На dissidentby.com (stayrebel.fun - працуе без VPN) з'явіўся асобны раздзел з датычнымі да рэпрэсій над палітзняволенымі!

Як праваабаронцы, мы збіраем не толькі інфармацыю пра рэпрэсаваных, але і пра тых, хто ўдзельнічаў у палітычных рэпрэсіях. Мы лічым важным дакументаваць гэтую інфармацыю, бо выбар кожнага з гэтых людзей адбіваўся і працягвае адбівацца на лёсах тых, чыя «віна» толькі ў тым, што яны прагнулі дэмакратыі і свабоды.

На нашым сайце мы збіраем звесткі не толькі пра суддзяў і дзяржаўных абвінаваўцаў, але і пра следчых, турэмных наглядчыкаў, а таксама іншых супрацоўнікаў пенітэнцыярнай сістэмы.

Калі вы націснеце на картку канкрэтнага(-ай) суддзі, зможаце ўбачыць спіс палітвязняў, у дачыненні да якіх ён або яна вынеслі карныя прысуды. Калі вы не знаходзіце сябе ў спісе ахвяраў - значыць, мы пакуль не ведаем, хто вас судзіў. Будзем вельмі ўдзячныя, калі вы дашлеце нам гэтую інфармацыю - мы абавязкова дададзім яе на сайт.

На картцы кожнага палітвязня таксама пазначаюцца ўсе датычныя да яго/яе рэпрэсій.

Дзякуй! Давайце дакументаваць і ствараць публічныя архівы разам! Напісаць нам заўсёды магчыма праз сайт.

Асобную падзяку выказваем працы Кіберпартызанаў і Luka.zone 🖤

У вас ёсць магчымасць далучыцца да нашай рассылкі!

Мы размясцілі на сайце dissidentby.com форму, дзе вы можаце падпісацца на нашы навіны - толькі калі для вас гэта бяспечна (!)

Абяцаем, што спаму не будзе. Высылаем толькі важнае і рэдка. Гэта значыць, што вы можаце быць з намі ў канэкце, атрымліваць навіны і заставацца важнай часткай супольнасці па дапамозе палітвязням 💌

👉 падпісацца: https://dissidentby.com

👍 У любы момант далучайцеся да дапамогі і падпішыцеся на нашы зборы:

⚠️ Не рабіце ніякіх фінансавых аперацый з беларускіх/расійскіх картак. Любая падтрымка магчыма толькі з еўрапейскіх картак.

▪️ на старонцы "Падтрымаць" можна знайсці прамыя рэквізіты, магчымасць заданаціць разава або аформіць падпіску;
▪️ падпішыцеся на Patreon;
▪️ зрабіце данат праз PayPal: [email protected].

💎 Зрабіўшы данат праз сайт, вы можаце атрымаць унікальны мерч у падарунак.

Усе сабраныя намі сродкі ідуць на падтрымку вязняў. Ахвяруйце кошт кубачка кавы - і разам мы не пакінем нашых палітвязняў без дапамогі 💔

#dissidentby
🎁 Павіншуй вязняў з днём нараджэння!

⏩ Спіс вязняў, хто святкуе народзіны ў жніўні!

👇Як можна павіншаваць?
- даслаць ліст або тэлеграму. Даслаць ліст можна праз сайт dissidentby;
- правесці акцыю салідарнасці ў любым фармаце;
- зрабіць данат на карысць палітвязняў (❌не з беларускай карткі).

✔️ Калі ласка, правярайце месцазнаходжанне вязня перад адпраўкай лістоў - яно можа змяніцца.
❗️ Не дасылайце грашовыя пералікі ад свайго імя.

▪️ Наш бот: @dissidentby_bot
❤️ Канструктар перадач ТУТ

1000 дзён у зняволенні праваабаронца Наста Лойка!

Насту абвінавацілі па ч. 3 арт. 130 КК (распальванне іншай сацыяльнай варожасці) за падрыхтоўку даклада «Пераслед анархістаў, антыфашыстаў, левых і сацыяльных актывістаў у Беларусі» (2017-жнівень 2018 года). Працэс праходзіў у закрытым рэжыме, таму падрабязнасці невядомыя. У выніку яе асудзілі на 7 гадоў зняволення.

У 2022 годзе Насту неаднаразова затрымлівалі па адміністрацыйных артыкулах. Раней яна таксама праходзіла падазраванай па справе ПЦ "Вясна".

Сёння Amnesty International Polska збірае подпісы ў падтрымку Насты — іх хочуць перадаць кіраўніку МЗС Польшчы, каб ён узнімаў пытанне вызвалення беларускай палітзняволенай на міжнароднай арэне. Падпісаць петыцыю можна тут: https://www.amnesty.org.pl/akcje/petycja__bialorus_nasta_loika/#petition-first-name

📬 Таксама вы можаце напісаць праз наш сайт ліст для Насты - ён абавязкова захаваецца ў "Банку Лістоў".

💔 500 дзён у зняволенні знаходзіцца сям'я з вёскі Ўза ў Гомельскай вобласці.

15 сакавіка 2024 года былі затрыманы 4 чалавекі за "садзейнічанне экстрэмісцкай дзейнасці" і "здраду дзяржаве". Пад вартай апынуліся Ларыса і Васіль Прохаравы, а таксама іх дзеці - Анастасія і Павал. Вядома, што Ларыса працавала санітаркай у ГГКБ №3, а яе муж і сын - на будоўле. Вядома, што іх абвінавацілі па такіх сур'езных артыкулах за фатаграфаванне аб'ектаў на тэрыторыі Беларусі. Хутчэй за ўсе справа звязана з антываеннымі дзеяннямі на карысць Украіны.

У выніку судовых паседжанняў прагучалі жорсткія выракі: Ларыса і Павал атрымалі па 8 гадоў пазбаўлення волі, Васіль - 11 гадоў пазбаўлення волі, справа Анастасіі да суда не дашла (верагодна, адносна яе крымінальную справу спынілі).

З 2022 года каля 300 чалавек ужо былі асуджаны па крымінальных артыкулах за антываенныя дзеянні ў падтрымку Ўкраіны: данаты, каментары, акцыі прамога дзеяння, адпраўка інфармацыі ў тэлеграм-чаты і рэгістрацыя ў дабравольцы.

Калі ласка, паведамляйце нам пра палітычны пераслед праз кантакты ў апісанні каналу або ананімна праз сайт stayrebel.fun (даступны без vpn).