Божхона институтида Конституция билимдонлари аниқланди

Давлат божхона қўмитасининг Божхона институтида Ўзбекистон Республикаси Конституцияси қабул қилинганлигининг 30 йиллиги муносабати билан “Конституция билимдони” кўрик танлови ўтказилди.

Танлов курсантларнинг ҳуқуқий билимларини мустаҳкамлаш, уларни Ўзбекистон Республикаси Конституцияси ва қонунларига ҳурмат руҳида тарбиялаш, ёшларнинг келажакка ишончини мустаҳкамлаш ҳамда иқтидорли ёшларни аниқлаб, рағбатлантириш мақсадида ташкил қилинди.

Иштирокчилар таништирув, Асосий қонун бўйича савол-жавоблар, ижодий чиқишлар бўйича иштирок этиб, ўз иқтидор ва билимларини намойиш қилишди.

Ғолибларга фахрий ёрлиқ, Институт кубоги ва эсдалик совғалари топширилди.

Тадбирда Давлат божхона қўмитаси Раисининг маслаҳатчиси Ҳ.Азизов иштирок этди.

Сиз Конституцияни биласизми?

Бош Қомусимиз қабул қилинганлигининг 30 йиллиги арафасида Тошкент шаҳар божхона бошқармаси томонидан ташқи иқтисодий фаолият ва чегара божхона постларида айни шу мавзуда сайёр викториналар ўтказилди.

Юк автотранспорт воситалари ҳайдовчилари ва темир йўл орқали хориждан юртимизга кириб келаётган фуқаролар ўртасида ўтказилган савол-жавобларда фаол қатнашиб, ўз билимдонлигини намоён қилган иштирокчиларга Ўзбекистон Республикаси Конституцияси ва эсдалик совғалари улашилди.

Давлат божхона қўмитасида Ўзбекистон Республикаси Конституцияси қабул қилинганлигининг 30 йиллиги байрамига бағишланган тантанали тадбир бўлиб ўтди.

Давлатимиз мадҳияси садолари остида бошланган тадбирда йиғилганларни байрам билан қутлар экан, ДБҚ Раиси А.Мавлонов Конституция бу ҳар бир мамлакатнинг суверенитетини, миллий давлатчилиги ривожини, фуқаролари ҳаётини, жамиятдаги ўрни ва турмуш тарзини белгилаб берувчи асосий Қонун эканлигини таъкидлади.

Байрам муносабати билан республикамиз бўйлаб хизматда юқори натижалар кўрсатиб келаётган 130 нафар ходимлар “Ўзбекистон Конституциясининг 30 йиллиги” кўкрак нишони билан тақдирландилар. Шунингдек, 45 нафар ходимларга навбатдаги унвонлар берилди.

Тадбир давомида божхона органларига бириктирилган мактаб ўқувчилари ўртасида “Конституцияни ўрганамиз”, “Конституция – менинг тақдиримда” шиори остида ўтказилган интеллектуал танловда ғолиб деб топилган 14 нафар ўқувчилар “Ёш божхоначи” кўкрак нишони билан тақдирланди.

Батафсил қуйидаги ҳаволада танишинг.