#Rasmiy_bayonot

Magistratura va doktoranturaga hujjat topshirishda sertifikat talabi bekor qilinmagan

Ijtimoiy tarmoqlarda 2025-yil 19-iyuldagi PF–114-sonli Prezident Farmoni noto‘g‘ri talqin qilinmoqda. Shu munosabat bilan Oliy ta’lim, fan va innovatsiyalar vazirligi quyidagilarni ma’lum qiladi.

Mazkur Prezident Farmoni bilan ayrim normativ-huquqiy hujjatlarga o‘zgartirishlar kiritildi va ba’zilarining ayrim bandlari o‘z kuchini yo‘qotdi.

Xususan, 2021-yil 19-maydagi PQ–5117-sonli Qarorning 6-bandi to‘rtinchi xatboshisi chiqarib tashlandi. Ushbu bandda magistratura va doktoranturaga hujjat topshirishda xorijiy til sertifikati talabining ilk joriy etilishi nazarda tutilgan edi.

Biroq, mazkur normaning chiqarib tashlanishi xorijiy til bo‘yicha sertifikatlar talabi butunlay bekor qilindi degani emas.

Sababi, 2024-yil 24-maydagi PF–81-sonli Prezident Farmoni bilan magistratura mutaxassisliklari va oliy taʼlimdan keyingi taʼlim ixtisosliklariga qabul qilishda xorijiy tilni bilish darajasini belgilovchi milliy yoki xalqaro sertifikatlar quyidagi darajalarda talab etilishi belgilangan:

🟢xorijiy tillar yoʻnalishlari boʻyicha — kamida C1 darajasida;

🟢gumanitar, biologik va turdosh fanlar, matematika va statistika, biznes va boshqaruv, huquq, xizmat koʻrsatish, ijtimoiy va xulq-atvorga mansub fanlar, jurnalistika va axborot, axborot-kommunikatsiya texnologiyalari taʼlim sohalari boʻyicha — kamida B2 darajasida;

🟢boshqa taʼlim sohalari hamda madaniyat va sport mutaxassisliklari boʻyicha — kamida B1 darajasida.

Shu munosabat bilan Oliy ta’lim, fan va innovatsiyalar vazirligi PF–81-son Prezident Farmoni bilan belgilangan xorijiy tilni bilish darajasini tasdiqlovchi milliy yoki xalqaro sertifikatlar talabi hozirda ham amalda ekanini eslatadi va bu borada tarqalayotgan noto‘g‘ri talqinlarga e’tibor bermaslikni so‘raydi.

Bizni kuzating

Facebook | Instagram | YouTube | Telegram

#Koʻcha_sanʻati

⚡️ “Ko‘cha san’ati va musiqasi” loyihasi haqida bilasizmi?

Prezidentning “Aholiga madaniy xizmat ko‘rsatish darajasini yanada oshirish chora-tadbirlari to‘g‘risida” PQ-406-sonli qaroriga ko'ra, joylarda “Ko‘cha san’ati va musiqasi” loyihasi amalga oshirilmoqda. Unga ko'ra, musiqa, raqs, teatr, qo’shiqchilik, sirk, tasviriy va amaliy san’at yo'nalishlarida qobiliyatingizni namoyish etish va mablag' jamg'arish imkoniyati mavjud.

Mazkur loyihani amalga oshirish maqsadida, Madaniyat vazirligi tomonidan streetart.uz platformasi ishlab chiqildi.
Bugungi kunda yurtimizning 17 ta ko‘cha va maydonlarida mazkur loyiha amalga oshirilmoqda.

Ushbu loyihada professional va havaskor iste'dodlar ishtirok etishlari mumkin, yosh chegaralanmagan.

Hoziroq streetart.uz platformasi orqali ro'yxatdan o'ting hamda o‘z iste’dodingizni namoyon eting, mablag' jamg'aring, ovoz to‘plang va yulduz bo‘ling…

💥 Bu siz uchun ajoyib imkoniyatlar eshigi bo'lishi mumkin...

Telegram | Instagram | Facebook | Veb-sayt | YouTube

#DIQQAT_EʻLON

❗️Taʼlim granti (grant-kontrakt qayta taqsimot)ga talabgorlar diqqatiga!!!

Talabalar ijtimoiy faolligini aniqlashning 1-mezoni – "Kitobxonlik madaniyati" bo‘yicha onlayn test sinovi O'zbekiston davlat san'at va madaniyat institutida joriy yilning 📆25-iyul kuni soat ⏰14:00 dan 18:00 gacha bo‘lgan vaqt oralig‘ida onlayn tarzda o'tkaziladi.

Test sinovlarida ishtirok etish uchun havola:
👉👉👉👉 https://timer.pipiform.com/DbUryl 👈👈👈👈

#MUHIM‼️📝 Test haqida:

🔵Har bir ishtirokchiga 40 ta test savoli taqdim etiladi.
🔵Testni bajarish uchun 40 daqiqa vaqt ajratiladi.
🔵Testni faqat bir marta topshirish mumkin. Qayta topshirish imkoniyati mavjud emas!

⚡️ Oliy ta’lim muassasalari va ta’lim yo‘nalishlarini tanlash boshlandi

✅ Oliy va kasbiy ta’lim muassasalariga kirish imtihonlarida ishtirok etgan abituriyentlar 15 kun davomida quyidagilarni tanlashi lozim:

➖ oliy taʼlim muassasasi (test sinovi topshirgan fanlar majmuasiga mos ta’lim yo‘nalishi mavjud OTM);
➖ bakalavriat taʼlim yoʻnalishi (test sinovi topshirgan fanlar majmuasi va ta’lim tiliga mos yo‘nalish);
➖ taʼlim shakli (turli ta’lim shakllarini tanlash mumkin);
➖ tanlov ustuvorligi (“Davlat granti” yoki “Ta’lim yo‘nalishi” ustuvorliklaridan biri).

📱 Abituriyentlar test sinovi topshirgan fanlar majmuasi va ta’lim tiliga mos 5 tagacha oliy ta’lim muassasasi va ta’lim yo‘nalishini tanlashi mumkin.

🌎 Sayt manzili: my.uzbmb.uz (“Oliy va professional ta’lim muassasalariga qabul” bo‘limi => “OTM tanlash”)

📆 Muddat: 2025-yil 25-iyuldan 8-avgustga qadar (shu kunlari ham)

📝 Abituriyentlarning talabalikka tavsiya etilgan yoki etilmagani to‘g‘risidagi yakuniy tanlov natijalari ta’lim yo‘nalishlarini tanlash to‘liq yakunlangandan so‘ng bir hafta muddatda e’lon qilinadi.

Bizni kuzating

Facebook | Instagram | YouTube | Telegram

🌟🌟🌟🌟🌟🌟🌟

O‘zbekiston davlat san’at va madaniyat instituti tomonidan “Dolzarb 90 kun” loyihasi doirasida tashkil etilgan Suzish to'garagi faoliyatidan videolavha.

Ushbu to'garakda yaqin atrofdagi mahallalarda istiqomat qilayotgan yoshlar bo'sh vaqtlarini mazmunli tashkil etish hamda sog'liqlari uchun sport bilan muntazam shug'ullanish imkoniga ega bo'lishmoqda.

#Dolzarb90kun #YoshlarFaolligi #SanatVaSport #Suzish