❗️826 nafar abituriyent maksimal 189 ball to‘pladi
#abituriyent

Bu shubhasiz, rekord natija. Hatto bunkerlar gullab-yashnab, abituriyentlar o‘rniga professional ustozlar testlarni yechib bergan davrlarda ham maksimal ball olganlar soni bunchalar ko‘p bo‘lmagandi, adashmasam. Yoshlarimizga qoyil!

Albatta, maksimal ball to‘plashda xalqaro va milliy sertifikatlarning tan olinishi ham katta rol o‘ynamoqda. Ammo sertifikatni ham ashula aytgani yoki raqs tushgani uchun emas, bilimi borligi uchun berishadi. Ya’ni sertifikati bor abituriyentda yetarli darajada bilim bor degani. Bu meni juda xursand qiladi. Yana bir bor ilmga chanqoq yoshlarimizga qoyil!

Eng ko‘p maksimal ball biologiya+kimyo fani majmuasida (tibbiyot yo‘nalishi desak ham bo‘ladi), undan keyin ingliz tili+ona tili fanlari majmuasida (ingliz tili filologiyasi yo‘nalishi).

Fanlar majmuasi hamda tillar kesimida 189 ball to‘plaganlar soni quyidagicha:

🔹Biologiya + kimyo fanlari majmuasida (259 nafar)

O‘zbek tili: 227 nafar
Rus tili: 18 nafar
Qoraqalpoq tili: 14 nafar

🔹Ingliz tili + ona tili va adabiyot fanlari majmuasida (234 nafar)

O‘zbek tili: 227 nafar
Rus tili: 4 nafar
Qoraqalpoq tili: 3 nafar

🔹Tarix + chet tili fanlari majmuasida (146 nafar)

O‘zbek tili: 145 nafar
Rus tili: 1 nafar

🔹Matematika + chet tili fanlari majmuasida (139 nafar)

O‘zbek tili: 133 nafar
Rus tili: 4 nafar
Qoraqalpoq tili: 2 nafar

🔹 Davlat va huquq asoslari + chet tili fanlari majmuasida (26 nafar)

O‘zbek tili: 22 nafar
Rus tili: 3 nafar
Qoraqalpoq tili: 1 nafar

🔹Ona tili va adabiyot + chet tili fanlari majmuasida (16 nafar)

O‘zbek tili: 9 nafar
Rus tili: 4 nafar
Qoraqalpoq tili: 3 nafar

🔹Matematika + fizika fanlari majmuasida (5 nafar)

O‘zbek tili: 5 nafar

🔹 Fizika + matematika fanlari majmuasida (1 nafar)

O‘zbek tili: 1 nafar

ℹ️ Izoh: yuqoridagi ro‘yxatga “Temurbeklar maktabi” bitiruvchilarining natijasi kiritilmagan, chunki ular uchun alohida kvota beriladi.


🔘 @xushnudbekuz

🎙 Abituriyentlarni o‘ylantirayotgan masalalar yuzasidan jonli efir

Bugun, soat 18:00 da.

Abituriyentlar tomonidan qabul jarayoniga oid juda ko‘p savollar berilayotganini inobatga olib, Telegram, Instagram va YouTube orqali jonli efir tashkil qilmoqchiman.

💬 Savollaringizni shu yerga yozib qoldirishingiz mumkin.

⏰ Jonli efirni bugun, soat 18:00 dan boshlab, quyidagi sahifalarda tomosha qilishingiz mumkin:

🔹 Telegram

🔹 Instagram

🔹 YouTube


🔘 @xushnudbekuz

"Mening maktabimda zo'ravonlik yo'q" mavzusidagi trening mashg'ulotidan videorolik

❓Davlat granti uchun chegara nima degani?
#abituriyent

Oliy taʼlim muassasasining umumiy qabul parametriga nisbatan davlat granti kvotasi ulushining chegarasi haqida ko’pchilik so’ramoqda. Bu raqamlar nimani anglatishini tushuntiraman.

Eng avvalo ushbu jadvaldagi raqamlar foizni anglatadi. Ya’ni ma’lum bir oliygohning qaysidir yo’nalishiga ajratilgan kvotaning shuncha foizi miqdorida grant ajratilishi mumkin.

Keling, aniq misol bilan tushuntiraman.

• Yurisprudensiya uchun jami davlat granti kvotasi — 145 ta;
• Yurisprudensiya uchun davlat granti ulushi chegarasi — 10%;
• Toshkent davlat yuridik universiteti yurisprudensiya kvotasi — 550 ta.

Masalan, yurisprudensiya uchun bir oliygoh kesimida 10 foizlik grant chegarasi belgilanibdi.

Bu degani, bitta oliygoh o’zi uchun uchun ajratilgan kvotaning maksimum 10 foizini yurisprudensiya uchun davlat granti shaklida olishi mumkin, qolgani kontrakt bo’ladi.

Misol uchun, Toshkent davlat yuridik universiteti yurisprudensiyasiga jami 550 ta kvota ajratilgan. ❗️Bu grant va kontrakt uchun jami kvota hisoblanadi.

TDYU mana shu 550 ta kvotaning maksimum 10% qismini yurisprudensiya yo’nalishi uchun grant shaklida olishi mumkin. Demak, Yuridik universitetga topshirgan abituriyentlar 55 tagacha grant olishi mumkin. Yurisprudensiyaning qolgan 495 ta kvotasi kontrakt bo’ladi.

55 ta bu maksimum cheklov. Grant undan kamroq ham bo’lishi mumkin, bu abituriyentlar olgan ballarga bog’liq.

Agar yurisprudensiya uchun ajratilgan jami 145 ta grantning 55 tasini TDYU olsa, qolgan 90 tasi boshqa oliygohlarning yurisprudensiya yo’nalishida yuqori ball olgan abituriyentlarga ajratiladi.


👉 @xushnudbek 👈

❗️Yuqoridagi xabar tahrirlandi: davlat granti ulushining chegarasi oliygohning jami kvotasidan emas, balki o‘sha OTMdagi yo‘nalishning kvotasidan foiz chiqarilar ekan.

Tushunarli bo‘lishi uchun davlat granti ulushi chegarasiga yana bir misol keltiraman:

• Filologiya va tillarni o‘qitish yo‘nalishi uchun jami davlat granti — 1 ming 580 ta;
• Filologiya va tillarni o‘qitish: ingliz tili uchun chegara — 15%;
• O‘zbekiston davlat jahon tillari universitetida Filologiya va tillarni o‘qitish: ingliz tili kvotasi — 800 ta.

Dastlab “Inyaz”dagi ingliz tili filologiyasi kvotasining 15 foizini hisoblab olamiz: 800 * 15% = 120 ta.

Demak, “Inyaz”dagi ingliz tili filologiyasiga maksimum 120 ta grant qabul qilinadi. Bundan kam bo‘lsa bo‘ladi, lekin oshib ketmaydi. Qolgan 680 ta kvota to‘lov-kontrakt asosida bo‘ladi.

Buni tushunib oldik, endi umumiy grant kvotasida qancha o‘rin qolayotganini ko‘ramiz. 1 580 - 120 = 1 460 ta.

Agar “Inyaz”dagi ingliz tili filologiyasiga 120 ta grant olinsa, unda Filologiya va tillarni o‘qitish yo‘nalishi uchun 1 ming 460 ta grant o‘rni boshqa oliygohlarga hamda “Inyaz”ning boshqa yo‘nalishlariga (boshqa tillarga) ajratiladi.

Unutmang, Filologiya va tillarni o‘qitish yo‘nalishi uchun ajratilgan jami 1 ming 580 ta davlat granti kvotasi faqat ingliz tili uchun emas, barcha tillar uchun berilgan. Bunda barcha tillar bo‘yicha testga kirgan abituriyentlar umumiy “qozonga solinadi” va eng yuqori ball olganlar davlat granti ulushi chegarasiga rioya qilgan holda grantga taqsimlanadi.


👉 @xushnudbek 👈

RASMIY MUNOSABAT

Ijtimoiy tarmoqlarda Tayanch va hududiy ixtisoslashtirilgan maktablarga qabul imtihonlari bo‘yicha rasman tasdiqlanmagan ma’lumotlar tarqalmoqda.

❗️Eslatib o‘tamiz, imtihon natijalari rasman e’lon qilinmagan. Ayni paytda natijalarni shakllantirish ishlari yakuniy bosqichda.

Ixtisoslashtirilgan ta’lim muassasalari agentligi imtihon natijalarini bugun kunning ikkinchi yarmida rasmiy sahifalari orqali e’lon qilinishini ma’lum qiladi.

Hurmatli ota-onalar va nomzodlar! Iltimos, norasmiy va tasdiqlanmagan manbalarga ishonmang. Faqat Agentlikning rasmiy sahifalari orqali beriladigan xabarlarga tayaning.

Eng so‘nggi va ishonchli ma’lumotlar faqat quyidagi sahifalarda e’lon qilinadi:
Telegram | Facebook | Instagram | YouTube | Portal