2024 йилда судлар томонидан Тошкент вилояти ҳокимининг қарорлари энг кўп бекор қилинган

2024 йил давомида маъмурий судлар томонидан давлат органлари ва ташкилотлари, уларнинг мансабдор шахслари қарорини ҳақиқий эмас деб топишга доир жами 6991 та иш кўрилган бўлиб, уларнинг 3184 таси қаноатлантирилган.

Жумладан, маҳаллий ҳокимлик қарорларининг ҳақиқий эмас деб топилишга оид жами 2 720 та иш кўрилган бўлиб, шундан маҳаллий давлат ҳокимияти органларининг ва мансабдор шахсларининг қонунчиликка мос келмайдиган ҳамда фуқаролар ёки юридик шахсларнинг ҳуқуқлари ва қонун билан қўриқланадиган манфаатларини бузадиган жами 933 та қарори бекор қилинган.

Коррупцияга қарши курашиш агентлиги тақдим қилган маълумотига кўра, 2024 йилда маҳаллий ҳокимликлар томонидан чиқарилган қарорларнинг энг кўп бекор қилиниши бўйича Тошкент вилояти етакчилик қилган – 426 та ҳужжатдан 143 таси бекор қилинган.

Кейинги 2- ва 3-ўринларда Самарқанд(291 та ҳужжатдан 128 таси) ҳамда Жиззах(239 та ҳужжатдан 113 таси) вилоятлари кўрсатилган.

Telegram|Facebook I YouTube I Live

Жанубий Корея президентининг ҳибсда сақлаш муддати узайтирилди — Yonhap

Сеулнинг Ғарбий округ суди қарорига кўра, энди терговчилар Юн Сок Ёлни 20 кунгача ҳибсда ушлаб туришлари мумкин. Бу муддатга 15 январда у қўлга олинганидан кейин вақтинчалик ҳибсхонада ўтказган кунлар ҳам киритилади.

Коррупцияга қарши кураш идораси Юннинг ишини 10 кун ичида прокуратурага топширишни режалаштирмоқда. Прокуратура эса терговни давом эттириб, давлат раҳбари ҳибсда бўлган даврда унга айблов эълон қилишни мўлжалламоқда.

2024 йил 3 декабр куни Юн Сок Ёл Жанубий Кореяда ҳарбий ҳолат жорий қилиш ҳақида эълон қилган эди. Мамлакат парламенти бу қарорни тезда бекор қилди ва 14 декабр куни Юнга нисбатан импичмент эълон қилганди. Ҳокимиятдан четлатилган давлат раҳбари суд ордери билан 15 январ куни иккинчи уринишда қўлга олинган.

Telegram|Facebook I YouTube I Live

Навалнийнинг адвокатлари озодликдан маҳрум қилинди

Владимир областининг Петушинский суди ҳозирда вафот этган мухолифатчи Алексей Навалнийнинг уч собиқ адвокати — Вадим Кобзев, Алексей Липцер ва Игор Сергунинни «экстремистик ҳамжамиятда» иштирок этиш иши бўйича уч ярим йилдан беш ярим йилгача қамоқ жазосига ҳукм қилди.

Вадим Кобзев 5,5 йил, Алексей Липцер беш йил, Игор Сергунин эса уч йил қамоқ жазосига ҳукм қилинди. Ëпиқ суд мажлисидаги эшитувлар 24 декабрь куни якунланди. 10 январь куни адвокатлар сўнгги сўзларни айтишди.

Адвокатларга ҳукм 10 январь куни чиқиши керак эди, кейин 17 январга қолдирилди.

«Навалнийнинг адвокатлари устидан ҳукм 17 январь куни соат 10:00 да эълон қилинди. Навалний Россияга қайтиб келган ва қамоққа олинган кун. Менга айтингчи, бу тасодифми?» — деди ФБК директори Иван Жданов бу борада.

Telegram|Facebook I YouTube I Live

Абдуқодир Ҳусанов трансфери энг юқори давраларда муҳокама қилинди.

Шавкат Мирзиёев Абу-Даби валиаҳд шаҳзодаси билан учрашувда футболчи Абдуқодир Ҳусанов ҳақида суҳбатлашди.

Шайх Холид ибн Муҳаммад Ол Наҳаён бундай футболчини улғайтирган ўзбек халқига ҳурматини билдирди.

Telegram|Facebook I YouTube I Live

Жанубий Корея ўзбекистонликларга чеклов қўйди

Жанубий Кореяда иқтисодий ўзгаришлар ҳамда ўзбекистонлик ходимларнинг иш жойларини сабабсиз тарк этиш ҳолатлари кўп кузатилганлиги боис қабул чекловлари ўрнатилмоқда. Бу ҳақда  Миграция агентлиги хабар берди.

Маълум бўлишича, 2024 йилда Жанубий Кореяга E-9 визаси билан ишлаш учун 3080 нафар фуқаро юборилган бўлиб, бу рақам 2023 йилга нисбатан анча пасайганлигини кўрсатади.

Жумладан, Миграция агентлиги бош мутахассиси Достон Олимжонов бу фақат ўзбекистонликлар билан боғлиқ ҳолат эмаслигини таъкидлаб ўтиб, Непалнинг Кореяга юборган мигрантлари сони бир йилда 19 758 нафардан 7081 нафарга камайганлигини мисол сифатида кўрсатди.

Шунингдек, юзага келган иқтисодий инқирозлар сабабли, Кореяда кўплаб компаниялар ўзларини банкрот деб эълон қилмоқда. Агентлик бошқарма бошлиғи Азим Алматовнинг таъкидлашича, иш ташлаш ҳолатлари Сенегал ва Вьетнам давлатларида камроқ кузатилганлиги боис, Корея кўпроқ уларнинг фуқароларини танлашмоқда.

Ҳозирда, ташкилот томонидан илгари сурилаётган кўникма ва мослашувни кучайтиришга қаратилган дастурлар юқоридаги муаммоларни бартараф этишга қаратилган.

Telegram|Facebook I YouTube I Live

Андижондаги боғчада 14 январ муносабати билан ўтказилган тадбир ташкилотчилари ишдан олинди

Байрам тадбирида боғча тарбияланувчилари оталари билан бирга диний мазмундаги қўшиққа рақс тушишгани сабаб қилиб келтирилмоқда.

Маълумотларга кўра, байрамдан сўнг боғча мудири, шунингдек, ташкилий ишлар учун масъул бўлган бошқа шахслар ишдан бўшатилгани айтилмоқда.

Боғча таъминотини ўмараётганлар, ҳокимликда таниши бор мудиралар эса жойидан қимирламай ишлаб келмоқда.

Telegram|Facebook I YouTube I Live

Тармоқда ўзбекларни итга тенглаштирган россияликнинг видеоси тарқалмоқда

ТИВ қандай чора кўради? Яна рус элчисини илтимос билан таклиф қилиб, мулойимлик билан муносабатда бўладими ёки ўзининг мустақил давлат эканини кескин равишда эслатадими?!

Эслатиб ўтамиз, шу пайтгача Ўзбекистонга таҳдид қилган рус сиёсатчиларига ҳеч қандай чора қўлланмаган!

Telegram|Facebook I YouTube I Live

Мудофаа вазирлиги огоҳликка чақиради

Муддатли ҳарбий хизматга юбориш, контракт бўйича ҳарбий хизматга кириш, мудофаа ишлари бошқармаси ва бўлимларида амалга ошириладиган ҳар қандай ҳужжат ишлари мутлақо бепул.

Ушбу масалалар юзасидан ишингизни моддий маблағ эвазига ҳал қилиб беришни таклиф этишдими? Ундай кимсаларга ишонманг! Жиноятчиларга шерик бўлиб, келажагингизни барбод қилманг!

Telegram|Facebook I YouTube I Live

ҲАМАС Исроилга 3 нафар гаровдагини топширди – Al Arabiya

ҲАМАС гаровга олинган уч аёлни Халқаро Қизил хоч ташкилоти вакилларига топширди. Бу ҳақда Al Arabiya телеканали хабар берди.

Бир муддат олдин ҲАМАС озод қилишни режалаштираётган уч аёлнинг исмлари рўйхатини топширган эди. Улар: Роми Гонен, Эмили Дамари ва Дорон Штайнбречер.

Маълум қилинишича, бундан буён (сулҳнинг биринчи босқичи даврида) ҲАМАС ҳар шанба куни гаровга олинганларни Исроилга топширади. Бунинг эвазига эса Исроил жами 700 нафар фаластинликни озод қилади.

Эслатиб ўтамиз, аввалроқ Исроил озод қилиши керак бўлган 90 нафар фаластинлик маҳбуслар рўйхати борлиги хабар қилинган эди.

Telegram|Facebook I YouTube I Live

"Ўзбекистонда янги «GAB Airlines» авиакомпанияси ташкил этилгани ҳақидаги хабарлар ҳақиқатга тўғри келмайди" – Фуқаро авиацияси агентлиги

Оммавий ахборот воситаларида Ўзбекистонда янги «GAB Airlines» авиакомпанияси ташкил этилгани ва Airbus-320 ва Airbus-330 ҳаво кемаларида парвозларни амалга ошириши ҳақидаги хабарлар тарқалди. Ўзбекистон Республикаси Транспорт вазирлиги ҳузуридаги фуқаро авиацияси агентлиги хабар юзасидан расмий муносабат билдирди. Унда айтилишича ушбу хабар ҳақиқатга тўғри келмайди.

Фуқаро авиациясида ҳаво кемаларидан фойдаланиш билан боғлиқ бўлган ҳар қандай фаолиятни амалга ошириш учун, Ўзбекистон Республикаси Ҳаво кодекси ва Лицензиялаш, рухсат бериш ва хабардор қилиш тартиб-таомиллари тўғрисида қонун талабларига мувофиқ ҳар қандай юридик шахс “Ўзавиация” агентлигидан белгиланган тартибда ҳаво кемаси эксплуатанти сертификатини олиши шарт.

Фақатгина ҳаво кемаси эксплуатанти сертификатини олгандан кейингина авиакомпания мақомини олиш мумкин ва ҳаво кемаларида ҳаво ташувларини амалга ошириш ҳуқуқига эга бўлади.

Ўзини «GAB Airlines»авиакомпанияси деб атаётган ташкилот бугунги кунга қадар “Ўзавиация” агентлигига ҳаво кемаси эксплуатанти сертификатини олиш учун ариза ва ҳаво кемасини сотиб олгани ёки ижарага (лизингга) олгани ҳақидаги ҳужжатларни тақдим этмаган.

Шундай қилиб, оммавий ахборот воситаларида Ўзбекистонда «GAB Airlines» авиакомпанияси ташкил этилгани ҳақида эълон қилинаётган хабарлар ҳақиқатга тўғри келмайди,

дейилади хабарда.

Telegram|Facebook I YouTube I Live

Японияликлар очлик ва йўқликдан қочиб, қамоқхоналарга боришмоқда!

CNN мақоласига кўра, Япониядаги йирик аёллар қамоқхонаси асосан кекса ёшдаги аёллар билан тўлган. Маҳбуслар учун ёлғизлик муаммоси шу қадар оғирки, улар панжара ортида қолишни афзал кўришади.

«Ҳатто бу ерда абадий яшаш учун ойига 20-30 минг иена (130-190 АҚШ доллари) тўлашга тайёрлигини айтганлар ҳам бор» — дейди «Точиги аёллар қамоқхонаси» ходими Такаёши Ширанага.

Маълум қилинишича, у ерда маҳбуслар мунтазам овқатланиш, бепул тиббий ёрдам, парвариш ва эркин ҳаётда уларга етишмайдиган мулоқот имкониятини олишади.

«Бу қамоқхонада жуда яхши одамлар бор. Балки бу ҳаёт мен учун энг барқарори бўлса керак» — деди озиқ-овқат ўғирлагани учун жазо ўтаётган 81 ёшли жиноятчи.

Шунингдек, Японияда 65 ёшдан ошганларнинг 20 фоизи қашшоқликда яшаши қайд этилган. Қўриқчи Ширанаганинг айтишича, кўпчилик омон қолиш ва яшаш учун қамоқхонага тушади.

Telegram|Facebook I YouTube I Live