#қисқа_савол_жавоблар

❓CАВОЛ: Қуён гўштини истеъмол қилса бўладими? Баъзи кишилар ҳаром дейишади?

💬 ЖАВОБ: Бисмиллаҳир Роҳманир Роҳим.
Қуён гўшти ҳалол эканида шубҳа йўқ. “Бисмиллоҳ” айтиб сўйилган бўлса, уни бемалол истеъмол қилишингиз мумкин. Валлоҳу аълам.

Ўзбекистон мусулмонлари идораси
Фатво ҳайъати. 

🔗 Улашинг: @diniysavollar

#қисқа_савол_жавоблар

❓CАВОЛ: Қуръони каримдан 30 та сурани аудио орқали эшитиб, Куръонга караб ёдладим. Буни зарари йўқми?

💬 ЖАВОБ: Бисмиллаҳир Роҳманир Роҳим.
Қуръонни эшитиб ёдлашнинг зарари йўқ. Балки қадимдан Қуръони карим устоздан эшитиб ёдлаш орқали бизга етиб келган. Имкон бўлиши билан араб алифбоси ва тажвид фанини моҳир бир устоздан ўтказиб олишингиз тавсия қилинади. Валлоҳу аълам.

Ўзбекистон мусулмонлари идораси
Фатво ҳайъати. 

🔗 Улашинг: @diniysavollar

#қисқа_савол_жавоблар

❓CАВОЛ: Кўпинча намоз ўқишдан олдин чақалоғимни эмизишга тўғри келиб қолади. Эмизиш билан таҳорат бузиладими?

💬 ЖАВОБ: Бисмиллаҳир Роҳманир Роҳим.
Эмизиш таҳоратни бузмайди. Чунки ҳанафий фиқҳ китобларимизда танадан чиқадиган ва нажосат бўлмаган нарсалар таҳоратни бузмаслиги баён қилинган. Сут нажосат бўлмагани учун унинг чиқиши таҳоратни синдирмайди. Валлоҳу аълам.

Ўзбекистон мусулмонлари идораси
Фатво ҳайъати. 

🔗 Улашинг: @diniysavollar

#қисқа_савол_жавоблар

❓CАВОЛ: Намозда зам сура ўқиётганда оятнинг ўртасига келиб, оятни қолган қисми эсидан чиқиб қолса нима қилиш керак? Зам сурада тўлиқлигича 1 та оятни билмасдан ташлаб кетиб кейинги оятга ўтиб кетса бўладими?

💬 ЖАВОБ: Бисмиллаҳир Роҳманир Роҳим.
Агар зам сура ўқиётган пайт оятнинг қолган қисми ёдга келмай қолса, оятни бошидан бошлаб, қайта-қайта ўқиб, эсга олишга ҳаракат қилинади. Агар шунда ҳам ёдга келмаса, зам сура учун кифоя қиладиган миқдор (қисқа уч оят ёки узун бир оят) ўқилган бўлса, рукуга бориш мумкин. Бир оят тўлиқ тушиб қолса, ва бу сабабли маъно бузилмаса, намоз дуруст бўлади. Давом этиши жоиз. Валлоҳу аълам.

Ўзбекистон мусулмонлари идораси
Фатво ҳайъати. 

🔗 Улашинг: @diniysavollar

#эслатма

⚠️ Намоз ўқиш таъқиқланган вақтлар

❗️Қуёш ботаётганида ўша куннинг Аср намозини ўқиш мумкин. Бунда аср намози макруҳлик билан адо этилган ҳисобланади.

🔗 Улашинг: @diniysavollar

НОМАҲРАМ АЁЛ-ҚИЗЛАРГА ҚАРАШНИНГ ҲУКМИ
#ҳалол_ҳаром

❓408-CАВОЛ: Аёли бор бўлиб туриб, бошқа бир аёлнинг расмларига қараш, кўриш, қидириш зино ҳисобланадими?

💬 ЖАВОБ: Бисмиллаҳир Роҳманир Роҳим. Номаҳрам аёл-қизларнинг бевосита ўзига ёки суратига заруратсиз қараш шаръан ҳаром амал ҳисобланади. Аллоҳ таоло Қуръони каримда шундай деган:

قُل لِّلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَلِكَ أَزْكَى لَهُمْ إِنَّ اللَّهَ خَبِيرٌ بِمَا يَصْنَعُونَ۝

яъни: “Мўминларга айт, кўзларини тийсинлар ва фаржларини сақласинлар. Ана шу улар учун покдир. Албатта, Аллоҳ нима ҳунар қилаётганларидан ўта хабардордир” (Нур сураси 30-31-оятлар).

Ушбу ояти каримада зинога сабаб бўлувчи энг бош омил – эркакларнинг номаҳрам аёлларга шаҳват назари билан қарашлари эканига ишора бор. Набий саллаллоҳу алайҳи васаллам бундай қарашларни «кўз зиноси» деб атаганлар.

إِنَّ اللَّهَ كَتَبَ عَلَى ابْنِ آدَمَ حَظَّهُ مِنَ الزِّنَى، أَدْرَكَ ذَلِكَ لَا مَحَالَةَ، فَزِنَى الْعَيْنِ النَّظَرُ، وَزِنَى اللِّسَانِ الْمَنْطِقُ، وَالنَّفْسُ تَمَنَّى وَتَشْتَهِي، وَالْفَرْجُ يُصَدِّقُ ذَلِكَ كُلَّهُ وَيُكَذِّبُهُ ".(رواه الإمام البخاري عن أبي هريرة رضي الله عنه)

яъни: “Одам боласига зинодан бўлган насибаси ёзилгандир. Икки кўзнинг зиноси – назар солишдир. Тилнинг зиноси – гапиришдир. Икки қулоқнинг зиноси – эшитишдир. Икки қўлнинг зиноси – ушлашдир. Икки оёқнинг зиноси – юриб боришдир. Нафс орзу ва иштаҳа қилади, фарж эса уни ё рўёбга чиқаради, ё ёлғонга чиқаради” (Имом Бухорий ривоятлари).

Имом Термизий Бурайда разияллоҳу анҳудан ривоят қилган ҳадисда Набий саллаллоҳу алайҳи васаллам: “Эй Али, назарга назарни эргаштирма! Биринчиси фойда бўлса, иккинчиси сенга зарардир”, – деганлар.

Дарҳақиқат, биринчи назарда зарур мақсад ҳосил бўлади. Аммо кетма-кет қараш, аввал айтилганидек, шаҳват қўзғатади. Шунингдек, бехосдан назар тушиши ҳам гуноҳ эмас. Имом Муслим ривоят қилган ҳадисда Абдуллоҳ Бажарий разияллоҳу анҳу: “Пайғамбар саллаллоҳу алайҳи васалламдан бехосдан тушган назар ҳақида сўраган эдим, кўзимни бошқа томонга буришни амр қилдилар”, – деганлар. Исломда эркаклар номаҳрам аёлларга шаҳват назари билан қарашдан қайтарилибгина қолмай, балки бу амрга риоя этганлари учун ажру савоб ҳам ваъда қилинади.

Имом Табарий Абдуллоҳ ибн Масъуд разияллоҳу анҳудан ривоят қилган ҳадиси қудсийда Аллоҳ таоло айтади: “Албатта, (номаҳрамга) назар қилиш иблиснинг заҳарланган ўқларидан биридир. Ким Мендан қўрқиб, у(назар)ни тарк қилса, бадалига бир иймон бераманки, унинг ҳаловатини ўз қалбида топади”.

Имом Аҳмад Абу Умома разияллоҳу анҳудан ривоят қилган ҳадисда Набий саллаллоҳу алайҳи васаллам: “Қайси бир мусулмон бирорта аёлнинг зийнатларига назари тушса-ю, сўнгра кўзини олиб қочса, албатта, Аллоҳ уни шундай ибодатга алмаштирадики, унинг ҳаловатини топади”, – деганлар.

Номаҳрам аёлларга назар солмаслик ҳақидаги амрдан бир неча ҳолатлар истисно қилинган. Масалан, бир одам уйланмоқчи бўлса, у аёлга назар солиши мумкин. Имом Аҳмад Абу Ҳумайддан ривоят қилган ҳадисда Расулуллоҳ саллаллоҳу алайҳи васаллам: “Сизлардан бирингиз бирор аёлга уйланмоқчи бўлса, унга назар солишида гуноҳ йўқдир, чунки у уйланиш ниятида назар солади”, – деганлар. Валлоҳу аълам.

Ўзбекистон мусулмонлари идораси
Фатво ҳайъати. @diniysavollar

Савол йўллаш
📲 @SavollarMuslimUzBot

▫️ Каналга уланиш▫️

#қисқа_савол_жавоблар

❓CАВОЛ: Завол вақти куннинг қайси пайтига тўғри келади?

💬 ЖАВОБ: Бисмиллаҳир Роҳманир Роҳим.
Завол вақти — куниннг туш пайтида қуёш тиккага келиб, ботиш томонга оғишни бошлаган вақтга нисбатан айтилади. Ҳозирги кундаги тақвимлардаги пешин вақти бошланиши билан завол вақти бошланади. Валлоҳу аълам.

Ўзбекистон мусулмонлари идораси
Фатво ҳайъати. 

🔗 Улашинг: @diniysavollar

#қисқа_савол_жавоблар

❓CАВОЛ: Баъзи ёши катта инсонлар бемор бўлсалар, силаб қўядиган кишиларни олдига бориб, нон билан силатиб келишади. Шу иш тўғрими?

💬 ЖАВОБ: Бисмиллаҳир Роҳманир Роҳим.
Киши бундай пайтларда Қуръони каримдаги махсус оятларни ўқиб, ўзига дам солиши ёки дам солдириши мақсадга мувофиқ бўлади. Нон ёки бошқа нарса билан силайдиганларни олдига бормаслик керак. Валлоҳу аълам.

Ўзбекистон мусулмонлари идораси
Фатво ҳайъати. 

🔗 Улашинг: @diniysavollar

"ЛАА ИЛАҲА ИЛЛАЛЛООҲУЛ МАЛИКУЛ ҲАҚҚУЛ МУБИЙН"НИНГ МАЪНОСИ
#зикр

❓409-CАВОЛ: "Лаа илаҳа иллаллооҳул маликул ҳаққул мубийн" калимасини таржимаси нима бўлади?

💬 ЖАВОБ: Бисмиллаҳир Роҳманир Роҳим. Бу калимада Аллоҳ таолонинг гўзал исмларидан айримлари жой олган. Луғавий маъноси: "Илоҳлиги очиқ, равшан бўлган, борлиги шаксиз-аниқ бўлган, подшоҳлиги азалий ва абадий бўлган, ягона Аллоҳдан ўзга ибодатга лойиқ Зот йўқдир".

- “Малик” - мулки, подшоҳлиги азалий, охири тугамайдиган абадий зотдир. Аммо Аллоҳ таолонинг дунёда бандаларга берадиган мулк вақтинчадир, абадий эмасдир. Қанча қанча инсонларга молу –давлат берди, аммо барчаси заволга юз тутди. Аммо Аллоҳ таолонинг мулки асло тугамас.

- “Ҳаққ” – шак-шубҳасиз борлиги аниқ бўлган зотдир.

- “Мубийн” – илоҳлиги зоҳир, равшан, шубҳасиздир.

Али разияллоҳу анҳудан нақл қилинган заиф ҳадисда шундай дейилади:

من قال في كل يوم مائة مرة : لا إله إلا الله الملك الحق المبين كان له أمانا له من الفقر وأنسا من وحشة القبر واستجلب بها الغنى واستقرع بها باب الجنة

яъни: "Ким ҳар куни юз марта "Лаа илаҳа иллаллооҳул Маликул Ҳаққул Мубийн", — деса фақрликдан омонда ва қабр хилватидан хотиржамликда бўлади. Бу (калима) билан бойликни жалб қилиб, жаннат эшигини таққиллатган бўлади" (Дайламий, Рофеий, Ибн Нажжор ва Хатиб Бағдодийлар ривоят қилишган). Валлоҳу аълам.

Ўзбекистон мусулмонлари идораси
Фатво ҳайъати. @diniysavollar

Савол йўллаш
📲 @SavollarMuslimUzBot

▫️ Каналга уланиш▫️

#қисқа_савол_жавоблар

❓CАВОЛ: Аёл кишининг уйида пардоз-андоз қилиши рўзани бузмайдими?

💬 ЖАВОБ: Бисмиллаҳир Роҳманир Роҳим.
Пардоз қилишнинг рўзага таъсири йўқ. Валлоҳу аълам.

Ўзбекистон мусулмонлари идораси
Фатво ҳайъати. 

🔗 Улашинг: @diniysavollar

#қисқа_савол_жавоблар

❓CАВОЛ: Лаънат нима дегани?

💬 ЖАВОБ: Бисмиллаҳир Роҳманир Роҳим.
“Лаънат” сўзи Аллоҳнинг раҳматидан “узоқ бўлиш”, “маҳрум бўлиш” деган маънони беради. Бу сўзни инсонларга нисбатан, айниқса мусулмонларга нисбатан ишлатиш қўпол хато ҳисобланади. Валлоҳу аълам.

Ўзбекистон мусулмонлари идораси
Фатво ҳайъати. 

🔗 Улашинг: @diniysavollar

#қисқа_савол_жавоблар

❓CАВОЛ: Қурбон хайитида қурбонлик қилаётган кишини агарда бирор кимдан қарзи бўлса, қурбонлиги ўтмайдими?

💬 ЖАВОБ: Бисмиллаҳир Роҳманир Роҳим.
Қурбонлик — нисоб миқдорида маблағга эга кишига вожиб. Қурбонлик қилмоқчи бўлган киши қўлидаги маблағдан қарзларини ажратиб ташлайди, қолган пули нисобга етса, қурбонлик қилади, бўлмаса йўқ. Қурбонлик қилмоқчи бўлган киши аввало қарзини бериб қутилгани мақсадга мувофиқдир. Лекин ҳали тўлаш муддати келмаган қарзлари бўлса, бу қурбонликнинг қабул бўлишига монеъ бўлмайди. Валлоҳу аълам.

Ўзбекистон мусулмонлари идораси
Фатво ҳайъати. 

🔗 Улашинг: @diniysavollar

РЎЗАДОР ОДАМ МИСВОК ИШЛАТИШИ
#рўза

❓410-CАВОЛ: Рўзадор одам мисвок ишлатса рўзаси очиладими?

💬 ЖАВОБ: Бисмиллаҳир Роҳманир Роҳим. Рўзадор киши мисвок ишлатиши мумкин, рўзаси бузилмайди. Бу ҳақида "Фатовол ҳиндия" китобида шундай дейилади:

وَلَا بَأْسَ بِالسِّوَاكِ الرَّطْبِ وَالْيَابِسِ فِي الْغَدَاةِ وَالْعَشِيِّ عِنْدَنَا

яъни: "Ҳанафий мазҳабимизда ҳўл ва қуруқ мисвокни эртаю кеч ишлатишнинг зарари йўқ". Валлоҳу аълам.

Ўзбекистон мусулмонлари идораси
Фатво ҳайъати. @diniysavollar

Савол йўллаш
📲 @SavollarMuslimUzBot

▫️ Каналга уланиш▫️

#қисқа_савол_жавоблар

❓CАВОЛ: Уйда намоз ўқишдан олдин азон айтиш керакми ёки шарт эмасми?

💬 ЖАВОБ: Бисмиллаҳир Роҳманир Роҳим.
Агар маҳаллада ёки яқин атрофда азон айтилувчи масжид бўлса уйда азон айтиш шарт эмас. Валлоҳу аълам.

Ўзбекистон мусулмонлари идораси
Фатво ҳайъати. 

🔗 Улашинг: @diniysavollar

БИР ҲАФТАДА АЛЛОҲГА ЕТИШИШ МУМКИНМИ?
#руҳий_тарбия

❓411-CАВОЛ: Бир ҳафтада Аллоҳга етишса бўладими?

💬 ЖАВОБ: Бисмиллаҳир Роҳманир Роҳим. Аллоҳга етишиш учун маълум кун, ҳафта, йил бўлиши керак деган қоида йўқ. Аллоҳ таоло хоҳласа бир лаҳзада ўзига муқарраб банда қилиши мумкин. Баъзилар бир неча йилларда етишиши мумкин. Бу Аллоҳ буюрганидек яшаш, гуноҳларига чин тавба қилиш, ихлос ила У Зот сари юзланиш билан бўлади.

Ҳазрат Сўфи Аллоҳёр раҳматуллоҳи алайҳ “Саботул ожизийн” номли китобларида шундай дейдилар:

Ирода қилса ул Ҳаййу товоно,
Қилур бир лаҳзада билмасни доно.

Яъни, Ҳайй Зот (Аллоҳ) агар хоҳласа, бир лаҳзада ҳеч нарсани билмайдиган инсонни барча нарсани билимдонига айлантириб қўяди. Валий зотлар ичида қисқа муддатда Аллоҳ таолога яқин бандалар бўлганлари жуда ҳам бисёрдир. Бу ҳақида тўлиқроқ маълумот олиш учун тасаввуфга оид китоблардан ўқиб билишингиз мумкин.

Аллоҳ таолонинг розилигига етишишда муддат муҳим эмас. Балки, банда ҳидоятда собит қадам бўлиши, Аллоҳ таоло буюрганларини бажариши ва қайтарганларидан сўзсиз қайтиши ҳамда хотимасини хайрли қилишини Яратгандан сўраши лозимдир. Валлоҳу аълам.

Ўзбекистон мусулмонлари идораси
Фатво ҳайъати. @diniysavollar

Савол йўллаш
📲 @SavollarMuslimUzBot

▫️ Каналга уланиш▫️

ЭР АЁЛИГА "КЎЗИНГГА ҚАЛАМ ҚЎЙСАНГ ТАЛОҚСАН" ДЕСА...
#талоқ

❓412-CАВОЛ: Эр аёлига "Кўзингга қалам теккизсанг талоқсан", - деса, аёли қовоғига ва кипригига қалам теккизса талоқ тушадими?

💬 ЖАВОБ: Бисмиллаҳир Роҳманир Роҳим. Сиз айтган ҳолатда эрнинг нияти сўралади. Агар эр “Мен кўзингга қалам теккизсанг, деган гапимда қовоқни, киприкни ҳам ният қилганман, деса, талоқ тушади. Талоқ эр айтган иш юзага чиққандан кейин тушади. Ҳали қилмаган бўлса, токи ўша ишни қилмагунича тушмайди. Чунки одатда кўзга дейилганда ўша аъзолар тушунилиши мумкин. Чунки кўз шаффоф нарса бўлиб унга ҳеч нарса теккизиб бўлмайди. Ёки эр ҳақиқатан кўзни ўзини ният қилган бўлиши мумкин. Бу бизга қоронғу нарса. Шунинг учун бу масала юқорида айтилганидек жонли мажлисда ҳал қилинади.

Қолаверса, аёллар ҳам эр бирор ишни буюрса, қайсарлик қилиб, бўйин товламай бажарса, эр талоқ сўзини оғзига олишга мажбур бўлмайди. Валлоҳу аълам.

Ўзбекистон мусулмонлари идораси
Фатво ҳайъати. @diniysavollar

Савол йўллаш
📲 @SavollarMuslimUzBot

▫️ Каналга уланиш▫️

БИР ҚЎЛИ ЙЎҚ КИШИНИНГ НАМОЗДА ИМОМ БЎЛИШИ
#намоз

❓413-CАВОЛ: Мани бир қўлим йўқ. Намозда имомгарчиликка ўтсам бўладими?

💬 ЖАВОБ: Бисмиллаҳир Роҳманир Роҳим. Бўлади. Аммо ҳар томонлама соғлом одам имом бўлиши афзал ҳисобланади. Аллома Ибн Обидийн имомликка ўтиши макруҳ бўлган кишиларнинг зикр қилиб, жумладан шундай деганлар:

قال: وكذلك أعرج يقوم ببعض قدمه، فالاقتداء بغيره أولى ... وَمَنْ لَهُ يَدٌ وَاحِدَةٌ

"Оёғи оқсоқ (бир оёғини чала босадиган) одамларнинг ҳам имомлик қилиши макруҳдир. Демак, бошқасига иқтидо қилиш афзалроқдир... Бир қўлли кишининг ҳам ҳукми шундай" (“Раддул муҳтор” китоби). Валлоҳу аълам.

Ўзбекистон мусулмонлари идораси
Фатво ҳайъати. @diniysavollar

Савол йўллаш
📲 @SavollarMuslimUzBot

▫️ Каналга уланиш▫️

"ТАҲЛИЛ ТОШИ" БОР НАРСАМИ?
#дафн_маросими

❓414-CАВОЛ: Майитни қабрга қўйилаётганда «таҳлил тошини» сўрашади. Бу тўғрисида бирор саҳиҳ ҳадис борми?

💬 ЖАВОБ: Бисмиллаҳир Роҳманир Роҳим. Шариатимизда "таҳлил тоши" ҳақида, хусусан майда тошларнинг ҳар биттасига таҳлил айтиб, "суф" деб чиқиш ҳақида бирор кўрсатма йўқ. Суннатда бори дафн давомида қабр ёнига келиб, бош томонидан уч марта тупроқ сочишдир. Бу ҳақда аввал батафсил жавоб берилган.

Юртимизнинг аксар жойларида маййитнинг ҳаққига таҳлил айтиш вақтида санаш учун тошлардан фойдаланадилар ва тошларни қабрга кўмиб юборадилар. Ҳатто, баъзи ҳудудларда тошлар маййитнинг фойдасига гувоҳлик беради, деган нотўғри эътиқод ҳам шаклланиб қолган. Лекин, аслида, худди шу таҳлил айтишда тасбеҳлардан ҳам фойдаланиш мумкин.

Динимиз таҳлил айтишда фойдаланилган тошларни қабрга кўмишга буюрмаган. Тошларда ҳеч қандай фазилат йўқ, улар санашга восита, холос. Асосийси маййит учун айтилган таҳлил ва истиғфорлардир. Валлоҳу аълам.

Ўзбекистон мусулмонлари идораси
Фатво ҳайъати. @diniysavollar

Савол йўллаш
📲 @SavollarMuslimUzBot

▫️ Каналга уланиш▫️

РЎЗАДОР ҲУШИДАН КЕТСА РЎЗАСИ ОЧИЛАДИМИ?
#рўза

❓415-CАВОЛ: Рўзадор одам ҳушидан кетса, рўзаси очиладими?

💬 ЖАВОБ: Бисмиллаҳир Роҳманир Роҳим. Рўзадор одам ҳушидан кетиши билан рўзаси очилмайди. Бу ҳақда Имом Бурҳониддин Марғилоний раҳимаҳуллоҳ шундай деганлар:

ومن أغمي عليه في رمضان لم يقض اليوم الذي حديث فيه الإغماء لوجود الصوم فيه وهو الإمساك المقرون بالنية إذ الظاهر وجودها منه

яъни: "Рўзадор Рамазон ойида ҳушидан кетса, ўша кунги рўзасини қазо қилмайди. Чунки бу ҳолатда ният билан ўзини тийиш, яъни, рўза тутиш мавжуд. Зеро, (Рамазон ойида) мўмин кишида ният бўлиши аниқдир" ("Ал-Ҳидоя" китоби).

Лекин ҳушсизлик давом этса, рўзадор кейинги кунларининг қазосини тутади. Валлоҳу аълам.

Ўзбекистон мусулмонлари идораси
Фатво ҳайъати. @diniysavollar

Савол йўллаш
📲 @SavollarMuslimUzBot

▫️ Каналга уланиш▫️

ҲАЙВОНЛАРНИНГ ҚАЙСИ АЪЗОЛАРИНИ ЕБ БЎЛМАЙДИ?
#ҳалол_ҳаром

❓416-CАВОЛ: Гўшти ҳалол ҳайвонларнинг қайси аъзоларини еб бўлмайди?

💬 ЖАВОБ: Бисмиллаҳир Роҳманир Роҳийм. Бу ҳақда Имом Алоиддин Косоний раҳматуллоҳи алайҳи шундай деганлар:

وأما بيان ما يحرم أكله من أجزاء الحيوان المأكول فالذي يحرم أكله منه سبعة الدم المسفوح والذكر والانثيان والقبل والغدة والمثانة والمرارة لقوله عز شأنه ويحل لهم الطيبات ويحرم عليهم الخبائث وهذه الاشياء السبعة مما تستخبثه الطباع السليمة فكانت محرمة" (بدائع الصنائع في ترتيب الشرائع)

яъни: "Гўшти ейиладиган ҳайвонларнинг ейиш ҳаром бўлган аъзоларини баён қилсак, улар еттитадир:

1. Бўғзидан отилиб чиққан қон;
2. Эркак ҳайвоннинг жинсий аъзоси;
3. Ҳайвоннинг мояги;
4. Урғочи ҳайвоннинг жинсий аъзоси;
5. Безлар;
6. Сийдик қопи;
7. Ўт пуфаги.

Бу етти аъзонинг ҳаромлигига сабаб, Аллоҳ таолонинг: "У (пайғамбар) уларга пок нарсаларни ҳалол қилиб, нопок нарсаларни уларга ҳаром қилади", — деганлиги учундир (Аъроф сураси, 157-оят). Зеро, бу етти аъзодан соғлом табиат эгаси ҳазар қилади. Шунинг учун ҳам улар ҳаром ҳисобланади. ("Бадоеъус саноеъ фий тартибиш шароиъ" китоби). Валлоҳу аълам.

Ўзбекистон мусулмонлари идораси
Фатво ҳайъати. @diniysavollar

Савол йўллаш
📲 @SavollarMuslimUzBot

▫️ Каналга уланиш▫️

#қисқа_савол_жавоблар

❓CАВОЛ: Ижтимоий тармоқларда кўпчилик профилларига ҳар ҳил сўзларни ёзиб олишади. Масалан: "Aлҳамдулиллаҳ", "Aллоҳу акбар", "Роббим Аллоҳ", "Субҳаналлоҳ", "Расулуллоҳ соллаллоҳу алайҳи васаллам" каби. Бундай сўзларни ёзиш қанчалик тўғри? Бундай ҳолатга Шариатнинг ҳукми қандай?

💬 ЖАВОБ: Бисмиллаҳир Роҳманир Роҳим.
Ҳар бир нарса ўз ўрнида ишлатилиши лозим. Мазкур зикрларни профилга қўйиш яхши эмас. Валлоҳу аълам.

Ўзбекистон мусулмонлари идораси
Фатво ҳайъати. 

🔗 Улашинг: @diniysavollar