🔹ОЛОҤХО ЫҺЫАҔЫН ТҮҺҮЛГЭТИН БАСТЫҤНАРЫН БЭЛИЭТЭЭТИБИТ

🔹Нерюнгри куоракка XVIII-с төгүлүн ыытыллыбыт саха дьонун сомоҕолуур, өбүгэ төрүт үгэһин салгыыр, айылҕалыын ситимниир “Ытык хайалар туралларын тухары, аан дойду тулхадыйбат!” - диэн өрөспүүбүлүкэтээҕи Олоҥхо ыһыаҕар улууспут айар-тутар дьоҕурдаах дьонун ситиһиилэрин бэлиэтээтибит.

🔹Улууспутуттан 90 уус-уран тыллаах-өстөөх олоҥхоһут, ылбаҕай ырыаһыт, добун тойуксут, оһуохайдьыт, хомусчут, кырыымпаһыт, уран тарбахтаах иистэнньэҥ-уус, күүстээх-кыахтаах күрэсчит дьоммут кыттыыны ылан, Олоҥхобут дьиэтин үлэһиттэрэ ыытар ситимнээх, таһаарыылаах үлэлэрин түмүгүнэн үгүс ситиһиилэннибит.

🔹Үтүөҕэ сирдиир Олоҥхо ыһыаҕын түһүлгэтигэр улууспут аатын дорҕоонноохтук ааттаппыт дьоммун-сэргэбин өссө төгүл истиҥник эҕэрдэлиибин!

🔹Айымньылаах үлэҕитигэр үрдүк ситиһиини, чэгиэн-чэбдик туругу, дьиэ кэргэҥҥитигэр этэҥҥэ буолууну, эйэлээх халлааны баҕарабын!

📱@dmitriytikhon0v

🔹КҮРЭС ТӨРҮТ КӨРҮҤНЭРИГЭР ХХII-с "МАНЧААРЫ ООННЬУУЛАРЫН" ҮТҮӨ ТҮМҮГҮН ТАҺААРДЫБЫТ

🔹Таатта улууһугар ыытыллыбыт тыҥааһыннаах күрэхтэһиилэр түмүктэринэн бөлөхпүтүгэр уонна күрэс Муҥутуур кыайыылаахтарынан тахсыбыппытынан киэн туттан туран бүгүн улууспут бастыҥ спортсменнарын, кинилэр тириэньэрдэрин үрдүк сыанаҕа бэлиэтиир үтүө түһүлгэ тэрилиннэ.

🔹Кыайыы өрөгөйүн аҕалбыт хас биирдии спортсмеҥҥа, тириэньэргэ, тэрийээччилэргэ, кыттааччыларбытыгар күүстээх өйөбүл буолбут биир дойдулаахтарбар өссө төгүл махтанабын.

🔹Араас сылларга үлэлээбит успуорт бэтэрээннэрин, салайааччыларын үлэлэрин утумнаан, бу үтүө түмүк эһиги саҕалаабыт, ыыппыт үлэҕит буоларын билинэн туран, махталбын тиэрдэбин. Эһиги үтүө холобургутун өрө тутан бүгүҥҥү ыччаттарбыт улахан кыайыыны улууспут бары олохтоохторугар, биир дойдулаахтарбытыгар бэлэхтээтилэр.

🔹Инникитин даҕаны спорт бары көрүҥнэрин өйөөммүт чэгиэн, чөл туруктаах, өйдөөх-санаалаах ыччаттар тахса туралларын туһугар сорук оҥостон туран үлэлиэхпит.

🔹Манчаары Баһылай албан аата үйэлэргэ умнуллубатын, Сахабыт сирин олохтоохторугар, ыччаттарбытыгар, төрөөбүт дойдуга, бар дьоҥҥо муҥура суох таптал бастыҥ холобура буолан куруук сырдыкка, үтүөҕэ угуйа турдун!

🔹Наҕараадалааһын хаартыскаларын бу сигэнэн көрөргүтүгэр: https://drive.google.com/drive/folders/1LwtLffK3JJ189utWm6NpmTzpBHRUDstP?usp=sharing

📱@dmitriytikhon0v

🔹От ыйын 24-25 күннэригэр Дьаҥхаады нэһилиэгин Моҕоллой сайылыгар XX үйэ рекордсмен ыанньыксыта, “Хотугу Сулус” уордьан кавалера, Саха Өрөспүүбүлүкэтин тыатын хаһаайыстыбатын үтүөлээх үлэһитэ, бэтэрээнэ, “Гражданскай килбиэн” бэлиэ хаһаайына, Российскай Федерация агропромышленнай комплексын бочуоттаах үлэһитэ, Мэҥэ Хаҥалас улууһун, Дьаҥхаады нэһилиэгин Бочуоттаах олохтооҕо - Павел Петрович Шарин үбүлүөйдээх 70 сааһыгар анаммыт 25-с төгүлүн ыытыллар өрөспүүбүлүкэтээҕи ыанньыксыт күрэҕэ буолан ааста.

🔹Сахабыт сирин араас муннуктарыттан барыта 32 кыттааччы 9 улуустан уонна Дьокуускай куораттан сатабылларын көрдөрөн, күрэх балаһыанньатынан 4 түһүмэхтээх тургутууну аастылар: санитарнай бэлэмнэнии, ыыр аппарааты ыһыы-хомуйуу, аппараатынан ынах ыаһын, сүрүн билиини тургутар ыйытыктарга хоруй.

Салгыыта⏬️⏬️⏬️