#befarqemasman

Анвар Холиқулов, Самарқанд иқтисодиёт ва сервис институти кафедра мудири:

— 19 йилдан буён институтда фаолият олиб бормоқдаман. Конституцияни ўзгартириш бўйича референдум ўтказиляпти. Бунда мени илҳомлантирган жиҳатлар кўп. Айниқса, 50-модда билан таълим соҳасига алоҳида эътибор бериляпти. Олдин фақат давлат таълими кафолатланган бўлса, янги таҳрирда нодавлат таълим ҳам ҳуқуқий асос билан таъминланмоқда. Яна бир жиҳат – инклюзив таълим ҳам кафолатланмоқда. Мен таълим соҳаси билан боғлиқ ўзгаришларга бефарқ эмасман ва референдумга фаол қатнашаман.

@menbefarqemasman

#befarqemasman

Шоҳида Ибрагимова, тадбиркор, бизнес-тренер:

— Мен бир нечта бизнеслар асосчисиман ва бу соҳада 13 йиллик тажрибага эгаман. Ижтимоий тармоқлардаги саҳифаларимда аудиториянинг асосий қисмини аёллар ташкил этади. Молиявий саводхонлик бўйича олиб бораётган дарсларимдан билдимки, аёлларнинг таълим олишида тўсқинликлар бор: турмуш ўртоғи, қайнона, қайнотаси, ота-онаси ўқишига рухсат бермайди. "Қиз болага ўқишнинг кераги йўқ, мактабни тамомласанг бўлди, турмушга берамиз", дейишади. Ваҳоланки, бу унинг ҳуқуқи. Янги Конституцияда ҳам бу ҳуқуқ мустаҳкамлаб қўйилмоқда. Мен аёлларнинг таълим олишига бефарқ эмасман!

@menbefarqemasman

#befarqemasman

Фазлиддин Собиржонов, Тошкент давлат юридик университети катта ўқитувчиси:

— Бугунги кунда янги таҳрирдаги Ўзбекистон Конституциясида, биринчи навбатда, самарали иқтисодиёт, эркин бошқарув тизими, кучли ижро ҳокимияти шаклланиши, Сенат ва қонунчилик палаталари ўртасида ваколатлар тақсимланиши ҳамда энг асосий масала — инсон ҳуқуқ ва эркинликларининг самарали ҳимоя қилиниши, конституцион норма асосида кафолатланишини ўзгартиришларнинг асосий мезони сифатида кўришимиз мумкин.
Конституцион ислоҳотлар аввало инсон қадри, ҳуқуқ ва эркинликларини ҳозирги жамият ва келажак авлод учун конституциявий кафолатлашни назарда тутади. Бу ислоҳотлар бутун бошқарув тизимида самарали тизимни яратишга асос бўлади.

@menbefarqemasman

#befarqemasman

Гулдана Авездурдиева, Республика туркман маданият маркази раиси:

— Инсон қадри улуғланаётган Ўзбекистонда 200 мингдан ортиқ туркман миллати вакиллари ўзаро дўстликда, хотиржамликда истиқомат қилиб келмоқда. Кўп миллатли Ўзбекистоннинг фаровонлиги ва гуллаб-яшнашини таъминлаш, инсон шаъни ва қадр-қимматини мустаҳкамлаш мақсад қилинганлиги давлат учун муҳим жиҳатлардир. Мен буни қўллаб-қувватлайман. Ушбу диёрда фаровон яшаётган бир инсон сифатида мен тақдиримга #befarqemasman. Сиз ҳам бефарқ бўлманг!

@menbefarqemasman

#befarqemasman

Самира Шокирова, Зулфия номидаги давлат мукофоти соҳибаси:

— Шахсан давлатимиз раҳбари қўлидан олган Зулфия номидаги давлат мукофоти менга катта масъулият юклайди. Мен янги Консттитуцияга бефарқ эмасман, сабаби унда ёшларнинг кенг билим олишини таъминлайдиган қатор янги моддалар киритилди. Бу эса ёшларнинг сифатли таълим олишига шароит яратади. Конституция — бизнинг келажагимиз!

@menbefarqemasman

#befarqemasman

Эргаш Усмонов, Янгийўл тумани 14-умумий ўрта таълим мактаби математика ўқитувчиси:

— Куни кеча умра сафарига бориб келдим. Сафар давомида шундай Ватанда яшаётганлигимиздан, зиёратчиларга яратилаётган шароитлардан хурсанд бўлдим, ўзимни жуда бахтли ҳис қилдим. Яна бир нарсадан хурсандман — янгиланаётган Конституциямизга ёшлар, ўқитувчилар ва зиёлиларни қўллаб-қувватлашни назарда тутувчи янги бандлар киритилмоқда. Шу сабабли биз референдумга бефарқ эмасмиз!

@menbefarqemasman

#befarqemasman

Муаззам Валиева, Ўртачирчиқ тумани "Чангтепа" маҳалласи ёшлар етакчиси:

— Юртимиз бўйлаб янгиланаётган Конституция лойиҳаси бўйича кўплаб фикр ва таклифлар илгари сурилди. Мени энг қувонтирган жиҳати, Конституция лойиҳасининг 42-моддасида ҳомиладорлиги ёки боласи борлиги сабабли аёлларни ишга қабул қилишни рад этиш, ишдан бўшатиш ва уларнинг иш ҳақини камайтириш тақиқланади, деган норманинг акс эттирилишидир. Ҳомиладор ва болали аёлларнинг меҳнат қилиш ҳуқуқи конституциявий тартибга солинмоқда. Биз аёллар учун оила, ёшлар ва болаларга бағишланган Конституциянинг 14-боби муҳим аҳамиятга эгадир. Ўйлайманки, янги Конституция — Ўзбекистон тараққиётининг асоси, меҳнатсевар халқимизнинг қадр-қимматини ҳимоя қилиш учун кўп йиллар хизмат қилади. Мен Бош Қомусимизга бефарқ эмасман, сиз ҳам бефарқ бўлманг!

@menbefarqemasman

#befarqemasman

Дилором Ҳамроева, мактабгача таълим муассасаси ходими (Тошкент вилояти):

— Янги Конституциянинг 50-моддасида мактабгача таълимга алоҳида эътибор қаратилмоқда. Унда давлат мактабгача таълим-тарбия жараёнларини янада ривожлантириш учун барча чораларни кўриши, айниқса алоҳида таълим эҳтиёжларига эга бўлганлар инклюзив таълим билан таъминланиши белгилаб қўйилмоқда.
Болажонларимиз қувончи, шодлиги учун биз референдумга бефарқ эмасмиз, сизчи?

@menbefarqemasman

#befarqemasman

Гулираъно Мамирова, Тошкент давлат иқтисодиёт университети Самарқанд филиали талабаси:

— Янгиланаётган Конституциянинг 79-моддасида ёшларнинг ижтимоий, иқтисодий ҳуқулари давлат томонидан кафолатланмоқда. Бу биз ёшларни қувонтиради. Мен ушбу сиёсий жараёнларга бефарқ эмасман, тенгдошларимни референдумда фаол қатнашишга чорлайман.

@menbefarqemasman

#befarqemasman

Рухсора Асланова, дизайнер:

— Мен дизайнерман, юздан ортиқ шогирдларим бор. Бугунги кунда юртимизда дезайнерлик, тадбиркорлик соҳаларига алоҳида эътибор қаратилмоқда. Янгиланаётган Конституцияга ҳам бу борада тегишли моддалар киритилмоқда. Мисол учун, 67-моддада тадбиркорлар ҳар қандай фаолиятни амалга ошириш ва ўз фаолияти йўналишларини мустақил равишда танлаш ҳуқуқи, тадбиркорларниниг меҳнат қилиш эркинлиги кафолатлатланмоқда. Шундай экан, мен бугунги ўзгаришларга бефарқ эмасман!

@menbefarqemasman

#befarqemasman

Зуҳро Акбарова, зоология фанлари доктори:

— Бир неча йиллардан буён олий таълим соҳасида фаолият олиб бораман. Бугун янгиланаётган Конститутциямизга бефарқ эмасман, сабаби 51-модданинг 2-қисмида олий таълим ташкилотларига академик эркинлик, ўз-ўзини бошқариш, тадқиқотлар ўтказиш ва ўқитиш эркинлиги ҳуқуқи кафолатланмоқда. Ана шундай илмга, таълимга фанга бўлган эътибор конститутциявий даражада белгиланиши, бу албатта, ҳар қандай давлат ва жамиятнинг тараққий этишини, ривожланишини кафолатлайди. Мен бунга бефарқ эмасман.

@menbefarqemasman

#befarqemasman

Икром Маткаримов, Хоразм вилояти ҳокимлиги ҳузуридаги Фуқароларнинг ўзини ўзи бошқариш органлари ходимларининг малакасини ошириш бўйича ўқув курслари директори:

— Янгиланаётган Конститутциямизда фуқароларни ўз-ўзини бошқариш органлари масаласига алоҳида эътибор берилган. Жумладан, 17-моддада Ўзбекистон Республикаси қонунчилигида биринчи маротаба Асосий Қонунда Ўзбекистон Республикасида фуқароларни ўз-ўзини бошқариш органлари давлат ҳокимият органлари сирасига кирмаслиги аниқ белгиланмоқда. Бу Ўзбекистонда муҳим институт саналган маҳалланинг ўзига хос қонуний асосини яратади. Ва албатта, шарқона демократиянинг бошқарув услуби сифатида маҳалланинг обрў-эътиборини юксак даражага кўтаришига ишонамиз. Биз барчани 30 апрель куни ўтказилаётган референдумда фаол иштирок этишга чорлаймиз. Биз бефарқ эмасмиз.

@menbefarqemasman

#befarqemasman

✅ Mansur Omonov, Janubiy Koreyaning Hanyang universiteti doktoranti, Janubiy Koreya

— Konstitutsiyaviy islohot - bu inson sha’ni, uning qadr-qimmati, inson huquqlarini himoya qilish, davlat va jamiyat boshqaruvini tubdan isloh qilish, yoshlar siyosati, moliya, iqtisodiyot, ijtimoiy soha va barcha sohalarni qarab olganligi bilan ham ahamiyat kasb etadi. Bu jarayonlarda barchamizni faol ishtirok etishga chaqirib qolaman.
@menbefarqemasman

🌐Telegram sahifamizga obuna bo’ling -  @wayuuz

🌐Instagram |  🌐Facebook |  🌐YouTube | 🌐LinkedIn

www.wayu.uz

#befarqemasman

Алиёр Абдувалиев, Нурафшон шаҳар тиббиёт бирлашмаси реанимация бўлими мудири:

— Сўнгги йилларда тиббиёт йўналишида кўплаб ислоҳотлар олиб борилмоқда. Хусусан, юқори технологияли жарроҳлик амалиётлар амалга оширилмоқда, хориждан янги асбоб-усукуналар олиб келинмоқда. Бу фуқароларнинг сифатли тиббий хизмат олишини кафолатлайди. Янгиланаётган Конституциянинг 48-моддасида ҳам фуқаролар тиббий ёрдамнинг кафолатланган ҳажмини қонунда белгиланган тартибда давлат ҳисобидан олишга ҳақли эканлигига урғу берилмоқда. Биламизки, ҳар қандай касалликда биринчи тиббий ёрдам тўғри кўрсатилса, халқ саломатлигига жуда катта ёрдам бўлади. Шунинг учун ҳам мен референдумда қатнашаман ва сизларни ҳам бефарқ бўлмасликка чақираман.

@menbefarqemasman

#befarqemasman

Ayollar kurashi so’nggi davrda o’zbek sportining eng sermahsul yo’nalishlaridan biriga aylanmoqda. Jasmina Immayeva unda yetishib chiqayotgan oltin avlod vakillaridan biri. Osiyo chempionati finaligacha yetib borgan yurtdoshimiz barchani Referendumda faol bo’lishga chorlaydi.

https://t.iss.one/AOKBToshvil

#befarqemasman

Зайнаб Дайибекова, қиличбоз:

— Қиличбозликни яхши кўрадиган одам мусобақа вақтида тез муносабат билдириш, қарор қабул қилиш ва дарҳол ҳаракат қилиш зарурлигини билади. Камдан кам жойларда вазият шу қадар тезлик билан ўзгаради. Шу сабабли биз тўғри танлов қадрини яхши биламиз. Чунки фақат у шоҳсупа томон етаклайди. 30 апрель. Биз бефарқ эмасмиз!

@menbefarqemasman

#befarqemasman

Жавоҳир Синдаров, халқаро гроссмейстер:

— Ҳаёт — бу шахмат партияси. Тахта устидаги вазият тўхтовсиз ўзгаради. Муваффаққиятга эришиш учун вазиятдан устун бўлиш керак. Тўғри қарор учун вақт талаб этилади. 30 апрель — биз бефарқ эмасмиз!

@menbefarqemasman

#befarqemasman

Абдулла Абдуҳалилов, Ўзбекистон ногиронлар ассоциацияси раисининг ўринбосари:

— Сўнгги йилардарда Ўзбекистон Президенти, ҳукумати томонидан ногиронлиги бор шахсларнинг ҳаёт сифатини оширишга катта эътибор қаратилмоқда. Биз буни янгиланаётган Конституция мисолида ҳам кўришимиз мумкин. Эътибор беринг, амалдаги Конституциямизда "ногиронлиги бор шахс" тушунчалари умуман келтирилмаган. Таклиф қилинаётган Конституцияда ногиронлиги бор шахсларга алоҳида эътибор қаратилган. Бу мамлакатимизда яшаётган барча ногиронлиги бор шахсларда муайян бир фахр, ишонч туйғусини уйғотади, улар ўз келажагига ишонишни бошлайди. Айнан шундан келиб чиқиб, мен таклиф қилинаётган Конституцияга бефарқ эмасман.

@menbefarqemasman

#befarqemasman

Ҳамидулло Ҳабибуллаев, талаба (Фарғона вилояти):

— Ўзбекистонда ёшлар кўпчиликни ташкил этади. Ва биз ёшлар асосий ахборотни Интернет орқали оламиз. Дўстлар, яқинларимиз билан онлайн мулоқат қиламиз. Зарурат туғилса, масофадан туриб билим оламиз. Янгиланаётган Конституциямизда давлат Интернет тармоғидан фойдаланишни таъминлашни кафотлатланиши биз ёшлар учун дунё билан ҳамнафас бўлишни таъминлайди, деб ўйлайман. 30 апрель куни бўлиб ўтадиган референдумда фаол иштирок этишга чақириб қоламан.

@menbefarqemasman