Сирдарё вилоятида инвестиция лойиҳаларининг ўз вақтида амалга оширилиши ва “Божхона ҳудудида қайта ишлаш” божхона режими афзалликларини тарғиб қилиш мақсадида Божхона қўмитаси бошқарма бошлиғи ўринбосари У.Тўйчиев ва Сирдарё вилояти божхона бошқармаси масъуллари вилоят ҳудудида фаолият юритаётган тадбиркорлик субъектлари билан сайёр учрашувлар ўтказди.

Сирдарё туманида жойлашган “Sirdaryo-Mega-Luks” МЧЖда вилоят Савдо-саноат ва инвестиция бошқармаси вакиллари билан ўтказилган учрашувда ушбу тумандаги “Baxtteks-Farm”, “Sayxun Karwan”, “Arimex”, “Polypack”, “Sayxun Flour Trade”, “Sof Plast” ва “Qadrli” МЧЖ вакиллари ҳам иштирок этишди.

“Sirdaryo-Mega-Luks” МЧЖ жорий йилнинг ўтган даври мобайнида 13,3 млн. АҚШ долларига тенг бўлган тайёр маҳсулотларни 10 дан ортиқ давлатларга экспорт қилишга эришган.

Масъуллар томонидан иштирокчиларга товарларни божхона ҳудудида қайта ишлаш доирасида божхона тўловлари ундирилмаслиги ва иқтисодий сиёсат чоралари қўлланилмаслиги тўғрисида батафсил тушунтиришлар берилди.

Сирдарё туманида жойлашган “Eurasia Gaz Beton” МЧЖда газобетон маҳсулотлари ишлаб чиқариш лойиҳасида корхона томонидан 2023 йил давомида жами 2,4 млн. долл. тўғридан-тўғри хорижий инвестициялар ўзлаштирилиши таъминланган.

Учрашув давомида, Гулистон шаҳридаги кунгабоқар уруғларини қайта ишлаш орқали олинган ёғ маҳсулотини экспорт қилишга ихтисослашган “Баққол дон савдо” МЧЖ ва Янгиер шаҳридаги “Intergrain” МЧЖ томонидан ишлаб чиқариш ҳажмини ошириш мақсадида қурилаётган янги тегирмон ўрганилди.

Ташриф давомида, Сирдарё туманидаги “Мурувват” аёллар интернат уйида олиб борилаётган қурилиш жараёнлари билан танишилди, шунингдек, муқобил энергия манбаларини ўрнатилиши бўйича Марказий Банкнинг Сирдарё вилояти бошқармасига ўрнатилган 50 кВт. қувватга эга қуёш панеллари кўздан кечирилиб, якунда божхона бошқармасига Гулистон туманидан бириктирилган ёшлар билан учрашув ўтказилди.

Территория, свободная от таможенных платежей: преимущества, возможности и удобства

В Ташкентском городском таможенном управлении организован семинар на тему "Переработка на таможенной территории - оказание практической помощи субъектам предпринимательства".

Бухоро вилояти божхона бошқармаси мутахассислари томонидан "Божхона ҳудудида қайта ишлаш" божхона режимининг афзалликларини вилоят ҳудудида қайта ишлаш фаолияти билан шуғулланувчи тадбиркорлик субъектларига етказишга қаратилган навбатдаги сайёр учрашуви “Buxoro gypsum” МЧЖга қарашли хусусий корхонада бўлиб ўтди.

Сайёр кўринишдаги мулоқот жараёнида икки томон вакиллари ўртасида мазкур божхона режими ва ундан фойдаланиш асносида ишлаб чиқариш ҳамда экспорт салмоғини ошириш масалалари таҳлил этиб борилди.

Маълумот учун, мазкур корхона томонидан жорий йил ҳисобида 2672 минг тонна хом ашё импорт тариқасида олиб келиниб, ушбу хом ашёлар учун жами 1 млрд. 380 минг сўм миқдорда божхона тўловлари тўланган бўлса, шундан қайта ишлаш натижасида 3,8 млн. долларга тенг маҳсулотлар экспортга йўналтирилган.

Учрашув давомида, корхона вакиллари келгусида божхона ҳудудида қайта ишлаш режими имкониятларидан фойдаланган ҳолда импорт қилинаётган хомашёларга божхона тўловларидан бериладиган имтиёзлар натижасида ўзларида қолган маблағ ҳисобидан ишлаб чиқариш ҳажмини янада оширишлари мумкинлиги таъкидланди.

Марказий Осиё ва Хитой: божхона соҳасидаги мулоқотнинг янги формати

Аввал хабар берганимиздек, Ўзбекистон Республикаси Президенти Шавкат Мирзиёевнинг Хитой Халқ Республикаси Раиси Си Цзиньпиннинг таклифига биноан ушбу мамлакатга бўлган амалий ташрифи доирасидаги тадбирларда Ўзбекистон Республикаси Божхона қўмитаси Раиси Акмалхўжа Мавлонов ҳам иштирок этди.

Хитойга амалий ташрифнинг энг самарали платформаси бу Марказий Осиё ва Хитой божхона хизматлари раҳбарларининг “С5+1” форматида навбатдан ташқари учрашуви бўлди.

Бундай форматдаги учрашув илк бор ўтказилаётганини алоҳида қайд этиш жоиз.

Йиғилишда томонлар “Бир макон, бир йўл” ташаббусини самарали амалга оширишда божхона органлари зиммасига юкланадиган вазифалар ва уларни биргаликда амалга оширишнинг механизмларини атрофлича муҳокама қилишди.

Марказий Осиё минтақасининг Хитой билан тобора ривожланиб бораётган савдо-иқтисодий алоқалари божхона тартиботларини ўзаро уйғунлаштириш ва соддалаштиришни тақозо этади.

Шу боисдан ташқи савдо юкларининг трансчегаравий ҳаракатида “Ягона ойна” тамойилини кенг қарор топтириш, хафвларни бошқариш, ноинтрузив ва интеллектуал картогрофик кўрикларни амалга ошириш, ваколатли иқтисодий операторларни ўзаро тан олиш, ҳуқуқни муҳофаза қилиш ҳамда ўзаро маълумотлар алмашинувини йўлга қўйиш йўналишларида ҳамкорлик ишларини жадаллаштириш масалалари учрашувда алоҳида ва атрофлича муҳокама қилинди.

Бу форматдаги учрашувларни мунтазам ташкил қилиш таклифи илгари сурилди ва бу ҳамкорликдаги чора-тадбирларни тезкор ва самарали амалга оширишни рағбатлантириши қайд этилди.