Oʻzbekiston Prezidenti Shavkat Mirziyoyevning tavallud kuni munosabati bilan Xitoy yetakchisi Si Szinpin tabrik yoʻlladi.

Hurmatli Prezident janoblari!

Tavallud kuningiz munosabati bilan Sizga samimiy tabriklarim va eng ezgu tilaklarimni izhor etaman!

Yaqinda Ostona shahrida boʻlib oʻtgan “Xitoy — Markaziy Osiyo” ikkinchi sammitida Siz bilan muzokaralar oʻtkazib, Xitoy bilan Oʻzbekiston oʻrtasidagi har qanday sharoitda ham strategik sheriklik munosabatlarini yangi davrda rivojlantirishning strategik yoʻnalishlarini belgilab oldik.

Men Xitoy-Oʻzbekiston munosabatlarini rivojlantirishga alohida eʼtibor qarataman hamda oʻrtamizda qaror topgan samarali amaliy aloqalar va doʻstlikni yuksak qadrlayman. Shanxay hamkorlik tashkilotining Tyanszin sammitida hamda Xitoy xalqining yapon bosqinchilariga qarshi urushidagi Gʻalabasi va Fashizmga qarshi jahon urushidagi Gʻalabasining 80 yilligiga bagʻishlangan tantanali tadbirlarda ishtirok etayotganingiz munosabati bilan Sizni Xitoyda qutlashdan mamnunman.

Sizga mustahkam sogʻlik va farovonlik tilayman!

Si Szinpin,
Xitoy Xalq Respublikasi Raisi

Markaz rasmiy sahifalari
Telegram | Facebook | Twitter | Youtube

Xorijiy OAVda Eldor Tulyakovning Markaziy Osiyoda mintaqaviy hamkorlik masalalariga bagʻishlangan maqolalari eʼlon qilindi

Markaziy Osiyo mamlakatlari oʻrtasida mintaqaviy hamkorlik kuchaymoqda. Soʻnggi yillarda tarixan siyosiy boʻlinishlar va milliy manfaatlar raqobati bilan ajralib turgan mintaqa tobora koʻproq hamkorlik, yaqinlashuv va muloqot bilan tavsiflanadigan mintaqaga aylandi. Bu haqda “Taraqqiyot strategiyasi” markazi ijrochi direktori Eldor Tulyakovning Buyuk Britaniyaning reinvantage.org va Norvegiyaning geopolitika.no internet nashrlarida chop etilgan maqolalarida soʻz boradi.

“Bugungi kunda Markaziy Osiyo mamlakatlari strategik mustaqillik va mintaqaviy birdamlik gʻoyasini mavhum intilish sifatida emas, balki ular duch kelayotgan umumiy muammolar va imkoniyatlarga amaliy javob sifatida koʻrib chiqmoqda” , — deb yozadi muallif.

Ushbu maqolalarda asosiy eʼtibor Markaziy Osiyodagi davlatlar oʻrtasidagi yaqinlashuv jarayonlari, mintaqaviy hamkorlikning yangi va samarali formatlari, umumiy muammolarga — suv tanqisligi, migratsiya, iqlim oʻzgarishi va xavfsizlik kabi — birgalikda yondashish, tashqi siyosatda muvofiqlashgan pozitsiyalar orqali xalqaro maydonda umumiy ovoz yaratish, shuningdek, strategik mustaqillik va ichki barqarorlikni taʼminlashga qaratilgan yangi mintaqaviy oʻziga xoslik masalalariga qaratilgan.

“Rasmiy “siyosiy ittifoq” tushunchasiga hali erta boʻlsa-da, mintaqaviy integratsiyani chuqurlashtirish uchun asoslar yaratilmoqda. Ushbu hamkorlik ruhi saqlanib qolar ekan, Markaziy Osiyo mintaqasi beqaror geosiyosiy vaziyat sharoitida oʻz faolligi va barqarorligini mustahkamlashda davom etadi”, — deyiladi maqolada.

Markaz rasmiy sahifalari
Telegram | Facebook | Twitter | Youtube

SHHT SAMMITI DOIRASIDA OʻZARO HAMKORLIKNI MUSTAHKAMLASHGA QARATILGAN UCHRASHUVLAR OʻTKAZILDI

Хabar berganimizdek, 23-25-iyul kunlari “Taraqqiyot strategiyasi” markazi ijrochi direktori Eldor Tulyakov Xitoyning Xenan provinsiyasi markazi Chjenchjou shahrida boʻlib oʻtgan Shanxay hamkorlik tashkiloti media va tahlil markazlari sammitida Oʻzbekiston – Xitoy strategik hamkorligiga bagʻishlangan maʼruzasi bilan ishtirok etdi. Shu bilan bir qatorda, Markaz rahbari sammit doirasida xorijiy tashkilotlar, ilmiy va akademik doira, yetakchi tahlil markazlari va OAV vakillari bilan uchrashuv hamda muloqotlar oʻtkazdi.

Xususan, Eldor Tulyakovning Xitoy ijtimoiy fanlar akademiyasi Rossiya, Sharqiy Yevropa va Markaziy Osiyo boʻyicha tadqiqotlar instituti direktori Sun Chjuanji, Shanxay Global boshqaruv va mintaqaviy tadqiqotlar akademiyasi direktori Yang Chen, Sinxua instituti rahbari Liu Gang, Turkiyaning “Marmara grupp” strategik va ijtimoiy tadqiqotlar fondi direktori Akkan Suver kabi qator xorijiy hamkorlar bilan uchrashuvlari tashkil etildi.

Uchrashuvlarda Shanxay hamkorlik tashkiloti doirasida Markaziy Osiyo mamlakatlari va Xitoy oʻrtasidagi oʻzaro aloqalarni yanada mustahkamlashda OAV hamda tahlil markazlarining hamkorligini yanada faollashtirish, xususan, ilmiy-tadqiqot muassasalari, tahlil markazlari va OAV oʻrtasida axborot almashinuvi, mintaqaviy va global jarayonlarni prognoz qilishda hamkorlik mexanizmlari, intellektual resurslardan samarali foydalanish, shuningdek, tahlilchilar oʻrtasida tajriba almashish, mintaqaviy barqarorlikni taʼminlashda SHHTning rolini mustahkamlash kabi dolzarb masalalar muhokama qilindi.

Bundan tashqari, sammit doirasida Eldor Tulyakov XXRning yetakchi ommaviy axborot vositalari, xususan, Sinxua axborot agentligi vakillari bilan muloqotlar chogʻida jurnalistlarga oʻndan ortiq intervyu berdi.

Markaz rasmiy sahifalari
Telegram | Facebook | Twitter | Youtube

XITOYNING SHANXAY SHAHRIDA “OʻZBEKISTON – 2030” STRATEGIYASI TAQDIMOT QILINDI

Shanxay global boshqaruv va mintaqaviy tadqiqotlar akademiyasida “Oʻzbekiston-2030” strategiyasining taqdimoti boʻlib oʻtdi.

Tadbir “Taraqqiyot strategiyasi” markazi hamda Oʻzbekistonning Xitoydagi elchixonasi va Shanxay shahridagi Bosh konsulxonasi bilan hamkorlikda tashkil etildi.

Taqdimotda Shanxay global boshqaruv va mintaqaviy tadqiqotlar akademiyasi, Shanxay chet tillar universiteti huzuridagi Rossiya, Sharqiy Yevropa va Markaziy Osiyo instituti, Shanxay ijtimoiy fanlar akademiyasi, Fudan universiteti, Xalqaro muammolar instituti, Rossiya va Markaziy Osiyo tadqiqotlari markazi, Shanxay siyosiy fanlar va qonunchilik universiteti hamda Sharqiy Xitoy pedagogika universiteti, Rossiya va Yevroosiyo instituti professor-oʻqituvchilari hamda ekspertlar ishtirok etdi.

“Taraqqiyot strategiyasi” markazi ijrosi direktori Eldor Tulyakov oʻz maʼruzasida “Oʻzbekiston–2030” strategiyasining ustuvor yoʻnalishlari, asosiy maqsad va vazifalari haqida soʻz yuritdi. Tadbir ishtirokchilari tomonidan “Oʻzbekiston – 2030” strategiyasi mamlakatimizning nafaqat ichki, balki tashqi siyosati yoʻnalishlarini belgilab beradigan, davlat taraqqiyotining ham iqtisodiy, ham ijtimoiy jihatlarini qamrab olgan hujjat sifatida eʼtirof etildi.

Taqdimotdan soʻng “Taraqqiyot strategiyasi” markazi ijrochi direktori Eldor Tulyakov hamda Shanxay global boshqaruv va mintaqaviy tadqiqotlar akademiyasi ijrochi dekani professor Yan Chen oʻrtasida uchrashuv boʻlib oʻtdi.

Muloqot davomida “Taraqqiyot strategiyasi” markazi hamda Shanxay global boshqaruv va mintaqaviy tadqiqotlar akademiyasi oʻrtasida qisqa muddatlarda hamkorlik toʻgʻrisidagi anglashuv memorandumining loyihasini ishlab chiqish va imzolashga kelishib olindi.

Markaz rasmiy sahifalari
Telegram | Facebook | Twitter | Youtube

Таҳлилий марказлар – замонавий дипломатиянинг ажралмас ва интеллектуал пойдевори

Бугунги мураккаб ва кўп қутбли халқаро муносабатлар шароитида трансмиллий дипломатиянинг аҳамияти ортиб бориши билан бирга, уни амалга оширувчи субъектлар доираси ҳам кенгаймоқда. Расмий давлат органлари билан бир қаторда, нотижорат ташкилотлар, фуқаролик жамияти институтлари, академик доиралар ва таҳлилий марказлар халқаро мулоқот ва сиёсий жараёнларнинг ажралмас иштирокчиси сифатида шаклланмоқда. Улар сиёсий-иқтисодий таҳлил, стратегик башорат, фикр етакчилиги ва экспертлар ўртасидаги мулоқотлар орқали давлат манфаатларини илгари суриш, ташқи сиёсатни шакллантириш ва халқаро жамоатчиликда ижобий имижни мустаҳкамлашда муҳим ўрин эгалламоқда.

Батафсил: https://uza.uz/posts/745081

Телеграм каналларимиз

Facebook | Instagram | YouTubе