МАКТАБГА КИТОБЛАР
#МАДИНА_БАРАТОВА

Ўзбекистон Республикаси Олий Мажлиси Қонунчилик палатаси депутати Мадина Баратова Бухоро шаҳрида туғилиб ўсган ва шу ерда ҳозирги 22-сон ИДУМда таълим олган.Мактабдан сўнг Бухоро давлат университетининг филология факультетида ўқиб,хорижий тил мутахассислигини олган ва ўз соҳаси билан бирга Ёшлар иттифоқи вилоят бўлимида фаолият кўрсатиб келган.

Олий Мажлиснинг 35ёшли депутати бугун ўзи ўқиган мактабга ташриф буюрди.Ташрифдан мақсад, Ёшлар куни муносабати билан“Янги Ўзбекистон ёшлари, бирлашайлик”шиори остида вилоят ҳокими тасдиқлаган тадбирларга иштирок этиш.Мадина Баратова тадбирлар дастуридан ўрин олган“Мактабимга китоб совға қиламан”акциясини чин дилдан қўллаб-қувватлади ва ўзи ўқиган мактабга 30 дан ортик бадиий,маърифий, илмий адабиётлардан иборат янги китобларни совға қилди.

Акция давом этмоқда. Мактабнинг собиқ битирувчилари орасида раҳбарлик лавозимларида ишлаётган маърифатли кадрлар кўп.Шу кунларда улардан ҳам юқоридаги ибратли ишни давом эттириш кутилмоқда.
#Д_М