#donolar_bisotidan
#kun_hikmati

Донолар бисотидан

Нима адолатли эканини тушуниш, гўзалликни ҳис этиш, фақат яхшиликни раво кўриш — оқилона йўл-йўриқ мана шудир.

А. Платен

Божхона тизимидаги ислоҳотлар самараси

Божхона соҳасида кенг жорий этилаётган “Хавфларни бошқариш”, “Ягона дарча”, “Е-транзит”, “Божхона ва юк операциялари” каби электрон ахборот тизимлари кўмагида божхона назорати ҳамда расмийлаштирувига сарфланаётган вақт тобора қисқариб бормоқда.

“Божхона ва юк операциялари” автоматлаштирилган ахборот тизими бу борада алоҳида аҳамиятга эга.

Жойларда мазкур тизимнинг мазмун-моҳиятини ташқи иқтисодий фаолият иштирокчилари, хусусан, тадбиркорлар, божхона омбори вакилларига етказиш, уларга тизимдан фойдаланиш тартиби, амалиётда қўллаш тушунтириш тарғибот учрашувлари ташкил этилмоқда.

👉 Батафсил

@toshkent_bojxonasi

Давлат божхона қўмитаси Раиси Акмалхўжа Мавлонов Бухоро шаҳридаги 30-мактабнинг “Биринчи қўнғироқ” тадбирида иштирок этди

Хабарингиз бор, 2022 йил 17 февраль куни божхона тизимини янада ислоҳ қилиш бўйича ўтказилган видеоселекторда Муҳтарам Президентимиз жуда муҳим ва ҳаётий ташаббусни илгари сурдилар, яъни Давлат божхона қўмитасига ҳар бир вилоят ҳудудидан биттадан мактаб бириктирилиши ҳамда мазкур мактабларда божхона иши йўналишида таълим ва тарбия ишларини ташкил этиш, ёшларни божхона соҳасига қизиқишини ошириш, ўқувчиларни божхона постларига амалий ташрифларини ташкил этиш вазифаси юклатилди.

Шу мақсадда Бухоро шаҳридаги 30-мактаб ҳам божхона органларига бириктирилди.

ДБҚ Раиси Президентимиз томонидан божхона органларига халқ таълими тизими билан ҳамкорликни йўлга қўйиш юзасидан берилган топшириқ аслида юксак ишонч бўлиб, божхона органлари шахсий таркибига шараф ва қувонч бағишлаганини алоҳида таъкидлади.

Ҳозирда божхона органларига бириктирилган 14 та мактабдаги 290 та синфда таҳсил олаётган 8,5 минг нафардан зиёд ўқувчиларни божхона ишига қизиқишини ошириш, уларни касбга йўналтиришга қаратилган ишлар бошлаб юборилди.

Божхона органларига бириктирилган ҳар бир мактабда “Янги Ўзбекистон божхонаси” бурчаги, “Божхона билимдони” кўрик-танлови, “Божхона олами” ўқув-услубий қўлланмаси асосидаги дарс машғулотлари ташкил этилмоқда ҳамда “Ёш божхоначи” рамзий нишони таъсис этилди.

Тадбирда мазкур мактабнинг 10-синф ўқувчиси, жорий йилда Президентимиз томонидан ташкил этилган "Ёш китобхон" танловининг Республика босқичи ғолиби Мухлиса Насимова “Ёш божхоначи” рамзий нишонининг илк соҳибаси бўлди.

Шунингдек, Давлат божхона қўмитаси номидан ушбу мактабга 4 дона телевизор беғараз топширилди.

Президент топшириғи ижроси таъминланди!

Қоракўл туманида Давлат божхона қўмитаси томонидан молиялаштирилган янги мактаб фойдаланишга топширилди.

Шу кунларда “Янги Ўзбекистонда эл азиз, инсон азиз!” шиори остида Ватанимиз истиқлолининг 31 йиллик байрами кенг нишонланмоқда.

Мазкур байрам Бухоро шаҳридан 70 км. олисдаги Қоракўл туманининг “Дўрмон” маҳалласи аҳолиси учун қўшалоқ қувонч олиб келди.

Маҳалладаги “Янги Ўзбекистон” массивида Давлат божхона қўмитаси ҳиссаси билан 330 ўринли янги мактаб биноси қуриб, фойдаланишга топширилди.

Шу муносабат билан ташкил қилинган тантанали очилиш маросимида Давлат божхона қўмитаси Раиси Акмалхўжа Мавлонов иштирок этди.

Тадбирда фахрий қоровул саф тортиб, давлатимиз мадҳияси жаранглади.

- Муҳтарам Президентимиз таъкидлаганларидек, эртанги кунимиз, фаровонлигимиз фарзандларимиз қандай инсон бўлиб камолга етиши билан боғлиқ. Тарихан, қисқа вақт ичида юртимизда таълим тизимида муҳим ўзгаришлар амалга оширилди. “Янги Ўзбекистон – мактаб остонасидан бошланади” деган шиор остида мактаб таълимини ривожлантириш умумхалқ ҳаракатига айланди, - деди ўз сўзида А.Мавлонов.

Бу мактабнинг айнан Қоракўл туманида ҳам қурилиши бежиз эмас. Қоракўл мактаб таълим тизими нафақат Ўзбекистонда, балки бутун дунёда ўз ўрни ва нуфузига эга. Ушбу ҳудуд азалдан ўзининг билимга чанқоқ ёшлари билан нафақат Ватанимизда, балки жаҳон миқёсида ҳам машҳурдир.

Жумладан, жорий йилнинг ўзида қоракўллик ўқувчилар халқаро олимпиадаларда 4 та олтин, 7 та кумуш, 5 та бронза медаллари қўлга киритганликлари бунга яққол мисол бўла олади.

Тадбирда Қоракўл тумани ҳокими Х.Тохиров, вилоят халқ таълими бошқармаси бошлиғи Д.Мустафоева, туман фаоллари, устозлар, ота-оналар ва ўқувчилар иштирок этишди.

ДБҚ Раиси мактабдаги шарт-шароитлар билан атрофлича танишиб, мавжуд шарт-шароитларни янада яхшилаш, айниқса ёшларнинг спорт билан шуғулланишлари учун қўшимча имкониятларни ишга солиш зарурлиги таъкидлади.

Мактаб ўқувчилари ва ота-оналар билан яқиндан суҳбатлашиб, уларнинг Президентимизга йўлланган байрам тилакларига қулоқ тутди.