#Tayinlov

Oliy taʼlim, fan va innovatsiyalar vaziri buyrug‘i bilan Abdullayev Diyorjon Nodirjon o‘g‘li Urganch davlat pedagogika institutining Ilmiy ishlar va innovatsiyalar bo‘yicha prorektori lavozimiga tayinlandi.

Diyorjon Abdullayev 1995-yil Toshkent shahrida tug‘ilgan.

U 2015-yilda Nizomiy nomidagi Toshkent davlat pedagogika universitetining bakalavriat bosqichi, 2017-yilda shu universitetning magistraturasini tamomlagan.

Tarix fanlari doktori (DSc), dotsent.

Tayinlovga qadar Toshkent davlat pedagogika universiteti professori vazifasini bajaruvchisi, Urganch davlat pedagogika instituti Ilmiy-tadqiqotlar, innovatsiyalar va ilmiy-pedagogik kadrlar tayyorlash sektori boshlig‘i lavozimlarida faoliyat olib borgan.

👉На русском
👉In English

Bizni kuzating👇🏻
Facebook | Instagram | Twitter | YouTube

#Tayinlov

Geologiya fanlari universitetiga yangi rektor tayinlandi

Hukumatning tegishli qarori bilan Kadirxodjayev A’zam Alisherovich Geologiya fanlari universiteti rektori lavozimiga tayinlandi.

A’zam Kadirxodjayev 1982-yil 20-noyabrda Toshkent viloyatida tug‘ilgan. Toshkent davlat sharqshunoslik instituti va Toshkent davlat texnika universitetini tamomlagan. Geologiya-mineralogiya fanlari nomzodi ilmiy darajasiga ega.

U mehnat faoliyati davomida Davlat geologiya va mineral resurslar qo‘mitasi, Xavfli geologik jarayonlarni kuzatish davlat xizmati, Vazirlar Mahkamasi apparati hamda Tog‘-kon sanoati va geologiya vazirligida rahbar lavozimlarda ishlagan.

Tayinlovga qadar Tog‘-kon sanoati va geologiya vaziri o‘rinbosari lavozimida faoliyat yuritib kelayotgan edi.

Bizni kuzating
Facebook | Instagram | YouTube | Telegram