#online

Аҳоли хонадонларига замонавий иссиқлик тизимлари ўрнатилмоқда

Аҳоли хонадонларига сифатли ва барқарор иссиқлик таъминотини етказиб бериш мақсадида кенг кўламли ишлар амалга оширилмоқда. Мазкур тадбирлар доирасида замонавий, ҳамёнбоп ва энергия тежамкор батареялар ҳудудларга олиб келиниб, аҳоли учун қулай нархларда ўрнатиб берилмоқда.

Лойиҳа нафақат аҳолининг кундалик ҳаётини енгиллаштириш, балки иссиқлик таъминоти самарадорлигини оширишни ҳам кўзда тутади. Маҳаллий мутахассисларнинг таъкидлашича, ўрнатилаётган замонавий батареялар нафақат экологик хавфсиз, балки энергия истеъмолини сезиларли даражада камайтириш имконини беради.

Мутахассисларнинг маълум қилишича, мазкур дастур давомида аҳоли хонадонларида иссиқлик таъминотини яхшилаш билан бир қаторда, электр энергияси истеъмоли бўйича харажатларни камайтиришга алоҳида эътибор қаратилади. Шу билан бирга, батареяларнинг арзон нархларда ўрнатиб берилиши аҳолининг молиявий юкини камайтиришга хизмат қилади.

Давлатобод тумани ҳокимлиги Ахборот хизмати

Sayt | Telegram | Facebook | Instagram | X | YouTube | Murojaat | Guruh

Марказлашган иссиқлик таъминотига уланиш орқали энергия самарадорлик ошади

Давлатобод туманида куз-қиш мавсумини беталофат ўтказиш ва энергия самарадорлигини ошириш мақсадида ижтимоий соҳа обектларининг иссиқлик таъминоти ҳолати ўрганилмоқда.

Бугун ишчи гуруҳ Порлоқ маҳалласида жойлашган 38-сонли мактабгача таълим ташкилотида бўлиб, ушбу обектни марказлашган иссиқлик таъминоти тармоғига улаш ва зарур таъмирлаш ишларини амалга ошириш жараёнларини кўздан кечирди.

Ўрганиш давомида аниқланган камчиликларни қисқа муддат ичида бартараф этиш ҳамда ишларни тез фурсатда якунлаш бўйича масъулларга тегишли кўрсатмалар берилди.

Мазкур чора-тадбирлар куз-қиш мавсумида ижтимоий обектларнинг узлуксиз ва сифатли иссиқлик билан таъминланишини таъминлаш, шунингдек, энергия самарадорлигини оширишга хизмат қилади.

Давлатобод тумани ҳокимлиги Ахборот хизмати

Sayt | Telegram | Facebook | Instagram | X | YouTube | Murojaat | Guruh