Ўзбекистон танлови тўғри бўлди.

Мамлакатимиз Президенти Шавкат Мирзиёев 11 декабрь куни Евроосиё иқтисодий иттифоқи (ЕОИИ) давлат раҳбарларининг видеоанжуман шаклида ўтказилган саммитида иштирок этди. Ушбу анжуманда Ўзбекистонга ЕОИИ ҳузуридаги кузатувчи давлат мақомини бериш масаласи кўриб чиқилди ва бу ҳақда бир овоздан қарор қабул қилинди.

Маълумки, 2018 йилнинг 14 майида “Евроосиё иқтисодий иттифоқида кузатувчи давлат мақоми тўғрисида”ги низом қабул қилинган бўлиб, мазкур ҳужжатда кузатувчи мақомини бериш тартиби, кузатувчи давлат ҳуқуқ ва мажбуриятлари белгиланган.

Кузатувчи мақомининг ҳуқуқий асосларига тўхталадиган бўлсак, “Евроосиё иқтисодий иттифоқи ҳақида”ги шартноманинг 109-моддасига мувофиқ, ҳар қандай давлат Иттифоқнинг Олий кенгашига кузатувчи давлат мақомини беришни сўраб мурожаат қилиши мумкин. Кузатувчи давлат мақоми кузатувчи давлат вакилларининг Иттифоқ органларининг таклифига асосан Иттифоқ органлари мажлисларида иштирок этиш, Иттифоқ томонидан қабул қилинган очиқ ҳужжатларни олиш ҳуқуқини беради.

Таъкидлаш лозим, кузатувчилик мақоми иттифоқ органлари йиғилишларида қарор қабул қилиш жараёнида овоз бериш ҳуқуқини бермайди. Шунингдек, кузатувчи мақомидаги давлатнинг Иттифоқ ва аъзо давлатлар манфаатларига зарар етказиши мумкин бўлган ҳар қандай ҳаракатлардан сақланиши кераклиги мазкур моддада белгилаб қўйилган.

Умуман олганда, Ўзбекистонга ЕОИИнинг кузатувчи давлат мақоми берилиши тўғри танлов бўлди дейиш мумкин. Чунки ушбу мақом тузилманинг мамлакатимиз иқтисодиёти тармоқларига ижобий ва салбий таъсирини ўрганиш ва якунида иттифоқ билан ҳамкорлик истиқболларини белгилаб олишимизда муҳим аҳамиятга эга бўлади.


Аъзамжон ТЎЛАБОЕВ
Олий Мажлис Қонунчилик палатаси депутати
“Миллий тикланиш” демократик партияси фракцияси аъзоси

#BIRMIZ. QALBAN BIRGAMIZ!
#BIRGA YENGAMIZ!

Аъзо бўлинг каналга;
https://t.iss.one/Deputatlar_minbari

#БИР_ОВОЗДАН...

"Milliy tiklanish" demokratik partiyasi tashabbusi bilan ilgari surilgan Qonun loyihasi Oliy Majlis deputatlari tomonidan bir ovozdan qo'llab-quvvatlandi!

#BIRMIZ. QALBAN BIRGAMIZ!
#BIRGA YENGAMIZ!

Аъзо бўлинг каналга;
https://t.iss.one/Deputatlar_minbari

Ижроия қўмитанинг навбатдаги йиғилиши бўлиб ўтди.

Ўзбекистон “Миллий тикланиш” демократик партияси
Марказий кенгаши Ижроия қўмитасининг навбатдаги йиғилиши бўлиб ўтди. Унда партия ва депутатлар фаолияти билан боғлиқ бир неча масалалар муҳокама қилинди.

Жумладан, партиянинг 2020 йилга мўлжалланган фаолиятининг устувор йўналишлари бўйича иш режасига ўзгартириш киритиш, Марказий кенгаш томонидан ўтказиладиган ўқувлар Концепсияси, “Йил депутати” танлови Низоми, Марказий кенгаш Ижроия қўмитаси девони Низоми ҳамда ходимларнинг лавозим йўриқномалари тўғрисидаги масалалар муҳокама қилинди.

Шунингдек, Наманган вилоятида Давлатобод тумани, Навоий вилоятида Ғозғон шаҳри, Тошкент шаҳрида Янгиҳаёт тумани ташкил этилгани муносабати билан ушбу туманларда партиянинг ҳудудий кенгашларини ташкил қилиш, партиянинг 2020 йилнинг шу даврига қадар амалга оширган молиявий харажатлари ва келгуси режалари билан боғлиқ масалаларга ҳам эътибор қаратилди.

Ижроия қўмита аъзолари йиғилиш кун тартибига киритилган масалалар бўйича ўз фикр ва таклифларини ўртага ташлади ва тегишли қарорлар қабул қилди.

ЎзМТДП Марказий кенгаши Ахборот хизмати.

#BIRMIZ. QALBAN BIRGAMIZ!
#BIRGA YENGAMIZ!

Аъзо бўлинг каналга;
https://t.iss.one/Deputatlar_minbari

“Миллий тикланиш” демократик партияси фракцияси жарималарни камайтирмоқчи.

Ўзбекистон «Миллий тикланиш» демократик партиясининг Олий Мажлис Қонунчилик палатасидаги фракцияси аъзолари Фарҳод Ашматов ва Козим Тожиевлар томонидан “Ўзбекистон Республикасининг Маъмурий жавобгарлик тўғрисидаги кодексига ўзгартиш ва қўшимчалар киритиш ҳақида”ги қонун лойиҳаси ишлаб чиқилди.

Маълумки, катта шаҳарларда пуллик автотураргоҳлар етишмаслиги боис, ҳайдовчилар ўз автомобилини белгиланмаган ёки рухсат этилмаган жойларда қолдиришга мажбур бўлмоқда. Бу эса катта миқдорда жарималар ёзилишига сабаб бўлаётир.
Амалдаги қонунчиликка кўра, бундай қоидабузарлик учун базавий ҳисоблаш миқдорининг (БҲМ) уч баравари (668 минг сўм), бир йил давомида такроран содир этилса беш баравари (1 млн. 113 минг сўм), учинчи марта содир этилса ўн баравари (2 млн. 225 минг сўм) миқдорида жарима солинади.

Россияда бу каби қоидабузарлик учун 3000 рубл (тахминан 415 минг сўм), қўшни Қозоғистонда 24 минг танга (тахминан 589 минг сўм), Қирғизистонда эса 3000 сом (тахминан 369 минг сўм) жарима солинади. Айрим давлатларда мазкур қоидабузарлик такроран содир этилса ҳам жарима миқдори ўзгармайди.

Шу боис, депутатлар мазкур ҳуқуқбузарлик учун жаримани БҲМнинг бир баравари (223 минг сўм) миқдорида белгилаш, ҳуқуқбузарлик такроран содир этилганда жарима миқдорини оширмаслик, яъни “Маъмурий жавобгарлик тўғрисида”ги кодексга йўл ҳаракати хавфсизлиги соҳасидаги айрим турдаги қоидабузарликларга нисбатан базавий ҳисоблашнинг “энг кам” ва “энг кўп” миқдорда белгиланган жарималарнинг минимал даражасини қўллаш таклиф қилинмоқда.

Шунингдек, депутатлар айрим ҳуқуқбузарликларга нисбатан жарималар миқдорини оқибатидан келиб чиққан ҳолда белгилаш, автотранспорт воситаларини рўйхатдан ўтган ҳудудидан қатъи назар, республиканинг исталган ҳудудида техник кўрикдан ўтказишга рухсат бериш, ҳайдовчилик гувоҳномаларини бериш жараёнларида инсон омилини камайтиришга қаратилган замонавий ахборот-коммуникация технологияларини кенг жорий этиш ва гувоҳнома йўқотган (ўғирланган, ёнғин, табиий офат оқибатида ва бошқа ҳолларда) шахсларга дубликат бериш тартибини соддалаштириш бўйича ҳам амалдаги қоидаларга ўзгартиш ва қўшимчалар киритиш таклифи ишба чиқилди.

ЎзМТДП Марказий кенгаши Ахборот хизмати.

#BIRMIZ. QALBAN BIRGAMIZ!
#BIRGA YENGAMIZ!

Аъзо бўлинг каналга;
https://t.iss.one/Deputatlar_minbari

МИЛЛИЙ ТИКЛАНИШ ПАРТИЯСИ;

ЎЗБЕКИСТОН ҚАҲРАМОНИ ПАРТИЯМИЗНИ ТАНЛАДИ.

Қорақалпоғистон Республикасидан биринчи бўлиб Ўзбекистон Қаҳрамони унвонини олган қаҳрамон аёл - Онесия Сайтова «Миллий тикланиш» партиясини танлади. Шу билан бирга қатор халқаро танловлар ғолибаси, истъедодли шоира Минара Қалбаева ҳам эндиликда партиямиз аъзоси.

ЎзМТДП Қорақалпоғистон Республикаси кенгаши Ахборот хизмати.

#BIRMIZ.QALBAN BIRGAMIZ!
#BIRGA YENGAMIZ!

Аъзо бўлинг каналга;
https://t.iss.one/Deputatlar_minbari

"МИЛЛИЙ ТИКЛАНИШ" ОЧИҚ ҲИСОБОТ

Сайловга 1 йил бўлди!

#BIRMIZ.QALBAN BIRGAMIZ!
#BIRGA YENGAMIZ!

Аъзо бўлинг каналга;
https://t.iss.one/Deputatlar_minbari

МИЛЛИЙ ТИКЛАНИШ ПАРТИЯСИ;

Матбуот анжумани

#BIRMIZ. QALBAN BIRGAMIZ!
#BIRGA YENGAMIZ!

Аъзо бўлинг каналга;
https://t.iss.one/Deputatlar_minbari

МИЛЛИЙ ТИКЛАНИШ ПАРТИЯСИ;

Матбуот анжумани

#BIRMIZ. QALBAN BIRGAMIZ!
#BIRGA YENGAMIZ!

Аъзо бўлинг каналга;
https://t.iss.one/Deputatlar_minbari

Тараққиётга илм-маърифат ва инновация билан эришамиз.

Таъкидлаш лозим, Муҳтарам Президентимиз Шавкат Мирзиёевнинг Олий Мажлисга Мурожаатномаси том маънода муҳим тарихий воқеа бўлди. Чунки унда мамлакатимиз тараққиёти билан боғлиқ барча масалалар ниҳоятда синчковлик билан таҳлил қилинди. 2021 йилда амалга ошириладиган ишларнинг асосий йўналишлари белгилаб берилди.

Айниқса, янги йилга “Ёшларни қўллаб-қувватлаш ва аҳоли саломатлигини мустаҳкамлаш йили” деб ном берилгани Ўзбекистон ёшларини янги яратувчилик ишларига илҳомлантирди. Юртбошимизнинг “Биз Ўзбекистонни ривожланган мамлакатга айлантиришни мақсад қилиб қўйган эканмиз, бунга фақат жадал ислоҳотлар, илм-маърифат ва инновация билан эриша оламиз. Бунинг учун, авваламбор, ташаббускор ислоҳотчи бўлиб майдонга чиқадиган, стратегик фикр юритадиган, билимли ва малакали янги авлод кадрларини тарбиялашимиз зарур. Шунинг учун ҳам боғчадан бошлаб олий ўқув юртигача – таълимнинг барча бўғинларини ислоҳ қилишни бошладик”, деган сўзлари мамлакатимизда узлуксиз таълим тизимида амалга оширилаётган ислоҳотларнинг кўламини яққол намоён этди.

Янги йилда олий маълумот олишга иштиёқи баланд, ўз устида ишлаб, илмли бўламан деган ёшларга янада кенг имкониятлар яратилади. Жумладан, мактаб битирувчиларининг олий таълим билан қамраб олиш даражаси 50-60 фоизга етказилади. Олий таълимга қабул грантлари миқдори икки маротаба кўпайтирилади. Қизларимиз учун эса алоҳида грантлар ажратилади.

Камбағалликни камайтириш давлатимиз раҳбарининг доимий диққат марказидаги муҳим ижтимоий масала бўлиб келган. Шу боис, Мурожаатномада Жаҳон банки, БМТнинг Тараққиёт дастури ва бошқа халқаро ташкилотлар билан бирга камбағалликни камайтириш бўйича дастурлар ишлаб чиқиш таклифи билдирилди. Шунингдек, жойлардаги ижтимоий муаммоларни ҳал этишга оид тадбиркорлик ташаббусларини, айниқса, ёшлар ва аёллар тадбиркорлигини қўллаб-қувватлашга устувор аҳамият бериш зарурлиги таъкидланди. 2021 йилда хотин-қизлар ва ёшларни қўллаб-қувватлаш борасидаги ишларни янги босқичга кўтариш мақсадида 5,5 минг нафардан ортиқ аёлларнинг кичик бизнес йўналишидаги лойиҳаларига 100 миллиард сўм миқдорида имтиёзли кредит ажратилади.

Албатта, ҳамма ҳам тадбиркор бўла олмайди. Шу сабабли, бундай фуқаролар билан тизимли иш олиб бориб, касбга қайта тайёрлаш орқали уларни муносиб иш жой билан таъминлаш лозимлиги, ушбу мақсадлар учун 700 миллион доллар жалб қилиниши маълум қилинди. Шунингдек, ижтимоий ҳимояга муҳтож хотин-қизларни тадбиркорлик марказларида қисқа ўқув курсларида 5 та муҳим ташаббус доирасида ўқитиш ташкил этилади. Давлатимиз раҳбарининг: “Биз янги иш ўринларини яратадиган тадбиркорларни ҳар томонлама қўллаб-қувватлашимиз, таъбир жоиз бўлса, уларни елкамизда кўтаришимиз керак”, деган сўзлари 2021 йилда ҳам тадбиркорликни ривожлантириш кўлами нақадар кенг миқёсли бўлишидан далолати беради.

Мурожаатнома Ўзбекистон “Миллий тикланиш” демократик партиясининг 2020-2024 йилларда мўлжалланган Сайловолди дастурида муҳим вазифалардан бир сифатида белгиланган маданий мерос объектларига ҳам тўхталди. Жумладан, юртимизда 8 минг 200 дан зиёд маданий мерос объекти мавжуд бўлиб, туризм маршрутларига уларнинг атиги 500 таси киритилгани. Ҳукуматга уч ой муддатда зиёрат ва анъанавий туризмни ривожлантириш мумкин бўлган маршрутлардаги объектлар сонини 800 тага етказиш бўйича чора-тадбирларни белгилаш вазифаси юклатилди. Шунингдек, ЮНЕСКОнинг Умумжаҳон моддий маданий мероси ва номоддий маданий мероси рўйхатига янги объектларни киритишни тезлаштириш лозимлиги таъкидланди.

Умуман олганда, Мурожаатномада кўтарилган асосий масалалар партия ғоялари билан ҳамоҳанг. Шу маънода, Мурожаатномада белгиланган вазифалар ижросини таъминлаш партиямиз ва барча даражадаги депутатларга катта масъулият юклайди.

Назир СОБИРОВ
Олий Мажлис Қонунчилик палатаси депутати
“Миллий тикланиш” демократик партияси фракцияси аъзоси.

#BIRMIZ QALBAN BIRGAMIZ!
#BIRGA YENGAMIZ!

Аъзо бўлинг каналга;
https://t.iss.one/Deputatlar_minbari

Хотин-қизлар билимли бўлса...

Муҳтарам Президентимиз томонидан 2021 йил мамлакатимизда Ёшларни қўллаб-қувватлаш ва аҳоли саломатлигини мустаҳкамлаш йили деб эълон қилиниши юртимиз ёшларининг ҳаётида катта ўзгаришларга йўл очиб, келажагимиз пойдеворининг янада мустаҳкамланишини таъминлайди. Бундай эътироф ва эътибор ёшларнинг кучига куч, шижоатига шижоат кўшади, албатта.

Мурожаатномада ёшлар камолоти ва таълим-тарбиясига алоҳида тўхталиб, чекка қишлоқларда ҳам таълим сифатининг бирдек бўлиши, ўқувчиларни мактабдан касбга йўналтириш бўйича жуда долзарб ва аниқ вазифаларга тўхталиб ўтилди.

Давлатимиз раҳбари олий таълимни ривожлантириш масалаларига тўхталиб, жорий йилда ОТМга давлат гранти асосида қабул қилинадиганлар сонини 25 фоизга оширилишини маълум қилди. Шунингдек, аъло баҳоларга ўқиётган ижтимоий ҳимояга муҳтож оилалар қизлари учун грантлар сони 2 бараварга кўпайтирилиши, қўшимча стипендия жорий этилишини эшитиб, беихтиёр билимга чанқоқлиги янада ортаётган қизларнинг қувонч ва шодлиги кўз олдимдан ўтди.

Чунки хотин-қизлар билимли бўлса, улар келажакда фарзандларига яхши таълим-тарбия бериб, шу орқали мамлакат равнақига ўз ҳиссасини қўшадилар. Оиласида бахт топиб, ҳаётидан кўнгли тўлиб яшайди ва жамиятда ўз ўрнига эга бўладилар.
Ўзбеклар азал-азалдан етимнинг бошини силаган, муҳтожларга қўлидан келганича ёрдам қўлини чўзган, қийналганларга далда бўлган, бағрикенг халқдир. Жорий йилдан бошлаб чин етимларни уй билан таъминлаш, имконияти чекланган болалар учун мактабгача таълимни уйда бериш тизимининг йўлга қўйилиши юқоридаги фикримизнинг тасдиғидир.

Мурожаатномада Президентимиз томонидан илгари сурилган таклиф ва ташаббусларнинг мазмун-моҳиятини ўз электорати, ҳар бир сайловчисига етказиш, белгиланган вазифаларни бирлашган ҳолда амалга оширишда Ўзбекистон «Миллий тикланиш» демократик партияси фаоллик кўрсатиши шубҳасиз. Чунки Мурожаатномада инсонни ўзгартириш орқали жамиятни ўзгартиришдек эзгу мақсад ҳам мужассам.

Турсиной МУРАТОВА
Олий Мажлис Конунчилик палатаси депутати
“Миллий тикланиш” демократик партяиси фракцияси аъзоси.

#BIRMIZ QALBAN BIRGAMIZ!
#BIRGA YENGAMIZ!

Аъзо бўлинг каналга;
https://t.iss.one/Deputatlar_minbari

Деҳқон халқни, халқ эса мамлакатни ҳам бой, ҳам қудратли этади.

Президентимиз Олий Мажлис ва халқимизга йўллаган Мурожаатномасида барча соҳалар қатори қишлоқ хўжалигида ҳам келгуси йилда амалга ошириладиган ишларга тўхталиб ўтдилар.

Хусусан, қишлоқ жойларида камбағалликни қисқартириш ва аҳолининг даромадларини оширишда ердан олинадиган ҳосилдорлик ва самарадорликни ошириш энг тез натижа берадиган омил эканлиги айтиб ўтилди. Бу натижага эришишда устувор вазифа этиб ҳар бир гектардан олинадиган даромадни ҳозирги 2 минг доллардан камида 5 минг долларга етказиш белгиланди. Албатта, даромадни кескин ошириш учун қишлоқ хўжалигида маҳсулот етиштиришнинг барча жабҳасида энг илғор технологиялар, сув тежайдиган технологиялар, биотехнологиялар, уруғчилик, илм-фан ютуқлари ва инновацияларни жалб этишимиз зарурлиги таъкидланди.

Барча соҳалар ривожининг омили бўлган манфаатдорлик ва адолат мезони қишлоқ хўжалигидаги ўзгариш ва ўсишга сабаб бўлиши, хусусан, фермер ва деҳқонларимизнинг манфаатдорлигини оширишга эътибор беришимиз кераклиги қайд этилди. Бундан ташқари, барча вилоятларда ернинг сифатини яхшилаш, касалликларга қарши курашиш, уруғликларни танлаш билан боғлиқ 100 дан ортиқ муҳим агрохизматларни кўрсатадиган қишлоқ хўжалиги бўйича билим ва инновациялар марказлари ташкил этилиши белгилаб берилди.

Эътиборли томони, 2021 йилда қишлоқ хўжалигини модернизация қилиш, рақамлаштириш, ер унумдорлигини ошириш, агротехнологияларни жорий этишга илк бор 600 миллион доллардан зиёд кредит ва грант маблағлари жалб қилинади.

Президентимиз ердан фойдаланиш ҳуқуқларини кафолатлашга тўхталиб, ерларни бозор активларига айлантириш масаласини кўриб чиқиш вақти келганини айтиб ўтди. Ушбу вазифа негизида Олий Мажлис Қонунчилик палатаси Аграр ва сув хўжалиги масалалари қўмитаси аъзоси сифатида келгусида ер муносабатлари соҳасидаги қонунчиликни такомиллаштиришда инобатга олишимиз лозим бўлган вазифаларни кўз олдимизга келтирдим. Хусусан, шу кунларда янги таҳрирдаги Ер кодексининг дастлабки варианти қўмитамизда муҳокама қилиниб, тегишли вазирлик ва идоралардан таклифлар олишда давом этмоқдамиз.

Ўзбекистон “Миллий тикланиш” демократик партиясининг Сайловолди дастурида қишлоқ хўжалигини саноатлаштиришни кучайтириш, “ақлли қишлоқ хўжалиги” технологияларини жорий этишга қаратилган ислоҳотларни амалга ошириш, ишлаб чиқарувчиларнинг моддий манфаатдорлигини кучайтириш, хусусий мулкни кафолатлашга қаратилган чора-тадбирлар белгиланган. Чунки мамлакатимиз аҳолисининг асосий қисми қишлоқларда яшайди ва шу соҳа ишлари билан банд. Шу маънода, деҳқонларимиз, халқимиз бой бўлса, мамлакат ҳам бой, қудратли бўлади.

Аъзамжон ТЎЛАБОЕВ
Олий Мажлис Қонунчилик палатаси депутати
ЎзМТДП фракцияси аъзоси.

#BIRMIZ QALBAN BIRGAMIZ!
#BIRGA YENGAMIZ!

Аъзо бўлинг каналга;
https://t.iss.one/Deputatlar_minbari

Qonun ustuvor va adolat bo‘lsin!

O‘zbekiston Respublikasi Prezidentining Oliy Majlisga Murojaatnomasini qayta-qayta o‘qib, haqiqatan, 2021-yil mamlakatimiz ijtimoiy-siyosiy, iqtisodiy, maʼnaviy-maʼrifiy hayotida tub islohotlar yili bo‘lishini his qildim. Dasturilamalda barcha sohalardagi muhim masalalar atroflicha muhokama qilindi. Eng asosiysi, har bir tashabbusni, belgilangan vazifalarni amalga oshirish uchun uning moliyaviy manbasi va ijrochisi aniq ko‘rsatib berildi. Bu esa Murojaatnomada qamrab olingan masalalar hayotda o‘z aksini topishining kafolatidir.

Davlatning iqtisodiyotdagi ishtirokini kamaytirish, davlat ulushi bor korxonalarda transformatsiya jarayonini boshlash, soliq to‘lovchilarning puliga kun kechirayotgan, davlat byudjetiga ortiqcha yuk bo‘layotgan korxonalarning davlat ulushini strategik investorlarga sotish mamlakat iqtisodiy o‘sishini taʼminlashga, xorijiy investorlarni hamkorlikka chorlashga, asosiysi, ish o‘rinlarini yaratishga xizmat qilishi aniq. Xususan, “O‘zbekneftigaz”, “O‘zbekgidroenergo”, “O‘zavtosanoat” kabi 30 dan ortiq strategik ahamiyatga ega korxona transformatsiya qilinadi, 80 dan ziyod korxonadagi davlat ulushi sotiladi.

Xalq vakillari sifatida biz deputatlar mazkur jarayonlarni diqqat bilan kuzatib borishimiz, savdolar ochiq va shaffof tarzda, milliy manfaatlarni inobatga olgan holda o‘tkazilishida parlament nazoratini kuchaytirishimiz zarur bo‘ladi.

Albatta, begona yurtga sarmoya kiritmoqchi bo‘lgan har qanday investor ushbu mamlakatda mulk daxlsizligi taʼminlanishi, yaʼni qonun ustuvor bo‘lishi, davlatning iqtisodiyotga aralashuvi hamda tadbirkorlik faoliyatini olib borish uchun infratuzilmaning mavjudligiga jiddiy eʼtibor beradi. Shu ma’noda, Murojaatnomada bu masalalar yechimiga alohida urg‘u qaratildi.

Murojaatnomada zikr etilgan yana bir muhim yangilik –huquqlarini himoya qilish, investitsiyaviy nizolar va raqobatga oid ishlarni ko‘rish uchun yirik investorlar Oliy sudga murojaat etishlari mumkin bo‘ladi. Bu bilan investorlarning mamlakatimizda qonun ustuvorligiga ishonchlari ortadi.

Prezidentimiz Murojaatnoma orqali uzoqni nazarda tutgan muhim islohotlarga tamal toshini qo‘ydi. Zero, qonun ustuvor bo‘lgan, kuch adolatga bo‘ysungan yurtda hamisha farovonlik, rozilik va yuksalish bo‘ladi.

Nodirbek TILAVOLDIYEV,
Qonunchilik palatasi deputati, O‘zMTDP fraksiyasi aʼzosi

#BIRMIZ. QALBAN BIRGAMIZ!
#BIRGA YENGAMIZ!

Аъзо бўлинг каналга;
https://t.iss.one/Deputatlar_minbari

O'zMTDP fraksiyasi yig'ilishi.

O‘zbekiston “Milliy tiklanish” demokratik partiyasi fraksiyasining yig‘ilishi ayni daqiqalarda bo'lib o'tmoqda. Deputatlar dastlab jarimalar miqdorini kamaytirish bo‘yicha “Maʼmuriy javobgarlik to‘g‘risidagi kodeksga o‘zgartishlar kiritish haqida”gi qonun loyihasini ko‘rib chiqadilar.

Maʼlumki, ushbu qonun loyihasi O‘zMTDP fraksiyasi aʼzolari Farhodbek Ashmatov va Kozim Tojiyevlar tomonidan ishlab chiqilgan bo‘lib, epidemiyaga qarshi kurash qoidalari, transport vositasidan chiqindi uloqtirish, transport vositalaridan shaxsiy boylik orttirish maqsadida foydalanish va yo‘llarga, yo‘l inshootlariga, yo‘l harakatini tartibga soluvchi texnik vositalarga shikast yetkazish, ularni saqlash qoidalarini buzganlarga nisbatan eng kam jarimani qo‘llash, yo‘l-transport hodisasi yuz bergan joydan ketib qolgani uchun belgilangan jarima miqdori huquqbuzarlikning ayblilik darajasidan kelib chiqib belgilash, shuningdek, to‘xtash yoki to‘xtab turish qoidalarini buzganligi uchun belgilangan jarimalarni kamaytirish va qoidabuzarlik takroran sodir etilganda jarima miqdorini oshirmaslikni nazarda tutadi.
Zoom: https://us02web.zoom.us/j/83394838551?pwd=WC9ROUdTS1dnSXhwNGlXVmpNMU5aZz09

#BIRMIZ. QALBAN BIRGAMIZ!
#BIRGA YENGAMIZ!

Аъзо бўлинг каналга;
https://t.iss.one/Deputatlar_minbari

O'z yurtini, xalqi va o'zligini har qanday xavfdan himoya qilgan, qilayotgan hamda qilishga tayyor bo'lgan Vatan himoyachilari!

"Milliy tiklanish" demokratik partiyasi Sizga mustahkam sog'lik, irodangiz baland bo'lishini tilaydi.

Xalqimiz sizlar bilan faxrlanadi.

14-YANVAR - VATAN HIMOYACHILARI KUNI.

"Milliy tiklanish" demokratik partiyasi Axborot xizmati

#BIRMIZ. QALBAN BIRGAMIZ!
#BIRGA YENGAMIZ!

Аъзо бўлинг каналга;
https://t.iss.one/Deputatlar_minbari

Xalqimizga sadoqat bilan xizmat qilish – faoliyatimiz asosi.

O‘zbekiston “Milliy tiklanish” demokratik partiyasi Markaziy kengashi tomonidan 14-yanvar – Vatan himoyachilari kuni munosabati bilan “Xalqimizga sadoqat bilan xizmat qilish – faoliyatimiz asosidir!” shiori ostida maʼnaviy-maʼrifiy tadbir tashkil etildi. O‘zbekiston Respublikasi Mudofaa vazirligi toifalangan obyektlarni qo‘riqlash qo‘shinlari qo‘mondonligi bilan hamkorlikda o‘tkazilgan tadbirda partiya aʼzolari, faollar va harbiylar ishtirok etdi.

– Xalqimiz xotirjamligi harbiylarimiz xotirjamligiga bog‘liq, – dedi tadbirda so‘zga chiqqan “Milliy tiklanish” demokratik partiyasi Markaziy kengashi raisi o‘rinbosari Feruza Muhammedjanova. – Vatan faqat jang maydonida himoya qilinmaydi. O‘z ishini fidoyilik bilan bajarib, mamlakatimiz ravnaqiga faol hissa qo‘shish, doimo hushyor va ogoh bo‘lib, tinchlik-osoyishtalikni asrab-avaylash ham el-yurtni mudofaa qilishdir. Yurtimizda tinchlik va barqarorlik taʼminlanib, barcha sohalarda ulkan yuksalishga erishilayotgan ekan, bu butun xalqimizning katta yutug‘idir. Va bu bizni yagona maqsadga – yurtimizdagi tinchlik va osoyishtalikni qadrlab, xalqimiz tanlagan mustaqil taraqqiyot yo‘lini izchil davom ettirishga undaydi.

Tadbirda taʼkidlanganidek, O‘zbekiston Qurolli kuchlari o‘tgan yillar davomida har tomonlama takomillashib bordi. Harbiy texnikalar zamonaviylari bilan to‘ldirildi. Harbiy xizmatchilarning malakasi esa yildan yilga oshirib borilmoqda. Natijada, O‘zbekiston armiyasi qisqa vaqt ichida nafaqat mintaqada, balki dunyodagi qudratli armiyalardan biriga aylandi. Masalan, “Global Firepower” reytingida mamlakatimiz qurolli kuchlari 137 mamlakat orasida 48-o‘rinni egalladi. Markaziy Osiyoda esa yetakchiga aylandi.

– Albatta, bu boradagi ishlar to‘xtagani davom ettirilmoqda. Sababi, dunyodagi vaziyat shiddat bilan o‘zgarib, xavfsizlikka nisbatan tahdid va xatarlar tobora kuchayib borayotgan hozirgi sharoitda qurolli kuchlarni modernizatsiya qilish va ularning jangovar tayyorgarligi, mamlakatga qarshi qaratilgan har qanday tajovuzga o‘z vaqtida va munosib zarba berish qobiliyatini oshirishni taʼminlash alohida ahamiyat kasb etmoqda, – dedi Mudofaa vazirligi toifalangan obyektlarni qo‘riqlash qo‘shinlari qo‘mondonining maʼnaviy-maʼrifiy ishlar bo‘yicha o‘rinbosari Tolib Mirzayev.

Ma’lumki, kuni kecha Prezidentimiz Qurolli Kuchlar Akademiyasiga tashrifi davomida harbiy-maʼmuriy sektorlar faoliyatining 2020-yil yakunlari hamda kelgusidagi ustuvor vazifalarga bag‘ishlangan yig‘ilish o‘tkazdi. Bugungi tadbirda davlatimiz rahbarining mazkur yig‘ilishdagi maʼruzasi mazmun-mohiyati haqida ham so‘z bordi.
Maʼnaviy-maʼrifiy tadbirda yosh ijodiy jamoalarning chiqishlari ishtirokchilarga yanada ko‘tarinkilik bag‘ishladi.

O‘zMTDP Markaziy kengashi Axborot xizmati.

#BIRMIZ. QALBAN BIRGAMIZ!
#BIRGA YENGAMIZ!

Аъзо бўлинг каналга;
https://t.iss.one/Deputatlar_minbari

ДЕПУТАТ ТАШАББУСИ БИЛАН КЛУБ ОЧИЛДИ.

Халқ депататлари Бектемир туман кенгашининг 33-сессияси кун тартибига Халқ депутатлари Бектемир туман кенгашига ЎзМТДПдан сайланган депутат Заррина Абдуллаева томонидан кенгаш қошида “Хотин-қизлар ва ёшлар клуби”ни очишга доир таклиф киритилган эди.

Кенгашнинг 34-сессиясида ушбу ташаббус атрофлича муҳокама қилинди ва сессия иштирокчилари томонидан бир овоздан қўллаб-қувватланди.

Сессияда клубнинг Низоми ҳам тасдиқланди. Бу клубнинг ташкил қилиниши депутат ҳамда аёллар ва ёшлар ўртасида очиқ мулоқот майдони бўлиб хизмат қилиши, уларнинг муаммоларини тезкорлик билан аниқлаб, ечими юзасидан аниқ чора-тадбирлар белгилашга қаратилганлиги билан ҳам аҳамиятли бўлди.

Клуб ташкил этишдан кўзланган асосий мақсад, туман хотин-қизлари, ёшлари ҳамда Халқ депутатлари Кенгашининг ҳамкорлигини мустаҳкамлаш, депутатларнинг ўз округларида хотин-қизлар ва ёшларга оид қонун ҳужжатлари ижросини назоратга олиш, идоралараро хусусиятга эга бўлган масалаларни ҳал этишда ҳамкорлик қилиш ва ўзаро тажриба алмашишдан иборатдир.

Ушбу вазифаларни амалга ошириш учун тумандаги қатор мутасадди ташкилот вакилларидан иборат кучли таркибдаги экспертлар гуруҳини шакллантириш ҳам кўзда тутилган.

Шунингдек, хотин-қизлар ва ёшлар учун мунтазам хуқуқий маслаҳатлар бериб бориш режлаштирилган.

Жойларда бу каби клублар фаолиятининг йўлга қўйилиши фаолият самарадорлигини ошириш, асосийси, халқни рози қилиш йўлида қўйилган яна бир дадил қадамдир.

Лайлохон МУХИТДИНОВА,
ЎзМТДП Тошкент шаҳар Кенгаши етакчи мутахассиси.

#BIRMIZ, QALBAN BIRGAMIZ!

Аъзо бўлинг каналга;
https://t.iss.one/Deputatlar_minbari