#Халқаро_ҳамкорлик

🗣 МДҲга аъзо давлатлар ИИВ кибержиноятчилликка қарши курашувчи тузилмалар раҳбарларининг 1 йиғилиши якунланди
——
Жорий йилнинг 21-23 ноябрь кунлари Россия Федерациясининг пойтахти Москва шаҳрида Мустақил давлатлар ҳамдўстлиги ташкилотига аъзо мамлакатларнинг Ички ишлар вазирликлари кибержиноятчиликка қарши курашувчи тузилмалари раҳбарларининг биринчи халқаро учрашуви бўлиб ўтди.
Унда Ички ишлар вазирлиги Тезкор-қидирув департаменти Киберхавфсизлик маркази бошлиғи, подполковник Б.Н.Мамаджанов бошчилигидаги делегация вакиллари ҳам иштирок этдилар.
Учрашув давомида трансчегаравий кибержиноятчиликка қарши курашиш бўйича ҳамкорликда чора-тадбирларни белгилаш, бу турдаги жиноятчилик содир этиш усули ва турлари барча мамлакатларда деярли бир хил кўринишда намоён бўлаётганлиги, кибержиноятчиликка қарши курашиш ва олдини олишда ўзаро ҳамкорликнинг ўрни юқори эканлиги иштирокчилар томонидан таъкидлаб ўтилди.
Шунингдек, йиғилиш давомида томонлар ўзлари фаолият олиб бораётган давлатларда кузатилаётган кибержиноятларга қарши курашишдаги муаммолар ва уларнинг ечимлари бўйича фикр-мулоҳазаларини билдирдилар, таъкидланган таклифлар йиғилиш баёнида қайд этилди.
Учрашув якунида кибержиноятчиликка қарши курашишда кўп томонлама ҳамкорликни кенгайтириш, ўзаро ахборот алмашинувини янада мустаҳкамлаш масалалари келишиб олинди.

🌐 𝐼𝑛𝑠𝑡𝑎𝑔𝑟𝑎𝑚 | 🚀 𝑇𝑒𝑙𝑒𝑔𝑟𝑎𝑚 | 🎬 𝑌𝑜𝑢𝑡𝑢𝑏𝑒