“Мы здароўю скажам: “Так!” Рэйд-акцыя пад такой назвай 16 лютага у рамках інфармацыйна-пазнавальнага праекта “Праз актыўнасць да даўгалецця” прайшла для жыхароў вёсак Скіпоравічы, Сверплевічы, Малдавічы.

Яго правялі артысты творчага калектыву сектара нестацыянарнага абслугоўвання насельніцтва раённага цэнтра культуры і народнай творчасці і інструктар-валеолаг райЦГЭ Наталля Юрэня, якія выехалі па маршруце разам з аўталаўкай Дзятлаўскага філіяла Гродзенскага аблспажыўтаварыства.Наталля Юрэня расказала вяскоўцам аб прафілактыцы інфекцыйных і неінфекцыйных захворванняў, важнасці падтрымання здаровага ладу жыцця, як у пажылым узросце арыентавацца на актыўную жыццёвую пазіцыю, адказала на пытанні.Усе жыхары, якія далучыліся да рэйда-акцыі, атрымалі буклеты “Азбука здароўя” і “Рэгіянальны аглядальнік”. У сваю чаргу артысты сектара парадавалі іх вясёлымі песнямі пад гармонік.

У філіяле “Данілавіцкая сельская бібліятэка-цэнтр развіцця і падтрымкі чытання” праводзіліся гучныя чытанні “Вместе весело читать”. Дзеці пазнаёміліся з кніжнай выставай  “Кніга кліча нас ў госці”, затым бібліятэкар здзейсніла невялікае падарожжа па казках, вершах, пасля чаго дзеці з задавальненнем адгадвалі  загадкі аб казках і казачных героях.

Музычна-лiтаратурная гасцеўня "З любоўю да роднага слова" да Дня роднай мовы прайшла 21 лютага на баўе фiлiяла "Дварэцкi Дом культуры".

Інтэлектуальная гульня "Таямніцы роднай мовы" да Дня роднай мовы 21 лютага прайшла ў фiлiяле "Гезгалаўскі Дом культуры"

"Родная мова, матчына мова” – так шаноўна і ласкава называем мы сваю мову. Гэтым днём ў філіяле “Казлоўшчынская ГПБц” ладзілася фальклорная мазаіка “Роднай мовы пералівы”.