#ДXA_Қорақалпоғистонда

Қорақалпоғистон бўйлаб хизмат сафари давом этмоқда.

Аввалроқ хабар берилганидек, шу кунларда ДХА директори ўринбосари Н. Мухаммадиев бошчилигидаги масъуллар гуруҳи Қорақалпоғистон Республикасида.

💻📲 Ташриф давомида аҳоли, айниқса ёшларни давлат хизматлари тизими билан таништириш, электрон хизматлардан фойдаланиш қулайликлари, Давлат хизматлари марказлари ва ФҲДЁ бўлимларида ташкил яратилган шароитлар, аҳолининг розилиги даражасини ўрганиш режалаштирилган эди.

Хусусан, хизмат сафарининг иккинчи кунида Н. Мухаммадиев Амударё тумани ва Нукус шаҳар ФҲДЁ бўлимлари ва Қорақалпоғистон Республикаси ФҲДЁ архиви фаолияти билан танишди.

Бунда алоҳида эътибор ходимларга яратилаётган шароитлар, меҳнатга адолатли ҳақ тўлаш, идоралараро интеграция масалаларига қаратилди.

#ДXA_Қорақалпоғистонда

Хизмат сафари якунига етди.

Хизмат сафари доирасида Н. Мухаммадиев томонидан ФҲДЁ биносига ташриф буюрган аҳолининг қониқиш даражаси, туғилиш ва ўлим билан боғлиқ композит хизматлар кўрсатиш сифати, маълумотларни тизимга киритиш жараёни, мавжуд муаммо ва камчиликлар ўрганилди.

ФҲДЁ идорасига ташриф буюрган фуқаролар билан суҳбат давомида кўрсатилаётган хизматлар учун тўловлар ҳақида смс-хабар юборилиши, унда белгиланганидан ортиқча маблағ талаб қилиш, сансалорлик ва коррупция ҳолатларига дуч келганда, албатта Агентлик қайта алоқа воситалари орқали мурожаат қилишлари лозимлиги тушунтирилди.

Ўз навбатида, ФҲДЁ идоралари ходимлари билан суҳбат давомида фаолият билан боғлиқ муаммолар, амалиётдан келиб чиққан ҳолда хизмат кўрсатиш тартибини соддалаштириш, бюрократик тўсиқларни бартараф этиш орқали соҳа қонунчилигини такомиллаштириш борасида таклифларни мунтазам равишда тақдим этиб бориш кераклиги таъкидланди.