Яна бир тез ўсиб бораётган соҳа бу – хусусий таълим ва тиббиёт хизматлари.

Бу соҳалар имкониятини тўлиқ ишга солиш учун тадбиркорларга аҳолига яқин, комплекс хизматлар кўрсатиш имкони бор жойлардан ер бериш мумкинлиги таъкидланди.

Шу боис мутасаддиларга бўш ерларни аниқлаб, хусусий тиббиёт ва таълим ташкилотларини ташкил этиш учун фақат ихтисослиги бўйича аукционга чиқариш топширилди.

Йиғилишда IT хизматларининг ялпи ички маҳсулотдаги улуши 3-3,5 фоизга тенг экани, бу борадаги имкониятлар ҳали тўлиқ ишга солинмагани кўрсатиб ўтилди.

Келгуси йилда тармоқда камида 30 фоиз ўсишни таъминлаб, хизматлар ҳажмини 41 триллион сўмга етказиш, экспортни 2 карра ошириш муҳимлиги қайд этилди.

Facebook|Instagram|Twitter

Мамлакатимизга сайёҳлар оқимини янада ошириш учун меҳмонхона ва меҳмон уйларини кўпайтириш лозимлиги таъкидланди.

Бу борада Паркентдаги Кумушкон, Ҳисарак, Сўқоқ, Бошқизилсой, Чанги, Заркент, Бойқозон маҳаллаларида туризм маскани ташкил этилади.

Хонобод шаҳри, Бойсун, Бахмал, Фориш, Ангрен ва Оҳангаронда ҳам туризм масканлари мастер режасини тайёрлаш топширилди.

Омонхона, Майданак каби туристик объектлар инфратузилмасини яхшилашга 30 миллион доллар йўналтириш, туризм объектларига олиб борувчи йўллар инфратузилмасига қўшимча 200 миллиард сўм ажратиш қарор қилинди.

Йўлларни таъмирлаш билан бирга, улар атрофида комплекс хизматларни ривожлантиришда янгича ёндашув бўлади.

Туризм объектига олиб борадиган қайси йўл таъмирланаётган бўлса, ўша йўл бўйида савдо ва сервис шохобчаларини жойлаштириш бўйича мастер режалари ишлаб чиқилади ва тадбиркорларга берилади, аҳоли ва туристлар учун қулай маршрутлар ишлаб чиқилиб, жамоат транспорти йўлга қўйилади, хостел ва меҳмон уйлари ташкил қилинади.

Facebook|Instagram|Twitter

Хориж тажрибасида туристларни жалб қилиш учун тилла буюмлар савдоси кенг йўлга қўйилган.

Мамлакатимизда бунинг учун етарли шароит яратилган бўлса ҳам, ўтган икки йилда жуда кам тилла буюмлар сотилгани қайд этилди.

Шу боис келгуси йилда замонавий заргарлик комплексларини ҳар бир ҳудудда ташкил қилиш муҳимлиги таъкидланди. Улардаги дўкон ва расталар, заргарлик ускуналари 7 йилга бўлиб тўлаш шарти билан лизингга берилади.

Шунингдек, мамлакатимизда халқаро “Ўзбекистон ипак матолари” мода ҳафталигини ташкил қилиш таклифи билдирилди. Унга дунёнинг етакчи мода уйлари таклиф қилинади. Тайёр ипак маҳсулотлари танлови ўтказилади ва мукофот жамғармасига ҳар йили 2 миллион доллар ажратилади.

Facebook|Instagram|Twitter

Йиғилишда бозорларимизнинг сотувчи ва харидорлар, туристлар учун қулайлигини ошириш лозимлиги қайд этилди.

Бозорларда сайёҳлар узоқ ушланиб қолмаётгани, айрим бозорлардаги кириб-чиқишдаги ноқулайликлар, тирбандлик аҳоли ва сайёҳлар эътирозига сабаб бўлаётгани таъкидланди.

Шу муносабат билан бозорларимизни туристлар кунлаб вақтини ўтказиши мумкин бўлган мажмуаларга, мамлакатимизнинг "ташриф қоғози"га айлантириш муҳимлиги таъкидланди.

Миллий маданиятимизни акс эттирган янги замонавий бозор комплекслари лойиҳасини ишлаб чиқиш топширилди.

Йиғилиш давомида тармоқ ва ҳудудлар раҳбарларининг ҳисоботлари, тадбиркорларнинг фикр-мулоҳазалари тингланди.

Facebook|Instagram|Twitter

#Тайинлов

Отаханов Абдулазиз Муҳаммад ўғли Наманган вилояти ҳокимлигининг Ишлар бошқарувчиси этиб тайинланди.

Абдулазиз Отаханов 1991 йилда Наманган шаҳрида туғилган. Маълумоти олий. 2016 йилда Тошкент ирригация ва мелиорация институтини тамомлаган.

Меҳнат фаолиятини 2017 йилда Наманган вилояти Иқтисодиёт ва ҳудудларни комплекс ривожлантириш бош бошқармасида бўлим етакчи мутахассиси сифатида бошлаган.

Шу кунга қадар Наманган вилояти ҳокимлигининг Ишлар бошқармаси бош мутахассиси вазифасида ишлаб келаётган эди.

Мазкур тайинлов Наманган вилояти ҳокимининг 2023 йил 18 декабрдаги қарори билан амалга оширилди.

Наманган вилояти ҳокимлиги
Ахборот хизмати

#Хушхабар

Наманган халқаро аэропортида қиш мавсуми учун авиарейслар сони кўпайди.

Кейинги йилларда юртдошларимизнинг авиақатновларга талаб ва эҳтиёжи ортиб бораётгани эътиборга олиниб, вилоят ҳокимлиги ташаббуси билан Наманган халқаро аэропортида хизмат кўрсатиш қамрови кенгайди.

Эндиликда қиш мавсуми муносабати билан Наманган аҳли ва вилоятимиз меҳмонлари учун Тошкент-Наманган ҳамда Наманган-Тошкент йўналишларида қўшимча рейслар ташкил этилди.

Уларнинг аниқ санаси ва вақти билан қуйидаги жавдалда танишинг.

Наманган вилояти ҳокимлиги
ахборот хизмати

Sayt | Telegram | Instagram | Facebook |Twitter | YouTube

#Об_ҳаво

☀️🌤 Наманганда 19 декабрь куни 8 даража иссиқ бўлади, айрим жойларда туман тушади

▫️«Ўзгидромет» Наманган вилояти бўйлаб 19 декабрь, сешанба куни кузатиладиган об-ҳаво маълумотини эълон қилди.

▫️Наманган вилоятида ҳаво ўзгариб туради, ёғингарчилик бўлмайди. Айрим жойларда туман тушади. Шарқдан эсаётган шамол ўз йўналишини ўзгартириб, ғарбдан секундига 7-12 метр тезликда эсади. Баъзи жойларда шамолнинг тезлиги секундига 15-20 метргача кучайиши мумкин. Кечаси 0-5 даража совуқ, кундузи 3-8 даража илиқ бўлади.  

▫️Республикамизнинг тоғли ҳудудларида ҳаво ўзгариб туради, айрим жойларда қор ёғиб, туман тушиши мумкин. Шарқдан эсаётган шамол ўз йўналишини ўзгартириб, ғарбдан секундига 7-12 метр тезликда эсади. Кечаси 2 даража совуқ, 3 даража илиқ, кундузи 0-5 даража илиқ бўлади.  

Ис газидан сақланинг. Оилангизни асранг!

Диққат Эълон

Жорий йилнинг 19-декабрь куни соат 10:00 дан11:00 гача Давлатобод туманидаги 35/6кВли "Олийгоҳ" нимстанциясидан чиқувчи 6кВли МК-11 тармоғида 6кВли кабелни тармоғига улаш ишлари олиб борилади. 

Бунинг натижасида, тумандаги Порлоқ, Навбаҳор, маҳалла фуқаролар йиғини 6-олмазор ва кўп қаватли уйларнинг бир қисмида истеъмолчиларга электр энергиясини етказиб берилишида вақтинчалик узилишлар бўлади.

Юқоридагилардан келиб чиқиб, истеъмолчилардан келтириладиган ноқулайликлар учун узр сўраймиз!
Мурожаат учун +998692320555,1154

Sayt | Telegram | 24/7 @davlatobod_bot

Гуруҳга уланиш учун ➡️https://t.iss.one/davlatobodliklar1

https://www.davlatobod.uz/index.php/yangiliklar/239-aholini-ro-yxatga-olishning-mohiyati-nimada

Sayt | Telegram | 24/7 @davlatobod_bot

Гуруҳга уланиш учун ➡️https://t.iss.one/davlatobodliklar1