Айни дақиқаларда пойтаҳтимизнинг "Lumiere" меҳмонхонасининг анжуманлар залида Божхона брокерлари уюшмаси томонидан ташкил этилган давра суҳбати бўлиб ўтмоқда.

Ушбу тадбирдан кўзланган асосий мақсад - ташқи иқтисодий фаолиятни амалга ошириш жараёнида юзага келиши мумкин бўлган муаммоларни аниқлаш ва ҳуқуқий саводхонликни ошириш, ҳуқуқбузарликларнинг олдини олиш ҳамда инновацион таклифлар ишлаб чиқишдан иборат.

Гибрид форматда ўтказилаётган ушбу давра суҳбатида ташқи иқтисодий фаолият қатнашчилари, божхона брокерлари, давлат сектори вакиллари, Давлат божхона қўмитасининг Марказий аппарати, Тошкент шаҳар ва Тошкент вилояти божхона бошқармалари ҳамда Божхона институтидан мутасадди вакиллар иштирок этишмоқда.

Кун фотоси: Янчилаётган пиротехника!

Фарғонада божхоначилар томонидан тезкор тадбирларда қонунбузарлик ашёси сифатида олиб қўйилган ҳамда суд қарорига асосан йўқ қилиниши белгиланган қиймати салкам 116 млн. сўмлик 230 400 дона пиротехника воситалари кенг жамоатчилик иштирокида яроқсиз ҳолатга келтирилди ҳамда ёқиб юборилди.

Давлат божхона қўмитаси Раиси А.Мавлонов бугун Тошкент шаҳрининг Мирзо Улуғбек ва Олмазор туманларида жойлашган “Мурувват” уйларида бўлди ва мавжуд шарт-шароитларни кўздан кечирди.

Пойтахтимизда жойлашган 3 та “Мурувват” уйи бўйлаб бўлиб ўтган ўрганишлар тафсилотларини каналимиз орқали кузатиб боринг.

Дастлаб Мирзо Улуғбек туманининг Қорасув мавзесида жойлашган “Мурувват” эркаклар интернат уйи фаолияти билан танишилди.

1979 йилда ташкил этилган мазкур муассасада 452 нафар беморларга тиббий хизмат кўрсатилмоқда.

Ҳозирда бу ерда асосий биноларни мукаммал таъмирлаш, йўлакларга замонавий қопламалар ётқизиш, ҳудудни ободонлаштириш ишлари жадал суръатларда олиб борилмоқда.

Таъмирлаш ишлари шундай йўлга қўйилиши керак-ки, таъмирдан сўнг шифокорлар, ҳам беморлар ҳам энг аввало қулайликни ҳис қилишлари кераклиги таъкидланди.

Шу мақсадда эндиликда бино лифтларини янгилаш ва бу ерга замонавий ёритиш мосламаларини ўрнатиш ишлари ҳам олиб бориладиган бўлди.