#Sessiya

#Chinoz tumani

Joriy yilning 04-mart kuni oltinchi chaqiriq Xalq deputatlari Chinoz tumani Kengashining 80-sessiyasi bo‘lib o‘tdi.
Sessiya ishida xalq deputatlari Chinoz tumani Kengashi deputatlari, tuman hokimining o‘rinbosarlari, Xalq deputatlari Chinoz tumani Kengashi kotibiyati xodimlari, tumandagi tegishli bo‘lim va tashkilot rahbarlari hamda ommaviy axborot vositalari vakillari ishtirok etdilar.
Sessiyaga Xalq deputatlari tuman Kengashi deputati Farhod Ibragimov raislik qildi va olib bordi.
Sessiya ishida kun tartibiga kiritilgan quyidagi masalalar:
- Xalq deputatlari Chinoz tumani Kengashiga saylov o‘tkazuvchi tuman saylov komissiyasi tarkibiga o‘zgartirish kiritish to‘g‘risida;
- Xalq deputatlari Chinoz tumani Kengashining bo‘shab qolgan deputatlik o‘rniga saylov o‘tkazish to‘g‘risida;
- Chinoz tumanida “Temir daftar” ro‘yxatidagi ehtiyojmand oilalarni iqtisodiy-moddiy ahvoli yaxshilanganligi sababli “Temir daftar” ro‘yxatidan chiqarish, tumanda moddiy yordam va ko‘makka muhtoj, og‘ir sharoitga tushib qolgan oilalarni “Temir daftar” ro‘yxatiga kiritish hamda “Temir daftar”ga kiritilgan oilalarga bir martalik moddiy yordam to‘lash bo‘yicha mart oyi grafigini tasdiqlash to‘g‘risida va boshqa masalalar ko‘rib chiqildi.
Sessiya kun tartibidagi masalalar muhokamasida deputatlar Olimjon Dadajonov, Yigitali Ruzaliyev , Ismoil Sodiqov, Davron Teshaboyevlar so‘zga chiqib, o‘zlarining savol, taklif va fikr-mulohazalarini bildirib o‘tdilar.
Sessiya yakunida kun tartibidagi masalalar yuzasidan tegishli qarorlar qabul qilindi.


Xalq deputatlari Chinoz tumani Kengashi kotibiyati