#Xotin_qizlarni_e'zozlash_haftaligi

Yurtimizda 3-10 mart kunlari “Ayolga ehtirom ko‘rsatish-xalqimizga xos olijanob qadriyat" degan bosh g‘oyani o‘zida mujassam etgan “Xotin-qizlarni e’zozlash xaftaligi” deb e’lon qilingan.

Mazkur haftalik doirasida “Mahalla” xayriya jamoat fondi Chinoz tuman bo‘linmasi va tuman Mahalla va nuroniylarni qo‘llab-quvvatlash bo‘limi hamkorligida yoshi ulug‘, yolg‘iz yashovchi, bemor onaxonlar holidan xabar olinmoqda.

Jumladan, “Markaziy” mahallasida yashovchi 103 yoshli onaxon Mehriniso aya Usmonova, "Madaniyat" mahallasida yashovchi 103 yoshdan oshgan Nazirqul ota Bo'riboyev hamda Turg'unoy aya Bo'riboyeva, "G'ayrat" mahallasida yashovchi 100 yoshli Jannatxon aya Nartayeva, "Eshonobod" mahallasida 50 yildan ortiq birga yashagan 80 yoshdan oshgan Risolat aya va Burhon ota Boboyevalar xonadonlariga borishdi. Onaxonlarni Xalqaro xotin-qizlar kuni bilan tabriklab, “Mahalla"xayriya jamoat fondining sovg‘alari topshirildi.

Chinoz tumani hokimligi axborot xizmati.

#Chinoz_tumani
#Xotin-qizlar uchun seminar

Toshkent viloyati Chinoz tumanida “Xotin-qizlar faollarining psixologik bilimlarini shakllantirish” mavzusida seminar-trening bo‘lib o‘tdi. Ushbu seminar-treningda tumandagi mahalla fuqarolar yig‘inlarida faoliyat olib borayotgan xotin-qizlar faollari ishtirok etib, xotin-qizlar faollarining psixologik bilimlarini oshirishga qaratilgan seminar-treningni O‘zbekiston Psixologlar assosiatsiyasi a’zosi Dilrabo Polvonova olib bordi. Fuqarolar bilan ishlash jarayonida xodimlar uchun zarur bilim va  ko‘nikmalar shakllantirildi.

Seminar-treningda xotin-qizlar faollarining psixologik bilimlarini shakllantirish, fuqarolar bilan ishlash jarayoni, oilaviy ajrimlar va nizoli vaziyatlarning oldini olish, notinch oilalar bilan ishlash, ruhiy tushkunlikka tushgan shaxslarni psixologik qo‘llab-quvvatlash yuzasidan maxsus ko‘nikmalar berildi.

Seminar-trening qizg‘in bahs munozaralarga boy tarzda o‘tdi.

Chinoz tumani hokimligi axborot xizmati.

#E’TIROF
#XOTIN-QIZLAR FAOLI

O‘zbekiston kasaba uyushmalari mamlakatimizda Xotin-qizlarni har tomonlama qo‘llab–quvvatlash ularning muammolariga yechim topish maqsadida “Ayollar daftari” yuritishda ishtirok etib kelinmoqda.
Mana uch yildirki, bu yo‘nalishda namunali faoliyat ko‘rsatib kelayotgan mutaxasislarning ishlari natijadorligiga qarab ularni rag‘batlantirish maqsadida, “Eng yaxshi xotin-qizlar faoli” ko‘rik –tanlovi o‘tkazilib kelinmoqda.
Bu yil  tanlovning Respublika bosqichida ishtirok etgan Toshkent viloyati Chinoz tumani "Sutchilar" mahalla fuqarolar yig‘ini xotin-qizlar faoli Raximjonova Malika Alimovna faxrli birinchi o‘rinni egallagani uchun O‘zbekiston kasaba uyushmasining esdalik sovg‘alari hamda pul mukofoti bilan taqdirlandi.

Chinoz tumani hokimligi axborot xizmati.

#Chinoz_tumani
#Xotin-qizlar e’tiborda

Mahallalar va oilalarda ijtimoiy-ma’naviy muhit barqarorligini ta’minlash, og‘ir turmush sharoitida yashayotgan xotin-qizlarning murojaatlarini hal qilish, yordamga muhtoj, kam ta’minlangan oilalarga moddiy yordam ko‘rsatish, yoshlar va xotin-qizlarni qo‘llab-quvvatlash, ularning bandligini ta’minlash, mahallalarda jinoyatchilikni kamaytirish, sodir etiladigan jinoyatlarning oldini olish maqsadida Chinoz tumani Oila va xotin-qizlar bo‘limi tashabbusi bilan Toshkent viloyati Ayollarni reabilitatsiya qilish va moslashtirish boshqarmasi, Ichki ishlar bo‘limi bilan birgalikda psixologik yordamga muhtoj, tazyiq va zo‘ravonlikga uchragan xotin-qizlar bilan psixologik trening va sayyor qabul tashkil etildi.

Shuningdek, ushbu uchrashuvda ajralish yoqasida turgan oilalarni saqlab qolish, ularning buzilgan huquqlarini tiklash, mahallalarda jinoyatchilikka qarshi kurashish borasida ham keng ko‘lamli ishlar to‘g‘risida fikr yuritildi.

Chinoz tumani hokimligi axborot xizmati.

#Chinoz_tumani
#xotin_qizlar_bandligi

📍2024-yil 4-mart kuni xotin-qizlar bandligini taʼminlash maqsadida Chinoz tumani hokimi oʻrinbosari, Oila va xotin qizlar boʻlimi boshligʻi V. Mansurova rahbarligida tumanda Pillachilik sohasida zamonaviy texnologiyalarni joriy etish yuzasidan oʻquv seminari oʻtkazildi.

📌 Seminarda Toshkent viloyati Agropilla rahbari A. Xoshimov hamda Toshkent davlat Agrar universiteti Ipakchilik kafedrasi oʻqituvchisi O. Karimovlar tomonidan Ipak qurti urugʻlari inkubatsiyasini tashkil etishning asosiy talablari, Ipak qurti parvarishlashning optimal agrotexnik talablari, Ipak qurti kasalliklari va ularga qarshi profilaktik chora-tadbirlar, Ipakchilikda Vetnam tajribasi, tut ozuqa bazasini rivojlantirishda intensiv tutzorlar barpo etish hamda agrotexnika tadbirlarini oʻz vaqtida oʻtkazishning afzalliklari toʻgʻrisida koʻrgazmali materiallar va videoroliklar bilan batafsil maʼlumot berishdi.

Chinoz tumani hokimligi axborot xizmati.
|Telegram|Web site ||Facebook|Instagram|