#IT_school
#Namangan_shahar

Бугун Наманган вилоятида ахборот технологиялари йўналишида катта байрам бўлди десак муболаға бўлмайди.

Сабаби республикада биринчи маротаба бир вақтнинг ўзида вилоятнинг барча шаҳар ва туманларида "IT SCHOOL" марказларининг очилиш маросими бўлиб, ушбу мактаблар ёшлар ихтиёрига фойдаланиш учун топширилди.

Наманган шаҳридаги IT SCHOOL марказининг очилиш маросими юқори савияда ўтди.

Тадбирда Ўзбекистон Республикаси ахборот технологиялари ва коммуникацияларини ривожлантириш вазирлиги вакиллари, Республика IT PARK директори, вилоят ҳокими, шаҳар ҳокими, барча мутасадди ташкилот раҳбарлари ҳамда шаҳримизнинг фаол ёшлари иштирок этдилар.

Очилиш маросимининг рамзий ленталари кесилиб, барча меҳмонлар марказда яратилган шароит ва имкониятлар билан танишдилар.

Замонавий типда жиҳозланган кенг ва шинам хоналар, энг сўнгги русумдаги техникалар ва тажрибали мутахассислар -
буларнинг барчаси ёшларнинг ушбу соҳани мукаммал ўрганишлари учун муҳайё қилинди.

Тадбир доирасида вилоятимиз ҳокими, IT PARK директори ва ёшлар ўртасида очиқ мулоқот ҳам ўтказилди.

Шавкатжон Aбдуразоқов ёшларни ушбу шароитлардан оқилона фойдаланишга, энг кучли wеб дастурчилар бўлиб етишиш учун ҳаракат қилишга чорлади.

Ёшлар барча саволларига мутасадди раҳбарлардан жавоб олдилар.

Якунида вилоятимиз ҳокимига барча ҳудудларда яратилган шароитлар учун IT PARK директорининг "Ташаккурнома"си топширилди.