ОЛИЙ ВА ЎРТА МАХСУС ТАЪЛИМ ВАЗИРЛИГИ;

​Хабарингиз бор, 20 июндан бошлаб абитуриентлардан онлайн ҳужжат қабул қилиш
https://t.iss.one/eduuz/4991
бошланди.

Катта эҳтимол билан абитуриентларнинг икки тоифаси ҳозирданоқ ҳужжат топширишни бошлаб юборишди. Булар, қайси йўналишга топширишни умуман ўйлашни ҳам хоҳламайдиган таваккалчилар ва бир неча йилдан бери абитуриент сифатида ҳужжат топшириб келаётган тажрибалилар.

Ҳали ҳужжат топширмаган абитуриентлар учун Eduuz тавсияси:

Қабул квотаси тасдиқлангандан сўнг рўйхатдан ўтинг.

Онлайн рўйхатдан ўтиш кўникмасига эга бўлмасангиз, бу борада тажрибага эга яқинлар ёки давлат хизматлари марказлари кўмагидан фойдаланинг.

Рўйхатдан ўтишдан аввал тайёрланган фанларингизга мос йўналишларни обдон ўрганиб аниқлаб олинг (йўналишларни қуйидаги файл орқали кўришингиз мумкин
https://t.iss.one/eduuz/4992).

Йўналишни танлаётганда шу йўналиш бўйича камида охирги 3 йилда ўтиш баллари ҳақида билиб олинг.
https://abt.uz/qabul-2020-2021
Агар сиз тайёргарлик жараёнида тўплаётган балингиз сўнгги 3 йилдаги ўтиш балидан юқори бўлса, демак, бу танловингиз талаба бўлиш эҳтимолини оширади.

Янги очилган йўналишлар билан қизиқинг.

Келажагингизни тасаввур қилолмайдиган йўналишни танламанг.

Рўйхатдан ўтишда маълумотларнинг тўғри тўлдирилишига эътиборли бўлинг.

Энг муҳими ўқишга киргизиб қўйишга ваъда берадиган фирибгарларга ишонманг, КОРРУПЦИЯ ҳолатлари иштирокчисига айланиб қолманг. Зеро, катта ҳаётдаги илк қадамингизни коррупция ботқоғига ботиришдан бошламанг.

#энг_яқинларимизга_ҳам_шуни_тавсия_қилдик

@Deputatlar_minbari

#Қабул_2021 | #АБИТУРИЕНТЛАР_ДИҚҚАТИГА

ЭЪЛОН! Eduuz тавсия этади.

Эртага, 25 июнь куни "Тараққиёт cтратегияси" марказида Ўзбекистон Республикаси Президентининг “2021/2022 ўқув йилида Ўзбекистон Республикасининг олий таълим муассасаларига ўқишга қабул қилишнинг давлат буюртмаси параметрлари тўғрисида”ги қарорининг мазмун моҳиятини етказишга бағишланган онлайн давра суҳбати ташкил этилади.

Давра суҳбатида барча қизиқувчилар соат 10:00 дан Zoom платформаси орқали иштирок этишлари мумкин.

Zoom платформаси орқали уланиш қуйида:

https://us02web.zoom.us/j/88451868698?pwd=UFRSWG5iRjAxZzhma3NKRzFHTUI1QT09

Идентификатор конференции:
884 5186 8698

Парол:
dsc123456

@Deputatlar_minbari

ОТА-ОНАЛАР МУРОЖААТИ ИНОБАТГА ОЛИНДИ.

#Қабул_2021
РАСМАН

Давлат комиссиясининг 2-сон баёни билан спорт мусобақаларида совринли ўринларни қўлга киритган спортчи-ўқувчилар ҳамда уларнинг ота-оналари мурожаатларини инобатга олган ҳолда, спорт турлари ҳамда паралимпиа спорт турлари бўйича Осиё ва Республика чемпионатларида охириги уч йилда ғолиб ва совриндор бўлган спортчи-ўқувчиларни қўллаб-қувватлаш мақсадида, истисно тариқасида, 2021/2022 ўқув йили қабулида фақат “Спорт фаолияти (фаолият турлари бўйича)” ва “Жисмоний маданият” бакалавриат таълим йўналишлари бўйича ўқишга кириш учун онлайн рўйхатдан ўтган ушбу тоифадаги абитуриентларни ўқишга қабул қилиш тартиби белгиланди.

Унга кўра:

- иккинчи мутахассислик фани (умумий жисмоний тайёргарликни назарда тутган ҳолда) ҳамда мажбурий учта фанга – она тили (ўзбек, рус, қорақалпоқ ва бошқа тиллар), математика ва Ўзбекистон тарихи бўйича тест синовларидан озод этган ҳолда максимал балл берилади;

- кириш имтиҳонлари (касбий (ижодий) имтиҳон) натижаларига кўра, ушбу тоифадаги абитуриентларнинг тўплаган балларига мувофиқ, улар умумий танловдан ташқари давлат гранти ва тўлов-контракт асосида талабаликка қабул қилинади. Бунда, кириш имтиҳонлари (касбий (ижодий) имтиҳон) натижаларига кўра, ушбу тоифадаги абитуриентларни давлат гранти ва тўлов-контракт асосида талабаликка қабул қилиш учун минимал ўтиш бали Давлат комиссиясининг қарорига мувофиқ белгиланади;

“Спорт фаолияти” ва “Жисмоний маданият” бакалавриат таълим йўналишлари бўйича ўқишга кириш учун онлайн рўйхатдан ўтиш жараёнида мазкур бакалавриат таълим йўналишларининг сиртқи таълим шаклини танлаган ушбу тоифадаги абитуриентлар кириш имтиҳонлари (касбий (ижодий) имтиҳон) натижаларига кўра фақат тўлов-контракт асосида талабаликка тавсия этилиши мумкин;

“Жисмоний маданият” бакалавриат таълим йўналиши бўйича ўқишга кириш учун онлайн рўйхатдан ўтган ушбу тоифадаги абитуриентларга совринли ўринлар қўлга киритилган спорт турларининг хусусиятидан келиб чиқиб, Ўзбекистон давлат жисмоний тарбия ва спорт университетининг “Спорт фаолияти (фаолият турлари бўйича)” бакалавриат таълим йўналишининг спорт турлари бўйича тузилган фан дастурлари асосида биринчи мутахассислик фани бўйича кириш имтиҳонлари (касбий (ижодий) имтиҳон) ўтказилади;

- совринли ўринлар қўлга киритилган спорт турларининг хусусиятидан келиб чиқиб, биринчи мутахассислик фани бўйича касбий (ижодий) имтиҳон олий таълим муассасаси профессор-ўқитувчилари, тегишли спорт федерациялари, Туризм ва спорт вазирлиги ҳамда Олий ва ўрта махсус таълим вазирлиги вакилларидан иборат бўлган таркибда тузиладиган имтиҳон комиссияси томонидан онлайн видеотрансляция қилинган ҳолда белгиланган муддатларда ўтказилади.

@Deputatlar_minbari

ОЛИЙ ва ЎРТА МАХСУС ТАЪЛИМ ВАЗИРЛИГИ;

#Қабул_2021
Абитуриентларга рухсатномаларни бериш бошланди

2021/2022 ўқув йилида олий таълим муассасаларининг бакалавриат таълим йўналишларига ўқишга кириш учун онлайн рўйхатдан ўтган абитуриентларга “Абитуриент рухсатномаси”ни бериш бошланди.

Абитуриентлар тест синовларида иштирок этиш учун “Абитуриент рухсатномаси”ни my.dtm.uz сайтидан паспорт серияси ва рақами ҳамда шахсий идентификация рақамини киритган ҳолда олишлари мумкин.

Шунингдек, рухсатномани Давлат тест марказининг қуйидаги махсус телеграм ботлари орқали ҳам юклаб олиш мумкин:

- @mandat2021_1_bot
- @mandat2021_2_bot
- @mandat2021_3_bot
- @mandat2021_4_bot

Эслатиб ўтамиз, тест синовлари
5 август куни бошланади. Абитуриентлар тест синовларига паспорт (ID-карта) ва абитуриент рухсатномаси билан келишлари лозим.

Паспорт (ID-карта) бўлмаган тақдирда абитуриент рухсатномаси ҳақиқий деб ҳисобланмайди.

@Deputatlar_minbari