АДЛИЯ ВАЗИРЛИГИДАН БОШҚОТИРМА;

“Ақл чархи” рукнидаги навбатдаги жумбоқ билан танишинг ҳамда ўз билимингиз ва иқтидорингизни синовдан ўтказинг.

ҚОПҚОНГА ТУШГАН БОСҚИНЧИ

Туман жиноят қидирув бўлими бошлиғи қўлидаги ҳужжатлар, суратларга тикилганча ўйга толди: “Бир ойда учинчи бор худди шу тахлит жиноят. Бу Тўлаган деганлари роса пихини ёрган чиқди”.

Тўлаган ўғри шаҳарда пайдо бўлганига унча кўп бўлгани йўқ. Унинг қиёфасини аниқ кўрган кишиниям топиш маҳол. “Кўрдим” деганларнинг кўрсатмалари ҳам бир-бирига тўғри келмайди. Кимдир уни шляпали, ёши элликка яқинлашган деса, яна кимдир ҳали ўттизга бормаган, соқол қўйиб юрадиган йигитча деб тасвирлайди. У қиёфасини тез-тез ўзгартириб туради, лекин юриши, бўй-басти, қадам ташлаши ўзгармайди. У қаерники ўмарган бўлса, ўзидан бир энлик қоғоз қолдириб, унга шундай ёзади: “Тўлагандан салом”.

Қиш кунларининг бирида туманда яна бир ўғирлик юз берган. Машинасини сотган бир одамнинг уйига оқшомда ниқоб тақиб ўғриликка тушган Тўлаган уй эгасининг бўғзига пичоқ тираб “Жонингдан умидинг бўлса пулни чиқар” деб қўрқитган. Сўнг пулни олгану кўздан ғойиб бўлган.

Уй эгаси зумда ички ишлар бўлимига хабар бергач, изқуварлар воқеа жойига етиб келишди. Жабрланувчининг фикрларига таяниб, овозидан 30-40 ёшлардаги эркак киши эканини тахминлашган, холос.

Кечаси ёққан қор изқуварларнинг ишини анча осонлаштирди: янги пиёда излари уларнинг эътиборини тортди. Яқин орада бу кўчадан бошқа биров юрмаган. Бегона машина излари ҳам кўринмайди. Демак, у пиёда келган. Жабрланувчи ҳам ҳеч қандай машина шовқинини эшитмаган.

Излар бир кўча наридаги меҳмонхонага бошларди. Тезкор гуруҳ раҳбари икки нафар ходим билан меҳмонхонага етиб келди.

– Кечаси кимдир меҳмонхонага келиб жойлашдими?

– Йўқ. Аммо кеча соат саккизларда меҳмонхонага жойлашган бир мижоз кечаси қаергадир чиқиб, ярим соатлардан сўнг қайтиб келди.

– У қайси хонада?

Ходим унга хона рақамини бераркан:

– У хонада ёлғиз эмас, шериклари ҳам бор, – деб қўшиб қўйди.

Изқувар тепага кўратилиб, хонани тезликда очаркан “Ҳеч ким жойидан қимирламасин” деди тўппонча ўқталиб. Хонадаги тўртовлон ўша заҳотиёқ ўрнидан туриб қўлини кўтарди.

– Тўлаган деганлари шу бўлади, – деди гуруҳ раҳбари қатъий. – Дарҳол уни кишанлаб олиб чиқинг!
Ходимлар унинг айтганини қилишди.

Савол: Тезкор гуруҳ раҳбари тўрт киши орасидан Тўлаганни бир қарашда қандай аниқлаган бўлиши мумкин?

Жавобларингизни изоҳларда қолдиришингиз мумкин. Жумбоқнинг жавоби бугун соат 18:00 да эълон қилинади.

Хаволага кириб овоз беринг жавоб тақдим этинг, азиз юртдош!

https://t.iss.one/huquqiyaxborot/8554

Юқоридаги ссылкада;


Аъзо бўлинг каналга;
https://t.iss.one/Deputatlar_minbari

#ЗИЙРАКЛИКНИ_СИНОВДАН_ЎТКАЗАМИЗ...
#ШЕРЛОКЛАР_БОРМИ?

#Ақл_чархи_рукни
даги жумбоқ билан танишинг ҳамда ўз билимингиз ва иқтидорингизни синовдан ўтказинг.

ХАВФСИЗЛИК КАМАРИНИНГ “КАРОМАТИ”

Ўтган асрнинг 70-йиллари. АҚШнинг Луизиана штатига қарашли Сент-Жеймс шаҳарчасида машиналар оқими кўпая бошлаган пайтлар. Шаҳар кўчалари тор. Машиналар эса кўпайгандан-кўпайиб бормоқда эди. Йўл ҳаракати ҳодисалари туфайли жабр кўрганлар сони ҳам тобора ошмоқда.