#Soʻragan_edingiz

📢@eduuzuniversalbot hamda vazirlik ijtimoiy tarmoqlaridagi sahifa izohlarida qoldirilgan savollarga javoblar

❔SAVOL:
Magistratura qishki qabul natijalari qachon eʼlon qilinadi?

✅JAVOB:
Magistratura qishki qabuliga topshirilgan sertifikatlarni tekshirish maʼlum vaqt talab etishini inobatga olib, natijalar fevral oyining birinchi 10 kunligida eʼlon qilish rejalashtirilgan.

❔SAVOL:
Kontrakt-shartnomalarini qayerdan olsam boʻladi?

✅JAVOB:
Toʻlov-shartnomalarini kontrakt.edu.uz sayti orqali olish mumkin. Saytdan foydalanish boʻyicha yoʻriqnoma bu yerda.

❔SAVOL:
Oʻqishimni Tojikistondagi universitetdan perevod qilmoqchiman. Hozir hujjatlarimni topshirsam boʻladimi?

✅JAVOB:
Xorijiy oliy taʼlim tashkilotlaridan mamlakatimiz davlat OTMga oʻqishni koʻchirish amaldagi tartibga muvofiq, faqat iyul-avgust oylarida tashkil etiladi.

Qishki davrda esa 2 ta uzrli sababga koʻra oʻqishni koʻchirishga ruxsat beriladi.

Maʼlumot oʻrnida, uzrli sabablarga koʻra oʻqishni koʻchirish boʻyicha arizalar hududiy ishchi guruhlar tomonidan 20-yanvarga qadar qabul qilinadi.

Telegram | Instagram | Facebook | YouTube

#Soʻragan_edingiz

📢@eduuzuniversalbot hamda vazirlik ijtimoiy tarmoqlaridagi sahifa izohlarida qoldirilgan savolga javob

❔SAVOL:
Talaba qanday holatlarda akademik taʼtil olishi mumkin?

✅JAVOB:
➖harbiy xizmatni oʻtash uchun;
➖salomatligini tiklash uchun;
➖homiladorlik va tugʻish uchun;
➖bolalarni parvarish qilish uchun;
➖oilasining betob aʼzosini (otasi, onasi yoki ularning oʻrnini bosuvchi shaxslar, turmush oʻrtogʻi, farzandi) parvarish qilish uchun akademik taʼtil beriladi.
〰️〰️〰️

❔SAVOL:
Talabaning akademik ta’til olish haqidagi murojaati qay tartibda ko‘rib chiqiladi?

✅JAVOB:
Akademik ta’til olish uchun talaba tomonidan OTM rektori (direktori) nomiga ariza bilan murojaat qilinadi.

Arizaga akademik ta’til olish uchun sabab bo‘lgan holatni asoslovchi hujjat (talabani harbiy xizmatga chaqirish haqidagi chaqiruv qog‘ozi yoki talaba doimiy tibbiy nazoratda turgan tibbiyot muassasasi xulosasi yoxud oilasining betob a’zosi doimiy tibbiy nazoratda turgan tibbiyot muassasasi xulosasi) ilova qilinadi.

Murojaat bir haftalik muddatda ko‘rib chiqilib, ta’til berish OTM rektori (direktori)ning buyrug‘i bilan rasmiylashtiriladi. Unda akademik ta’tilning boshlanish va tugash sanasi ko‘rsatiladi.

❌ Talabaga akademik taʼtil berilishi uni oliy taʼlim muassasasidan chetlashtirish deb hisoblanmaydi.

❌ Talabalarga akademik taʼtil davrida stipendiyalar toʻlanmaydi.

❌ Akademik taʼtildan belgilangan muddatda qaytgan talabalarga ilgari oʻzlashtirilgan fanlarni qayta oʻzlashtirish majburiyati yuklatilmaydi.

Telegram | Instagram | Facebook | YouTube

#Soʻragan_edingiz

📢@eduuzuniversalbot hamda vazirlik ijtimoiy tarmoqlaridagi sahifa izohlarida qoldirilgan savolga javob

❔SAVOL:
Talaba akademik ta’til davrida o‘qishini onlayn tarzda davom ettirsa bo‘ladimi?

✅JAVOB:
Akademik ta’til beriladigan talabalar arizasiga (ixtiyoriga) ko‘ra oliy ta’lim muassasasi rektori (direktori) buyrug‘iga muvofiq, uning o‘qishi akademik ta’til muddatiga ta’limning sirtqi yoki masofaviy ta’lim shakliga o‘tkazilishi mumkin.

Bunda oliy ta’lim muassasasida murojaatchi o‘qiyotgan ta’lim yo‘nalishi (magistratura mutaxassisligi) bo‘yicha sirtqi yoki masofaviy ta’lim shakli mavjud bo‘lgan taqdirda talabaning o‘qishi arizasiga ko‘ra belgilangan muddatga ushbu ta’lim shakliga o‘tkaziladi.

Telegram | Instagram | Facebook | YouTube

#Soʻragan_edingiz

📢@eduuzuniversalbot hamda vazirlik ijtimoiy tarmoqlaridagi sahifa izohlarida qoldirilgan savolga javob

❔SAVOL:
Magistratura qishki qabulida tarix yoʻnalishiga oʻqishga topshirib, kirolmadim. Ammo qoʻshimcha qabul boʻlishi mumkin, degan gap-soʻzlar tarqalgandi. Magistratura qishki qabuli boʻyicha qoʻshimcha qabulga ruxsat beriladimi?

✅JAVOB: Yo‘q.

Magistraturaga qishki qabul boʻyicha qoʻshimcha qabul amalga oshirilmaydi.

Telegram | Instagram | Facebook | YouTube

#Soʻragan_edingiz

📢@eduuzuniversalbot hamda vazirlik ijtimoiy tarmoqlaridagi sahifa izohlarida qoldirilgan savolga javob

❔SAVOL: Assalomu alaykum, xorijdan o‘qishni ko‘chirish bu yil qanday tartibda bo‘ladi? Batafsil ma’lumot berolasizmi?

✅JAVOB: Prezidentning 279-son qaroriga muvofiq talabalar o‘qishini davlat oliy ta’lim muassasalariga ko‘chirish bo‘yicha quyidagi tartib joriy etilgan:

▶️xorijdagi (jumladan, TOP-1000 talikdan o‘rin olgan) OTMdan davlat oliy ta’lim muassasalarining faqat mos va turdosh ta’lim yo‘nalishlariga ko‘chirish mumkin;

▶️ko‘chirish imtihon asosida talabadan alohida iqtidor talab etiladigan ta’lim yo‘nalishlari bo‘yicha kasbiy (ijodiy) imtihonlar va majburiy 3 ta fandan test, boshqa ta’lim yo‘nalishlari bo‘yicha test sinovlari o‘tkaziladi (xuddi bakalavr qabulida bo‘lgani kabi);

◀️test sinovlari va kasbiy (ijodiy) imtihonlar bo‘yicha o‘tish ballari har yili 15-iyulga qadar tasarrufida OTMlari bo‘lgan vazirlik va idoralar tomonidan belgilanadi hamda Bilim va malakalarni baholash agentligining (old.DTM) rasmiy veb-saytida e’lon qilinadi;

◀️o‘tish balidan past ball to‘plagan talabalar bakalavriatga qabul qilishdagi tartibga muvofiq tabaqalashtirilgan to‘lov-kontrakt asosida o‘qishga qabul qilinishi mumkin.

❗️Ma’lumot o‘rnida, xorijdan o‘qishni ko‘chirishda uzrli sabablar inobatga olinmaydi, faqat imtihon asosida amalga oshiriladi.

Telegram | Instagram | Facebook | YouTube