Жанубий Кореяда ҳалокатга учраган Jeju Air самолёти двигателларидан қушларнинг патлари топилди

29 декабрь куни Муан аэропортида ҳалокатга учраган Жанубий Кореянинг Jeju Air авиакомпаниясининг самолёти двигателларидан қуш патлари топилди. Бу ҳақда MBN телеканали хабар берди.

Унинг сўзларига кўра, самолётнинг икки томонидаги иккита двигателда қуш патлари топилган. Телеканал маълумотларига кўра, бу қушлар билан тўқнашув двигателнинг ишдан чиқишига сабаб бўлган деган версия эҳтимолини оширади. Бундан ташқари, бу электр узилишига олиб келган деб ишонилади.

Ҳалокат бўйича тергов қўмитаси патларни топди ва биологик институтга уларни таҳлил қилишни сўради, улар 17 та намунани, жумладан, патлар ва қон доғларини ўрганди.
Эслатиб ўтамиз, авиаҳалокат натижасида 179 киши ҳалок бўлган. Бу мамлакатдаги энг йирик ҳаво фалокатига айланди.

Telegram|Facebook I YouTube I Live

Истанбулда ўлимга сабаб бўлган деярли 33 минг литр спиртли ичимлик мусодара қилинди

Истанбул полицияси шаҳарда ўнлаб одамлар ҳалок бўлган 32,9 минг литр метил ва этил спиртини мусодара қилди. Тўққиз киши қалбаки спиртли ичимликлар ишлаб чиқариш ва сотишда гумонланиб ҳибсга олинди.

Бу ҳақда IHA агентлиги ҳуқуқ-тартибот идораларидаги манбаларига таяниб хабар берди.

Охирги маълумотларга кўра, ҳафта бошидан буён 32 киши қалбаки спиртли ичимликлардан заҳарланиш оқибатида вафот этган. Аввалроқ 30 киши ҳалок бўлгани, уларнинг аксарияти Ўзбекистон ва Туркманистон фуқаролари эканлиги ҳақида хабар берилган эди.

Ҳафта бошидан буён Истанбулда 80 дан ортиқ одам қалбаки спиртли ичимлик истеъмол қилиб, тиббий ёрдамга мурожаат қилган ва уларда метанолдан заҳарланиш ташхиси қўйилган. 30 дан ортиқ одам реанимацияда.

Заҳарланиш ҳолатларининг деярли барчаси асосан Туркманистон ва Ўзбекистон фуқаролари истиқомат қиладиган ҳудудда қайд этилган. Истанбул губернаторлиги фавқулодда ҳолат юзасидан "Қасддан одам ўлдиришга уриниш" моддаси бўйича жиноий иш қўзғатилганини қайд этди.

Telegram|Facebook I YouTube I Live

Тошкентда ҳоким ёрдамчиси 30 минг доллар билан қўлга тушди

Тошкент шаҳрининг Учтепа туманида ҳоким ёрдамчиси бўлиб ишлаган шахс 30 минг доллар пора олаётганда ушланди.

Қайд этилишича, ҳоким ёрдамчиси фуқарога тадбиркорлик учун тўртта савдо дўкони қуриш учун 210 кв.м ҳудудни юқори лавозимда ишловчи танишлари орқали аукционда ютишини таъминлаши эвазига пул талаб қилган.

Ўтказилган тезкор тадбирда у талаб қилинган маблағни олаётганда ушланган.

Таъкидланишича, ҳоким ёрдамчиси муқаддам Жиноят кодексининг 167, 168, 205 ва бошқа моддалари билан 3 маротаба судланган шахс ҳисобланади.

Ҳозирда унга нисбатан Жиноят кодексининг 168-моддаси 4-қисми «а» банди ва 28,211-моддасининг 3-қисми «а» банди билан жиноят иши қўзғатилиб, қамоқ эҳтиёт чораси қўлланди.

Telegram|Facebook I YouTube I Live

Жанубий Корея президентининг хавфсизлик хизмати раҳбари ҳибсга олинди

Жанубий Корея полицияси президент хавфсизлик хизмати директори вазифасини бажарувчи Ким Сунг Хунни ҳибсга олди. Бу ҳақда Yonhap агентлиги хабар берди.

Ким Сунг Хун сўроқ қилиш учун Сеулдаги Миллий тергов агентлиги қароргоҳига келганидан сўнг ҳибсга олинган. Разведка агентлиги директори вазифасини бажарувчи 3 январь куни президентни ҳибсга олишга биринчи уринишдан сўнг уч марта сўроққа келмаган, бу ҳибсга олиш учун ордер бериш учун ариза бериш учун асос бўлган.

Ким Сунг Хун ҳокимиятга ўз вазифаларини бажаришда тўсқинлик қилганликда гумон қилинмоқда. Ҳибсга олинишидан олдин унинг ўзи "хавфсизликни таъминлаш бўйича қонуний мажбуриятларини" бажараётганини айтди.

Telegram|Facebook I YouTube I Live

Хитойга алоқадор ҳакерлар АҚШ Молия вазирининг компютерини бузиб кирди

Бу ҳақда Bloomberg агентлиги манбаларга таяниб хабар берди.

Ҳакерлар Жанет Йелленнинг компютерида сақланаётган 50 дан ортиқ файлни қўлга киритишган. Бундан ташқари, вазирнинг икки ёрдамчиси фойдаланувчи компютерлар ҳам бузилган.

"Кибержиноятчиларни АҚШ Молия вазирлигининг санкциялар, разведка ва халқаро ишлардаги роли қизиқтирган кўринади, таъкидланишича, улар вазирликнинг электрон почтаси ёки махфий тизимларига кира олишмаган", деб ёзади агентлик.

АҚШ махфий хизматлари маълумотларига кўра, Silk Typhoon ва UNC5221 ҳакерлик гуруҳлари ушбу киберҳужумга алоқадор.

Telegram|Facebook I YouTube I Live

Тошкентда 3 та машина иштирокида ЙТҲ содир бўлди

2025 йилнинг 17 январ куни соат 01:30 ларда Шайхонтоҳур тумани Себзор кўчасидаги кўприк устида йўл-транспорт ҳодисаси юз берди.

Тошкент шаҳар ИИББ ЙҲХБ хабарига кўра, Lacetti, HOWO юк транспорт воситаси ва Lacetti автомашиналари иштирокида йўл-транспорт ҳодисаси кузатилди.

Йўл-транспорт ҳодисаси натижасида тан жароҳати олганлар йўқ.

Ҳолат юзасидан Тошкент шаҳар ИИББ ЙҲХБ томонидан суриштирув ишлари олиб борилмоқда.

Telegram|Facebook I YouTube I Live

Буюк Британия парламентида россиялик дипломатлар қўлга олинди

Лондондаги Буюк Британия парламенти биносига экскурсияга келган бир неча россиялик дипломатлар умумий гуруҳдан ажралиб, Лордлар палатасининг бегоналар ташриф буюриши тақиқланган ёпиқ ҳудудларига кириб кетишган. Улар ушбу ҳудуддан қўриқчилар томонидан чиқариб юборилган.

Хабарларга кўра, россиялик дипломатлар ҳеч қандай “зарарли ҳаракатлар”ни амалга оширишга улгурмаган.

Telegram|Facebook I YouTube I Live

Эндиликда ўқув муассасалари ошхоналари E-auksion орқали ижарага берилади

Вазирлар Маҳкамасининг «Давлат мулкини ижарага бериш тартиби такомиллаштирилиши муносабати билан «Умумий ўрта ва ўрта махсус, касб-ҳунар таълими муассасаларида соғлом овқатланишни ташкил этишни янада такомиллаштириш чора-тадбирлари тўғрисида»ги қарорига ўзгартиришлар киритиш ҳақида»ги қарори қабул қилинди.

Ўзгартиришларга кўра, умумий ўрта ва ўрта махсус, касб-ҳунар таълими муассасаларининг ошхоналари E-auksion тизимида ўтказилган танлов асосида ижарага берилади.

Қуйидаги талабларга жавоб берадиган ижарага олувчилар танловда иштирок этишлари мумкин:

тадбиркорлик фаолиятини юритиш учун давлат рўйхатидан ўтган;
умумий овқатланиш бўйича камида 6 ой давомида фаолият юритаётган;
ошхона фаолияти йўналиши бўйича махсус жиҳозларга эга бўлган;
шартнома ва суд ҳужжатлари бўйича зиммасида ижара ҳамда солиқ тўловларидан қарздорлиги мавжуд бўлмаган.
Бунда ижарага олувчи аризасига ушбу талабларга жавоб беришини тасдиқловчи ҳужжатларнинг нусхалари ва тегишли маълумотларни илова қилади.

Танловда ғолиб деб эътироф этилган ижарага олувчи билан ижара шартномаси шу даврдаги ўқув йили учун тузилади.

Мажбуриятларини муддатида ва тўлиқ бажариб келаётган ижарaгa олувчи билан шартнома муддати кейинги ўқув йилларига узайтирилиши мумкин.

Telegram|Facebook I YouTube I Live

Туркияда қўлбола алкоголли ичимликдан вафот этган ўзбекистонликлар сони 14 нафарга етди

Туркияда қалбаки спиртли ичимлик истеъмолидан вафот этган ўзбекистонликлар сони ортди. Бу ҳақда Ўзбекистон Республикасининг Истанбул шаҳридаги бош консулхонаси хабар берди.

Аввалроқ, 14 январ куни 6 нафар, 15 январ куни эса 4 нафар ватандошимизнинг заҳарланиш оқибатида вафот этгани ҳақида хабар берилган эди. 17 январ ҳолатига кўра, заҳарланиш оқибатида вафот этган ўзбекистонлик фуқароларнинг умумий сони 14 нафарни ташкил қилмоқда.

Туркия оммавий ахборот воситалари хабарига кўра, 88 киши алкоголли ичимликдан заҳарланиш аломатлари билан шифохонага мурожаат қилган, улардан 37 нафари вафот этган.

Маҳаллий ҳуқуқ-тартибот идоралари 16 январ куни Истанбул шаҳрида 32 862 литр ноқонуний метил ва этил спиртли ичимликларни мусодара қилган.

Султангази, Фатиҳ, Бакиркўй, Кучукчекмеже, Чаталжа, Эсенюрт, Зейтинбурну ва Бейкоз туманларида ўтказилиб, 9 нафар гумонланувчи қўлга олинган. Текширувлар чоғида 227 шиша сохта ичимлик ва дистиллаш ускунаси ҳам топилган. Қўлга олинганлардан 3 нафари полициядаги сўроқлардан сўнг қўйиб юборилган бўлса, 6 нафарининг тергови давом этмоқда.

Шунингдек, Бош консулхона дипломатлари Истанбул шаҳридаги шифохоналарнинг жонлантириш бўлимларида қалбаки спиртли ичимликдан заҳарланиш оқибатида даволанаётган фуқароларнинг ҳолидан хабар олган. Улардан 3 нафарининг аҳволи оғирлигича қолмоқда.

Фурсатдан фойдаланиб, Бош консулхона барча фуқароларимизни спиртли ичимликлардан тийилишга ва шахсий хавфсизлик қоидаларига қатъий риоя қилишга чақиради,

дейилади хабарда.

Telegram|Facebook I YouTube I Live

Россияда ўзгача фикрловчиларга нисбатан таъқиб кучаймоқда — Human Rights Watch ҳисоботи

Human Rights Watch инсон ҳуқуқлари ташкилоти томонидан эълон қилинган 2025 йилги Бутунжаҳон ҳисоботига кўра, Кремл Россияда ҳар қандай кўринишдаги норозиликни бостиришга қаратилган агрессив курсини давом эттирмоқда.

"Кремл фуқаролардан Украинага қарши урушни ва “анъанавий рус қадриятлари” деб аталувчи ғояларни қўллаб-қувватлашни икки баравар куч билан талаб қила бошлади. Шунингдек, ҳар қандай бўйсунмаслик ҳолатларини жазолашни янада осонлаштирадиган янги репрессив қонунлар қабул қилди",

— дея таъкидлади Human Rights Watch'нинг Европа ва Марказий Осиё бўйича директори Ҳью Уилямсон.

HRW ҳисоботига кўра, инсон ҳуқуқларини ҳимоя қилувчи “Мемориал” ташкилоти томонидан тузилган ҳозирги пайтда 804 кишини ўз ичига олган “Россия сиёсий маҳкумлари” рўйхати ҳали тобора кенгаймоқда. Шунингдек, Россия ҳукумати “хорижий агент” деб эълон қилинган шахслар ва тузилмаларни таъқиб қилиш бўйича чораларни кучайтирмоқда.

Telegram|Facebook I YouTube I Live

“Ўзбекистонлик Салимбойвачча Қирғизистон жанубини тўлиқ назорат қиларди” — Қамчибек Ташиев

Ўзбекистондаги Салимбойвачча мамлакатимиз жанубини тўлиқ назорат қиларди. Жанубда барча уюшган жиноий гуруҳ етакчилари, йирик тадбиркорлар, ҳатто сиёсатчилар ва парламент депутатлари ҳам унинг олдига борарди. У айтган ҳамма нарсани бажаришарди,

деди Қамчибек Ташиев.

Ҳозирда Қирғизистон Марказий Осиёда, ҳатто собиқ совет давлатлари орасида ҳам уюшган жиноий гуруҳ мавжуд бўлмаган ягона давлат эканини айтди. Маҳаллий криминал авторитет Қамчи Кўлбоев эса “давлат манфаати учун” йўқ қилинганини таъкидлади.

Telegram|Facebook I YouTube I Live

Binance крипто-биржаси эндиликда Ўзбекистонда расман фаолият юритади

Истиқболли лойиҳалар миллий агентлиги ва Binance крипто-биржаси Ўзбекистон ҳудудида мижозларга хизмат кўрсатиш бўйича келишувга эришди.

Binance ўз фаолиятини қонунчиликка мувофиқ равишда маҳаллий "CoinPay" МЧЖ орқали амалга оширади.

Тизим интеграция тугалланганидан кейин ишга туширилади ва бу ҳақда CoinPay ва Binance расмий манбаларида эълон қилинади.

ИЛМА 2024 йилда Binance'ни судга берганди. Шундан кейин криптобиржа 300 БҲМ миқдоридаги жаримани давлат бюджетига тўлиқ тўлаган.

Telegram|Facebook I YouTube I Live

Бухоро буғулари “дастурхон устида” фотоқопқонга тушди

Қуйи Амударё биосфера резерватида биотехник тадбирлар давомида қўйиб чиқилган маҳсулотлар билан озиқланаётган хонгуллар (Бухоро буғулари) камерага тушиб қолди.

Хонгул йўқ бўлиб кетаётган, локал тарқалган кенжа тур сифатида Ўзбекистон Қизил китоби, CITES’нинг II Иловасига, трансчегаравий кўчиб юрувчи тур сифатида эса Бонн конвенциясига киритилган.

Telegram|Facebook I YouTube I Live

Байден АҚШда TikTok'ни блоклаш тўғрисида қарор қабул қилишни Трамп маъмуриятига қолдирди

Бу ҳақда Associated Press америкалик юқори лавозимли манбасига таяниб хабар бермоқда.

АҚШ Конгресси 2024 йил апрел ойида TikTok'ни блоклаш тўғрисидаги қонунни маъқуллаб, буни "миллий хавфсизликка эҳтимолий таҳдид" деб изоҳлаган эди. Шу ойнинг ўзида қонун президент Байден томонидан имзоланганди.

TikTok'га эгалик қилувчи ByteDance компаниясига платформани америкалик шахс ёки компанияга сотиши учун 270 кун муҳлат берилган. Бу муддат 19 январда, яъни Доналд Трампнинг инаугурациясидан бир кун олдин тугайди.

16 январ куни Трампнинг миллий хавфсизлик бўйича маслаҳатчиси Майк Уолц TikTok'ни блоклаш тўғрисидаги қонуннинг кучга кириш муддати узайтирилиши мумкинлигини маълум қилган эди.

Telegram|Facebook I YouTube I Live

Қашқадарёда прокуратура терговчиси пора билан ушланган — манба

Бугун, 17 январь куни Қашқадарё вилояти Косон туманида прокурор пора билан қўлга олинган.

Манбанинг маълум қилишича, туман прокуратурасида катта терговчи бўлиб ишлаган ходим катта миқдордаги порани олаётганда тезкор ходимлар томонидан қўлга олинган.

Telegram|Facebook I YouTube I Live