ҚАССОБЧИЛИК ҚИЛСАМ БЎЛАДИМИ?
#қисқа_савол_жавоблар

❓CАВОЛ: Aлҳамдулиллаҳ 5 маҳал намоз ўқийман. 20 ёшдаман, қассобчиликка қизиқаман ва ўрганмоқчиман. Лекин намоз ўқиб қассобчилик қилиб бўлмайди дейишяпди. Ёши катта одамлардан "қассоблар молга ўхшаб азобланиб ўлади" деб эшитдим. Қассобликни ҳалол қасб деб биламан. Қассобчилик қилсам бўладими?

💬 ЖАВОБ: Бисмиллаҳир Роҳманир Роҳим.
Қассобчиликка қизиққанингиз яхши. Чунки ҳар бир мусулмон бирор ҳунарни яхши эгаллаб ўз аҳлини ҳалол ризқ билан таъминлашга масъулдир. Намоз ўқиб қассобчилик қилиб бўлмайди, деган гап мутлақо нотўғри. Исломда ҳар бир мусулмон намоз ўқиши фарз. Намоз инсоннинг касбига қараб фарз ёки бошқача ҳукмда бўлиб қолмайди. Аксинча, мўмин одам намозига ҳалақит қилмайдиган ҳолатда дунё ишларига киришиши керак. Шунинг учун сиз бемалол намозингизни ўқиб, ўзингиз суйган ҳунарингизни қилаверинг.

Ўлиш вақтида азобланиш масаласига келсак, бу қассоб учун хос эмас. Бундай гап шариатимизга туҳмат. Қанақасига Аллоҳ таоло ўз бандалари учун чорва ҳайвонларини яратиб, уларни ҳалол қилиб, сўйишга буюради ва кейин бу ишни қилганларни қаттиқ азоблаб жонини олади. Бу тўғри эмас, аммо қайси касбда бўлишидан қатъий назар одамларнинг ҳақини еса, уларни алдаса, омонатдорликдан йироқда бўлса, ана ўшалар ўлишда ҳам ундан кейин азобланиши муқаррар эканлиги тўғри. Шунинг учун илмсиз одамларнинг сўзларини олмасдан илм аҳлларига мурожаат қилганингиз яхши бўлган. Валлоҳу аълам.

Ўзбекистон мусулмонлари идораси
Фатво ҳайъати. 

🔗 Улашинг: @diniysavollar

#Видеолавҳа

72. ҚАЗОСИ БОР КИШИ НАФЛ НАМОЗ ЎҚИШИ МУМКИНМИ

YouTube | Instagram | Facebook | Tiktok

🔗 Улашинг: @diniysavollar

ТАҚДИР ҲАҚИДА
#қисқа_савол_жавоблар

❓CАВОЛ: Инсоннинг тақдири аввалдан ёзилгани ҳақида айтишади. Тақдирга барча нарса ёзиб бўлинган бўлса инсоннинг дунёдаги борлиги ва ҳаракатларидан қандай мақсад бор? Тақдир ҳақида кенгроқ тушунча берсангиз.

💬 ЖАВОБ: Бисмиллаҳир Роҳманир Роҳим.
Тақдир бу Аллоҳ таолонинг азалий илми демакдир. Яъни, бандаларнинг нима қилишларини Аллоҳ таоло олдиндан билади ва шу сабабли улардан қайсилари жаннатга лойиқ ва қайсилари дўзахга лойиқ эканини ҳам билади. Аллоҳ таоло тақдир орқали ҳеч бир инсонга босим, мажбурият юкламайди. Балки, бандага яхши ёки ёмонни танлаш имконини берган бўлиб, банданинг ўша танлови сабабли банда неъмат ёки азобга лойиқ бўлади. Валлоҳу аълам.

Ўзбекистон мусулмонлари идораси
Фатво ҳайъати. 

🔗 Улашинг: @diniysavollar

ЭР ИШЛАМАСДАН УЙДА ЎТИРИШИ
#эркак_кишининг_бурчи #оила

❓755-CАВОЛ: Турмуш ўртоғим анча йиллардан буён ишламайди. Соғлиғи жойида лекин турли баҳоналар билан ҳалигача уйда. Мен ишлайман ва даромадимдан доимий равишда оиланинг камчиликларини тўлдираман. Бунинг учун Яратган менга ажр берадими? Ёки эрим гуноҳкор бўладими?

💬 ЖАВОБ: Бисмиллаҳир Роҳманир Роҳим.
Асл қоидага кўра, аёл кишининг биринчи вазифаси уй ишларини идора қилиш, оилага қараш, болаларни бошқариш, эрига яхши муомалада бўлишдир. Набий саллаллоҳу алайҳи васаллам: “Аёл киши эрининг уйида бошлиқдир. У ўз қўл остидагиларга масъул”, деганлар (Имом Бухорий ривояти). У ўзининг харажатларини қоплашга ҳам мажбур эмас. Унинг нафақаси эрининг зиммасида вожибдир. Имом Муслим ривоят қилган ҳадисда Расули акрам алайҳиссалом эркакларга хитоб қилиб: “Аёлларингиз учун сизнинг зиммангизда яхшилик ила ризқлари ва кийимларининг мажбурияти бордир” деганлар.

Бир куни Ҳаким ибн Муовия исмли саҳоба розияллоҳу анҳу: “Ё Расулуллоҳ, бизнинг биримизда хотинининг нима ҳаққи бор?» – деб сўрайдилар. Шунда Пайғамбаримиз “Қачон таомлансангиз, уни ҳам таомлантиринг, Қачон кийим (янги кийим) кийсангиз, уни ҳам кийинтиринг. Юзига урманг, қаттиқ сўкманг ва уйдан бошқа жойда ҳижрон қилманг”, – деганлар (Имом Абу Довуд ривояти).

Агар эр аёлининг нафақасини адо этмаса, Қиёмат кунида Аллоҳ таолонинг ҳузурида масъул бўлади. Чунки у зиммасидаги вожиб амални бажармаган саналади.

Эр ўз аёлига нафақа қилмаган вазиятда Ислом дини аёл кишини ўзига муносиб ишда фаолият олиб боришига рухсат беради. У савдо-сотиқ қилиши, бировни вакил қилиши, молини тижорат йўли билан кўпайтириши мумкин. Оиласи ва фарзандларини таъминотини қилгани учун ўша аёлга савоб бўлади. Албатта, бунда шариат кўрсатмалари ва одобларига риоя қилиши, сатри авратда бўлиши, номаҳрам (бегона) эркаклар билан ёлғиз қолмаслиги, талаб этилади. Валлоҳу аълам.

Ўзбекистон мусулмонлари идораси
Фатво ҳайъати. @diniysavollar

Савол йўллаш
📲 @SavollarMuslimUzBot

YouTube | Instagram | Facebook | Tiktok

#Сийрати_набавия

Илоҳий китобларнинг нозил бўлиш тартиби

Telegram | Instagram | Facebook | Tiktok

🔗 Улашинг: @Abdul_Azim_Ziyouddin

ЗАМ СУРАДАН АВВАЛ "БИСМИЛЛАҲ" АЙТИЛАДИМИ?
#қисқа_савол_жавоблар

❓CАВОЛ: Зам сурадан аввал "бисмиллаҳ"ни айтиш керакми?

💬 ЖАВОБ: Бисмиллаҳир Роҳманир Роҳим.
Зам сурадан аввал "бисмиллаҳ" айтилмайди, лекин айтиб қўйса ҳам, зарари йўқ. Валлоҳу аълам.

Ўзбекистон мусулмонлари идораси
Фатво ҳайъати. 

🔗 Улашинг: @diniysavollar

#Видеолавҳа

73. УЙҚУДАН ТУРИБ КИЙИМДА НАМЛИКНИ КЎРСА ҒУСЛ ВОЖИБ БЎЛАДИМИ?

YouTube | Instagram | Facebook | Tiktok

🔗 Улашинг: @diniysavollar

ҚЎЛ ТЕККАН СУВ ҲАРОММИ?
#қисқа_савол_жавоблар

❓CАВОЛ: Қўл теккан сувни овқатга ишлатса бўладими? Баъзилар агар сувга қўл тегса уни ҳаром дейишади. Шу тўғрими?

💬 ЖАВОБ: Бисмиллаҳир Роҳманир Роҳим.
Агар қўлга нажосат тегмаган бўлса, қўл пок ҳисобланади. Қўлнинг ўзи сувга тегиши билан сув ҳаром ёки нопок бўлиб қолмайди. Валлоҳи аълам.

Ўзбекистон мусулмонлари идораси
Фатво ҳайъати. 

🔗 Улашинг: @diniysavollar

НАМОЗДА ХАТО ҚИЛИШ
#намоз

❓756-CАВОЛ: Суннат намозларда билмасдан хато қилиб қўйсам нима қилишим керак?

💬 ЖАВОБ: Бисмиллаҳир Роҳманир Роҳим.
Билмасдан хато қилиш асосан, уч хил кўринишда бўлади:

1. Намознинг суннат ва мустаҳабларини тарк қилиш.
Билмасдан намознинг суннат ва мустаҳабларини тарк қилса ва шу билан намозни тугатса, бу намоз дуруст. Уни қайта ўқилмайди.

2. Намознинг вожибларини тарк қилиш, ёки ўрнини алмаштириш, ёки кечиктириш. Намозни рукн (фарзлари)ни такрорий қилиш.
Намозда унутиб бу камчиликларга йўл қўйса, бу хатони намознинг охирида саждаи саҳв билан тўғрилайди ва намозни қайта ўқимайди.
Агар намозни саждаи саҳв қилмай тугатса ёки намознинг вожибларидан бирини қасддан тарк қилса, намозни қайта ўқийди.

3. Намознинг фарзларини тарк қилиш.
Билмасдан намознинг фарзларидан бирортасини тарк қилса бу намоз дуруст бўлмайди. Уни қайта ўқиб олинади.
Бу масалани янада яхши билиб олиш учун намознинг фарзлари, вожиблари ва суннатларини ҳамда саждаи саҳв масаласини ўқиб-ўрганиш керак бўлади.
Валлоҳу аълам.

Ўзбекистон мусулмонлари идораси
Фатво ҳайъати. @diniysavollar

Савол йўллаш
📲 @SavollarMuslimUzBot

YouTube | Instagram | Facebook | Tiktok

#Сийрати_набавия

Расулуллоҳ соллаллоҳу алайҳи васаллам Хадича онамизга уйланганларида маҳрига нима берганлар?

Telegram | Instagram | Facebook | Tiktok

🔗 Улашинг: @Abdul_Azim_Ziyouddin

#Видеолавҳа

74. “РАМАЗОН КИРИШИ…” ҲАҚИДАГИ УЙДИРМА ҲАДИС

YouTube | Instagram | Facebook | Tiktok

🔗 Улашинг: @diniysavollar

ТАНДИРНИ ҚИБЛАГА ҚАРАБ ЖОЙЛАШТИРИШ КЕРАКМИ?
#бидъат

❓757-CАВОЛ: Яқинда бир киши "тандирни қиблага қараб жойлаштириш керак, бўлмаса барака бўлмайди, қиблага орқа бўлиб нон ёпмайди" деганини эшитдим. Бу қанчалик тўғри, бу бидъат эмасми?

💬 ЖАВОБ: Бисмиллаҳир Роҳманир Роҳим.
Тандирни қайси томонга қаратиб қуришнинг динга алоқаси йўқ. Тандирни қайси томонга қаратиш қулайроқ бўлса, ўша томонга қаратиб қуриш мумкин.
Саволда келгандек эътиқодда бўлиш шумланишдир. Динимизда шумланишдан қайтарилган.

Абу Ҳурайра разияллоҳу анҳудан ривоят қилинган ҳадисда Пайғамбаримиз саллаллоҳу алайҳи васаллам шундай деганлар:

لا عدوى ولا طيرة ولا هامة ولا صفر. (أخرجه أحمد وابن ماجة)

яъни: “Касаллик юқиши йўқ, бойқушдан шумланиш йўқ, руҳларнинг қушга айланиб юриши йўқ, сафар ойида шумланиш йўқ” (Имом Аҳмад ва имом Ибн Можа ривоятлари). Валлоҳу аълам.

Ўзбекистон мусулмонлари идораси
Фатво ҳайъати. @diniysavollar

Савол йўллаш
📲 @SavollarMuslimUzBot

YouTube | Instagram | Facebook | Tiktok

#Сийрати_набавия

Пайғамбаримиз соллаллоҳу алайҳи васалламнинг кунялари зикр қилинганда салавот айтиш лозим бўладими?

YouTube | Facebook | Instagram

🔗 Улашинг: @Abdul_Azim_Ziyouddin

🟢 ДИНИЙ САВОЛ-ЖАВОБ (41-сон, 06.08.21)

Youtube орқали томоша қилиш

Facebook орқали томоша қилиш

🔗 Улашинг: @diniysavollar

#Видеолавҳа

75. ҚУНУТ ДУОСИНИ ЎҚИЙ ОЛМАЙДИГАН КИШИ

YouTube | Instagram | Facebook | Tiktok

🔗 Улашинг: @diniysavollar

БУ ДУОЛАРНИ ЎҚИШНИ МАСЛАҲАТ БЕРАСИЗМИ?
#қисқа_савол_жавоблар

❓CАВОЛ: Ҳозирги кунда нашр этилаётган "Кимёвий саодат", "Ганжум Арш", "Қирқ Коф" дуолари ва шунга ўхшаш дуолар ҳақида маълумот берсангиз ва бу дуоларни ўқиш мумкинми. Кимёвий саодат дуоси хосиятлари ҳақида нима дейсиз, бу дуоларни ўқишни маслаҳат берасизми?

💬 ЖАВОБ: Бисмиллаҳир Роҳманир Роҳим.
Сиз санаган дуо китобларнинг бирортасини тавсия қилмаймиз.

Шайх ҳазратларининг "Ҳадис ва ҳаёт" дуолар китоби, Нававийнинг "Ал-Азкор" (ўзбекчага таржима), Мулло Али Қорининг "Исми Аъзам" (ўзбекча таржима) китобларини топиб ўқинг. Валлоҳу аълам.

Ўзбекистон мусулмонлари идораси
Фатво ҳайъати. 

🔗 Улашинг: @diniysavollar

ҚУРЪОН ЎҚИШ УЧУН ҚИЛИНГАН ТАҲОРАТ БИЛАН НАМОЗ ЎҚИСА БЎЛАДИМИ?
#таҳорат #намоз

❓758-CАВОЛ: Қуръон ўқиш учун қилинган таҳорат билан намоз ўқиса бўладими? Бир жойда ўқиб бўлмайди, деб ўқигандим. Шу масалага ойдинлик киритиб беринг.

💬 ЖАВОБ: Бисмиллаҳир Роҳманир Роҳим.
Қуръон ўқиш учун таҳорат қилинса, у билан намоз ҳам ўқиб бўлади.

Лекин Қуръон ўқиш ниятида таяммум қилса, ўша таяммум билан намоз ўқий олмайди. Мулла Али Қори раҳимаҳуллоҳ айтадилар:

ولو تيمَّمَ لقراءة القرآن لا تجوز به الصلاة هو الصحيح، وكذا لو تيمَّمَ لدخولِ المسجد أو مسِّ المصحف ثم صلَّى الفريضةَ لا يجوز عند عامَّة العلماء

"Қуръони карим қироати ниятида таяммум қилса, у билан намоз ўқиш жоиз эмас. Шу сўз тўғридир. Худди шундай, масжидга кириш, мусҳафни ушлаш ниятида таяммум қилиб, кейин фарз намозини ўқиса, барча уламолар наздида намози дуруст бўлмайди" ("Фатҳи бобил иноя" китоби). Валлоҳу аълам.

Ўзбекистон мусулмонлари идораси
Фатво ҳайъати. @diniysavollar

Савол йўллаш
📲 @SavollarMuslimUzBot

YouTube | Instagram | Facebook | Tiktok

ИСТИНЖО ҲАҚИДА
#қисқа_савол_жавоблар

❓CАВОЛ: Эркак киши олд авратидан сийдик чиққанидан кейин сув билан ювиши керакми ёки қоғоз билан тозаласа бўладими?

💬 ЖАВОБ: Бисмиллаҳир Роҳманир Роҳим.
Ел келиш ёки ухлаб қолиш ёҳуд қон чиқиш билан таҳорат синган пайтларда истинжо (сув билан авратларни ювиш) қилмасдан ҳам таҳорат қилишга рухсат берилган. Баъзилар мана шундай истинжо қилиш шарт бўлмаган пайтларда ҳам совуқ кунларда сув билан ювавериш натижасида тезда касал бўлиб қоладилар. Ваҳоланки, таҳорат қилишдан олдин олд ёки орқа авратлардан нажосат чиққан бўлса ва нажосат ўртача танга миқдорича атрофга ёйилса аврат аъзоларини тозалаб, сув билан ювиш шарт бўлади. Аммо нажосат танга миқдорича ёйилмаса, сув билан ювиш мустаҳаб бўлади, яъни ювса савоб олади, ювмаса гуноҳкор бўлмайди ва таҳоратига нуқсон ҳам етмайди. Шуни таъкидлаш керакки, орқа авратдан чиққан нарсани танга миқдорича чиққан ёки чиқмаганини билиш қийин масала. Шунинг учун орқа авратдан нажосат чиққанда ҳеч иккиланмасдан сув билан ювилади. Аммо олд авратнинг ўзидан нажосат чиққанда, уни танга миқдорича ёйишини олди олинса, сув билан ювиш шарт бўлмайди. Валлоҳу аълам.

Ўзбекистон мусулмонлари идораси
Фатво ҳайъати.

🔗 Улашинг: @diniysavollar

#Видеолавҳа

76. ҚИЁМАТ АЛОМАТЛАРИ

YouTube | Instagram | Facebook | Tiktok

🔗 Улашинг: @diniysavollar

ТАҲАЖЖУД НАМОЗИ
#қисқа_савол_жавоблар

❓CАВОЛ: Таҳажжуд намозига такбир айтиб ўқиладими ва қайси кунлари ўқилса мақсадга мувофиқ?

💬 ЖАВОБ: Бисмиллаҳир Роҳманир Роҳим.
Такбир фақат фарз намозларга айтилади. Шундай экан, таҳажжуд намозига такбир айтилмайди. Таҳажжуд намозини имкон қадар ҳар кеча ўқиш афзал. Муайян ўқиладиган куни йўқ. Чунки унинг вақти ҳар кечада бўлади. Валлоҳу аълам.

Ўзбекистон мусулмонлари идораси
Фатво ҳайъати.

🔗 Улашинг: @diniysavollar

#Сийрати_набавия

Намоздан сўнг Пайғамбаримиз соллаллоҳу алайҳи васалламнинг шафоатларини сўраб дуо қилсам бўладими?

YouTube | Facebook | Instagram

🔗 Улашинг: @Abdul_Azim_Ziyouddin