Umr so‘qmoqlari — erkaklik masʼuliyati haqida telenovella.

Ssenariy muallifi: Najmiddin Ermatov
Rejissor: Xushnud G‘aniyev
Sheʼr muallifi: Dadaxon Muhammadiyev

Ertaga, 20-iyun soat 15:50da "Mahalla" telekanalida ko‘ring!

Telegram | Instagram

ШОИР

Мен Алишер бўлиб келган замонда,
Ҳусайний бор эди ҳарнав жаҳонда.

Олтмиш йил ҳикматин айладим иншо,
Ўзгардими-йўқми, билмадим, дунё.

Айролиқларга ҳам собир эдим мен,
Кетдим мен, агарчи Бобур эдим мен.

Келдим бу оламга бўлиб шоҳ Машраб,
Дунё ўзгармади, боз кетдим ташлаб.

Фурқат бўлиб келдим, фурқатда кетдим,
Чўлпон бўлиб келдим, ҳасратда кетдим.

Эрким қайда эди, эрким, билмадим,
Эркин бўлиб келдим, эркин бўлмадим.

Ҳасратли қўшиқлар ҳам яллалар — мен,
Келиб кетган қанча Абдуллалар — мен.

Мен тағин борман шу дунёйингизда,
Лекин шеър тиловчи дил борми сизда?!

Саволим юракка қадалган ўқми:
Ё ҳануз Бойқаро туғилган йўқми?!

Бу очиқ дафтарни буткул ёпай деб,
Мансур бўлиб келдим нусрат топай деб.

Тағин ўзгармаса дунё, нетгайман?
Энди ўзгартирмай ташлаб кетмайман!

©️Мансур Жумаев

@dadaxonmuhammadiy

***
Жазирама, совуқ хўшлашув,
Бош эгади мағрур дарахтлар.
Июнь, ҳали кузга етмасдан
Елвизакда учади дардлар.

Саратоннинг тиғи беписанд,
Энтикади табиат бирдан.
Тиззасига бошини қўйиб,
Узоқ хаёл сурди бир одам.

©️Дадахон

@dadaxonmuhammadiy

Abduvali Qutbiddinning individual hodisasi – Osima kim?

Osima Abduvali Qutbiddinning o‘nlab she’rlarida takror kelaveradi, dedik. Takrorning ham alohida xususiyati shundaki, Osima orqali boshqa ayollarga, boshqa obrazlarga murojaat yo‘q. Biror bir joyda Osimaning ta’rifi ham keltirilmaydi.

Batafsil: https://oyina.uz/uz/article/3890

Rasmiy sahifalarimiz👇

Telegram | Instagram | X | YouTube

МОЙЧЕЧАК

Кетиб борардинг секин,
Ёлғиз, паришон, яёв.
Кўксинг тўла эҳтирос,
Юрагинг тўла олов.

Урфдаги кўзойнак,
Сочларинг тарам-тарам.
Пошналаринг зарбидан
Ишққа тўлади олам.

Юзингда қандай маъно,
Кулгичми, кулмагичми?
Қулоғингда бежирим
Титраб турган ўпичми?

Мойчечаклар узилар:
"Севади ё севмайди".
Кўнгил тортади ортга:
Биз томонга келмайди.

Бўйнингдаги туморда
Менинг жоним осилган.
Хушбўй атирларингнинг
Ҳидларидан маст бўлган.

Жозибали либослар,
Юрагимнинг оҳлари.
Ҳаяжонга тўлади
Асабий нигоҳларинг.

Елкаларинг қатидан
Бир ришта кўринади.
Бу риштанинг пойида,
Олам терс бўлинади.

Кетиб борардинг секин,
Кетиб борардинг яёв.
Бу гўзалликни аммо
Кўрмасин дейман биров.

Тегрангда бир ишқ сарсон,
Кўнгил хомхаёл, дайди.
Мойчечак санар бир-бир:
"Севади ё севмайди".

Ортингда қолар ғамгин,
Ғиштин девор, дарахтлар.
Менинг каби саросар,
Бахтлими ё бебахтлар.

Тўхтайсан, буриласан,
Ҳушим жойга келади.
Туйғулар мойчечакдай
Пойингга тўкилади.

Лабларинг алвон-алвон,
Битта журъат кутасан…
Ранг тегмасин, деб сўнгра,
Ёноғингни тутасан.

©️Дадахон Муҳаммадиев

@dadaxonmuhammadiy

***

Томчилар – кўнгилнинг кўз ёшидай шум,
Хотира – бош-адоғ кўмилган сирга.
Аммо бу дунёдан олисда, мамнун
Бир аёл ўзини урар ёмғирга.

Дарахтлар бошини эгади ғамгин,
Новдалар кўз ёшин тўккани сари.
Аммо бир аёлнинг кўзлари порлар,
Ёмғирда нам бўлар олтин сочлари.

Биров соябонин тутади бошга
Биров панароққа сурилар хиёл.
Аммо бу томонда манзара бошқа:
Кўлмакларда сакраб қувнар бир аёл.

Авто ойнасидан кузатаман жим,
Сокинлик, тундликдан, баридан фарқли:
Оламни севгига, ишққа тўлдириб
Қўл етмас жойларда бир аёл – бахтли!

©️Дадахон

@dadaxonmuhammadiy

* * *

Кетиш тараддуди – барига қодир,
Унинг бу ерлардан кетгиси бордир.

Олисда одамлар бахтли, деб ўйлар,
Ҳеч тинчлик бермайди мавҳум бу ўйлар.

Юртни кўрсам, дейди, бошқа томондан,
Ақалли бир марта кетса – ёлғондан.

Қолса тоқат йўқдир, юрса йўл қаҳат,
Кетиш тараддуди тинч қўймас фақат.

© Дадахон Муҳаммадиев

@dadaxonmuhammadiy

"Темир йўл вокзалида"

Дадахон Муҳаммадий шеъри
Шунқор Чориев ўқиди

@dadaxonmuhammadiy

***

Афсуслар бир куни ёқамдан олса –
Ёзиб қўйсам бошдан ўтганларини.
Умр бир лаҳзага тўхтаб туролса,
Жой-жойига қўйиб чиқсам барини?

Жонингни титратиб сўз айтиш – малҳам,
Яна хаёл ичра саросар дайдиш.
Аммо оғир бўлар,
Балки бўлмас ҳам,
Бу чалкаш йўллардан орқага қайтиш.

© Дадахон

@dadaxonmuhammadiy

Хуллас, шунақа суҳбат бўлди...

https://youtu.be/UFyNNciS5sY?si=dO0F5rouT5nEX8zv

ЙЎЛ

Қишлоққа сим қоқасан,
Нафасинг тўлиб тошиб.
Кетгинг келар баридан –
Асли ўзингдан қочиб.

Бу йўл узоқ, бу хаёл,
Бу тошлар кўп қийнайди.
Ёнингда ожиз аёл,
Болангга кўз қиймайди.

Бир ҳатлаб ўтгулик бу,
Бир югуриб етгулик.
Кетганинг узоқмас-у,
Балки армон этгулик.

Қайтар йўлинг – йўл эмас,
Юрагинг тўла ғубор.
Ҳўў қишлоқнинг бошида
Таъмасиз, маъсум уй бор.

Ё тақдирни айблайсан,
Ё кетиб-кетолмайсан.
Қайта-қайта қайтасан,
Бир умр етолмайсан.

Неларга шаъма қилар
Сочингдаги оқ тола.
Катта бўлиб-бўлмаган -
Ўттиз уч ёшли бола.

Бу йўл узоқ, бу хаёл,
Бу тошлар кўп қийнайди.
Ёнингда ожиз аёл,
Болангга кўз қиймайди.

Шу тахлит ўтар кунлар,
Ортингга жим боқасан.
Қайтиш йўли кўп олис –
Қишлоққа сим қоқасан...

©️Дадахон Муҳаммадиев

@dadaxonmuhammadiy

"Кураш сенга қолдими,
Аканг қани, Қалдирғоч?..."

https://www.youtube.com/watch?v=56AxxEUYQ50

ШАХМАТ

Рухнинг устунлиги, қия йўл, тўсиқ,
Вужудни емириб борар руҳ ўсиб.

Пиёда биргина сакрайди бошда,
Бошда бари осон, ҳаёт бу – бошқа.

Отнинг юриши ҳам қайрилган, аммо
Отлар кишнамайди бу тошлар аро.

Пошшо билан тўра алмашади жой,
Умр ўлчовини билар, ҳойнаҳой.

Чегарадан чиқиб бўлмайди фақат,
Шу оқ-қора – ҳаёт, cўнгра Ҳақиқат...

©️ Дадахон Муҳаммадиев

@dadaxonmuhammadiy

САҲРО

Ер тескари айланди аста,
Бир чоҳ чиқди ва тўсди йўлим.
Қимирласам қум тортар пастга,
Тинч турмоқлик – барибир ўлим…

©Дадахон

@dadaxonmuhammadiy

Бугун элнинг катта шоири Эшқобил Шукур туғилган кун. Устозга шеърларидек узоқ умр тилаймиз.


ЎЗБЕК ТИЛИ

Эшқобил Шукурга

Ўляпман,
Ҳеч нарса қолмади тириклигимдан.
Бошимда шляпа,
Эгнимда плаш,
Оёқда ажнабий поябзал.

Ўляпман,
Ҳар кеча мусиқа чаламан
Бир ажиб бегона оҳангда,
Созлайман бегона созларни.

Ўляпман,
Ўликми-тирикми тилим бор,
Боғланган, кесилган, топталган.
Йилда бир эсланар, эсланса...

Пешонамда тамға:
Бир замон
“Ўлимга маҳкум” деб босилган.

Ўляпман,
Ўзлигимни кўрсам,
Ўзимни кўрсам.
Фақат туркий тилда “ўлмайсан” дегин,
Ўзбекча оҳангда асраб қол мени.

©Дадахон

@dadaxonmuhammadiy

***

Юр, дедим,
Осмонни кўрсатай, дедим,
Шамолнинг тизгинин отдим ҳар ёққа.
Аммо сен суйгандай суймаган эдим –
Тош кўнглим оғирлик қилди учмоққа.

Сени эшитмадим – кўкка чўздим қўл,
Булутлар рақсини бузгудай бўлиб.
Вужудим титраган,
Нигоҳларим ҳўл,
Хўрсиниб, дунёга иддао қилиб.

Тонгнинг кўз ёшлари келди ларзага,
Менга қовоғини очгандай гўё.
Кўкнинг назарига тушган лаҳзада,
Битта кафтимга ҳам сиғмади дунё.

Мувозанат – оний, умр – муваққат,
Қўл чўзсанг қуруқ ҳам қайтармас лекин.
Қандай кетганлигим даргумон, фақат
Шу ҳолда қайтадан яралганим чин.

Энди мен – янгидан дунёни кўрган,
Илк бор кўкка боқиб ҳайратда қолдим.
Фақат юрагимда бир титроқ қолган –
Гўдакка айланиб бир... инграй олдим...

©️Дадахон

@dadaxonmuhammadiy

*  *  *

Ёмғирлар ёғади эртага,
Эртага тин олар кўнглимиз.
Зериккан, зориққан, чарчаган,
Руҳимдай мунғаяр умримиз...
 
Тегрангда айланар бир савол,
Кечиккан изҳорми ё қасам.
Кўнглимни кемирар шум хаёл ­­–
Келмасанг...
 
Поездлар кетяпти орқага,
Кўнглингдан ўтгани не эди?
Ёмғирлар ёғади эртага,
Севгининг энг сўнгги умиди.
 
Бемажол руҳимда оғир сас:
Авайлаб айтаман исмингни.
Келсайдинг, ҳеч қурса бир нафас –
Ёмғирни севгандай севсайдинг.
 
На тақдир – ҳеч бирга бўлмасак,
Кутмасанг, қайтмасанг сен агар?..
Умид бор, ўлмагай,
Ўлмасак –
Ёмғирлар ёғади эртага.

Дадахон МУҲАММАДИЕВ
@dadaxonmuhammadiy

https://t.iss.one/Aytolmagan_dilim