ЖАХОНГИР ЗИЯЕВ;

ҚАЧОНГАЧА РУС ТИЛИНИ БИЛМАСЛИГИМИЗДАН УЯЛИБ ЯШАЙМИЗ!

ЎзМТДП етакчиси Алишер Қодировнинг муносабатини ўқиб...

Россия Президенти Владимир Путиннинг муҳожир болаларни Россиянинг таълим тизимига мослаштириш масаласида бўлиб ўтган Миллатлараро муносабатлар кенгашининг мажлисидаги гапларини ўқиб, тўғриси, Путиндан эмас, ўзимиздан хафа бўлдим.

Россиялик “оға”нинг айтишича, мактабларда муҳожир болалар сони шундай бўлиши керакки, улар рус қадриятларига сингиб кетиши лозим. Яъни, 10 фоиздан ошмаслиги керак.

Алишер Қодиров таъкидлаганидек, Путиннинг давлат раҳбари ёки ушбу мамлакатнинг оддий фуқароси сифатида ушбу хатти-ҳаракати тўғри. Ҳар қандай шароитда ҳам халқ тили, дини ва миллий қадриятларини сақлаши лозим.

Лекин биз ҳам фарз, ҳам қарз бўлган бу вазифамизни ҳамон бажара олмаяпмиз.

Аслида ўзимизни уриб кетган.

- Бошқа миллат вакилларига тилимизни ўргатишимиз у ёқда турсин, биз мактабларда Она тили фанини қисқартириш билан оворамиз.
- Фарзандларимизни рус тилига ихтисослашган мактабларда ўқишини ифтихор санаймиз.
- Айрим расмий идораларга ишга кирадиганлар рус тилини билиши керак, лекин ундан ўзбек тилини билиш-билмаслиги сўралмайди.
- Қонунларимиз ҳам ўзгача: хоҳласанг давлат тилида гапир, ёз, хоҳламасанг ёзма.
- Ёшлар сўзлашувда рус сўзларини қўшиб гапиришни фахр санайди.
- Давлат тилининг обрўйи ҳақида гапирсангиз, дарров миллатчиликдан айбланасиз.

Санайверсам, охири кўринмайди. Яна мен билмаган ва эшитмаган тил билан боғлиқ қанча қусурларимиз бор.

Қачонгача рус тилини билмаслигимиздан уялиб яшаймиз.

Аслида Ўзбекистонда туғилиб, вояга етиб, нонини, тузини еган, лекин шу халқ тилини ўрганмаганларга УЯТ!

Етар юз йилдан буён тилимизни таҳқирламоқчи бўлганларга имконият яратганимиз, ҳатто ўзимиз ҳам қўшилиб таҳқирлаганимиз!

https://m.facebook.com/story.php?story_fbid=581096189959597&id=100113808057840

Жаҳонгир ЗИЯЕВ
ЎзМТДП депутати.

Аъзо бўлинг каналга;
https://t.iss.one/Deputatlar_minbari

НОДИР ТИЛАВОЛДИЕВ;

“Миллий тикланиш” демократик партияси фракция аъзолари, партия фаоллари томонидан мактаблардаги тил муаммоси ва унинг оқибатлари юзасидан фикр ва мулоҳазалар билдирилди ва бу мавзу ижтимоий тармоқларда кенг муҳокамага қилинмоқда.

Биз ўзимиз билан ўзимиз тортишиб ётган бир пайтда Россия ҳукумати мигрантларга рус тили ва маданиятини янада сингдириш мақсадида янги қарор имзолади.

Унга кўра 2021 йилнинг 1 июнидан бошлаб, Россияда меҳнат фаолиятини олиб бориш учун рус тили, Россия тарихи ва қонунчилиги бўйича билимингизни аввалгидек 5 йил эмас, ҳар 3 йилда исботлаб туришингиз керак. Мигрантлардан ундириладиган маблағ рус тилини оммалаштиришга йўналтирилади. РФ томонидан талабларни кучайтириш тенденциясини янада кучайиб боришини таҳмин қилиш қийин эмас.

Яқин юз йилда Меҳнат ресурсларининг экспорти мамлакатимизнинг ҳам ижтимоий ҳам иқтисодий ҳаётида муҳим мавзу бўлиб қолиши табиий.

Шу сабаб Ўзбекистонда касбий таълим ва хорижий тилларни ўқитишни янада кучайтириш, имкони қадар меҳнат ресурсларига эҳтиёжи бор бўлган дўст мамлакатлар билан ҳамкорликни кучайтиришга эьтибор қаратиш зарур.

Аъзо бўлинг каналга;
https://t.iss.one/Deputatlar_minbari

Маҳаллабай ишлаш тизими бўйича янги таклиф илгари сурилди.

Унга кўра, янги тизимда туман, шаҳар ҳокимининг биринчи ўринбосари структурасида Маҳаллабай ишлаш маркази ташкил этилади. Марказ ҳар учта маҳаллага биттадан инспектор бириктиради.

Инспекторлар маҳалла раисининг тадбиркорлик ва томорқа бўйича ўринбосари билан ёнма-ён туриб, кечаю-кундуз ишлайди. Улар энди бюджетдан ойлик олиб, маҳаллада иш жойи ташкил этиш билан доимий равишда шуғулланади. Бу “Самарқанд тажрибаси” бўлади.

Шавкат Мирзиёев пойтахтдан келган раҳбарлар бир неча кун вилоятда қолиб, ўзига тегишли соҳани ривожлантириш бўйича стратегия қилиши шартлигини таъкидлади:

- Тошкентдан келган вазирлар вилоятга келади-да, худди Самарқанддаги раҳбарлар айбдордек қарайди. Сизлар чой ичиб, Самарқанд ошини еб кетиш учун келганингиз йўқ. 10 кун шу ерда қолиб вилоятдаги ҳолатни яхшилаш учун ишлайсиз. ...Ичимда ўйлайман, ёш-ёш кадрларни вазирлар мансабларига қўйдик, нега улар ўзини қийнамайди? Шу ерда ҳам соҳа бўйича раҳбарларинг борку! Бирга ишланглар. Бировнинг эмас, ўзингиз раҳбар бўлган тизим бўйича йил якунида вилоятда натижа қандай бўлади? Мана шунга жавоб топасизлар.

Ургут туманида 550 минг аҳоли яшайди. Шавкат Мирзиёев бу ерда тадбиркорликни ривожлантиришга асос борлигини қайд этди:

- “Ургут” эркин иқтисодий зонасига берилган имтиёзларни барча туман ва шаҳарларга қўллаш ҳамда ҳар бирига камида 50-100 миллион доллар инвестицияларни жалб қилиш ҳисобига, 200 гектар майдонда 1 миллиард долларлик қўшимча саноат лойиҳаларини амалга ошириш лозим.

Лойиҳаларни сифатли ишлаб чиқиш учун Лойиҳалар фабрикасининг “Ургут офиси” ташкил қилинади.

Президент Ургут туманини ижтимоий-иқтисодий ривожлантириш бўйича икки ой муддатда Ҳукумат қарори лойиҳасини тайёрлаш бўйича кўрсатма берди. Бунда Самарқанд давлат университетининг Ургут филиали ташкил қилинади. Ҳудудда аҳоли кўп экани инобатга олиниб, тиббиёт факультети ҳам очилади.

Президент Самарқанд шаҳрини 1 миллион аҳоли яшайдиган йирик шаҳарга айлантириш учун Самарқанд, Пастдарғом, Тайлоқ ва Оқдарё туманлари ҳудудидан 18 минг гектар ер майдонини қўшиб бериш ва вилоят маъмурий марказини Гулободга кўчириш бўйича Самарқанд фаолларининг таклифларини қўллаб-қувватлашини билдирди.

Йил якунига қадар шаҳар бош режа лойиҳасини ишлаб чиқиш бўйича Раматов, Турдимов ва Зокировга топшириқ берилди.

Хориждан лойиҳачилар жалб қилинади. Одамларга яшаш учун қулай, туристларга мақбул шаҳар қилиш шарт. Шаҳар кенгайгандан кейин маҳаллалар кўпаяди, инфратузилма шакллантириш зарур. Бошқарув тизимини яхшилаш учун Самарқанд шаҳрида кейинчалик босқичма босқич 5 та: Сўғдиёна, Сиёб, Боғишамол, Мароқанд ва Қорасув- янги туманлар ташкил этилади.

https://m.facebook.com/story.php?story_fbid=581094513293098&id=100113808057840

Аъзо бўлинг каналга;
https://t.iss.one/Deputatlar_minbari

#РЕСПЕКТ
#БЛОГЕР_ХАҚ
#ҚИСҚА_ЛЎНДА_ТУШУНАРЛИ...
ЗАФАРБЕК СОЛИЖОНОВ;

ВАҚТ ЎҒРИЛАРИ...

Шунча йиллар давомида гувоҳ бўлган жамиятимиздаги катта муаммо ҳақида бугун ёзгим келди. Бу муаммо ҳар битта ташкилотнинг, мансабдорлар-у давлат хизматчиларининг ва деярли ҳамманинг ичига кириб ўрнашиб қолган. Бу бирор нутқ ёки фикр айтишда ёки бошқа ҳолатда гапни тинмай айлантириш. Мансабдор мажлис қилади. Мажлиснинг мақсади аниқ ва бир неча дақиқани олиши керак. Аммо у гапни узоқдан бошлайди. Жуда узоқдан. Балки президент цитаталаридандир. Балки умумий гаплардан. Бироқ ҳа деганда асл мақсадга кўчиб ўтиб қўймайди.

Бу иллат, вақтни ўғирлаш, бекорга деярли ҳар ерда бор демаяпман. Талабаларга қарасангиз ҳам, бошқаларга қарасангиз ҳам учратасиз. Эсселар, рефератлар, илмий ишларгача кириб кетган. Мавзуни очадиган асл умумий қисм қолиб, кераксиз умумий гаплардан бошланади. Профессор илмий иш қилаётганда доцент бўлмаган инсоннинг гаплари бўлиши талаб қилинган ҳолатларни ҳам кўрганмиз. Ҳамма бир-бирининг вақтини ўғирлайди. Мазасиз умумият, вақтни беҳуда совуриш. 34 миллион инсоннинг миллиардлаб соатлари тежалиши ва бошқа самарадор йўналишга сарфланиши учун ҳам ҳамма бу "вақтхўрлик"дан воз кечиши керак. Гапиринг, зарур умумий тушунча талаб қилмаса, бирдан мақсадга ўтинг, ҳамманинг вақтини тежанг. Кўп ислоҳотларни ўзимиздан бошлайлик.

Аъзо бўлинг каналга;
https://t.iss.one/Deputatlar_minbari

ТАНЗИЛА НОРБОЕВА;

Ижтимоий ғалаёнлар умидсиз одамларнинг, айниқса ёшларнинг радикаллашувига замин яратади.

Терроризм ҳам вирус каби давлат чегараларини тан олмайди ва барча мамлакатлар учун бир хил даражада хавф туғдиради. Терроризм ва зўравонликка даъват этувчи экстремизмнинг олдини олишга қаратилган чора-тадбирлар, албатта, мамлакат қонунчилигига асосланиши ҳамда инсон ҳуқуқлари соҳасидаги халқаро стандартларга мувофиқ бўлиши керак. Бунда миллий қонунчиликда бундай жиноятларнинг таснифи кенг жамоатчилик учун тушунарли бўлиши керак.

Сўнгги йилларда парламентлараро алоқалар ривожланиб бораётгани жуда муҳимдир, бу кўплаб соҳаларда, шу жумладан терроризм ва экстремизмга қарши курашишда муаммоларни самарали ҳал этиш имконини беради. Бу масалада фаолияти нафақат экстремизм ва терроризмга қарши курашиш учун зарур қонунчилик базасини яратишга, балки жамиятда бундай ҳодисаларга муросасизлик муҳитини шакллантириш, уларга жамият эътиборини қаратишнинг превентив механизмларини жорий этиш бўйича кенг қамровли фаолият олиб боришга қаратилган парламентнинг ўрни муҳимдир.

Таҳдидларнинг халқаро трансчегаравий хусусиятини ҳисобга олсак, давлатлараро ҳамкорлик омили муҳим аҳамият касб этади. Ўзбекистон бу йўналишда ҳамкор мамлакатлар биргаликда янада ҳам кўпроқ фаолият олиб бориши тарафдори.

#senat #antiterror #tinchlik

Аъзо бўлинг каналга;
https://t.iss.one/Deputatlar_minbari

АДОЛАТ СДП;

Ўзбекистон “Адолат” СДПнинг 2020 йилдаги фаолиятини молиялаштириш манбалари тўғрисида ҳисобот.

Партия Устави ва амалдаги қонунчиликка мувофиқ партияни молиялаштириш манбалари давлат бюджетидан ажратиладиган маблағлардан, партиянинг аъзолик бадаллари, юридик ва жисмоний шахслар хайрияларидан ва амалдаги қонунларга зид бўлмаган бошқа тушумлардан шаклланади.

Батафсил:
adolat.uz

Аъзо бўлинг каналга;
https://t.iss.one/Deputatlar_minbari