TO‘YGA TO‘YONA

Surxondaryo viloyati hokimi Ulug'bek Qosimov boshchiligida viloyat bo'ylab yurtimiz mustaqilligining 34 yilligi munosabati bilan ijtimoiy obyektlarning onlayn ochilish marosimi bo'lib o'tdi. Xususan, Denov tumani hokimi Ilhom Abrorov rahbarligida Denov tumanida keng ko‘lamli bunyodkorlik ishlari amalga oshirildi. Bayram oldidan xalqimizga munosib tuhfa sifatida tumandagi bir qator muhim ijtimoiy obyektlar – maktab, bog‘cha va shifoxonalar yangidan ta’mirlanib, foydalanishga topshirildi.

Denov tumani hokimi Ilhom Abrorov O‘zbekiston jurnalistika va ommaviy kommunikatsiya universiteti rektori Sherzod Qudratxo‘jayev va tegishli muassasa rahbarlari hamda keng jamoatchilik ishtirok etdi.

Shuningdek, aholining qulay yashash sharoitlarini yaratish maqsadida mahallalardagi bir necha ko‘chalarda asfalt qoplamasi yotqizilib, zamonaviy ko‘rinishga keltirildi. Endilikda yurtdoshlarimiz obod, tartibli va qulay ko‘chalarda harakatlanish imkoniyatiga ega bo‘lishdi.

Mazkur ezgu ishlar mustaqilligimizning 34 yillik tantanalari arafasida amalga oshirilgani esa bayram shukuhini yanada oshirdi. Denov ahli bu sa’y-harakatlarni yurtimiz taraqqiyoti va xalqimiz farovonligiga qo‘shilgan ulkan hissa sifatida e’tirof etmoqda.

Joriy yil Denov tumanida jami 193 mlrd. so‘mlik 45 ta obyektda qurilish ta’mirlash ishlari olib borildi. Shundan 10 ta ijtimoiy soha obyeki uchun 2025-yilda 43,8 mlrd. mablag‘ hisobidan 2 ta maktab, 3 ta maktabgacha ta’lim tashkiloti, 2 ta sog‘liqni saqlash obyekti rekonstruksiya qilindi. “Tashabbusli byudjet” doirasida 2025-yil 1 mavsumda 11 ta mahallada jami 40,4 km. ichki yo‘llar asfalt qilindi. Mahalliy byudjet mablag‘i hisobidan 2 ta sog‘liqni saqlash obyekti va 1 ta mahalla binosini ta’mirlash ishlari amalga oshirilmoqda. Bugun jami qiymati 42,5 mlr. so‘m bo‘lgan 22 ta obyektni qurilish ta’mirlash ishlari yakunlanib, foydalanishga topshirish ishlari amalga oshirildi. Bunda 4 ta maktabgacha ta’lim tashkiloti, 3 ta maktab, 2 ta sog‘liqni saqlash obyekti, 2 ta qirg‘oq bo‘yini mustahkamlash obyekti hamda 11 ta mahallada jami 40,5 km. ichki yo‘llar asfalt qilinib aholiga qulayliklar yaratildi.


Denov tumani hokimligi
Axborot xizmati

✅ gov.uz/denov

🕊Telegram 📱Instagram 📱Facebook 📺YouTube