Тайинлов ва истеъфо:

Президент ҳузуридаги Статистика агентлиги директори Бегалов Баҳодир Абдусаломович лавозимидан озод этилди.

Рустамов Фарруҳ Шоруҳович Рақамли технологиялар вазирлиги ҳузуридаги Ахборотлаштириш ва телекоммуникациялар соҳасида назорат инспекцияси (“Ўзкомназорат”) бошлиғи лавозимига тайинланди.

Telegram|Facebook I YouTube I Live

Ўзбекистонга 2024 йили хориждан 483 нафар мигрант жасади олиб келинган

2024 йилда Ўзбекистонга хориждан 483 нафар мигрантнинг жасади олиб келинган. Улардан 474 нафари Россиядан, 5 нафари Туркиядан, қолгани Жанубий Корея ва Қозоғистондан олиб келинган. Миграция агентлигидан маълум қилишича, жасадларни олиб келиш харажатлари давлат бюджети ҳисобидан қопланган.

Жасадларни олиб келиш харажатлари, қайси давлатдан эканлигига қараб, турлича ҳисобланади. Россиядан битта жасадни олиб келишга 1000 доллар, Англиядан 4−5 минг доллар, Япония ва Кореядан эса 9 минг долларгача маблағ кетади.

Қўшимча қилинишича, 2024 йили хорижда оғир турмуш шароитига тушиб қолган 775 нафар, оғир тан жароҳати олган 182 нафар ўзбекистонлик ҳам агентлик кўмаги билан Ўзбекистонга қайтарилган.

Telegram|Facebook I YouTube I Live

Косонда прокуратура терговчиси пора билан ушлангани айтилмоқда

Бугун, 17 январь куни Қашқадарё вилояти Косон туманида прокурор пора билан қўлга олинган.

Манбанинг маълум қилишича, туман прокуратурасида катта терговчи бўлиб ишлаган ходим катта миқдордаги порани олаётганда тезкор ходимлар томонидан қўлга олинган. Ҳозирча бу хабар ҳақида ҳеч қайси расмий идора маълумот бермади.

Telegram|Facebook I YouTube I Live

Путин ва Пизишкиён матбуот анжуманида иштирок этди

Владимир Путин ва Масъуд Пизишкиён Россия ва Эрон ўртасида кенг қамровли стратегик шериклик тўғрисидаги битим имзоланди.

Матбуот анжуманида Россия президенти томонидан билдирилган асосий фикрлар:

◾️ Россия ва Эрон ўртасида имзоланган янги шартномадан катта мақсадлар қўйилган, бу йўналишда улкан илдам қадамлар ташлашимиз керак;

◾️ Россия ва Эрон ўртасида фаол сиёсий мулоқот давом этмоқда;

◾️ Россия Суриядаги вазиятни дипломатик йўл билан ҳал қилиш сиёсатига содиқ қолади ва сурияликларни қўллаб-қувватлашни давом эттиришга тайёр;

◾️ Суриянинг келажагини фақат сурияликларнинг ўзи белгилаши керак;

◾️ Россия Фаластин муаммосини тўлиқ ҳал қилиш йўлидаги ҳаракатларни сусайтирмасликка чақиради, бу мустақил Фаластин давлатини тузишни назарда тутади;

◾️ Россия ва Эроннинг ташқи сиёсатга оид аксарият масалалар бўйича қарашлари мос келади;

◾️ Россия ва Эрон муносабатлари тенглик, ҳурмат ва ўзаро ёрдам принциплари асосида қурилган.

Telegram|Facebook I YouTube I Live

Трампнинг инаугурациясидан кейин мигрантларга қарши кенг кўламли рейдлар бошланади

Бу ҳақда The Wall Street Journal бундай ҳаракатни режалаштириш билан таниш манбаларга таяниб хабар бермоқда.

"Биринчи мақсад Чикаго шаҳри бўлади. Рейд инаугурациядан кейинги куни эрталаб бошланиб, бир ҳафта давом этади. АҚШнинг Иммиграция ва божхона хизмати операцияни ўтказиш учун 100-200 нафар ходимни жалб қилади", деб ёзади WSJ.

Нашр маълумотларига кўра, операцияни Трамп маъмуриятида “чегара назорати раҳбари” бўлиши кутилаётган Том Ҳоман ўтган ойда Чикагога ташрифи чоғида режалаштирган.

"Биз айнан шу ердан, Чикагодан бошлаймиз. Агар Чикаго мэри ёрдам беришни хоҳламаса, четда турсин. Аммо агар у бизга тўсқинлик қилса ёки ноқонуний мигрантларни онгли равишда яширса, мен уни қонуний жавобгарликка тортаман", — деган эди Ҳоман Чикагога ташрифида.

WSJ хабарига кўра, Чикагодан сўнг рейдлар Нью-Йорк, Лос-Анжелес, Денвер ва Маями шаҳарларида ўтказилиши мумкин.

Доналд Трамп сайловолди кампанияси давомида бир неча бор ноқонуний мигрантларга қарши курашни ўзининг асосий вазифаларидан бири деб ҳисоблашини айтиб, оммавий депортацияларни бошлашни ваъда қилган эди.

Telegram|Facebook I YouTube I Live

Самарқандда темирйўл устига бетон бўлаги қўйиб кетилди

Воқеа Пахтачи тумани ҳудудида кечки пайтда содир бўлган. Номаълум шахс темирйўл четида масофа ёзилган белги остидаги бетон бўлакни ковлаб олган. Сўнгра уни темирйўл устига қўйиб кетган.

Бухорога кетаётган «Афросиёб» тезюрар поезди бетон бўлагига катта тезликда келиб урилган ва маълум муддат тўхтаб қолган. Сўнгра йўлида давом этган поезд манзилга 1 соат 24 минут кечикиб борган. Поездда 133 нафар йўловчи бўлган. Уларга тан жароҳати етмаган.

Ҳозирча ҳолат қачон бўлгани, бетон бўлагини темирйўлга ким ва нима мақсадда қўйиб кетгани, шунингдек, «Афросиёб» поездига етказилган зарар миқдори маълум эмас.

Telegram|Facebook I YouTube I Live

Қозоғистонда ўзбекистонликларни қийноққа солган полициялар қамалди

Қозоғистоннинг Қорасой тумани суди 2022 йил январь ойидаги оммавий тартибсизликлар вақтида Ўзбекистон, Тожикистон ва Қирғизистон фуқароларини қийноққа солган олти полиция ходимини уч йилга озодликдан маҳрум қилиш бўйича ҳукм чиқарди. Бу ҳақда суд матбуот хизмати хабар берди.

Маълум қилинишича, 2022 йил январь ойида Ўзбекистон, Тожикистон ва Қирғизистон фуқаролари ҳам бўлган 44 нафар жабрланувчи полиция бошқармасининг махсус қабулхонасига жойлаштирилган. Айбланувчилар ўз хизмат ваколатларини суиистеъмол қилиб, қонунга зид ҳаракатлар содир этган ва жабрланувчиларни қийноққа солган.

Суд мазкур ҳолатни гувоҳларнинг кўрсатмалари, экспертиза хулосалари ҳамда судда ўрганилган бошқа далиллар билан тўлиқ тасдиқлаган.

Айбланувчилар Қозоғистон Республикаси Жиноят кодексининг 146-моддаси (Қийноқ қўллаш) ва 362-моддаси (Хизмат ваколатини суиистеъмол қилиш) бўйича айбдор деб топилган. Суд ҳукмига биноан жиноятларнинг йиғиндиси бўйича ҳар бир айбланувчи уч йилга озодликдан маҳрум қилинган. Шунингдек, улар давлат хизматида ишлаш ҳуқуқидан ва махсус унвонлардан ҳам айрилган.

Telegram|Facebook I YouTube I Live

Бугун ва эртага республика бўйлаб ёмғир ёғиб, қорга айланиши мумкин

Ўзгидрометнинг хабар беришича, 18 январь куни Тошкентда ҳаво ўзгариб туради, вақти-вақти билан ёмғир ёғади, ёғаётган ёмғир кечқурун қорга айланиши мумкин. Ғарбдан секундига 5-10 метр тезликда шамол эсади. Кечаси 2-4, кундузи 4-6 даража илиқ бўлади.

Қорақалпоғистон Республикаси ва Хоразм вилоятида ҳаво ўзгариб туради, баъзи жойларда бироз қор ёғади. Айрим жойларда туман тушиши кутилмоқда. Ғарбдан секундига 7-12 метр тезликда шамол эсади. Баъзи жойларда шамолнинг тезлиги секундига 13-18 метргача кучайиши мумкин. Кечаси 1-6 даража совуқ, кундузи 1-6 даража илиқ бўлади.

Бухоро ва Навоий вилоятларида ҳаво ўзгариб туради, баъзи жойларда ёғингарчилик бўлади (ёмғир, қор ёғади), туман тушиши кутилмоқда. Ғарбдан секундига 7-12 метр тезликда шамол эсади. Айрим жойларда шамолнинг тезлиги секундига 13-18 метргача кучайиши мумкин. Кечаси 2 даража совуқ, 3 даража илиқ, кундузи 0-5 даража илиқ бўлади.

Тошкент, Самарқанд, Жиззах ва Сирдарё вилоятларида ҳаво ўзгариб туради, баъзи жойларда ёмғир ёғади, туман тушиши мумкин. Ғарбдан секундига 7-12 метр тезликда шамол эсади. Кечаси 0-5, кундузи 2-7 даража илиқ бўлади.

Қашқадарё ва Сурхондарё вилоятларида ҳаво ўзгариб туради, баъзи жойларда ёмғир ёғади, туман тушиши мумкин. Ғарбдан секундига 7-12 метр тезликда шамол эсади. Кечаси 0-5, кундузи 4-9 даража илиқ бўлади.

Андижон, Наманган ва Фарғона вилоятларида ҳаво ўзгариб туради, ёғингарчилик бўлмайди. Айрим жойларда туман тушиши мумкин. Шарқдан секундига 5-10 метр тезликда шамол эсади. Кечаси 0-5 даража совуқ, кундузи 4-9 даража илиқ бўлади.

Республикамизнинг тоғолди ва тоғли ҳудудларида ҳаво ўзгариб туради, айрим жойларда ёғингарчилик бўлади (ёмғир, қор ёғади), туман тушиши кутилмоқда. 

Тошкент ва Наманган вилоятларининг тоғли туманларида қор кўчиши хавфи бор. Ғарбдан секундига 7-12 метр тезликда шамол эсади. Айрим жойларда шамолнинг тезлиги секундига 13-18 метргача кучайиши мумкин. Кечаси 3 даража совуқ, 2 даража илиқ, кундузи 0-5 даража илиқ бўлади.

Telegram|Facebook I YouTube I Live

Байден гиёҳванд моддалар билан боғлиқ жиноятлар учун судланган 2500 га яқин маҳкумнинг жазосини енгиллаштирди

Бу ҳақда Оқ уй матбуот хизмати хабар берди.

Оқ уй сайтида жойлаштирилган Байденнинг баёнотида, бу чора "бугунги кунгача ҳукм қилинган жазоларга нисбатан ноадолатли узоқ муддатли жазо олган" маҳкумларга тааллуқли экани айтилган.

Қайд этилишича, Байденнинг сўнгги қарори АҚШ президентлари томонидан чиқарилган индивидуал афв этиш ва жазони енгиллаштириш бўйича рекорд натижани ўрнатган.

Telegram|Facebook I YouTube I Live

Хитойга алоқадор ҳакерлар АҚШ Молия вазирининг компютерини бузиб кирди

Бу ҳақда Bloomberg агентлиги манбаларга таяниб хабар берди.

Ҳакерлар Жанет Йелленнинг компютерида сақланаётган 50 дан ортиқ файлни қўлга киритишган. Бундан ташқари, вазирнинг икки ёрдамчиси фойдаланувчи компютерлар ҳам бузилган.

"Кибержиноятчиларни АҚШ Молия вазирлигининг санкциялар, разведка ва халқаро ишлардаги роли қизиқтирган кўринади, таъкидланишича, улар вазирликнинг электрон почтаси ёки махфий тизимларига кира олишмаган", деб ёзади агентлик.

АҚШ махфий хизматлари маълумотларига кўра, Silk Typhoon ва UNC5221 ҳакерлик гуруҳлари ушбу киберҳужумга алоқадор.

Telegram|Facebook I YouTube I Live

Бухоро ФВБга янги бошлиқ тайинланди

Фавқулодда вазиятлар вазирининг тегишли буйруғи билан полковник Шукрулло Аюбов Ҳамроевич Бухоро вилояти Фавқулодда вазиятлар бошқармаси бошлиғи лавозимига тайинланди.

Тайинловга қадар у Ўзбекистон Республикаси ФВВ Бошланғич тайёргарлик ва малака ошириш маркази бошлиғи лавозимида фаолият юритган.

Тошкентда чақалоқ кўчага ташлаб кетилган

Жорий йил 15 январь куни Тошкент шаҳрининг Янгихаёт туманида йўловчилардан бири кўчада янги туғилган чақалоқ солинган сумкани топиб олган. Бу ҳақда ИИВ Жамоат хавфсизлиги департаменти ахборот хизмати хабар берди.

Хабарга кўра, ҳудудда яшовчи бир киши кўчада ётган сумкадан боланинг йиғисини эшитиб, дарҳол тез ёрдам чақирган. Чақалоқ зудлик билан тиббий муассасага етказилиб, шифокорлар ҳозир унинг аҳволи барқарор эканини билдирган.

Мазкур ҳолат юзасидан Янгихаёт тумани ҳуқуқ-тартибот идоралари ходимлари томонидан суриштирув ишлари олиб борилаётгани маълум қилинди.

Telegram|Facebook I YouTube I Live

Фарғона вилояти ҳокимига янги ўринбосар тайинланди

Фарғона вилояти ҳокимлиги капитал қурилиш соҳасида буюртмачи хизмати директори вазифасида ишлаб келган Ҳаким Долимов Фарғона вилояти ҳокимининг қурилиш, тўсиқларсиз муҳит яратиш, коммуникациялар, коммунал хўжалик, экология ва кўкаламзорлаштириш масалалари бўйича ўринбосари лавозимига тайинланди.

Вилоят ҳокимлигида бўлиб ўтган йиғилишда Ҳаким Долимов жамоатчиликка таништирилди.

Ҳаким Долимов 1983 йилда Бувайда туманида туғилган. 2006 йилда Фарғона политехника институтини тамомлаган.

Меҳнат фаолиятини Фарғона вилояти иқтисодиёт бош бошқармасида мутахассисликдан бошлаган. Мазкур бошқармада бош мутахассис, биринчи ўринбосар, Фарғона вилояти ҳокимининг саноат, коммуникациялар ва коммунал хўжалик масалалари бўйича ўринбосари котибияти мудири, Иқтисодий тараққиёт ва камбағалликни қисқартириш вазирлиги Миллий ва ҳудудий инвестицияларнинг йўналиш ва лойиҳаларини шакллантириш бошқармаси бош мутахассиси, Фарғона вилояти ҳокимлиги “Ягона буюртмачи хизмати” инжиниринг компанияси директори вазифаларида ишлаган.

У 2021 йилдан тайинловга қадар Фарғона вилояти ҳокимлиги капитал қурилиш соҳасида буюртмачи хизмати директори лавозимида ишлаб келаётганди.

Telegram|Facebook I YouTube I Live

Туркияда қалбаки алкоголдан яна 3 нафар ўзбекистонлик вафот этди

18 январ ҳолатига кўра, Туркияда қўлбола алкогол туфайли ҳалок бўлган ўзбекистонликлар сони 17 нафарга етди. Бу ҳақда Ўзбекистоннинг Истанбулдаги Бош консулхонаси маълум қилди.

Бош консулхона томонидан қалбаки спиртли маҳсулотларни истеъмол қилиш натижасида вафот этган ватандошларнинг жасадларини Ўзбекистонга юбориш учун зарур ҳужжатлар расмийлаштирилмоқда ҳамда оила аъзоларига керакли ёрдам кўрсатилмоқда.

Шу билан бирга, Истанбул ҳудудидаги шифохоналарнинг жонлантириш бўлимларида қалбаки спиртли ичимликдан заҳарланиб даволанаётган фуқаролар сони беш нафарга етган. Қайд этилишича, консулхона ходимлари ушбу ватандошларнинг ҳолидан хабар олиб, уларнинг яқинлари ва шифохона маъмурияти билан доимий алоқада бўлиб турибди.

Бош консулхона дипломатлари мазкур ҳолат юзасидан Истанбул ҳокимлиги, соғлиқни сақлаш бошқармаси, суд-тиббий экспертиза маркази ҳамда ҳуқуқни муҳофаза қилиш органлари билан мунтазам алоқада бўлиб турибди.

Баъзи ватандошларимиз заҳарланган бўлса-да, уй шароитида даволанишга ҳаракат қилиб, шифохонага бормаган ҳолатлар ҳам аниқланди. Уларга мурожаат қилинганда, шифохонага бориш моддий жиҳатдан қимматга тушиши мумкинлигини айтишди. Бироқ кейинчалик бундай қарорлар буйрак фаолиятининг ишдан чиқиши, кўриш қобилиятининг ёмонлашиши ва нафас олишда муаммолар юзага келишига олиб келмоқда.

Ҳар қандай ҳолатда ҳам заҳарланиш аломатлари сезилганда 112 қисқа рақами орқали тез тиббий ёрдам чақиртирилиши ҳамда шифохонанинг “қизил ҳудуди” (“кıрмıзı алан”) орқали қабул қилиниши лозим. Бу хизмат бепул эканини эслатиб ўтамиз.

Бош консулхона барча фуқароларимизни эҳтиёт чоралари кўришга, шахсий хавфсизликка риоя қилишга ва зарур ҳолларда Бош консулхонага мурожаат қилишга чақиради.

Ватандошларимиз билан узлуксиз алоқани таъминлаш мақсадида консулхонанинг қуйидаги мобил алоқа рақами +90 553 541 17 17 (24/7 режимида) ишламоқда.

дейилади Бош консулхона хабарида.

Аввалроқ Туркияда спиртли ичимликдан вафот этган ўзбекистонликлар сони 10 нафарга етгани ҳамда ҳолатга алоқадор Туркманистон фуқаролари қўлга олингани хабар берилган эди.

Telegram|Facebook I YouTube I Live

Теҳрондаги Эрон Олий суди биноси олдида отишма содир бўлди

Эрон Олий суди биноси олдида юз берган отишма оқибатида икки судя ҳалок бўлди ва яна бир нафари яраланди дея хабар беради IRNA агентлиги.

"Ҳодиса натижасида икки судя ҳалок бўлди, бир нафари яраланди. Ҳужум қилган шахс отишмадан кейин ўз жонига қасд қилди. Ҳукумат ҳужумни террорчилик акти сифатида баҳолаяпти"

, дейилади агентлик хабарида.

Отишма 18 январ куни эрталаб Теҳрондаги Олий суд биноси яқинида содир бўлган. Номаълум шахс судяларни ўққа тутган. Ҳодиса оқибатида судялар Али Разини ва Муҳаммад Мокисеҳ ҳалок бўлган.

Эрон Олий суди матбуот хизматига кўра, отишмада ҳалок бўлган судялар терроризм ва жосусликда гумон қилинган шахсларнинг ишлари учун масъул бўлган.

Отишма уюштирган шахс ўз жонига қасд қилган. Дастлабки маълумотларга кўра, у Олий суд томонидан кўриб чиқилган бирорта ишга алоқадор эмас.

IRNA’нинг маълум қилишича, Разинига 1998 йилда, Теҳрон бош судяси лавозимида фаолият юритган пайтида ҳам унинг машинасига бомба ўрнатиб, суиқасд қилинган. Суиқасд оқибатида Разини жароҳат олган.

Telegram|Facebook I YouTube I Live

Кўп квартирали уйлар ертўласидан фойдаланганлик учун ижара тўлови электронлаштирилади

Ҳукумат қарори билан "Кўп квартирали уйнинг ертўласидан фойдаланиш тартиби тўғрисида"ги низомга ўзгартириш ва қўшимчалар киритилди.

Унга кўра, кўп квартирали уйларнинг ертўлалари жисмоний ва юридик шахсларга фойдаланишга берилганда, ижара учун тўловлар ҳисоби “Менинг уйим” биллинг тизимида юритилади;

Кўп квартирали уйнинг ертўласини ижарага беришда уйдаги умумий мол-мулк ҳуқуқи ушбу жойлар мулкдорларининг номига давлат рўйхатидан ўтказилади.

Шунингдек, бир неча маълумотлар алмашинуви йўлга қўйилади.

Telegram|Facebook I YouTube I Live

Интернетда нарса харид қилганда огоҳ бўлинг! — Тошкент шаҳар ИИББ огоҳлантиради


Ҳозирда фирибгарлар эълон сайтларида маҳсулот нархини арзон кўрсатиб, олдиндан тўлов қилишга ундашмоқда.

Тўлов қилинганидан сўнг эса алоқа узилиб, қора рўйхатга тушасиз.

Telegram|Facebook I YouTube I Live