Бугун Тошкентдаги Ҳумо Арена спорт мажмуаси майдонида ҳарбий-ватанпарварлик руҳидаги « Мен ғолиб» оммавий югуриш мусобақаси бўлиб ўтди. Унда куч ишлатувчи тузилмалар ходимлари, ҳарбий хизматчилар, ҳарбий таълим муассасалари курсантлари, спорт клублари аъзолари ва фаол ҳаёт тарзини севувчилар қатнашдилар.

Илк маротаба ўзида 1700 га яқин иштирокчини бирлаштирган спорт мусобақасида югурувчилар ўз кучларини иккита масофада - 10,5 км ва 3 км масофаларида синаб кўришди.

Божхона қўмитаси ходимлари ҳамда Божхона институти курсантлари мазкур мусобақада яккалик ҳамда жамоавий тарзда фаол иштирок этиб, юқори натижаларни қўлга киритишди.

Хусусан, 3 км масофага курсант қизлар ўртасида югуришда Божхона институтининг 1-курс курсанти Гостюхина Ангелина Сергеевна фахрли 1-ўринни қўлга киритди.

Шунингдек, тадбирда иштирокчиларга элимиз суйган хонандалар томонидан турли куй ва қўшиқлар тақдим этилди. Божхона институти ашула-рақс ансамбли хонандалари ҳам  ўзларининг ижод намуналари билан концерт дастурида иштирок этишди.

Айни дақиқаларда Божхона қўмитасининг Миллий кинология марказида Ўзбекистон Республикаси Миллий гвардияси мутахассис кинологларнинг очиқ мусобақасига старт берилди.

Мазкур мусобақалар 2023 йил 22-26 май кунлари давомида марказ базаси ҳамда Чирчиқ шаҳридаги ҳарбий дала полигонида бўлиб ўтади.

#eksport

Фарғонада мавсумда кунига ўртача 400 тонна гилос экспортга расмийлаштирилмоқдa

2022 йилда умумий қиймати 17,8 миллион долларлик 12,4 минг тонна гилос экспорт қилинган. Гилослар жами 12 та давлатга экспорт қилиниб, экспортнинг 71 фоизи Россия Федерациясига қолган қисми Қирғизистон, Қозоғистон, Польша, Беларусь, БАА, Хитой, Корея Республикаси ва бошқа давлатлар ҳиссасига тўғри келди.

Айни кунларда вилоятда гилос экспорти жадал давом этиб, божхоначилар жорий йилнинг ўтган даври мобайнида қиймати 4 миллион долларга яқин 4750 тоннадан ортиқ гилос маҳсулотларини экспортга расмийлаштиришди. Ҳозирда мавсумда кунига ўртача 400 тонна гилослар экспортга расмийлаштирилмоқда.

Гилослар соддалаштирилган тартибда божхона назоратидан ўтказилиши таъминланмоқда. Ҳозирда маҳсулотлар асосан Қирғизистон, РФ, Беларусь ҳамда Саудия Арабистони каби давлатларга экспорт қилинмоқда.

Бугун Миллий кинология марказида ўтказилаётган мусобақаларда Миллий гвардия, Божхона қўмитаси ва Ички ишлар вазирлиги кинологлари билан бир қаторда Россия Федерацияси ва Беларусь Республикасидан 20 дан ортиқ тажрибали кинологлар ғолиблик учун кураш олиб боришмоқда.

Мусобақа давомида меҳмонлар Миллий кинология маркази фаолияти билан яқиндан танишишди.

Бугун Божхона институти ташкил этилганлигининг 20 йиллиги

Ҳозирда институтда “Божхона иши” ва “Юриспруденция (иқтисодий хавфсизликни ҳуқуқий таъминлаш)” йўналишлари бўйича бакалаврларни ҳамда ўқиш муддати 1 йил бўлган “Божхона иши” ва “Солиқ ва божхона ҳуқуқи” мутахассисликлари бўйича магистрларни тайёрлаш амалга оширилмоқда.

Институтининг “Божхона иши” бакалавриат таълим йўналиши Жаҳон божхона ташкилотининг PICARD профессионал стандартларига мувофиқ аккредитациядан ўтказилган ва бугунги кунда халқаро стандартларга мос божхона кадрларини тайёрлаш ҳуқуқини берувчи сертификатга эга.

Институт профессор-ўқитувчиларининг илмий салоҳияти 57,9 фоизни ташкил этади. Илмий даражага эга профессор-ўқитувчилардан фан докторлари 6 та, фан номзодлари ва фалсафа докторлари 27 тани ташкил этади.

Институт Ахборот-ресурс марказининг электрон кутубхонаси, ўқув хоналари, махсус синфлари замонавий компьютер техникалари ва бошқа воситалар билан жиҳозланган бўлиб, ўқув ва бадиий адабиёт фонди 27 мингдан ортиқ.