ОДАМНИНГ ҚАЙТ ҚИЛИШИ ГИЛАМНИ НОПОК ҚИЛАДИМИ?
#қисқа_савол_жавоблар

❓CАВОЛ: Катта одамнинг қайт қилиши гиламни нопок қиладими ёки фақат чақалоқларники нопок қиладими?

💬 ЖАВОБ: Бисмиллаҳир Роҳманир Роҳим.
Қайт қилган шахс ёш ёки қари бўлишидан қатъий назар агар оғиз тўла қайт қилса у нажосат ҳисобланиб, теккан жойини нопок қилади. Агар оғиз тўла бўлмаса, у нажосат ҳисобланмайди ва теккан жойини нопок қилмайди.

Уламоларимиз томонидан қайтда оғиз тўла бўлишининг чегараси уни оғизда ушлаб тура олмаслик билан белгиланади. Баъзи ўринларда эса уни “Оғиздан чиқариб ташлашдан бошқа чора қолмаган”лик билан изоҳланган. Валлоҳу аълам.

Ўзбекистон мусулмонлари идораси
Фатво маркази.

🔗 Улашинг: @diniysavollar

МАҲСУЛОТ ОЛДИ-СОТДИ МАСАЛАСИ
#қисқа_савол_жавоблар

❓CАВОЛ: Заводдан махсулотни комплект қилиб 3 млн сўмдан сотиб олиб, уни онлайн сайтда 5 млн сўмдан сотса бўладими? Буни ичига солиқ, сайт харажати, йўл харажатлари киради.

💬 ЖАВОБ: Бисмиллаҳир Роҳманир Роҳим.
Заводдан сотиб олгандан кейин уни сиз ёки вакилингиз қўлингизга олишингиз керак. Масалан, омборга тушириб олишингиз ёки вагонни ўзингиз турган шаҳарга олиб келиб, кейин инсоф билан кўтарганича нарх қўйиб сотишингиз мумкин. Валлоҳу аълам.

Ўзбекистон мусулмонлари идораси
Фатво маркази.

🔗 Улашинг: @diniysavollar

#Видео
#Риёзус_солиҳийн
#ҳадис_ва_фиқҳ #муқаддима

“Риёзус-солиҳийн” китобига муқаддима

Ҳикматуллоҳ домла ТОШТЕМИРОВ

Ўзбекистон мусулмонлари идораси
Фатво маркази бош мутахассиси

Telegram | Instagram | Facebook

🔗 Улашинг: @diniysavollar

#Аудио
#Риёзус_солиҳийн
#ҳадис_ва_фиқҳ #муқаддима

“Риёзус-солиҳийн” китобига муқаддима

Ҳикматуллоҳ домла ТОШТЕМИРОВ

Ўзбекистон мусулмонлари идораси
Фатво маркази бош мутахассиси

🔗 Улашинг: @diniysavollar

Жума айёмингиз муборак бўлсин!

Улашинг: @diniysavollar

АЁЛЛАРНИНГ ҚИБЛАГА ЮЗЛАНИБ ДУО ҚИЛИШИ ҲАЁСИЗЛИККА КИРАДИМИ?
#қисқа_савол_жавоблар

❓CАВОЛ: Дуони қиблага юзланиб, қўлларни кўтарган ҳолда қилинади, деб эшитгандим. Aёлларга шу ҳолатда дуо қилиш ҳаёсизликка кирадими?

💬 ЖАВОБ: Бисмиллаҳир Роҳманир Роҳим.
Аёлларнинг қиблага юзланиб, қўл кўтариб дуо қилишлари ҳаёсизликка кирмайди. Аксинча, шундай ҳолда дуо қилиш мустаҳабдир. Дуода қиблага юзланиш афзал, лекин Қиблага қарамасдан дуо қилса ҳам, дуруст. Валлоҳу аълам.

Ўзбекистон мусулмонлари идораси
Фатво маркази.

🔗 Улашинг: @diniysavollar

ТИРНОҚНИ ЖУМА КУНИ ОЛИШ КЕРАКМИ?
#қисқа_савол_жавоблар

❓CАВОЛ: Тирноқни фақат жума куни олиш керакми?

💬 ЖАВОБ: Бисмиллаҳир Роҳманир Роҳим.
Тирноқни ҳафтанинг барча кунларида олиш мумкин. Айнан жума куни олиш борасида бирорта саҳиҳ ҳадис бизга маълум эмас. Лекин саҳобалардан Абдуллоҳ ибн Умар разияллоҳу анҳу одатда ҳар жума куни тирноқларини олиб, мўйловларини қисқартирганларини Имом Байҳақий ривоят қилганлар. Шунинг учун айрим фуқаҳоларимиз жума куни жума намози учун покланиб чиқиш мақсадида тирноқ олса яхши, дейишган. Валлоҳу аълам.

Ўзбекистон мусулмонлари идораси
Фатво маркази.

🔗 Улашинг: @diniysavollar

✅Кексалар бор уйда барака бор!

🔹Динимиз ота-онага яхшилик қилишга буюради. Бу ҳақда ояту ҳадисларда нималар дейилган?

🔸Кейинги пайтда баъзи ёшларнинг ота-оналарига қўпол муомала қилганининг гувоҳи бўламиз. Уларнинг ота-онасига бундай муносабатда бўлишлари оғир гуноҳ эмасми?

🔹Халқимизда қариси бор уйнинг фарзу баракаси бўлади деган гап бор. Бу сўзлар қанчалик асосли деб ўйлайсиз?

🔸Ота-онага яхшилик қилишнинг ажри савоблари ҳақида сўзлаб берсангиз

🔹Ота-оналар бирор гуноҳ ишга буюрса итоат қилиш керакми?

▶️ Жалолиддин домла Ҳамроқулов – Ўзбекистон мусулмонлари идораси раиси ўринбосари

▶️Сайидаҳмад домла Сайдаралиев – Ўзбекистон мусулмонлари идораси Фатво маркази мутахассиси

🟢 СУҲБАТ ТЎЛИҚ ВИДЕОСИ

🔗 Улашинг: @diniysavollar

ОМОНАТНИ ЭГАСИНИНГ ИЗНИСИЗ ИШЛАТИБ ТУРСАМ БЎЛАДИМИ?
#қисқа_савол_жавоблар

❓CАВОЛ: Акам Кореяга ишлагани кетган. Ҳар ой менга пул ташлайди. Ўша пулларини йиғиб, жамғариб боряпман. Акамга айтмасдан ўз эҳтиёжларим учун пулларидан ишлатиб, кейин жойига қўйсам бўладими? Бунинг учун гуноҳкор бўлмайманми?

💬 ЖАВОБ: Бисмиллаҳир Роҳманир Роҳим.
Бу пуллар омонат ҳисобланади. Омонатни эса, эгасининг изнисиз ишлатиб бўлмайди. Гарчи акангиз бўлса ҳам, унинг сизга юбораётган пуллари омонат бўлиб, унинг рухсатисиз ишлатиш мумкин эмас. Шунинг учун сиз акангизга ҳолатингизни баён қилиб рухсат олинг ва шундан кейин ишлатинг. Шундай қилсангиз гуноҳкор бўлмайсиз ҳамда кейинчалик чиқадиган низоларни олдини олган ҳам бўласиз. Валлоҳу аълам.

Ўзбекистон мусулмонлари идораси
Фатво маркази.

🔗 Улашинг: @diniysavollar

#Мухтасарул_виқоя_шарҳи

74-дарс. Рўза китоби. Рўзани бузувчи амаллар

Устоз Ҳабибуллоҳ домла Абдулғаффор

Ўзбекистон мусулмонлари идораси
Фатво маркази бош мутахассиси,
Тошкент ислом институти катта ўқитувчиси

👉 Youtube орқали кўриш

Дарслар: 1 - 2 - 3 - 4 - 5 - 6 - 7 - 8 - 9 - 10 - 11 - 12 -13 - 14 - 15 - 16 - 17 - 18 - 19 - 20 - 21 - 22 - 23 - 24 - 25 - 26 - 27 - 28 - 29 - 30 - 31 - 32 - 33 - 34 - 35 - 36 - 37 - 38 - 39 - 40 - 41 - 42 - 43 - 44 - 45 - 46 - 47 - 48 - 49 - 50 - 51 - 52 - 53 - 54 - 55 - 56 - 57 - 58 - 59 - 60 - 61 - 62 - 63 - 64 - 65 - 66 - 67 - 68 - 69 - 70 - 71 - 72 - 73

📝 Савол ва фикр-мулоҳазалар учун:
@Muxtasarulviqoyasharhi_bot

🔗 Улашинг: @diniysavollar

#Аудио
#Мухтасарул_виқоя_шарҳи

74-дарс. Рўза китоби. Рўзани бузувчи амаллар

Устоз Ҳабибуллоҳ домла Абдулғаффор

Ўзбекистон мусулмонлари идораси
Фатво маркази бош мутахассиси,
Тошкент ислом институти катта ўқитувчиси

👉 Youtube орқали кўриш

🔗 Улашинг: @diniysavollar

ҚАРЗ ОЛИШИМ МУМКИНМИ?
#қисқа_савол_жавоблар

❓CАВОЛ: Қарз олишга муҳтожмасман, янги оиламан, рўзғоримни тиклаш мақсадида қарз олишим мумкунми? Оборот қилиш мақсадида?

💬 ЖАВОБ: Бисмиллаҳир Роҳманир Роҳим.
Иложи борича қарз олмасликга ҳаракат қилиш лозим, лекин қарзни олгандан кегин уни тўлашга имконият бўлса, қарз олиш жоиз.

Абу Ҳурайра розияллоҳу анҳу ривоят қиладилар: Пайғамбаримиз саллаллоҳу алайҳи ва саллам айтдилар: “Ким (қарзини) адо қилишни ирода қилиб одамлардан мол олса, Аллоҳ унинг тарафидан адо қилади (тўлаш сабабларини муҳайё қилиб қўяди), ким талофат етказишни ирода қилиб олса, Аллоҳ унга талофат етказади”. Бухорий ривоят қилган. Валлоҳу аълам.

Ўзбекистон мусулмонлари идораси
Фатво маркази.

🔗 Улашинг: @diniysavollar

ҚИЁМАТДА РУҲИМИЗ СЎРОҚҚА ТУТИЛАДИМИ?
#қисқа_савол_жавоблар

❓CАВОЛ: Қиёмат куни руҳимизни сўроққа тутишадими ёки жасадимизними?

💬 ЖАВОБ: Бисмиллаҳир Роҳманир Роҳим.
Киши вафот этгандан сўнг бўладиган бу савол жавоб ҳам руҳга ҳам жасадга бўлади. Аммо охиратдаги руҳни баданга қайтиши дунёдаги руҳни жасадга қайтиши каби бўлмайди. Балки охиратда руҳни жасадга боғланиши энг мукаммал ҳолда бўлиб ундан сўнг руҳ жасаддан ажрамайди, ўлим бўлмайди. Валлоҳу аълам.

Ўзбекистон мусулмонлари идораси
Фатво маркази.

🔗 Улашинг: @diniysavollar

ТОВАРЛАРНИНГ АСЛ НАРХИНИ ОШИРИБ КЎРСАТИШ
#қисқа_савол_жавоблар

❓CАВОЛ: Ман Москвада ишлайман. Қурулиш моллари сотамиз. Хўжайин мижозлар сотиб олган нарсасини нархини бошқа қимматроқ нархда ёзишни сўраса ёзиб бергин дейди. Буни асосан прораб, усталар сўрайди. Ёзиб беришимиз жоизми?

💬 ЖАВОБ: Бисмиллаҳир Роҳманир Роҳим.
Товарларнинг асл нархини ошириб ёзиб бериш билан сиз ҳам уларнинг ёлғони ва хиёнатига шерик бўласиз. Бундай қилманг. Валлоҳу аълам.

Ўзбекистон мусулмонлари идораси
Фатво маркази.

🔗 Улашинг: @diniysavollar

АЁЛИМДАН ҚУРЪОННИ ЎРГАНСАМ БЎЛАДИМИ?
#қисқа_савол_жавоблар

❓CАВОЛ: Aёлим Қуръонни яхши билади. Ундан Қуръон ўқишни ўргансам бўладими?

💬 ЖАВОБ: Бисмиллаҳир Роҳманир Роҳим.
Зарурий билимларни ўрганишда катта-кичик, ака-ука, эр-хотин кабилар аҳамиятли эмас. Балки, Қуръони каримни ўрганишга ўхшаш ибодатда зарур бўлувчи илмларни имкон қадар тезроқ ўрганиш лозим. Ҳатто ўз аёлидан, фарзандидан, набирасидан ҳам киши ўрганиши жоиз. Валлоҳу аълам.

Ўзбекистон мусулмонлари идораси
Фатво маркази.

🔗 Улашинг: @diniysavollar

🌙 “ОЛАМЛАРГА РАҲМАТ ПАЙҒАМБАР” НОМЛИ СИЙРАТ ТАНЛОВИНИНГ ТАҚДИРЛАШ МАРОСИМИ ВА МАВЛИД ТАДБИРИ

Ҳаж сафари йўлланмаси, умра зиёрати, пул мукофотлари, гўзал қироатлар ва салавоти шарифлар ҳамда суҳбатлар

Томоша қилинг, қалбингизга роҳат, руҳингизга илоҳий озуқа бўлади.

▶️ Youtube орқали кўриш

Ўзбекистон мусулмонлари идораси Матбуот хизмати
Muslim.uz / @muslimuzportal | @shayx_nuriddinxoliqnazar | @hajumrauz | @mp3muslim | @diniysavollar | @muminauz

БЕЛБОҒ БОҒЛАШ ШАРИАТДА БОРМИ?
#қисқа_савол_жавоблар

❓CАВОЛ: Азадор одамлар белларида белбоғ боғлаши шариатда борми?

💬 ЖАВОБ: Бисмиллаҳир Роҳманир Роҳим.
Бу асосан бизнинг урфимизда шаклланган ҳолат. Бу борада бирор буюрилган ёки қайтарилган ҳадис йўқ. Шунинг учун кимдир чакмон ёки чопон кийса, бошқаси оддий кийимларда юрса ҳам ҳеч ким ўзгани маломат қилмаслиги керак. Яъни бу ишни ихтиёрий деб билиш керак. Бел боғлаб чакмон ё чопон кийиш шариатни буйруғи деб эътиқод қилмасин. Валлоҳу аълам.

Ўзбекистон мусулмонлари идораси
Фатво маркази.

🔗 Улашинг: @diniysavollar

#янги_ой_эълони
#ҳижрий_1445_йил

Фалакий ҳисоб-китобларга кўра, ҳижрий 1445 йил Рабиус соний ойининг 1-куни — 2023 йил 16 октябрь душанба кунига тўғри келмоқда.

Пайғамбаримиз соллаллоҳу алайҳи васаллам қачон янги чиққан ойни кўрсалар шундай дуо қилардилар:
"اللَّهُمَّ أَهِلَّهُ عَلَيْنَا بِالْيُمْنِ وَالْإِيمَانِ وَالسَّلَامَةِ وَالْإِسْلَامِ رَبِّي وَرَبُّكَ اللهُ"
Ўқилиши: "Аллоҳумма аҳиллаҳу алайна билюмни вал иймани, вас-салаамати вал-Ислами, Роббий ва Роббукаллоҳ”.

Маъноси: "Эй, Аллоҳим!  Бу ойни бизларга барака ва имон, саломатлик ва Ислом ойи қилгин! Эй, ҳилол, менинг ҳам, сенинг ҳам Роббинг Аллоҳдир!".

🔗 Улашинг: @diniysavollar

ОЁҒИНИ БУКА ОЛМАЙДИГАН БЕМОР ИНСОННИНГ НАМОЗИ
#қисқа_савол_жавоблар

❓CАВОЛ: Мени оёқларим оғрийди ва чап оёгим яхши букилмайди. Ўтирганда оёгимни узатиб ўтираман, табиийки намозни ҳам шу ҳолда ўқийман. Буни ҳукми қандай?

💬 ЖАВОБ: Бисмиллаҳир Роҳманир Роҳим.
Оёғини бука олмайдиган ёки букса қаттиқ оғрийдиган кишилар зарурат юзасидан намозда оёқларини қиблага узатиб ўтирса бўлади. Валлоҳу аълам.

Ўзбекистон мусулмонлари идораси
Фатво маркази.

🔗 Улашинг: @diniysavollar

#Видео
#иймон #саловат

Пайғамбаримиз саллаллоҳу алайҳи васалламга иймон келтиришнинг зарурлиги

Абдуғофур домла Ниёзқулов

Ўзбекистон мусулмонлари идораси
Фатво маркази бош мутахассиси

YouTube | Instagram | Facebook

🔗 Улашинг: @diniysavollar

#Аудио
#иймон

Пайғамбаримиз саллаллоҳу алайҳи васалламга иймон келтиришнинг зарурлиги

Абдуғофур домла Ниёзқулов

Ўзбекистон мусулмонлари идораси
Фатво маркази бош мутахассиси

🔗 Улашинг: @diniysavollar