#ДЕБАТ
ЖАХОНГИР МАМАЖОНОВ;

Таълимга этибор – келажакка пойдевор.

“Адолат” СДП Сиёсий Кенгаши раиси, президентликка номзоди қўйилган Баҳром Абдуҳалимовнинг “Квотадан воз кечиш – контракт нархини туширишнинг мақбул йўли эмасми?” номли талабаларга оид сенсацион таклифини ўқиб қолдим.

БАТАФСИЛ
https://m.facebook.com/story.php?story_fbid=687867459282469&id=100113808057840
ХАВОЛАДА.

@Deputatlar_minbari

#ДЕБАТ_ДАВОМ_ЭТМОҚДА...
БАҲРОМ АБДУҲАЛИМОВ;

Ҳамфикрликми ёки осон усулга учиш?

“Миллий тикланиш” ДП раиси муносабат ва мурожаатлар билан ҳарчанд чиқишлар қилмасин, “Адолат” СДПнинг мазкур сиёсий лидерга нисбатан “кўчирмакаш” деган тасаввурини синдира олмаяпти. Бу партия ўз қарашларига ва танлаган йўлига эгалигига ишонишни хоҳлаяпмиз, аммо вазият борган сари тескари томонга қараб кетмоқда.

Алишер Қодиров навбатдаги чиқишида олий маълумот олиш иштиёқи бўлган ёшларга имконият бериш ғояси билан чиққанида “Хўш, кейинчи?” дея янги фикр эшитиш илинжида диққатимизни қаратдик. У эса кириш имтиҳонларини осонлаштириб, 1–2 йил ичида зўрлар ва зўракиларни ажратиб олишни ва уларга давлат ва бизнес грантларини тақдим этишни таклиф этиб, яна бир бор бизни эски фикримизга, ўша баҳоимизга қайтишга мажбур қилди.

Зотан, сайловолди дастуримда “Олий таълим тизимига рейтинг амалиётини киритамиз ва йил якунлари бўйича энг юқори рейтингга эга бўлган талабаларни грант асосида, рейтинги паст бўла туриб грантта ўқийдиган талабаларни контракт асосида ўқиш учун рўйхатларни қайта кўриб чиқиш тартибини ўрнатамиз” дея аниқ-тиниқ ёзиб қўйилган. Қодиров чиндан ҳам ўзининг таъбири билан айтганда “ҳамфикр”ми ёхуд ташаббус кўрсатишда рақиб партия ғояларини осонликча ўзлаштиришдек осон ва сиёсий лидерга ярашмаган услубни қўллашни афзал кўрадими? 

“Олий таълим олиш учун ‘кириш осон, лекин чиқиш қийин’ тизим бўлиши тарафдориман” дейди Қодиров баралла. Лекин бу гап сайловчилар учун янгилик эмас. Бу ғоя “Адолат”чилар тилидан аллақачон ва кўп бор янграб бўлган. Мисол учун, 2020 йил 24 сентябрь куни, (тасодифни қарангки – ўзингиз депутат этиб сайланган Жиззах вилоятида) “Адолат”нинг ҳудудий Кенгаши томонидан ўтказилган тадбирда (https://adolat.uz/news/otmga-kirish-oson-oqish-qijin-bolsa) олий таълим муассасаларига кириш осон, ўқиш қийин бўлишини таъминловчи тизим жорий этилиши таклиф сифатида билдирилган. Тадбирда фаолларимиз ёшлар талаба бўлгунга қадар эмас, олий маълумот олишгача бўлган вақтда ҳам пухта билим олишга интилиши кераклиги, ўқишга кириш эмас, ўқиш – олий таълим даргоҳларида босқичдан босқичга ўтиш ва битириш мураккаблаштирилиши ташаббуси билан чиқилган. Бу бир мисол холос, партиянинг ушбу ғояси бошқа давраларда ҳам кўп бор тилга олинган.

Хулоса – халқдан. Жамиятда муаммолар кўп, уларни ҳал этиш йўлида барчадан ўзига хос янги ташаббуслар талаб этилиши ортиқча исбот талаб қилмайдиган ҳақиқатдир. Ҳар ҳолда, биз шундай ҳисоблаймиз.

Баҳром АБДУҲАЛИМОВ
“Адолат” СДП Сиёсий Кенгаши раиси.

#ДЕБАТ_ДАВОМ_ЭТМОҚДА
#ПРЕЗИДЕНТЛИККА_НОМЗОД
МАҚСУДА ВОРИСОВА;

Кучсиз одам тажрибасизроқ рақиб танлайди.

Бугунги гапи эртага тўғри келмайдиган “Миллий тикланиш”нинг “сўзамол” номзоди ҳар доимгидек осон, енгил йўл қидираётганга ўхшайди.

Ғоявий-мафкуравий курашнинг уддасидан чиқа олмагани учун бошқа партияларнинг номзодларига, уларнинг шахсиятига ташланиб кўрди.

Баҳсли чиқишлардан кейин “Миллий тикланиш” номзодининг рейтинги пастга шўнғиб боряпти.

Ўзбекистон сиёсий саҳнасида биринчи бўлиб пайдо бўлган тажрибали партиямизга эски даврни қўмсаш айбини қўйишга уринганлар ниятига эришолмай, энди “Адолат” СДПнинг сиёсат майдонида тажрибасизроқ раҳбари, партия номзодини дебатга, яъни баҳс-мунозарага чорлабди. Бу мақтаниладиган хусусият эмас.

Бугун сайловолди компаниясида бир-бирини айблаш эмас, ғоявий кураш олиб бориш муҳим. Сайловчига шу керак.

Сайловчига амалий дастурлар сув ва ҳаводек зарур. Шу сабабли халқимиз Президент сайловини катта умидлар билан кутаяпти.

Дебатлар масаласи фаол жамоатчилик томонидан энг кўп сўралаётган саволлардан бўлаётган экан, биз бу чақириққа жавоб беришимиз керак, деб ўйлайман.

Фақат сиёсий мунозарада ўзидан кейинроқдаги рақибларга эмас, олдироқда турган рақибларга қараб интилган маъқул...

Мақсуда Ворисова
Халқ демократик партиясидан Президентликка номзод.

@Deputatlar_minbari