🔴 #Онлайн_мулоқот

Давлат хизматлари агентлиги директори Улуғбек Муҳаммадиев Агентлик марказий аппарати таркибий бўлинма бошлиқлари, ҳудудий бошқармалар бошлиқлари ҳамда жамоатчилик ва ОАВ билан алоқалар бўйича масъуллар билан видеоконференцалоқа шаклида мулоқот ўтказди.

Мулоқот давомида куни кеча давлатимиз раҳбарининг Бухоро шаҳар Давлат хизматлари марказига ташрифи давомида белгиланган вазифалар ижросини ташкил этиш, жумладан, маҳаллаларда электрон давлат хизматларидан фойдаланиш билим ва кўникмаларини ошириш, халқимизни хизматлардан фойдаланиш тартибидан хабардорлигини ошириш бўйича ишларни жадаллаштириш алоҳида таъкидланди.

Шунингдек, Ўзбекистон Республикаси Президентининг маслаҳатчиси сэр Сума Чакрабарти билан бўлиб ўтган учрашувда муҳокама қилинган масалалар масъуллар эътиборига етказилиб, келгусида амалга оширилиши режалаштирилган лойиҳалар юзасидан таклифлар, мавжуд муаммолар бўйича фикр-мулоҳазалар тингланди.

🔗Алоқада қолинг:
Telegram · Instagram · Facebook · Youtube · DXA_lotinda