотлар олиб бориш.

Telegram|Facebook I YouTube I Live

Ўзбекистонда криминоген вазият оғир маҳаллалар ҳақида президентга ахборот бериб борилади

Ўзбекистонда криминоген вазият оғир маҳаллалар билан янгича ишлаш механизмлари жорий этилади. Бу ҳақда «2025 йилда республика маҳаллаларида хавфсиз муҳитни яратиш ва ҳуқуқбузарликларнинг барвақт олдини олиш тизими самарадорлигини янада ошириш бўйича чора-тадбирлар тўғрисида»ги президент қарорида белгиланди.

Қарорга кўра, масъул идоралар ва муассасалар учун 2025 йилда «Ҳар бир маҳаллада ҳуқуқбузарликларнинг барвақт олдини олиш» устувор вазифа этиб белгиланди. Шунингдек, маҳаллаларда ҳуқуқбузарликларнинг олдини олишга қаратилган бир қатор йўл хариталари ҳамда 2025 йилда республика маҳаллаларида хавфсиз муҳит яратиш ва ҳуқуқбузарликларнинг барвақт олдини олиш тизимининг самарадорлигини ошириш бўйича манзилли чора-тадбирлар дастури тасдиқланди.

Ҳуқуқбузарликларнинг барвақт профилактикаси, дастур ва «йўл хариталари»нинг ижросини назорат қилиб бориш учун Бош прокуратура ҳузурида Республика идоралараро мувофиқлаштириш ишчи гуруҳи тузилади.

Эндиликда, жиноят содир этилган маҳаллаларда илмий ташкилот ва таълим муассасалари томонидан илмий ёндашувлар асосида ўрганишлар ўтказилади. Барча туман (шаҳар) сектор раҳбарларига, Миллий гвардия қўриқлаш хизмати бошлиқларига ва ички ишлар органлари бошлиқлари ўринбосарларига 2025 йилда криминоген вазият оғир маҳаллалар номма-ном бириктирилади.

Масъуллар фаолияти ҳар ой якунида – ички ишлар вазири ҳузурида, ҳар чорак якунида – Бош прокурор ҳузурида, ҳар ярим йилда бош вазир ҳузурида танқидий муҳокама қилинади, ҳар бир маҳалла кесимида президентга ахборот бериб борилади.

Қарорга мувофиқ, вилоятлар марказлари ва криминоген вазият оғир туман (шаҳар)лар маҳаллаларида профилактика кичик инспектори фаолияти йўлга қўйилади. Кичик инспектор меҳнат мигрантлари, мактаб битирувчилари ва талабалар билан ишлайди.

Ички ишлар органларида миграцион профилактика бўлинмалари, туманлараро маъмурий конвой гуруҳлари ташкил қилинади.

Telegram|Facebook I YouTube I Live

Трамп Россияга қарши санкцияларни кучайтиришни истисно этмади — Reuters

"АҚШ президенти Путин Украина масаласида музокаралар олиб бориш ва тинчлик битимини имзолашдан бош тортса, янги санкциялар жорий этилиши мумкинлигини айтди", деб хабар беради агентлик.

Трамп, шунингдек, Украинага ҳарбий ёрдам юборишни ҳам истисно этмади. Унинг фикрича, Европа Иттифоқи ҳам Киевга кўпроқ ёрдам бериши керак. Бундан ташқари, АҚШ президенти урушни тўхтатишга Хитой раҳбари Си Жинпин ҳам ёрдам бериши кераклигини айтди.

"Унинг бизникидек катта кучи бор, шунинг учун мен унга Россиянинг Украина билан уруши масаласини ҳал қилиши кераклигини айтдим. Биз бу ҳақда гаплашдик", — деди Трамп.

Telegram|Facebook I YouTube I Live

Эркинжон Турдимов Сирдарё вилояти ҳокими вазифасини бажарувчи этиб тайинланди

Президентнинг тегишли фармони билан Эркинжон Оқбўтаевич Турдимов Сирдарё вилояти ҳокими вазифасини бажарувчи этиб тайинланди.

Э.Турдимов 2024 йил 28 ноябрь куни Самарқанд вилояти ҳокими лавозимидан озод этилган ва бу жамоатчиликка “бошқа ишга ўтиши” билан боғлиқ экани айтилган эди.

Сирдарё вилоятини бунга қадар бошқариб келган Акмалжон Маҳмудалиев эса жорий йил 16 январда “ҳудудида инвестицияларни жалб қилиш, қишлоқ хўжалигини ривожлантириш ва бошқа йўналишлардаги фаолиятда жиддий камчиликларга йўл қўйгани учун” лавозимидан озод этилганди.

Telegram|Facebook I YouTube I Live

Тошкент шаҳрида адвокат ва юрист ушланди

Тошкент шаҳридаги адвокатлик фирмаси адвокати 1999 й.т. шахсга нисбатан 2024-йилда жиноят ишлари бўйича Яшнобод туман судининг ҳукми билан тайинланган 10-йил муддатга озодликдан маҳрум қилиш жазоси бўйича ҳозирда шаҳар судининг кассация инстанциясида кўрилаётган шикоятни мансабдор танишлари орқали ижобий ҳал қилиб беришни ваъда қилган.

Хусусан у тайинланган жазони 4-йил муддатга камайтириб бериш эвазига, ҳар бир йил учун 5 минг АҚШ долларидан, жами 20 минг АҚШ доллари олган вақтида ҳуқуқни муҳофаза қилувчи идоралар томонидан ашёвий далиллар билан ушланди.

Шунингдек, тезкор тадбир давом эттирилиб, мазкур ишга алоқадор бўлган, Тошкент шаҳридаги банклардан бирининг юристи ҳам адвокатдан 15 минг АҚШ доллари олган вақтида ушланди.

Терговга қадар текширув давомида, банк юристи прокуратура органларидаги қариндоши орқали ёрдам бермоқчи бўлганлиги аниқланиб, ҳозирда бу борада тегишли чора-тадбирлар амалга оширилмоқда.

Ҳолат юзасидан адвокат ҳамда юристга нисбатан Жиноят Кодексининг 25,168-моддасининг 4-қисми “а” банди ва 28,211-моддасининг 3-қисми “а” банди билан жиноят иши қўзғатилиб, тергов ҳаракатлари олиб борилмоқда.

Telegram|Facebook I YouTube I Live

Ўзбекистон миллий терма жамоаси бош мураббийи Сречко Катанец ҳам ишдан кетди

Ўзбекистон миллий терма жамоаси бош мураббийи Сречко Катанец соғлиғи билан боғлиқ муаммолар сабабли Ўзбекистон футбол ассоциацияси билан тузилган шартномани ўзаро розилик билан бекор қилишга қарор қилди. Бу ҳақда ЎФА ахборот хизмати хабар берди.

Хабарга кўра, словениялик мураббий ўз мурожаатида ҳозирги ҳолатида вазифаларини тўлақонли, профессионал тарзда бажара олмаслигини билдирган.

Маълумот учун, Сречко Катанец номзоди 2021 йил 27 август куни Ўзбекистон миллий терма жамоасига мураббийлигига маъқулланган эди.

Ўзбекистон футбол ассоциацияси ҳозирда миллий терма жамоамиз бош мураббийи лавозимига муносиб номзод тайинлаш борасида иш олиб бораётганини маълум қилди.

Telegram|Facebook I YouTube I Live

Трамп АҚШда сунъий интеллектга 500 миллиард доллар инвестиция киритилишини эълон қилди

Ушбу маблағни ОpenAI, SoftBank ва Оracle каби компаниялари инвестиция қилади. Трамп ушбу қўшма корхона Stargate деб номланишини эълон қилди ва уни "сунъий интеллект инфратузилмаси тарихдаги энг йирик лойиҳаси" деб атади.

"Stargate сунъий интеллектнинг замонавий авлодини қўллаб-қувватлаш учун жисмоний ва виртуал инфратузилма қуради, жумладан, бутун мамлакат бўйлаб маълумотларни қайта ишлаш марказлари ташкил этилади", деб хабар бермоқда CNN.

Оracle раҳбари Ларри Эллисоннинг айтишича, шундай марказлардан биринчиси ҳозирда Техасда қуриляпти. Stargate лойиҳаси 100 мингдан ортиқ одамни иш билан таъминлаши кутиляпти.

"Менимча, бу давримизнинг энг муҳим лойиҳаси бўлади. Биз буни сизсиз амалга ошира олмасдик, жаноб президент," — деди ОpenAI бош директори Сэм Алтман Трамп билан учрашувда.

Telegram|Facebook I YouTube I Live

“Бошқа қайтиб келмайман” – Сречко Катанец

Ўзбекистон миллий терма жамоасининг собиқ мураббийи Сречко Катанец Сhampionat.asia нашрига берган интервьюсида кетиш сабаблари ҳақида тўхталиб ўтди.

Соғлигим ҳақида тўлиқ айтиб берсам анча вақт керак бўлади. Айни пайтда соғлигим анча яхши. Агар учинчи марта терма жамоани соғлигим туфайли тарк этсам бошқа қайтиб келмайман.

деди у.

Мураббий соғлиғидаги муаммолар боис лавозимини тарк этди. ЎФА матбуот хизмати бу ҳақда қуйидагича маълум қилди:

Ўзбекистон миллий жамоаси бош мураббийи Сречко Катанец соғлиғи билан боғлиқ муаммолар сабабли Ўзбекистон футбол ассоциацияси билан тузилган шартномани ўзаро розилик билан бекор қилишга қарор қилди. Словениялик мураббий ўз мурожаатида ҳозирги ҳолатида вазифаларини тўлақонли, профессионал тарзда бажара олмаслигини афсус билан қайд этди. ЎФА ҳамда Сречко Катанец ўртасидаги шартнома ўзаро дўстона муносабатларни сақлаган ҳолда бекор қилинди. Ўзбекистон футбол ассоциацияси миллий жамоамиз бош мураббийи лавозимига муносиб номзод тайинлаш борасида иш олиб бормоқда.

61 ёшли мутахассис 2021 йил кузидан бери Ўзбекистонни бошқариб келаётганди. Маълумотларга кўра, унинг маоши йилига 1,2 миллион долларни ташкил қилган.

Telegram|Facebook I YouTube I Live

Панама ҳукумати Трампнинг Панама каналини босиб олиш таҳдидлари туфайли БМТга шикоят қилди — Reuters

Тегишли ҳужжат БМТ бош котиби Антонио Гутеррешга топширилди.

"БМТга аъзо давлатлар ўз халқаро муносабатларида ҳар қандай давлатнинг ҳудудий яхлитлиги ёки сиёсий мустақиллигига нисбатан куч ишлатиш билан таҳдид қилишдан тийилиши керак", — дея таъкидлади Панаманинг БМТдаги доимий вакили Элой Алфаро де Алба.

Доналд Трамп 20 январ куни бўлиб ўтган инаугурация маросимида Панама канали Панама давлати эмас, Хитой назорат қилаётганини, шу сабабли, АҚШ канални ўз назорати остига қайтариши зарурлигини айтган эди.

Telegram|Facebook I YouTube I Live

Актриса Феруза Норматова кибербуллингга учради

Адвокат Комилова ўз Телеграм саҳифасида актриса ва блогер Феруза Норматова кибербуллингга учраганини маълум қилди.

Унда айтилишича, актриса ва инста-блогер Феруза Норматова манфаатида Тошкент шаҳар ИИББга ЖКнинг 139, 140 ва 141-1-моддалари бўйича жиноят иши қўзғатишни сўраб ариза берилган. Ҳозирда суриштирув кетяпти.

"Феруза жуда қаттиқ кибербуллингга учраган. Аҳмаджонов Отабек Умиджон ўғли деган шахс Instagram тармоғида уни мунтазам таъқиб қилмоқда, очиқча ҳақоратламоқда, туҳматлар уюштирмоқда, шунингдек Ф.Норматовага оид шахсий ҳаёти ва оиласига дахлдор ҳисобланадиган маълумотларни эълон қилмоқда.

Бунақасига биринчи марта дуч келишим. Қип-қизил кибербуллинг, мен ҳатто маниакал кибербуллинг деган бўлардим. А.О. Instagram’даги аккаунтида Феруза Норматова ҳақида тинимсиз қисқа видеолар чиқариб ётибди (буни ўзича “сериал” деб атайди). Ҳар бир видеода туҳмат, ҳақоратлар бор; Ф.Норматованинг шахсий ҳаётини муҳокама қилади, ўтмишини кавлаштиради, баъзан ўз оғзи билан ва баъзан “подписчиклари тилидан” Ферузага оид бадном қилувчи, таҳқирловчи ёлғон маълумотларни ўқиб беради...

Бир одам унинг яшашига халал бермаётган бошқа бир инсонга нисбатан шунақа “одержимый” бўлиб қолиши мумкинми? Феруза Норматовани сурункасига таъқиб қилиш, сериал” видеолар учун мавзуга айлантириб тинимсиз устидан мағзава ағдариш унга нимага керак? Бу ўзининг “ташаббуси”ми ёки кимнингдир буюртмасини бажаряптими? Умид қиламизки, ваколатли идоралар унинг қилмишига тегишлича ҳуқуқий баҳо беради.

Шунингдек, А.О. илгари МЖтКнинг 41 (“ҳақорат қилиш”) ва 183 (“майда безорилик”) моддалари билан жавобгарликка тортилгани ҳам маълум қилинган.

Ф.Норматова ишида у билан “ҳамкорлик қилган” Э.Ш. исмли қиз ҳам бор эди – уни суд орқали маъмурий жазога тортишга муваффақ бўлдик. Аммо А.О.нинг қилмиши анча оғир ва у жиноий тартибда жазоланиши шарт деб ҳисоблайман",

деб ёзади адвокат ўз саҳифасида

Telegram|Facebook I YouTube I Live