«Тошкент сити» ўрнида бўлган ресторан учун ҳамон компенсация тўланмаяпти. Бино бузилганига 3 йил бўлди

“Мармарис” ресторани 2017 йилда, Тошкентнинг ўша вақтдаги ҳокими Раҳмонбек Усмоновнинг шахсан ўзи ва прокуратура ходимлари келганидан сўнг, ҳокимият вакиллари томонидан ҳеч қандай тўлов берилмасдан бузиб ташланган. Ресторан эгалари эса ресторан ичидаги мебеллар ва идиш-товоқларни олиб чиқишга улгурган, холос.

Ресторан қиймати 14,8 млрд сўмга баҳоланган, лекин ҳокимият ҳалигача компенсацияни тўлаб бермаяпти. Суд қарори ва ижро варақаси эса МИБда «осилиб» ётибди. Тошкент шаҳар ҳокимлигининг 917 та кўчмас мулкига, транспорт воситаларига банд солиб қўйилган. Аммо...

👉 Мақолани ўқиш

📹 Тўлиқ видеони кўриш

❗️Бировнинг мулкини бузишга жуда устамиз, лекин унинг ҳаққини тўлашга келганда сичқоннинг ини минг танга бўлиб кетади. Ўзимизча тадбиркорларни норози қилиб қурилаётган “Тошкени сити” билан мақтанамизда-а?

Аслида мақтаниш эмас, уялиш керак, уялиш...


👉 @xushnudbek 👈

Блогер Исроил Тиллабоевнинг ёзишича, Фарғона вилояти Ўзбекистон туманида кеча эрталаб соат 8да ўчган электр энергияси, мана, ҳозир бир суткадан ошган бўлса ҳамки, ёнгани йўқ. Натижада 200 мингга яқин аҳоли электрсиз ўтирибди.

Мирзо Улуғбек туманининг баъзи ҳудудларида иссиқлик таъминоти тўхтатилади

Тошкент шаҳар Мирзо Улуғбек туман ҳокимлиги матбуот хизмати хабар беришича,  ТТЗ-2 мавзесидаги қозонхонада авария ҳолати юзага келганлиги сабабли, қуйида келтирилган манзилларда вақтинча иссиқлик таъминоти узилади.  

ТТЗ-2 мавзеси:

Кўп қаватли - 1, 2, 7, 8 ва 9 уйлар, 5-ётоқхона.  
Зиёли кўчаси: Кўп қаватли - 1, 3, 5 уйлар,  

Буюк Ипак йўли кўчаси:

Кўп қаватли - 469, 471, 473, 475, 477 ва 479 уйлар
504 сонли Мактабгача таълим ташкилоти, 248 – сонли мактаб, 6– сонли Оилавий поликлиника  

Аварияни бартараф этиш бўйича тегишли ташкилотлар иш олиб боришмоқда, бугун соат 16:00да иссиқлик таъминоти аҳолига етказилади.

​​Ўзбекистонда ҳали қиш келмади, аммо электр энергияси, иссиқлик таъминотидаги узилишлар, авариялар ҳаддан ташқари кўпайиб кетди, ижтимоий тармоқлардаги шикоятлар, арзларни кўриб дилинг оғрийди.

Энергетика тизими масъуллари эса эски ашуласини айтишмоқда. Тўғри, ҳаво кескин совиб кетди, иссиқлик ва газ таъминоти инфраструктураси йилдан-йилга абгор бўлиб бормоқда. Бу электр энергиясига қўшимча юк ташламоқда. Аммо бу бугунги гаплар эмас, неча йилдан бери такрорланаётган, одамлар тушуниш билан қабул қилмайдиган қуруқ гап-сўз бўлиб қолди.

Одамлар амалдорлар, масъулларни юзага келган мана шунақа пайтларда тушунишга ҳаракат қилмаяпти, аҳоли уларнинг гапига ишонишмаяпти. Ва бу уларнинг айби эмас. Чунки неча йиллардан бери берилаётган ваъдалар, ёлғонлар, тизимни ич-ичидан емираётган ўғриликлар одамларда ўз хулосасини чиқаришга “ёрдам берган”. Қанчалик оғриқли бўлмасин, тан олишимиз керакки, амалдорларимиз ва халқимиз параллел дунёда яшай бошлади. Халқнинг ўз ҳақиқати бор, чиновникнинг ҳам.

Назаримизда, давлат ўзи учун аниқлаб олиши керак. Модомики барча давлат ва ижтимоий хизматларини ўзи кўрсатмоқчи бўлса, кучи ва салоҳияти етадими? (Бизнинг-ча —йўқ). Балки хусусий секторнинг имкониятларидан фойдаланишнинг вақти келгандир. Давлат ўзининг асосий функциясини қаердадир чегаралаши, қаердадир бошқа “ўйинчи”ларга бериш керакдир. Масалан, Грузияда. Ва давлат хизмати кўрсатилмайдиган соҳаларда вазирлик ва идораларни, аввало, умуман ташкил қилмаслик, кейин кескин қисқартириш, ихчам ва самарали бошқарувни жорий қилиш ҳар доимгидан ҳам долзарблашди.

Яна бир масала. Ҳар йили июль-августдан ижтимоий муассасаларни, иқтисодиёт тармоқларини куз-қиш фаслларига тайёрлаш бошланиб кетади. Бу йил Тошкентда прокуратура органлари ходимлари уйма-уй, боғчама-боғча юришди. Ҳар йили шундай қилинади. Лекин натижа-чи? Прокурорлар 3-4 ой “жиддий шуғулланса-ю”, осмонга булут чиқса, Тошкентнинг у ёки бу туманида иссиқлик таъминоти аварияга учраса, электр таъминотида узилишлар оммалашса, балки тинчгина прокурорларнинг ўз хизмат вазифаларини бажаргани маъқулдир. Ўзиниям, ўзгаларниям чалғитмай. Ҳамма ўз ишини қиладиган вақт келди.

ИМҲО, албатта.

Ўзбекистон ташқи қарзи динамикаси.

Долларнинг расмий курси 10400 сўмлик чегарадан ўтди

Эртадан 1 АҚШ доллари 10414,86 сўм. +23,93

The Economist нашрига кўра, Ўзбекистон коронавирусга қарши вакцина хариди учун буюртмасини тасдиқлаган давлатлар рўйхатида 9-ўринда қайд этилди.

Бу дегани ҳукуматимиз хусусий фармацевтика компанияси ҳар бир фуқаро учун вакцина харид қилишга буюртма берган.

Манба

UPD.:

Буюртма "Гамелеи" тадқиқот институтига берилган - “Спутник” вакцинасини яратаётган институт.

Бу йил қиш қаттиқ келадиган кўринади. Охирги йилларда бизда бу ойда қор ёғмаётганди. Ҳар қандай шароитда ҳам саломатлигингизга эътиборли бўлинг. Айниқса, пандемия даврида бу жуда муҳим.

Агар ўзингизда шамоллаш, йўтал, бронхит аломатларини сезсангиз тезда олдини олишга ҳаракат қилинг.

БРОНХИПРЕТ ТОМЧИЛАРИ – барча турдаги йўталга қарши самарали восита
– Яллиғланиш ва вирусларга қарши таъсир;
– Қуруқ ва нам йўтални бартараф этади;
– Таркибида тоғжамбил ва печак ўсимликлари мавжуд.
Батафсил | Телеграф

Реклама

Ва ниҳоят, Жиноят кодексига мансабдор шахс томонидан ноқонуний тарзда бойлик орттирганлик учун жиноий жавобгарлик белгилаш таклиф этилаяпти.

Бу БМТнинг Коррупцияга қарши курашиш тўғрисидаги конвенцияси 20-моддаси (ноқонуний бойлик орттириш)да акс этган. Унга кўра, амалдорнинг харажати даромадига муносиб бўлиши лозим. Яъни чиновник данғиллама уйи, чет элда дам олиши ёки тўлаётган кредити суммаси ва бошқа даромадларининг келиб чиқишини исботлай олмаса, демак, ўз-ўзидан коррупция сифатида баҳоланиши керак.

Ойлиги 7-8 миллион сўм, лекин 150-750 минг долларлик ҳашаматли уйларда яшайдиган амалдорлар анча типирчилаб қолар эди.

Тошкент шаҳрида тирбандлик юқори бўлган йўлларнинг бир қисми жамоат транспорти учун ажратилади, марказий кўчаларда паркоматлар ташкил этилади ҳамда жамоат транспортининг автобус парки мустаҳкамланади - Президент топшириғи.

Ўзбекистонда вазият барқарор. Даҳшатли даражада барқарор деса ҳам бўлади ҳатто. Бир йил аввал свет ва газ билан боғлиқ ситуация, ҳурматли бош вазиримиз Абдулла Арипов таърифлари билан айтганда, позорний эди. Не ажабки, ситуация ҳали ҳам худди бир йил аввалгидек позорний. Ваҳоланки бундан-да позорнийроқ бўлиши ҳам мумкин эди, тўғрими? Бу ҳам ҳурматли бош вазиримиз бошлиқ ҳукуматимиз аъзоларининг бундай фавқулодда ситуацияларга қарши курашиш тажрибаси бўлмаса-да, иссиқ ўринларида қўл қовуштириб ўтирмай, Учинчи Ренессанс даврига хос садоқат ва фидоийлик билан заҳмат чекканликлари шарофати бўлса не ажаб.

#ХушКелибсанУчинчиРенессанс #ЯнгиЎзбекистонЯнгичаДунёқараш

Ўзбекистон иккиламчи автомобиль бозорида йилига ўртача 400-500 минг битим имзоланар экан. Мазкур бозорнинг умумий қиймати тахминан 2 млрд долларни ташкил этади.

Тижорат банкларида доллар курси 10450 сўмга етди

Тижорат банклари бугундан валюта сотиш ва сотиб олиш курсларини яна кўтарди. Айрим банклар 1 АҚШ долларини 10450 сўм (+20)дан сотишни бошлабди.

АҚШ президенти Дональд Трамп сайловдан уч ҳафта ўтиб, ниҳоят АҚШнинг сайланган президенти Жо Байден жамоасига расман транзитни, яъни ҳокимиятни топширишни бошлашга рухсат берибди. Гарчи ҳали ҳам мағлубиятини тан олмаган бўлса-да. Бу рухсат ортидан Жо Байден жамоасига транзитни бошлаш учун ресурслар, федерал молиявий маблағлар, қўшимча хавфсизлик кучлари ажратилади.

Шунингдек, ҳар куни Дональд Трампга тақдим этиладиган махфий маълумотлар Жо Байденга ҳам берилади. Бундай тўхтамга 2001 йил 11 сентябрь воқеаларидан сўнг келишган. Ўшанда махсус комиссия сайланган президент Жорж Буш теракт эҳтимоли ҳақида махфий маълумотлар билан ўз вақтида таништирилмаган, деган хулосага келган. Шундан сўнг сайланган президент ҳам худди амалдаги президент каби махфий маълумотлардан бохабар бўлиб бориши таъминланади. Яъни сайловда ғалаба қозонган номзод қасамёд қилиши биланоқ қарор қабул қилишга тайёр бўлиши керак.

Дональд Трамп маъмурияти ходимлари Жо Байден жамоасига транзитнинг силлиқ кечишида ёрдам бериши керак бўлади. Бу маълумотлар алмашинуви, у ёки бу соҳадаги ишларнинг бориши тўғрисидаги ахборотларни ўз ичига олади. Гарчи Дональд Трамп ҳали кўп “ўйин”ларини кўрсатса-да, бу унинг ўз мағлубиятини тан олиш йўлидаги асосий қадамларидан биридир.

P.S.: Бизникилар ҳам Жо Байденни сайловдаги ғалабаси билан табриклаб қўйишса бўлади, назаримизда.

https://www.nytimes.com/2020/11/23/us/politics/trump-transition-biden.html?referringSource=articleShare

Бектемир тумани аҳоли бандлигига кўмаклашиш маркази директори танишлари орқали бир аёлни пойтахтдаги туғуруқхоналардан бирига раҳбарлик лавозимига тайинлаш учун 30 минг доллар сўрайди ва 10 минг долларни олаётган пайтда қўлга олинибди — Бош прокуратура

Насриддинов Жамшид Тўлқинович Каттақўрғон туман ҳокими вазифасини бажарувчи этиб тасдиқланди.

Олдинги ҳоким Аъзамхон Баҳромов вафот этгач, унинг ўрнига Худойбердиев Қиличбек Раҳмонович туман ҳокими вазифасини вақтинчалик бажарувчи этиб тайинланганди.

Тошкент шаҳар ҳокимлигининг 2020 йилдаги автомобиль харидлари:

1. Тошкент шаҳар ҳокимлиги 1 млрд 391 млн сўмга 5 та MALIBU- MALBDB2TL (1; 2; 3; 4; 5;);

2. Тошкент шаҳар ҳокимлиги 552 млн сўмга 4 та LACETTI-ELEGAN/AT PLUS (1; 2; 3; 4;);

3. Тошкент шаҳар ҳокимлиги 222 млн сўмга битта TRACKER AT харид қилган.

#davlatxaridi